尼斯餐廳 (已結業)

平時同朋友黎都係食lunch..今日食晚飯..要左個鐵板雞扒..幾好食..d薯菜好食..湯都不錯..不過唔扺囉..五十元

有D服務生D頭到成個爛仔咁!簡直不知所為~食物就麻麻地啦!所以我以後都唔會在來@@

感覺一般，老牌餐廳一間，不覺特別，男朋友也吃不飽，招呼亦然！

20051001 8.30pm行完一日山, 本來諗住落老銅行街都唔想去. 求其響屋企樓下開飯. 同男友2人order-* 男友食乾炒牛河, 比較油. 一般.* 我要千島汁焗石斑魚柳配時蔬, 應該係全餐廳最唔肥既組合. 石斑雪藏貨式of cuz, 千島汁惹味開胃, 蔬菜新鮮. 不過最戇居係我比呢個鑊仔辣到手指, 熱過100 度, 即起小水泡>.<全部都係餐, 有餐湯要羅宋湯, OK, 蒜蓉包, OK. 有餐飲要左熱啡同熱檸茶, 不提也罷. 甜品要o左布甸同雪糕, 羅拔臣+牛奶公司貨式, 當然$50 都無咩expectation.埋單$99. 平靚正.

經常在這裡lunch. 味道幾好, 環境幾好, 價錢合理. 但有時較難搵位, 因學生有discount, 所以好多學生幫襯. 吃得舒服, 但有些座椅破爛. 其他都沒問題.試過兩次O.T.後去晚餐. 食物水準較lunch 好. 可能晚上客人較少, 廚房可以專心一點弄菜啦. 晚餐的牛排"正", 值得一試.$33 per set lunch

打完波三個人去食，d tea set由8蚊起至廿幾蚊都有，包野飲凍飲仲唔駛加錢添呀…叫左雞翼沙律、西多士同埋炸春卷，味道唔差架，最緊要係抵食麻。

今日同妹兩個人嚟食, 妹唔鍾意食西餐, 反而鍾意食茶餐廳鐵板餐, 旺角金牌就係佢心水. 叫咗一個xx豬扒($58)&鐵板牛柳($42)加田螺($15). 先嚟紅湯同蒜蓉飽, 紅湯太杰, 唔夠酸, 蒜蓉飽又熱又脆, 成塊都有蒜蓉同香草. 然後係田螺, 夠熱夠汁, 都ok. xx豬扒係豬扒夾住火腿芝士再包麵包糠炸, 芝士唔夠香, 但豬扒都ok夠淋, 但個sause就麻麻, 點茄汁仲好食, 同之前皇家太平洋酒店食梗唔同, 價錢都差好遠啦, 呢個價錢, 都ok0家啦, 有半隻蕃茄同兩舊西蘭花伴碟, 跟香蒜蛋炒飯, 個炒飯幾好食, 又唔太油. 鐵板牛柳跟薯菜, 個鐵板夠熱, 一淋汁真係"炸炸"聲, 之前0係其他地方試過鐵板唔夠熱, 真係即係扣晒分. 牛柳妹要六成熟, 嚟都就差唔多全熟, 但都夠淋, 牛味就...無乜. 中間上菜較慢, 可能始終叫呢d非set lunch掛, 成餐飯食咗個幾鐘, 一路傾吓笑吓都好快過. 甜品有布丁同啫喱任揀, 無乜特別. 餐飲要涷朱古力, 夠朱古力味唔太甜, 但唔夠奶, 所以唔夠滑. 講真份量好夠, 咁0既價錢咁0既份量同咁多選擇, 好抵丫.

下午茶超正ya...especially salad (juz $20 with beverage) 有雜果, 雞翼, 炸魚柳...super yummy~~~$ 8 多士+ 飲品(抵到爆!) ,$ 12 西多士+飲品更係super lor~~~除咗上述食物外,tea 還有焗飯/炒飯/湯粉Set dinner 都好抵食啫,四十幾五十蚊(Pork/Beef/Chicken)!!由前菜> 主菜>飲品>甜品, 包你捧住個肚走啊!! 其他各式焗/炒食物都係around $30sth-$50sth , but excellent quality!!至於服務平平吧! 裝修都有點舊,但至在地方寬敞同埋靜靜地lor!~

the food quality is just average ...not cost such price i think

今日同班fd 去銅羅灣新店度幫襯,入到去裝修都幾high,環境好舒服,服務都好親切有禮貌,食物都好衛生.我就叫左焗芝士石班飯,先黎左羅宋湯同蒜蓉包,個包好熱好味,個湯真係超正,跟住到石班飯都住好好味,仲有芒果啫哩甜品同柚子茶飲.而其他人果D餐都好夠水準,成餐飯大家都食得so happy, 仲約埋下次再黎過.

之前外賣親都係食芝士海鮮飯,肉醬意粉都係食o左一次!今次叫o左肉醬意粉同咖哩雞飯,可能肉醬意粉間間都油,所以之前唔為意,哇!! 點知! 個咖哩飯真係油爆呀!D飯係炒底, 冇薯仔有青椒??D 汁撈埋飯"令蠟蠟"! 唔辣但有咖哩味, 幾好味gei!食完之後個兜仲要有勁多油係度bor!真係唔知會唔會勁過報紙講o個碟乾炒牛河咁油呀!

我好支持為食貓的說法,我今日都有去幫襯過,叫左個午餐羅宋湯真係好味好正,又抵食環境都好舒服

尼斯餐廳我成日都去幫襯o架，我覺得D o野又好味又抵食，我飲過好多間餐廳o既羅宋湯，發覺呢間o既羅宋湯真係夠水準,夠味,夠濃,夠熱,牛扒餐又係好味道，而家佢o地係銅羅灣堅拿道西(即係鵝頸橋底油站對面)又開左一間全新裝修環境都好舒服，今日先同成班fd去試完，覺得真係好正，所以係呢度介紹俾有興趣食好o野o既人，一定要去試下。

外賣$20, 我都係覺得大家樂o既焗豬扒飯係最好味gei!ummm... 呢個唔係好差gei, 不過真係唔太好...D豬扒"鞋"口ga

I think the best dish in Nice Restaurant must be Cheese mixed with ham spaghetti...It's more delicious than many restaurant!But the bad thing is we hv to pay tips...i think they can improve this problem..