尚賓樓 (已結業)

朋友生日,黎左任食打邊爐.唔太近mtr, 都要行1段路...唔太方便呢''去到都好多人打邊爐.可能星期6又凍啦..我地8個人.手先去到就出去拎d炸物熟食食.有炸曼頭,雲吞等等,,,都唔錯ga... 但refill唔夠快囉.出左去幾輪都見到得返d碟........仲未有新reilll野...跟住打邊爐先.叫左好多野呀.肥牛呀,丸呀,蝦呀.....丸係個d手打, 唔係圓圓滑滑個重...但唔太好味.魚蛋係鯪魚肉.自己唔鍾意食-_-豬肉丸都有d怪.....肥牛同鮮牛我就覺得唔錯. 叫左6碟!食到濟哂: p食到咁上下,我地發現落左d 羊肉落去.搞到個煲好羶......我地就叫人換啦..點知個經理1埋到黎.就好似審我地咁.'點介換? 我問你地點介要換? 咩事?'嘩.你唔換咪算囉.唔洗咁審呀...跟住佢都係有換俾我地.但佢仲要恐嚇我地: 啦.我認住你地呀下.下次再換我會收你地$20'車.下次下次..我下次先唔再黎呀.跟住換左就再食.今晚好lucky, 有片皮鴨食! 同d fd出去排.但1人只可以拎1片....-3-但我覺得d亞姐係唔識切....正常個d應該係1片有皮有肉..我同個fd個片就無肉..得

尋日第一次去試完呢度既打邊爐, 非常失望, d食物好雪藏味, 送到黎果時碟野好唔衛生, d人行黎行去果時又整到我地放餸個盤。因為坐近放炸物果度, 見到d人就咁用手拎黎食...超唔衛生...見到都唔敢拎黎食, 仲有果d雪糕, 都唔知放左幾耐...又搞到我唔敢食 成餐都好似冇食過野咁, 只係想快快食完走人, 要食打邊爐千祈唔好去呢度, 除非去食餸就ok好食。

又是我...星期六下午又來嘆茶,不是特別喜愛這裡,只是喜歡飲茶,只是附近選擇不多又可以坐電視位,好舒服,不過地方有點污糟,座位下全是垃圾...講講食物....我食來食去都是那些...沒什新意1)煎蝦米腸--因為上次食過覺得不錯所以再encore,今次失準了,而且奉上的醬,麻醬不似姿醬,甜醬不似甜醬,腸粉皮亦厚2)腐皮卷--好香口好脆,蝦也大大隻,幾新鮮3)炸沙律什果卷--上次叫了沙律海鮮卷,原來走漏眼,這裡是有什果卷的,不同的是以春卷皮包什果來炸,比起海鮮卷的炸麵包糠外皮好多了,炸得好脆,食落口"卜卜"聲...什果又夠多,不會太酸4)雙色水晶包--最失敗...2個奶黃味,2個綠色的,綠茶不似綠茶味,口味仍成疑問 奶黃味帶點咸...另外的綠色一味只有甜字5)燒鵝飯--見抵吃所以叫...想不到又幾好味,燒鵝幾多肉,而且皮脆,賣相好好,只嫌略肥...大大碗飯,食到你飽一飽埋單$98...尚記得上次over $120, 也是相約數量的點心,為何忽然便宜那麼多

其實就o係度飲過兩次茶同打過邊爐，d野食係就係好食。不過呢最大問題係ｄ人唔夠，佢地好似唔得閒招呼你咁，加上經常漏單同埋ｄ野ｏ黎得好慢好慢好慢。今次老媽叫我ｏ黎飲茶，叫ｏ左７碟野。鳳爪x2-ok排骨x1-ok小籠包x1-好味奶皇包x1-好味粉果x1-ok牛肉丸x1-大大粒，好味最好食都係小籠包當然d人依然係漏單同用好差態度咁對你所以係冇得比笑樣-_-

又是每星期日的下午茶因為將廣的晶苑不太好吃,苦無選擇下,就去這裡,以前只吃過火鍋,飲下午茶倒是第一次因為已經3時多了,所以即使兩個人也安排了坐卡位,獨立電視, 疏化座,很舒適幾肚餓...叫了:1)鳳爪---都幾"霉",味道okay2)炸魷魚鬚---未入口,用肉眼已知個粉漿好厚...入口...好淋,條魷魚好唔彈牙3)沙律海鮮卷---個外皮可以,入面有大大隻蝦,不過加了我最討厭的西芹,即時減分4)煎蝦米腸---賣相好像被影印機壓完一樣,像3張紙黏在一起的腸粉,不過味道又不錯,外層煎得有點脆,好香口5)炸豆沙餅--個炸皮是淋的,豆沙餡也可以,不會太甜6)香茅雞翼檬粉---雞翼被湯浸到淋了...雞皮入口有糊口的感覺...個湯底一般,粉也可以整體食物不算理想,不過招呼和環境是可以的,將軍澳飲茶..看來...沒什麼選擇了

味道：1. 冷鮮食品，味道普通。環境：1. 四周裝修豪華，而且是我看過的最好的酒店。2. 男廁種了棵大大的黃金葛，特別。3. 男廁很大，而且都十分清楚。服務：1. 傳菜快抵食：1. 任飲任食，十分抵食，叫十碟牛肉都冇問題。

今晚娘親大人因為有一張二至五人送半隻雞coupon而指定嚟呢度食飯，裝修喺屋邨商場嚟講算係頂級架啦，每個卡位都有薄電視，一入到原先比張五人枱我哋，但個經理見我同細妹牛咁眼望住個卡位，即刻主動同我哋提議換卡位比我哋，唔錯!!入座後，咁我哋點菜啦，阿經理又提醒我哋使唔使等埋齊人先上菜(娘親大人竹戰未歸)，因為佢哋上菜只須五分鐘，夠窩心；到娘親凱旋歸來，即刻嗌起菜，真係五分鍾內到喎，啲嘢係熱架。重有，佢送果半隻雞都唔差架。順帶一提，我哋叫咗個揚州炒飯，因為menu上面係無架，咁阿姐話唔知幾多錢，大概52蚊度啦，跟住食到一半，阿姐又主動同我哋講番只係$45蚊，夠老實。講真，呢間嘢食物質素普通啦，唔難食囉，但啲阿姐全程密密refill茶同埋問親嘢都好好聲氣，足以叫我下次再同屋企人再嚟；始終，食物質素固然重要，但服務都一樣重要。

今晚媽突然提出想打邊爐，於是又到了尚賓樓，這裡的任食任飲火窩仍然保持水準，除了火窩外，還有大量炸物、中式小菜、碗仔翅任食，甜品也有雪榚提供，加一後每位約九十元，算是抵食!調味料齊全，火窩材枓選擇頗多，全程沒有漏單，傳菜速度快，雖然食物質素有改進空間，特別是肥牛，太肥了，亦沒有入口即溶之感，但還可接受坐左卡位上一邊打邊爐，一邊睇獨立的 lcd 電視，感覺真好期間，聽到傳菜阿姐一直比普通侍仔無理地破口大罵，唉~ 慨嘆搵食艱難，五十步笑一百步

母親節，唔想迫人又要孝敬媽媽大人，所以一早起身陪佢飲早茶尚賓樓新開張時我曾光顧夜市任食火鍋，印象不錯，食物有品質，環境超好(每個卡位都有迷你電視，裝修以屋村商場計更是頂級)，於是今早就上了尚賓樓一試早茶...一入去酒樓，同部長講兩位唔該，佢竟然亂指一通，最後都係要我地自己搵位搭臺，真係估唔到一間咁靚咁大既酒樓 d 服務竟然如此坎坷 點了蝦腸(特)、皮蛋牛肉粥(大)、鮮蝦豆苗餃(大)、炸煎堆(中)、潮州粉菓(小)，連兩位茶錢埋單 $86，早茶價錢還算可以，但等了廿分鐘才有蒸點心，粥品更加白白等了四十分鐘 食物質素更加不敢恭維，貴為特點的蝦腸，皮厚蝦細，完全係慳皮之作。皮蛋牛肉粥杰得像 b b 食的糊仔一樣，毫無味道，極其清淡。較好的是鮮蝦豆苗餃及炸煎堆，賣相及味道也幫這裡勉回不少分數又一間金玉其外的酒樓

尚賓樓價錢合宜，裝修華麗。原是一條件成為一所區內優秀的食俯。可惜，食物的質素教人側目。尤記得上次所點的叉燒瀨一上檯，已傳出令人窒息的奇異腥味。事後我們要求更換叉燒瀨為叉燒米粉。原以為先前的瀨粉只屬個別事件，值得原諒。可是，換來的竟然是一碗帶著同樣散發著難聞的魚腥味。究竟是甚麼回事？部長向我們解釋，是在湯低加上了魚露，並且得意洋洋地說到是：「益左您」。原來您們的魚露是這樣的氣味！我們面對這種厚顏無恥地服務，只能一面無奈地把米粉擱在一旁。要知道，損失金錢事少，吃壞肚皮事大！而且令我們不得不作出浪費食物的行為，已令我下決心不再光顧他們的味部，以積點陰德。

有朋友籨外國歸來，設宴尚賓樓。其實一行7 人，有兩個更是小朋友，要了燒雞、椒鹽花枝片、南瓜肉排煲、豆豉鯪魚油麥菜和荷芹炒肉片，味道普普通通，最好味係油麥菜，可能因為啲豆豉鯪魚好宲，令到啲菜非常惹味，其他不過不失，冇乜特別，椒鹽花枝片啲粉略嫌過厚，，是酥炸並不是椒鹽。飯後送的芝麻糊和紅豆沙，前著開粉是意料中事，後者甜適中，上枱時熱辣辣，還有少少起沙卻是意料之外。

一行16人, 浩浩蕩蕩的到這裡晚膳. 點了一圍12位用的set 和散點了數個熱葷. 餸菜份量頗大, 味道不過不失. 但服務嘛嘛. 訂位時要求16位枱, 答應有的. 我們來晚了, 侍應說, 枱已給了別的客人. 這沒問題. 但以在場所見, 根本沒有枱可容得下16人.

這間酒樓大裝修後改名為"尚賓樓", 其裝修在屋村酒樓算是十分豪華, 去過幾次, 分別都是飲午市茶, 食物尚可, 可惜上菜極慢, 如果食到一半先叫菜個菜起碼等半小時先黎, 而且服務極差, 食完的碟疊到成層樓咁高都冇人收, 冇人fill水, 叫d侍應取消兩個麵(因等得太耐), 竟然a侍應叫b侍應做, 但b侍應唔肯, 跟住兩個人係到鬧交, 鬧完走左去, 完全沒理會過客人, 唔知想點?! 再叫c侍應跟, 即刻入廚房, 之後只係拎左一碗來, 叫c侍應取消左另一碗, 就係到ee哦哦, 跟住就鬧交, 飲茶飲到咁激氣都係第一次, 上菜慢都算, d員工真係廢到爆, 叫人fill下水個個黑口黑面好唔願意, 以後都唔會再去, 極差!!!