尼斯餐廳 (已結業)

真係唔講nice都唔得。呢間nice真係唔錯。同屋企人路過，隔價錢比類似既平少少，外賣只係40蚊個飯，一般套餐60至120左右，睇落應該開左幾耐，入去試下。叫左個鐵板豬扒，比我上次係旺角garden食既好好多。雖然都係咸左少少，但港式扒餐就係咁。個紅湯有誠意，個garlic bread有少少硬，應該放耐左，但味道冇問題。鐵板餐唔係你面前落汁，但都係即刻拎出黎，唔係咁好，因為會彈倒一路經過既人呢。豬扒有兩大塊配飯有少少菜，豬扒切落去唸既易切，唔算好厚但口感唔錯，好入味，有少少咬口，配埋黑椒汁少少辣，一份唔錯既港式扒餐。屋企人叫左個紅酒燴牛尾，雖然唔多鍾意個碗既設計，一邊高一邊低，但個汁都裝到滿，唔錯。個汁好夠嗜味，牛尾好唸，值得一試。

第一次諗住試下 野食正常 但侍應態度極不友善 ，第一次見侍應會鬧客人 帶眼鏡短頭髮果個女人侍應:@去食因住比佢鬧之後一班人再去食 同一個侍應又用不友善嘅語氣說話，用餐過程極不愉快 :@如果唔想做就唔好做唔好搵食客出氣 以後唔會再食！I will never dine in Nice for the rest of my life. The most awful experience I have ever had. Would never recommend it to other people.

有點事需要去西營盤辦，順便在附近搵食，看門面及望入去，呢間餐廳有較寬敞的卡位，相信坐得較舒服，就呢間吧！因早餐都未食，想食飯，看見午餐Menu內的飯類，只有牛扒飯較啱食。等了廿幾分鐘，也聽到兩，三位坐在附近的客在催單，侍應禮貌回覆，因要逐塊煎，所以...唔好意思。終於等到個飯上檯，牛扒雖不致於很出色(因有少部份好韌)，但仍可以接受的，至於個飯，煮得較爛，水份多了是吧？白湯唔好飲，紅湯還可以，杯啡冇乜啡味。成個餐最精彩的是餐前的蒜茸包(烘得幾好味)，仲有個飯後甜品啫喱(唔係個啫喱有幾好食?而是它讓我想起兒時階段，跟父親去扒房吃到的回憶味道)。總括，我對這餐廳的感覺，是一間舊式扒房，即使我已13:40後才到達，已不算”最”繁忙的時間了，但上飯超慢，食物普通過茶記，以我個人來說，見識過便夠了。

午市來到這間港式扒房，當然要試試肉眼扒。叫了一客炸帶子配肉眼扒八成熟， 可以配飯/意大利粉/薯菜，我則選了配薯菜。前菜一塊蒜蓉包，外脆內軟，熱烘烘。再來一碗羅宋湯，很多配菜加數粒牛肉粒。主角： 八成熟肉眼扒配薯菜。牛扒十分鬆軟，十分多牛肉汁，再配上洋蔥汁，十分出色。薯仔略微淋身不夠脆口。薯菜份量較少。但因肉眼扒十分出色搭夠。再加一杯凍檸茶，甜品有布甸或啫喱選擇，我選了啫喱多奶。其他港式扒房都要百多元一塊扒，這裹加一後約70元埋單，算是性價比高了。

老公介紹話這間餐廳抵食，便來試試，見佢叫「尼斯餐廳」，仲以為係關於「尼斯湖」，原來係佢中文名叫「nice restaurant 」，個名真係改得冇錯，一入到去就覺得佢d職員超nice,我個家姐去，我有左bb六個幾月，d侍應姨姨見到都叫佢「小心行呀」、「慢慢呀，小心線呀」等等，好細心呀之後我地叫左個常餐，個餐有好多野食的，上面這個就是常餐，質素就唔係話超高，始終價錢唔貴，食物合理啦，個人覺得個薄牛扒好似冇咩牛味，調味過左龍跟常餐有個通粉仲有得揀布甸或啫喱，味道似屋企自製果種，但份量較細。另外我們叫了個快餐，味道一般，意粉有點痴埋一舊。

西環這家尼斯餐廳有點懷舊的感覺，食物以西式為主，它的價格不像高級餐廳般昂貴，間中想鋸下扒但又不想光顧那些高級扒房都會來這裡。晚餐幾乎選擇任何焗飯意粉鐵板都配餐湯、餐包、甜品和飲品，非常豐富。餐湯一紅一白，配牛油蒜蓉包鐵板扒餐大大份，店員送上時還是熱辣辣的冒著蒸氣。一般的西式什扒餐都配雞扒、牛扒、豬扒、煙肉和腸仔，這裡不配雞扒而改配雞全翼和較少見的牛脷，另有薯角、翠肉瓜和蕃茄。牛扒薄切，不肥也不會太靱。豬扒煎得不錯，肉邊微脆。可惜薯角放在扒下面，都被焗淋了。瑞士海鮮焗飯其實只是白汁海鮮焗飯，配了魚柳、墨魚、青口、蟹柳、蝦等海鮮，加上白汁。個人略嫌白汁太少而且味道偏淡。甜品選了布甸和雲喱拿雪糕，味道則稍為遜色。埋單二人共 $173，雖然仍然有值得改善的地方，但以這價錢能吃到這麼多，算是抵食。

今晚老公提議到他很喜歡的尼斯餐廳，這是他由小吃到大的餐廳，店內感覺寬敞，裝修算是翻新過，但仍感受到它的傳統味道。 先來餐湯，當然是點紅湯了，湯的口感較水，但味道仍時港式的那種味，旁邊的餐包甚有誠意，是經烘過的牛油法飽，香脆可口。 老公On Diet，雞扒餐($75)走汁，不過依然好味，雞肉鬆軟，一點都不鞋口，外皮香脆。 小妹是牛魔皇，當然點了這裡的薄牛扒餐($68)啦！薄牛扒是小妹的至愛，尤其是港式的，這塊牛扒，真是要用四個好字來形容它的味美，好鬆軟、好香牛味、好多汁、好夠鑊氣！任何時候都說，那些西式煮法跟港式扒煮扒真的沒法比！ 跟餐有兩款甜品以供選擇，分別是紅豆雪糕，好香的紅豆味，連本身不太好紅豆的我也覺得不錯；芒果布甸，精粹是淡奶，與芒果味道很夾，但布甸則略甜。 每人才$77大元，名符其實的又好味，好抵食！小妹必定會再來呀！

辛苦左一個星期，RealFoodie星期五放工梗係要約下friend食飯啦，個friend住西營盤，所以近近地約系尼斯餐廳，第一次食，真系out of expectation.會揀尼斯餐廳，因為openrice好評多，價錢又經濟實惠，咪去試下囉。大概7點去到，餐廳環境好有格調，尼斯餐廳啲員工真系超級nice, 呢點一定要讚， 入到去會問你想坐卡位定平通位，唔會話有位你就坐啦，卡位一定要四個人先得，二個人你想坐卡位佢都個俾你。 叫餐又好nice, 因為有好多選擇，你揀唔落佢地會介紹俾你，就算揀得耐都唔會話你。 由入去到食完都好開心好enjoy好舒服。Realfoodie個日點左個是日推介餐，真系大件夾抵食，80蚊都唔洗有蒜蓉包，餐湯，主食，野飲(有黑牛同雪姑七友), 同甜品，真心正！

之前在西環一帶開工，老公好無聊咁走來陪我食午餐，曾經在港大讀書的他帶我到有懷舊feel的尼斯餐廳，喜歡食扒餐的我當然要食餐勁😆我和老公今次一個叫普通午餐，一個叫鐵板牛扒餐餐有餐湯和麵包，喜歡白湯的我有扒食當然開心啦！老公食呢個餐，我就覺得ok啦！我呢個西冷扒餐真係好正，重點係肉厚又軟熟，而d薯角感覺到啖啖的著仔，唔似m記果d炸到冇晒薯餐後因為冇晒布丁，所以只能吃啫喱，加淡奶真係好好食。老公話呢d抵食的鐵板餐真的舊式唔多，所以間中要帶我去食吓雖然要加一，但都唔算太貴

I live upstairs so I come here everyday for cheap'o good meal. Service is good. Food is delicious.

平時很少機會出西環，是日同網友系附近交收bb野，順便約埋系附近做野的舊同學聚一聚。系沒有目的的情况下，見到e間外形比較舊的餐廳，主打港式扒餐，見好耐無食過了，就食e間啦。我地叫左雞扒鐵板餐，配薯菜，蒜蓉汁 （$75) 。 雞扒醃得不錯，入味唔太鹹，雞肉也滑，唔鞋，最喜愛得就系雞皮煎得很香很脆，雞扒有兩件，都算大件，加埋薯條必定夠飽，甚至會食唔晒。另外叫左個D餐 （$80)，系鐵板西冷扒，五成熟，配意粉，黑椒汁。可能鐵板太熱的關係，牛扒變左有7，8成熟，對于我來說唔系全熟都可以接受。牛肉都ok好味，有牛味，也淋身，沒有太多鬆肉粉的味道，黑椒汁很香帶辣也很惹味，配埋一大抽意粉，很豐富，食完必定很飽！跟（所有）餐還有餐湯，餐包，餐飲，甜品（朱古力雪糕）。另外加 $34 叫左法式焗田螺，因爲好耐無食過了。味道ok正常有點鹹。今時今日系香港食個普通快餐都要五,六十蚊，港式扒餐買少見少，e度雖然有加一，我覺得算很抵食！

今日就同朋友去尼斯到食dinner，我就叫左個三文魚既意粉，佢d三文魚都幾多下，但係意粉就略為乾左。個白湯就好普通，不過都好大碗。杯凍檸茶就覺得可以甜番D，佢甜味唔夠，茶就有少少苦，檸檬味都唔夠。最後就係布丁，應該係超市用粉整個d黎既，都唔會太甜既，還可以。

男朋友說自己在這裏由細食到, 吃足廿幾年, 讚這裏大份抵食, 嘩 好有幸可以一試!餐跟羅宋湯配蒜茸包羅宋湯好多料, 有菜有牛肉. 蒜茸包只是沾湯來吃都還算可以我在主餐牌 (忘了拍照) 點了個烤春雞好大隻好多肉, 醬汁有點像bbq豬仔骨那種甜甜的bbq燒醬, 好香口又開胃不過雞肉瘦的位置烤得乾了一點, 其他部分則仍嫩滑. 等了好久, 新鮮出爐好夠熱.男友點了芝士脆粟燒雞扒雞扒好嫩滑, 芝士焗過的, 正. 配上好多配菜. 不過醬汁麻麻跟餐送甜品, 細細一球雪糕, 今天的口味是 cookies & cream, 好夠凍, 好味! (男友說這裏的布甸好好食, 難怪我都見到好多人客有點布甸. 另外還可選擇啫喱)補錢可配 紅棗茶, 算挺多的紅棗碎, 又不會太多假糖的甜味, 滋補又好飲.真的没有讚錯, 好飽好抵吃!

一間門口有一種舊式西餐廳風格的餐廳，當年練波或打波後，也會間中來坐坐，今天順路經過，就睇睇有無改變。紅湯加蒜蓉包 紅湯比較辣，不嗜辣的人就不要選擇，蕃茄味偏淡，算是不過不失。蒜蓉包外脆內軟，熱辣辣的面包，想不好食也難。肉醬意粉十分普通的肉醬意粉，欠缺肉香，但份量不少。牛柳也未免太細件了吧，份量太少，肉質本身帶有不少筋，牛味卻濃郁，味道是不錯，不過性價比低。甜品--啫喱開心心，羅拔臣XDDDDD。餐廳環境就是普通餐廳格局，不過人不多，不會有崔趕的感覺，再加上多年來的感情，還是三不五時來回味一下，還好價錢仍在可以接受階段。總結評分味道:6/10 價錢:6/10 (70)環境:6/10服務:6/10

西環。。其實係西營盤 ？anyway，今日行完山，家姐話要我地來食牛排餐，說比元朗佳記更抵食啊，又平又大份，當然遠道而來要試一試！走在西環街頭，一條斜路上，經過一間又一間的店家，終於來到了尼斯餐廳！一見到個名。。“n。i。c。e“？ 所以叫尼斯餐廳？我地4個人，下午4－5點既時候入去，得2－3台人。反而靜靜地，坐得舒服。li個時間係有下午茶餐既，但一場來到，梗係想試下鐵板牛排餐啦。原來晚餐價格比較優惠，大概8x－9x，可惜這個時間要付正價啊。我們叫了一個鐵板牛柳，配意粉，（另可選飯，薯菜），跟餐有包，餐湯飲品，甜品。餐廳轉凍飲唔加錢，但要加一，我地加左hk＄ 10 轉雪榚紅豆冰。仲要一個西多士餐 hk＄ 22（下午茶餐），鮮茄焗豬排飯hk＄33（下午茶餐），常餐hk＄ 68牛柳要6成熟，又真係比到啊，用鐵板上，待應細心叫我地先打開紙巾遮住。香嘖嘖的牛柳加上黑椒汁，非常吸引，唔似其他餐廳，佢只係有粟米同蕃茄做配菜，但自己1個人食的話好夠架啦！切開牛柳，看看紅紅的肉，流出血汁，很好食，肉質鬆軟。意粉吸收鐵板上的醬汁，非常惹味！但食完所有，真有d咸，所以唔好要晒所有汁。但個餐湯係羅宋湯，唔知