居食屋「和民」 (已結業)

跟大隊嚟食晏,叫了烏冬,窩飯,燒餅,其他小食,果然無令我失望,一啲都唔好食,雖然價錢唔叫貴,但畀我自己一定唔會嚟食啦因為好多人都叫鍋燒類食物,搞到成間店又熱又焗(所以環境再扣分)

幾欣賞和民D野食水準, 做得好平均, 試過幾間唔同地點既和民都相約不大. 成3點幾先食lunch, 估唔到佢地都仲有開門, 而且無咩人, 坐得好舒服. order左:鹽燒雞中翼: 唔突出, 無咩印象牛油焗帶子: 好似焗過火, 有d靭.芝士焗年糕: 幾煙靭, 不過芝士味唔明顯.剌生併盤: 幾欣賞, 因為幾新鮮下~另外幾鐘意佢地d 和民清酒, 藍色方形樽o個隻, 一來清酒唔差, 二來個樽好靚~服務都算ok, 不過佢地d 侍應成日2個咁拍住行係度傾計.

避開多人0既時間, 專登去試下叫左:牛油焗帶子...一般,冇surprise芝士焗年糕...d芝士得好少,唔係想像中咁焗到溶哂三文魚刺身...好細件ja, 百佳果d仲好過佢牛肉湯烏冬...頭2啖都唔錯0既,愈食愈覺得唔掂, 好鬼多味精呀, 太咸了和民沙律...好好味呀,最正係呢個!

上個月同朋友一齊去食, 但真係要等好耐, 五點幾去到都要等成粒鐘先有得食, 如果肚餓就真係餓死都未有得食叫和風Pizza, 牛油焗帶子, 燒魚趐, 泡菜炒飯...都唔錯, 尤其係和風pizza, 但魚生就一般. 最後食Pancake同紅豆抹茶雪糕甜品, 個雪糕真係好正. 不過如果成日都要等咁耐就真係咪攪, 因為唔係真係咁值. (有一次星期六一點左右路過都唔少人排隊.)

去和民食過兩次飯，兩次的感覺都很好。雖然餐牌上的選擇唔算太多，但原來每季都會有唔同的特色美食，都好好味! 尤其是"和民沙律"，佢個SALAD DRESSING 調得好好味，酸酸地，好開胃，訧算是當頭盤或都是用來消滯清油膩都咁好!我第二次去的時候剛是轉了夏季特色食譜，?地有個天婦羅，真的很好味，當中的是炸魚及炸蔬菜，一都唔覺得油膩，魚仲好好味，好鮮甜同好滑!絕對值得一試! 價錢都叫OK啦，始終一分錢一分貨，$20~40蚊一碟(平均計)，所以野食都唔會多得去邊！一句話，似足日本人玩"精緻"，細細件，細細碟！服務都叫OK，但衰在要排隊先有得食，仲冇得BOOK位(好似要申請左張VISA同要有8位以上先BOOK得，仲會有最低消費)。所以好多時想同我朋友去食，但都係條人龍令到我調頭走。總論：值得一試！

尋晚去試呢間位於沙田O既和民居食屋懷住興奮心情去到拿到A97 NUMBER 由A70 開始等足足等左7個字唔係真係多人而係佢地D人做野做得好慢唔講都唔知佢地係香港人佢地好似慢動作咁仲有我因為企近門口睇到有一張TABLE 已經執拾好嫁但唔知點解要等成長個字先比我地坐叫左野食1) 池魚壽司- 好味2) 三文魚剌身- 好味3) 泡菜炒飯- okay4) 牛肉鍋- 太甜5) 炸鷄卷- okay6) 炸魚餅- okay無叫野飲但佢地居然唔叫都唔比茶我地仲要嗌左好多聲先應仲黑口黑面埋單$240.00 向大概十步距離有6個server但無人理我地　要第二個section o既人過黎如果keep on 用呢班年青人的話都幾難搵人食

昨晚特地去嘗試沙田新店。老遠就看到人頭湧湧，我是約於7時40分抵達，卻是差不多至8時50分才有位子。抱著興奮及期待的心情，叫了池魚壽司，牛油焗帶子，三色剌身，辣泡菜炒飯，墨魚薯丸及栗子芭菲。池魚壽司ok，牛油焗帶子味道頗濃亦算美味，三色剌身就不是太好了，魚生不夠肥美，辣泡菜炒飯幾香口，墨魚薯丸幾得意，不過不是太好味，栗子芭菲--這個是我認為最失敗的一項：價格是$28，味道一般，賣相一般，用輝唔夠，比POKKA差幾條街。老實說，有一點失望。事關壽司款式太少，三文魚籽﹑海謄又沒有，叫做多菜式又冇樣精的日本菜。是一試無妨，但再試就咪搞的日本料理。還有叫waiter 取清茶悖是叫了兩次才到，點了杯桃汁酒，隔離檯有飲管而我的卻沒有，服務有參差。