就是偏偏喜歡你 (已搬遷) 新店位置

環境靚，地方整潔，咸點甜點都好食😋職員服務好好，超nice,仲幫我哋影左好多靚相，慶祝生日very good,去過好多間cafe都係睇相靚，食物唔洗講，難食到唔想食，呢間真係岀乎意料之外🫶🏻🫶🏻🫶🏻

近期大熱浪漫花海餐廳就是偏偏喜歡你，整間餐廳都被紅粉菲菲嘅花朵包圍，呢度有好多特色打卡位見到唔少女仔不停影相打卡🤣明太子炸雞翼 $68去咗骨嘅雞翼包住大量香辣明太子再落油炸，香辣惹味😊作為前菜非常開胃煙三文魚炒蛋黑炭漢堡 $158炒蛋嘅特別之處係廚師只用左蛋白部份，炒蛋口感綿滑，因為冇蛋黃嘅關係食落好light，黑炭漢堡焗到好脆同滑蛋嘅口感成對比，令口感層次上更豐富。煙三文魚同秘制醬汁更是為漢堡錦上添花💖😋仲有新鮮沙律菜同埋芝士墨西哥脆片👍🏻卡邦尼意粉 $158除咗煙肉之外另外加咗炸到好香脆嘅煙肉粒。卡邦尼意粉嘅醬汁奶油味香濃，意大利粉口感彈牙烹調時間剛剛好。傾左兩句了解之下先知道原來餐廳老闆除咗煮嘢食非常拿手之外仲好有愛心，推動社會共融為弱勢社群提供就業支援，人美心善值得支持！

又係一間靚到嘩嘩聲嘅餐廳！你們一開，已經一大塊用草堆城嘅牆，寫住餐廳名，再打開門口，周圍都擺了很多粉紅色的佈置和花朵，更有兩張圓枱，好似喺個鳥籠度進餐。女仔去到，一定會瘋狂打卡，所以好啱一班閨蜜，或為女同事慶生。服務員亦很熱情招待，教我們怎樣擺pose什麼角度影和幫我們影相。本身上來都以為只係打打卡，點知食物質素非常有驚喜，廚師很用心製作。叫了兩個午餐，跟南瓜湯，南瓜是親手打磨的，每啖都食到濃濃南瓜香。主食是菠蘿照燒汁雞扒漢堡，擺盤好有心機，包面上面放上一些花瓣，漢堡包配上一些沙律，色彩很鮮艷。朝燒汁龍龍甜甜的，用菠蘿去中和左油膩感，很合適的配搭。漢堡包皮外脆內軟，用多一次，卜卜聲，已經知道這個漢堡包，10分好食。另外的大蝦米粒飯同樣內外兼備，都是用花瓣來擺盤。意粉最高放了一隻大蝦，整碟飯中有不少的帶子和蝦粒，用料豐富。大蝦爽口鮮甜，不是下價貨。整體來說，這一間餐廳真是顛覆了我對打卡餐廳的印象，唔單止用心裝修，對食物要求同樣有質素，非常建議一班閨蜜來！

位於銅鑼灣嘅呢間花花Cafe又換咗背景勒🌸每期都會有唔同嘅花花🌸🌸好靚呀😍上次食過覺得佢嘅ʜɪɢʜ тєα ѕєт幾高質，今次再約朋友嚟食😋🌸🌸тєα ѕєт 有三層最上層有兩款唔同味道嘅macaron、士多啤梨cheese cake同檸檬撻———中層係芝士菠菜酥、魚子醬龍蝦沙律撻、彩虹素菜米紙卷（配日本胡麻汁）———最底層有煙三文魚多土、人形紅莓鬆餅、心形英式朱古力碎鬆餅（配黑桑子草莓醬）———中層嘅鹹點三款我都好鍾意，芝士菠菜酥好酥脆，魚子醬龍蝦沙律撻，龍蝦肉好彈牙，啖啖肉，撻底夠脆身，彩虹素菜米紙卷點上胡麻汁，好夾好好味😋朋友就最鍾意❤️煙三文魚多土同鬆餅，多士整得香脆，再配上煙三文魚好惹味，鬆餅鬆脆可口我同朋友都揀咗英式紅茶☕️個杯好靚，打卡一流，成個ѕєт真係好睇又好食😋同埋店員非常有禮同主動😙

今晚去咗一間朋友介紹嘅拍拖打卡勝地，餐廳名好特別，叫「就是偏偏喜歡你」，非常有情調。餐廳周圍都係花，仲有好多打卡靚位，可以拎住好多可愛嘅公仔影相。兩個人叫咗個「偏偏喜歡你二人套餐」，份量都幾多。南瓜湯南瓜湯香味撲鼻，口感幼滑軟綿，其黃金色的賣相更令人倍感開胃。拿破崙蕃茄海蝦意粉冇諗過一個平平無奇嘅意粉都可以煮得咁好味！首先，鮮蝦的蝦肉爽口彈牙，伴碟的小蕃茄鮮甜多汁，而其拿破崙汁甜甜酸酸，非常醒胃！碟上加有食用的鮮花，賣相相當吸引！慢煮豬肋骨豬肋骨十分厚肉，但其軟腍嘅程度只係輕輕用刀就能切開，肉質非常軟腍！豬肋骨加埋燒烤醬，吃起來十分惹味。小熊粒粒草莓牛奶飲品上面嘅啤啤熊非常可愛，用來打卡一流！牛奶香滑，草莓味香濃，仲食到粒粒嘅士多啤梨肉，性價比高。金金菠蘿熱情果梳打熱情果的果味十分濃郁，菠蘿同熱情果相當配搭，兩者都是酸甜開胃的熱帶水果，氣味特別芳香呢！

《就是偏偏喜歡你 - 銅鑼灣》去cafe 食野好正常丫🤭但當你媽咪同你講話想去間全粉紅色好勁少女心既cafe你又點睇😂上星期五放假，我同媽咪去左行街睇衫順便食下tea，今次係佢帶我黎的😂一上到去就比佢既裝修surprise 到，成個cafe都好pinku pinku好fantasy，打卡位好多🤭個人覺得適合同朋友黎多啲😌不過唔好話，呢間Cafe嘅嘢食其實都做得唔錯，Lunch set相對較抵食，每個套餐都附送餐湯，個南瓜湯仲要係超級好飲👍🏻絕對唔hea場💁🏻‍♀️ 6鮮大蝦龍蝦汁米意粉 $188以前喺意大利食過米意粉，好多人以為佢係Risotto 🤓其實無論質感上同埋類型都完全係兩樣嘢，米意粉食落彈牙有口感啲，一粒粒既狀態比起普通意粉更掛汁更入味😋龍蝦汁好香濃無苦澀味，而大蝦食落都係爽口彈牙，成個菜式既presentation 又靚又好味💁🏻‍♀️菠蘿照燒雞黑漢堡 $138我就叫左呢個望落好型格既黑漢堡，個皮應該係用左墨魚汁或黑炭製作，食落其實味道無咩特別，不過個包整得幾靚既，個菠蘿同雞食落味道好夾，入面有啲酸酸甜甜既醬汁，一齊食個味又幾合拍，旁邊個沙津食落都好新鮮👍🏻💁🏻‍♀️草莓香蕉奶昔

一直都好喜歡店名今次特登同男朋友黎打卡一出lift已經見到用花花襯托嘅招牌入到餐廳望到大大幅花牆同鳥籠打卡位真係少女心大爆發！店長招呼我地坐低後向我地介紹左店內打卡位亦歡迎我地離座去打卡店內備有鮮花同皇冠個個都可以做一日公主👸🏻餐廳用QR code下單方便客人同時都方便員工原來餐廳聘用共融人士簡化下單都可以幫忙佢地專注備餐同其他服務睇完餐牌發現餐廳另有素食選擇兼顧到不同人士嘅需要👍我地揀左卡邦尼煙肉意粉同煙三文魚炒蛋黑炭漢堡出品同樣滿足少女心用上可食用花添色所以食物都五彩繽紛超靚靚～🌸除左賣相食物味道都好好卡邦尼煙肉意粉醬汁香濃煙肉香脆所以好有口感意粉質感都唔錯，唔會太淋煙三文魚炒蛋黑炭漢堡嫩滑炒蛋配鹹香煙三文魚簡單美味伴碟仲有沙律菜比薯條薯角等等更健康👍小熊粒粒草莓牛奶可愛嘅粉紅小熊睇得又食得草莓牛奶鮮甜溶冰後味道都無變淡不錯哦～喜歡鮮花同美食嘅美美們記得一定要黎打卡呀！

我同姊妹來到銅鑼灣覓食，姊妹推介之下來到人氣的粉紅花花森林餐廳「就是偏偏喜歡你」，無論在食物款式、質素及環境各方面很有特色。整間餐廳裝飾佈滿粉紅花花，七彩繽紛的花藝擺設，一大片花海包圍著，粉色電話亭，特色鳥籠座位，特色的人名花牆，充滿夢幻少女風，多個打卡位，即時想進入去餐廳。老闆娘服務親切，仲很好人，還致力推動多元共融，值得去支持一下。預訂的下午茶套餐，食物好精緻，二人份量的三層架，包括九款特色鹹點，每款兩件，配兩杯飲品，可以揀英式紅茶或橙汁或檸檬茶或檸檬水，共有四款茶可選擇，亦可支付差額轉特式飲品。英式花花三層架下午茶 - 全鹹點 (共有九款 特色食物 每款兩件) :頂層:黑松露蛋沙律三文治牛油果醬海蝦撻三文魚奶油乳酪卷第二層:芝士菠菜酥魚子醬龍蝦沙律撻彩虹素菜米紙卷(配日本胡麻汁) 第三層:鮮果巴馬火腿多士人形紅莓鬆餅心形英式朱古力碎鬆餅(配黑桑子草莓醬) 頂層最愛煙三文魚奶油乳酪卷，三文魚新鮮，入面的乳酪卷肉質嫰滑，配上香味的奶油，滋味無比。第二層當中最愛魚子醬龍蝦沙律撻及彩虹米紙卷，魚子醬龍蝦沙律撻十分矜貴，外脆內柔，充滿龍蝦的鮮味，吃得滿足。美麗的彩虹米紙卷，米紙卷入面是爽口

今日食乜好？ Say, I love you. 冇啦啦表白😳？？？ 錯啦，呢個係餐廳名-就是偏偏喜歡你 ！不仿試下約心儀既人黎呢到食飯啦🙈同同事黎食晏，一人嗌左個Lunch share黎食，跟餐配左南瓜湯，質地順滑，又濃郁😋♥ 香辣南美海蝦🦐意粉 $168一上枱已經到香噴嚇，新鮮既海蝦彈牙又爽口，再配上香濃既蕃茄醬，醬汁又帶辣辣地，相當惹味。而意粉亦掛汁淡意粉都好濃郁，軟硬度又岩岩好（我唔鐘意太淋身），份量亦都唔少，食到好飽♥ 芝士菠菜忌廉意粉 🍝 $158另外，揀親芝士實冇錯，旁邊仲有片片芝士碎加上芝士鹹香好正，意粉彈牙醬汁濃郁，新鮮既菠菜同融化既芝士係好夾， 配料除咗菠菜仲有粟米粒增添口感，我真係食完一啖又一啖♥ 旺旺桃花玫瑰花蜜茶 $68跟餐可以-$10，個杯同茶壺一樣甘靚😍淡淡玫瑰花香🌹好清新嘅感覺，食完意粉可以消膩♡ 餐廳佈滿花花，完全好似置身於花花世界咁， 老闆娘亦好好主動幫我同朋友打個靚卡🥰值得宣傳一下，餐廳主要理念為社區共融，佢地亦為聾啞人士提供工作機會， 好值得去支持一下❤️

香港樓上cafe非常之多，咩主題都有，平日都會食唔少，今晚食一食位於銅鑼灣耀華街3號百樂中心16樓1602-1603號舖嘅「就是偏偏喜歡你」，竟然都仲極有驚喜！一入門口過左收銀處，一片粉紅少女系花海映入眼廉，360度無死角打卡美景，老婆同我即時心情靚晒啦！1. 鮮大蝦龍蝦汁米意粉：大大隻蝦喺面頭都唔夠，米意粉入面仲有好多隻大蝦，汁醬係呢度拿手戲，濃香味美，回味無窮2. 煙三文魚炒蛋黑炭漢堡：足料！大大份嘅錦滑炒蛋攤喺外脆內軟嘅黑炭漢堡上，加埋頂頭嘅煙三文魚同秘制醬汁提鮮，一級棒3. 小熊粒粒草莓牛奶：冰製粉紅色小熊安靜地喺草莓牛奶池入面浸浴，即時relax晒。必飲推介！打卡推介！除左環境好，食物正，服務周到之外，cafe仲係少有嘅共融餐廳，講究社會責任。人美心善，誠意推薦！

偏偏喜歡你💕嘅裝潢，花花世界🌼🍀🌸，色彩鮮艷，令人開心。😉約了友人午膳，她最喜歡去一啲有主題嘅餐廳，呢間食店啱晒佢，打卡一流。📸香辣南美海蝦🦐意粉賣相火辣辣，感覺有勁力。醬汁辣度剛好，意粉掛汁，十分惹味。海蝦爽脆，份量不少。南瓜🎃湯質感順滑，濃厚又甜美😋食用花嘅裝飾，多了一份高雅。金金菠蘿🍍熱情果梳打🍹最近天氣潮濕，呢款飲品清涼透心，清香味道，解鬱解悶👍，粒粒菠蘿茸，增添口感。

而家食飯除咗睇食物質素同選擇外，如果餐廳有得打卡影靚相📸都會加分不少😻😻呢間係銅鑼灣嘅樓上cafe @sayiloveyouhk 就係一個好選擇👍🏻成間餐廳每個角落，360度都係打卡位，有兩個好夢幻鳥籠座位、唔同style花花🌸🌼💐牆、粉色電話亭，仲有公仔、皇冠等拍照道具，同女仔慶生一流🎂老闆娘好nice好細心地為我同朋友影相🥰仲好有心地推廣共融理念，為弱勢社群提供工作機會，一定要支持🫶🏻🫶🏻芝士雞軟骨幾大份😝可以慢慢食。雞軟骨香脆，係有啖啖肉包住軟骨嘅版本。芝士醬令味道更香濃😙😙鮮大蝦龍蝦汁米意粉米意粉口感幾得意😛龍蝦汁酸酸甜甜帶香濃海鮮鮮味😋大蝦份量幾多，而且好爽口。黑松露野菌湯幾香幾creamy，入面仲有唔少菇粒🍄小熊菠蘿荔枝牛奶超可愛哪造型😻😻熊仔冰浮係面，好似浸溫泉咁😆飲落除咗奶嘅creamy之外仲有菠蘿果肉嘅口感，一啲都唔甜膩👍🏻另外仲有粉紅色士多啤梨version🍓熱檸水人均消費：$200推介指數（10分為滿分）：8.5分

餐廳裡裡外外充滿著七彩繽紛的花藝擺設，每一個角落都可以讓客人無限打卡📷🌟心花怒放🌸不單止有外在美，餐廳多元共融理念都值得令人尊敬，希望為弱勢社群提供公平的機會發展所長❤️💖💛💜💚💙🐟香草忌廉煙三文魚意粉 $168連煙三文魚都卷成花花上碟🌸意粉軟硬適中，忌廉掛汁，除左三文魚花之外，意粉中還有熟三文魚小片和小蘆筍，口感很好，濃郁中帶點清新❤️🍍菠蘿照燒雞黑漢堡 $148漢堡比想像中大個，配菜有沙律菜和粟米片，漢堡上的照燒雞扒雞肉嫩滑，醬汁不會過咸，最特別的是菠蘿有微微燒過，令表面有輕微焦糖化，甜甜咸咸的味道十分開胃😋🐥芝士雞軟骨 $68雞軟骨份量很多，口感十分酥脆，炸粉外皮佈滿芝士粉和芝士醬，新鮮熱辣好香口😍🍓小熊粒粒草莓牛奶 $68招牌飲品不得不點🐻可愛程度爆燈🌟酸酸甜甜屬正常草莓飲品味道，一邊飲一邊看著小熊慢慢溶化，實在太可愛😍

悠閑日子 去左銅鑼灣間特色餐廳 「就是偏偏喜歡你」打卡 嘆下午茶三層式既Tea Set , 鹹甜適中，正好適合我們既少女胃。味道和設計廚師都精心為我們打造，10個讚。特色飲品更加出色，不妨一試。喜歡打卡嘅人士，極力推介。服務態度友善，令人感覺舒適。

我和朋友最近來到了一家叫做「就是偏偏喜歡你Say I love you」的餐廳，這是一個讓人感到非常溫馨且浪漫的地方。不僅如此，這裡的食物質素也非常高，每一道菜都讓人驚艷不已。首先，我們注目的是食物的賣相美觀，每一道菜都經過了精心的裝飾，彷彿藝術品一樣。不僅如此，每一道菜的口感都非常的好，口感豐富，味道鮮美，讓人回味無窮。其次，餐廳的環境也非常的舒適，裝修得非常精美，讓人感到非常的放松和愉悅。餐廳的氛圍非常的浪漫，非常適合情侶們來到這裡共度美好的時光。總的來說，這家餐廳真的是非常值得推薦的，無論是食物質素、餐廳環境還是食物賣相美觀，都是非常優秀的。如果你正在尋找一個浪漫的地方，或者想要品嚐美味的食物，那麼「就是偏偏喜歡你Say I love you」絕對是一個不錯的選擇。