尚海人家 (宏基商業大廈)

營業中

休息中

返工放lunch突然想食上海嘢發現咗呢間嘢就買嚟試吓，去到見到好多人等緊，可以排隊嘅位好窄，店內比較舊，店內得兩個人應付緊所有嘢，超級忙碌。我叫咗佢個皇牌S1嚟試，排骨飯嘅排骨醃到好鞋，質感好差，唔會話太鹹，但係唔好食。個菜飯都麻麻地，我自己會覺得其他上海菜餐廳多數都好食過呢間。而我最期待嘅生煎包，的確好多汁，但係唔可以算得上好食。個皮係有啲脆脆地，但係好似唔加醋就完全唔夠味咁。所有嘢都好似麻麻地，雖然唔知佢係咪每日水準好飄忽，但係都係無下次啦如果真係好想試，建議直接入去店裡面order，因為我冇用app落單反而早過好多人攞到外賣

同事發現拎錯外賣，幾分鐘即刻落去比返佢哋，同佢哋道歉，點知個老細狂轟炸，狂鬧，話唔小心攞錯佢好麻煩，一直講一直鬧，但原定自己嗰份又未整好，所以無得走，我陪住同事等拎，隔一陣以為佢鬧完就收口，點知鬧完又重複同重新再鬧，長達十幾分鐘，老細停二十秒，諗諗下又再鬧，其實呢啲會經常發生嘅問題，老細都放到咁大嚟嘈，呢啲外賣小店，係咪咁唔可以受挫折呀🤣🤣🤣

千祈唔好以為有米芝蓮同埋發哥嘅加持一定好 ！！！今日路經上環，見到呢間舖頭貼咗發哥張相出嚟咪順便買外賣返公司食，點知中伏。買咗排骨菜飯，大碗雞絲酸辣湯加兩隻招牌生煎飽。首先講吓酸辣湯 ：個湯得個酸字、冇辣味，亦冇食材應有嘅味道，簡直唔似酸辣湯，湯大量打芡，冇乜料，入面幾乎搵唔到雞絲，全部係木耳絲、少量筍絲加幾粒豆腐，湯多過料，所有材料加埋都佔唔整碗湯嘅十分之一。排骨菜飯，排骨好柴、好鹹，調味料過重，令到排骨冇咗應有嘅質感及肉味，而個菜飯份量唔多，淡而無味、亦香氣欠奉。招牌生煎飽係有汁，不過啲肉冇鮮味，完全唔稱得上好食。以上咁嘅水準仲話係由前米芝蓮推介嘅廚師主理，食物水準低成咁真係點收人錢？成套餐加埋 80 幾蚊，咁嘅價錢係上環甚至中環都可以搵到比呢間好好多嘅選擇。

已經特登喺7:10網上order，顯示27分可以攞外賣，我29分左右到，等咗10分鐘我忍唔住就問佢我個order點，然後我見到佢先㩒我張單，好明顯係漏咗我張單，一句唔好意思好忙就無數。搞到我最後企咗喺度等咗差唔多20分鐘先攞到。即係咁，大家時間一樣寶貴，我咁同親自去嗌外賣係冇分別，我就係有嘢做唔想企喺到等先網上提前order。

麻雀雖小 深藏不露雖則是外帶店 卻是由米芝蓮主廚製作回去辦公室請同事吃 每個人都吃到手指頂呱呱生煎包是真的令我一試難忘外脆內軟 肉汁大爆發味道非常好上海排骨菜飯菜飯才是重點香港已經好難找到好吃的茶飯大多店舖的菜飯 都煮到飯和菜都爛巴巴的爽口的菜 + 粒粒分別的飯 出色麻醬手撕雞粉皮一吃你就知道這個是新鮮雞做的騙不了人 再加上份量極上的黃瓜絲清新不油膩 三兩分鐘我們就清盤了

逢星期五多數同朋友嗌下外賣一齊食，今次就試吓呢間喺朋友公司附近嘅餐廳🍴。因為朋友奔跑返嚟，啲嘢食仲係熱㗎😍😍😍我最鍾意佢上海菜飯啲飯粒粒分明，唔會濕粒粒。飯嘅份量都幾多，唔使另外在煮飯。另外嗌咗個豬扒粗麵，大大份，啲面味道啱啱好，唔會太鹹，亦都唔會太淡，夾埋個好香口嘅豬扒。豬扒唔會因為外賣易變淋左，仲有少少脆口🤤🤤🤤🤩最欣賞佢爆到好香口嘅乾蔥，放咗啲豬扒上邊🤤🤤🤤🤤仲有個搞笑嘅趣聞，朋友話有個外國人經過呢間舖頭話啲嘢食好好味😂😂🤣跟住我話個外國人嘅反應同我一樣，因為每次食開啲好嘢我都會介紹俾啲朋友✌️✌️

📍位置：近上環站 A2 出口，步行約5分鐘，在菜檔旁邊。🏠環境：深紅的招牌，門面如粉麵檔的裝潢，有一個狹長的位可以下單或排隊。🤵🏻服務：可人手或WhatsApp下單，不設堂食，只限外賣。🍽️午市：提供套餐，主打上海菜和招牌生煎包，價錢在中環區來算是很親民。🥢招牌上海🐷排骨🥬菜飯🍚＋生煎包1隻 $54生煎包底煎得金黃而脆口，小心咬開，因為一定會爆汁😆，餡內有很多湯汁🤩，招牌果然出色🤤。豬扒炸得酥香，並已切塊，菜飯很好吃，粒粒分明而滿油香，👍真心推介。🥢麻醬手撕🐔雞絲粉皮＋生煎包2隻 $54採用新鮮雞肉撕成雞絲，芝麻醬汁調得剛好，再拌均滑嫩嫩的粉皮和青瓜絲，🤤使人胃口大開，只是份量不多😆。🥢鮮雞湯小雲吞🥟10粒＋生煎包2隻 $54一口大小的小雲吞，肉餡不多，口感滑嫩😉，配有菜心和清雞湯，味道較清淡。🥢迷你雞絲酸辣湯🥣＋生煎包6隻 $54湯水一點也辣，反而是酸味較重🤭，較開胃且解油膩😚，湯料有雞絲、雲耳絲、豆腐粒等，跟生煎包很配合👍。

係公司附近尋覓有咩食，行到差唔多到上環街市附近，有呢間上海外賣餐廳，見門口貼住啲新聞報道，話由前米芝蓮主廚煮食物，一於試下。想健康啲/小食一族，可以叫菜飯&輕食套餐，有多一啲選擇。⭐️皇牌生煎包主打皇牌食物。食呢個包要小心啲，因為一啖咬落去，係會爆汁❗️入面嘅豬肉餡料好多汁鮮嫩，調味剛剛好，推薦👍🏻。⭐️麻醬手撕雞絲粉皮粉皮好特別，係卷成圓筒狀的。上面有青瓜絲、雞絲、麻醬，雞絲幾嫩滑，唔錯😋。

發現公司附近有間上海外賣店，由米芝蓮主廚製作，價錢不貴又方便，所以決定放工買外賣回家跟家人一起食，小店有不少麵和飯餐，麵都會分湯上以免過淋，最出色的當然是他們的生煎包，一咬開入面爆汁都是湯，回家品嘗時湯仍是熱的，另外小食雞絲粉皮也很不錯，採用新鮮雞肉，醬汁調得剛好。我們點了兩個麵，擔擔麵的辣度很好，但如不能吃辣建議食炸雞扒麵，雞扒炸得香脆，不會只食到炸粉。如不愛麵可試菜飯，我們配了糖醋排骨，每口都是滿足又不韌。另外亦添了一配酸辣湯，很是開胃。這裡最好賣的應是排骨，今次無緣吃到，下次必會再來試試。.🥂招牌生煎包6隻 $50🥂麻醬手撕雞絲粉皮 $40🥂生炸雞扒湯麵 $52🥂招牌擔擔麵 $52🥂糖醋炸排骨菜飯 $57🥂雞絲酸辣湯 $30.Overall rating: 7/10jsv_foodie

今日同同事見尚海人家在熊貓都有4.4/5分，所以都一試叫外賣。我點嘅係經典鹹肉菜飯餐（原價$87折左$78.3）。諗住收我呢個價錢都應該可以掛，點知。。。由袋拎出來我地都嘩左一聲，$78.3得半盒飯，四片鹹肉。。。我係女仔都唔夠食啦，見到盒飯令我嘅星期一更加blue🙃🙃🙃🙃第一次試呢間亦都係最後一次。🫠🫠🫠🫠

我平日中午經過上環，當然要看看附近的地道美食。近上環街市見到有一間小店中午時分門外排了10多位客人，我便在門外看看有什麼特別菜式，原來是一間上海小店，買各式各樣的上海菜，價錢中等，於是我叫了酸辣湯餃子。問他們那一個菜式是最出名，師傅自信及充滿熱忱地叫我一定要試他們的生煎包，於是加多兩個生煎包。坐定後先咬一口生煎包，因為生煎包一定要熱烘烘的才可以真正感受到師傅的工架。果然皮薄餡靚、多肉汁，非常有驚喜👍🏻👍🏻。建議各位一定要試他們的生煎包。至於酸辣雲吞因為價錢的關係只收$30+所以用料不夠豐富是正常的，酸辣味不錯，雲吞皮有少少厚。可能上海傳統雲吞是這樣的。 第二日再去賣豬扒菜飯套餐，只是$60+ 已包括2隻小籠包及豆奶。豬扒大大件，有醃過，頗入味，但較多油，至於菜飯如果可以熱點會更好。總結，如果是新鮮出爐，生煎包是有水準的，值得一試。

午餐想食個上海菜點左糖醋排骨飯，配生煎包 💲7️⃣0️⃣菜飯好濕🙈生煎包Ok 👌🏻👌🏻👌🏻排骨就🥴🥴🥴um… 唔知以為食緊肉乾，超級硬🥲🥲🥲雖然上環黎講價錢都算係咁，但睇埋質素，就唔想再幫襯☹️過一排遲d試下幫襯其他餐，睇下會唔會有唔同啦！

食中午飯果陣週圍間間好多人等，貪佢冇人排隊，所以食左呢間點知原來冇人等係有原因，中大伏，啲野難食到永不回頭生煎包個皮幾脆，入面係暖但啲肉唔生鮮除左生煎包，其他野全部全都係又凍又難食返公司得果唔夠5分鐘路程，30度天氣，唔會係因為遲返去所以唔熱個飯又硬又難食，似生米飯個肉燥似開個罐頭就咁掉落去叫左排骨又比雞扒我，完全唔明點解得我一個客，有工個職員都會執錯啲員工到底比客食之前有冇試過味洗左70蚊叫我食啲咁既野

近日被我發現上環有一間平平無奇，但竟然會生煎包會爆汁到對面幅牆上,而價錢又經濟實惠。仲有係唔來係由前米芝蓮小食店總廚主理🤩-晚市套餐價錢真是大眾化，HK$43起, 可選一款生煎包+一款主食HK$59上海紅燒肉菜飯~四四正正的紅燒肉被紅光發亮的醬汁包裹住，7成是肥肉, 3成是瘦肉，入口香軟, 肥而不膩。-HK$53上海排骨湯麵~豬扒是即叫即炸, 雖然回到家已經冷了。加熱後, 也不影響它的脆感, 差不多是啖啖肉，肉質醃得好入味。外賣是麵條同湯分開包,回到家不會淋,麵條保持彈牙湯底清韭菜生煎包~咬第一口, 肉汁從口裡爆發出來, 射程去到對住食飯幅牆。 韭菜佔7成, 肉佔3成。味道清新怡人。原味生煎包~同樣是咬第一口, 肉汁從口裡爆發出來。皮薄多餡，肉嫩不膩。2款生煎包各有特色, 2款我也喜愛。

-尚海人家 🥢記得以前仲係上環番工果陣最期待就係星期五同同事一人買一盒生煎包去公園坐低食完正餐就一次過啪晒4粒😗唯一支撐住果陣淒慘工作生涯就係呢個爆湯生煎包🥲上星期某日經過尚海人家 就好想再啪一盒了不過發現佢地已經冇左以前個蟹粉生煎包 有啲可惜因為果陣既我覺得好奢侈而家買得到既時候就已經冇再賣😮‍💨🥢皇牌生煎包（$42/6隻）嗌咗原味同韭菜每樣三隻生煎包同以前一樣一咬就爆曬啲湯得出嚟🤤包底煎得香脆 包面軟熟 肉餡真材實料 湯汁鮮甜咬之前加返少少薑同醋 = 完美🤌2款都各有好味 2個都中意食🤤🥢 蟹粉拌麵（$68）冇諗過喺度可以食到一個充滿超多蟹粉嘅拌面😍蟹粉味道勁香濃 每一啖都食到蟹粉好滿足 面質煙韌有咬口 會有啲醬油喺個底唔會覺得太過鹹或者油膩 幾好味！🥢 開洋蔥油拌麵（$32）個面質一樣煙韌 比起前面就多咗蔥油嘅香氣有少少蝦乾提升鮮味 好香口 惹味✨留意番 店內係冇座位 只有企位的~