居食屋「和民」 (已結業)

其實都唔明呢間野咁普通, 但係都照樣好多人排隊食, 可能佢價錢平呱?? 今晚係第一次同bf 去食呢間野, 因為真係諗唔到食咩好.... 事事但但就算了!同bf 兩個人食左以下既野:1) 廣島pizza : 很脆, 味道一般, 只是有一些豬肉鋪在薄脆上, 都算ok~ 不過次次食完個喉嚨都好鬼唔舒服~2) 芝士魚肉串: 估唔到魚肉係獅子狗!!! 佢係將d 芝士醬放入個獅子狗入面, 再o係上面放一層芝子蟹子醬, 都係ok啦.... 不過佢個名應該改改囉!3) 泡菜炒飯: 都係有點呃錢, 呢個炒飯只係有芽菜、蔥同埋少少泡菜炒埋一齊, 之後o係個飯上面加隻生蛋.... 味道麻麻。4) 白汁海鮮焗年糕: 年糕焗到融哂.... 海鮮係指蝦、帶子仔兩粒、魷魚兩條....... 味道普通.....又未至於難食既....5) 和民沙律(半份): 呢個沙律都幾好食, 20蚊算係咁啦~ 雖然d 菜只係用普通既生菜.......6) 池魚壽司5件: 唔算難食又唔算好食.... quality 似吉之島的壽司, 又未去到百佳級數既。其實overall 都唔算太差, 因為佢價錢屬於平, 俾咁既quality 都好正

呢間o野真係出菜勁慢食個lunch花o左我o地over個半鐘o的o野食唔催都唔o黎餓到死都未有o野食就算其他方面做得唔錯都已經扣哂分

前日同7位同事去食午餐\,有檯都唔俾人,要人企o係度等.入到去好大陣煎炸食物味,通風做得好差(間間都係咁).侍應又漏單,叫左個豬扒定食.D豬扒無醃過而且好韌,完全咬唔開吞唔落.因為趕時間所以照食d蛋漿同炸豬扒既脆漿皮就算.埋單時同個侍應講番意見,佢\好似遊魂咁.正因為我夾硬吞左2件豬扒之後,返到公司無耐喉嚨開始勁痛, 於是打去熱線投訴,得到回覆係師傅準備豬扒時唔記得挑左d筋.呢d工序差唔多日日做架啦,咁都漏得,豈有此理!!!

食過兩次呢間，一次係lunch一次係dinner。lunch個次無咩印象啦，不過個次俾我感覺幾好，所以後尾再同一個fd黎食dinner =]點左冷麵(forget左咩冷麵啦，出到黎個樣同平時既拉麵無分別，但有冰)唔...冷麵辣辣地~d湯底都唔會太鹹或者太多味精之類，幾鍾意呢~ ^^見到fd碟飯好細碟(佢係男仔黎既，我懷疑佢夠唔夠飽...)同埋要催個waiter先拎到黎~唔...呢點倒係值得改進既整體黎講d野食好~不過如果其他方面都可以改下既話就更加好啦

In fact the food not bad but one of the waiters with very bad temper to the customers. Besides, the outside lady who is responsible to customers in also very bad. We saw inside have empty tables but don't know why she still held the tables and just let the customers to wait outside for so long, may be it is their strategy. However, I don't think it is a good strategy as a lot of customers saw that and finally decided to give up. I just think that it will give customers a very bad image and d

未夠六點黎食晚飯, 後排無人, 局晒人座前排.叫左海鮮飯,炒烏冬, 兩者味道吾錯,份量很小,食完都吾飽.叫多個棒子餃,係長條型餃子,內餡係菜肉,煎香用鐵板上,呢個反而最夠份量,沾白醋食,好好味.最吾滿意係佢地比張細到無倫二人我地, 根本無位擺食物,我地叫左個豬扒旦窩(豬扒幾!),隻鐵鍋超熱咁端上黎, 張又迫, 險些比佢燙傷,個侍應眼見無位擺食物, 都夾硬"zip"碟炒鳥冬係我前面,好過份!

六色魚生- 好薄片$88蝦天婦罹飯- d蝦唔熱0既$45 Monday lunch (日替)牛油焗帶子- 勁油，　食完有ｄ反胃($28）總結: 無下次

呢間和民同其他有咩分別? 就係人手特別小, 入面好多位走左都冇人執...食物方面, 千祁唔好叫一口豆腐, 第一次出黎入口仲係涷, 未溶雪果隻, 唔係待涼; 叫佢再加熱, 夠膽死中間啲木魚絲'燶'晒....閙! 問佢有冇搞錯, 咁都上得? 之後再做過一份!啲侍應個個都'十'下'十'下...連table no. 都未分清楚..其他有一樣都幾好食, 味增炸豬扒捲, 好好食!如果唔係三更半夜肚餓, 我都一定唔會黎呀~

可能o係晚飯時間去... 要等60幾張檯... 勁肚餓...但係入到去先發覺... 原來好多吉檯淨只係waiters唔執檯叫左個火鍋好正!! 好好味但甜左少少但係個燒雞軟骨串就真係想死雞肉好明顥燒過龍勁\"鞋\"雞軟骨就硬得離譜!!兩樣野完全唔夾!!但係其他焗飯就真係好正!但係因為有credit card既discount同有coupon所以4個大人1個細路...都係二百幾蚊