尚茶IN喇沙 (葵涌)

今日去左staycation 🏨🤟🏽，係酒店餐廳食吾飽就去光輝圍搵宵夜，發現德昌大廈有間主打星馬泰菜的小店，同時又售賣茶飲，有奶茶、鮮奶、純茶、水果🍉等系列，店面光猛明亮好吸引眼球👀。望望餐牌，主打星馬泰菜式，幾乎樣樣都想試，有越南🇻🇳撈檬、泰國🇹🇭豬頸肉、新加坡🇸🇬肉骨茶等等。雞中翼撈檬：雞翼炸至金黃色，脹卜卜，帶點香茅味，肉質嫩滑，調味帶咸。食撈檬配料好緊要，香炸洋蔥圈、蒜蓉片提升香味，花生碎吊味，爽脆青瓜絲蘿蔔絲增加口感，加埋酸酸辣辣特色魚露，夏天食好消暑。咖哩豬扒飯：咖喱汁另上，椰漿味濃郁，味道略嫌過咸。豬扒厚切，炸得剛剛好，咬落吾會太韌，配埋咖喱同飯食得過癮。香酥多春魚：薄薄粉漿，每條多春魚都炸到卜卜脆，已經蘸上適量淮鹽，香氣十足，好細心咁用生菜🥬放底吸油，蘸埋沙律醬一流，魚春仲好軟糯，油脂好香。香芋鮮奶：啖啖芋頭蓉，同奶脂豐富鮮奶完美融合，成杯呈紫色好IGable 😆芋頭好香有顆粒感。益力多芝芝冰：整杯都係益力多味，加埋芝士，出奇地夾，飲得好爽，濃郁益生菌🤣總結：德昌大廈正宗星馬泰菜🤟🏽大推撈檬系列

今日去左staycation 🏨🤟🏽，係酒店餐廳食吾飽就去光輝圍搵宵夜，發現德昌大廈有間主打星馬泰菜的小店，同時又售賣茶飲，有奶茶、鮮奶、純茶、水果🍉等系列，店面光猛明亮好吸引眼球👀。

望望餐牌，主打星馬泰菜式，幾乎樣樣都想試，有越南🇻🇳撈檬、泰國🇹🇭豬頸肉、新加坡🇸🇬肉骨茶等等。

雞中翼撈檬：雞翼炸至金黃色，脹卜卜，帶點香茅味，肉質嫩滑，調味帶咸。食撈檬配料好緊要，香炸洋蔥圈、蒜蓉片提升香味，花生碎吊味，爽脆青瓜絲蘿蔔絲增加口感，加埋酸酸辣辣特色魚露，夏天食好消暑。

咖哩豬扒飯：咖喱汁另上，椰漿味濃郁，味道略嫌過咸。豬扒厚切，炸得剛剛好，咬落吾會太韌，配埋咖喱同飯食得過癮。

香酥多春魚：薄薄粉漿，每條多春魚都炸到卜卜脆，已經蘸上適量淮鹽，香氣十足，好細心咁用生菜🥬放底吸油，蘸埋沙律醬一流，魚春仲好軟糯，油脂好香。

香芋鮮奶：啖啖芋頭蓉，同奶脂豐富鮮奶完美融合，成杯呈紫色好IGable 😆芋頭好香有顆粒感。

益力多芝芝冰：整杯都係益力多味，加埋芝士，出奇地夾，飲得好爽，濃郁益生菌🤣

總結：
德昌大廈正宗星馬泰菜🤟🏽
大推撈檬系列