小麻吉滷肉飯 (已結業)

🥢旺角女人街內台式自選 set dinner🥢呢期唔知點解好想食台灣野，本身想去食阿木，去到人真係太多了，所以搵搵有無其他選擇，最終找到了這間台式餐廳🥢晚市套餐 $60 起 A滷肉飯+$2 B 鹽酥雞 C 麻辣豬耳 +$3飲品：茉香綠茶+$5A 肉燥乾拌麵 +2 B 麻辣豬手+$3C 肉燥小茄子+$2飲品：蜂蜜綠茶+$5🥢這間的食品比較偏向港式風味，滷肉傻感覺肉粒較大粒同無咁多汁，而麻辣豬耳豬手入口感覺比較油膩，用了港式滷水味道，感覺不到麻辣味，鹽酥雞是沒有椒鹽味道，是普通的炸雞，都幾香口，拌麵的醬油都比較少，不足以拌均成個麵，貢丸湯味道正常，入面有些紫菜皮一粒貢丸，但味道不突出🥢港式風台灣餐廳來講都算幾抵食，可以自由選擇想食的，味道都幾好食又夠飽，但如果真係想食台灣味道既時候呢到俾唔到你，味道比較香港式風，食落無台灣感覺

假日與朋友到旺角行逛完，大概7:30便是找餐廳的時候，喜歡及支持小店的我們行入女人街後發現這間店舖已坐滿了人，剛好有枱結賬，有空位便不需等位了餐廳是吃台食的，發現套餐內有不少選擇主要分A飯麵主食、B肉食小菜、C主要是蔬菜類，共3部分，加配飲品，非常多配搭及選擇。而食物分量亦很充足，味道亦不錯，飲品我選了這期推介「檸檬金盞花」，味道很清新，而埋單只是64@一個套餐，性價比高，在離開時仍有人在門外等位，相信已有不少熟客。

Happy Friday Night 同一班朋友食餐便飯🙌🏼Dinner Set $62起肉燥乾伴麵➕鹽酥雞➕滷水豬耳伴麵正常，豬耳好入味👍，但鹽酥雞無味又唔脆口，食落好粉！紫菜牛丸湯超級無敵鹹🤢整體來講，雖然食物味道未必最好，但勝在Dinner Set價錢算平🤔

看見評價，見到都幾多人説好食，就黎試下叫左肉燥飯，排骨，滷水豬耳，珍珠奶茶只能説，得個樣豬耳，係一啲味道都無飯勁少肉燥排骨無咩味珍珠奶茶珍珠係硬食完呢一餐，唔會再黎

旺角的女人街，每次來到都總會有新的發現，可能競爭太大的關係，食店的更新率非常之高。原來已經好久沒有在香港吃過台灣菜，所以這次就與女朋友選擇了位於旺角的這家餐廳。上網看過評價，最吸引我的是牛肉湯面及鹵肉飯，台灣菜清淡不辣的口味非常適合我倆。這家店採用套餐點菜，分為Ａ＋Ｂ＋Ｃ。Ａ類是主食，Ｂ及Ｃ類是台灣小食(偏香港人口味)。A類：鹵肉飯 2.5/5分 - 份量略少,鹵肉不多,稍為有點失望的主菜牛肉湯面(沒有牛肉) 3/5分 - 份量超多, 惟面質稍硬,亦不是我過往吃牛肉湯面的面類;湯底正常B類：鹽酥雞 4.8/5分 - 幾乎滿分,即炸即吃,口感一流,與台灣夜市吃到無異牛筋腩 3.5/5分 - 非常普通正常的牛筋腩,夠軟夠多C類：香腸 4.7/5分 - 另一樣相當驚喜的小吃,香脆可口,明顯是即煎即上,可惜份量太少!鹵水豬耳  3/5分 - 份量很多,但似乎烹調過火,不夠爽口飲品：胚芽茉香奶綠＋茉香綠茶 3/5分   不過不失,與台式飲品店相比稍為遜色,較淡總結:主食三星、小食四星、價錢五星，值得一戰的小店。

店內充滿大陸人,一入去啲職員已經冇笑容, 黑口黑面，落單及上菜時職員服務態度很差, 指罵客人, 鹽酥雞米粉, 米粉只是熱水加米粉,啲雞又超勁鞋. 野食味道極普通, 牛肉麵終極難食，湯底好多味精，牛肉勁硬，好難咬開

小妹好鍾意食台灣野，之前見到OpenRice見到小麻吉滷肉飯，睇相都覺得好似幾好食，今日特登過嚟試吓兩次套餐可以喺ABC選項之中各選一個，之後就會好似成個拼盤咁上，睇到都覺得開心<台灣腸+魯肉飯+鹽酥雞$64>小妹最後叫咗一個台灣腸滷肉飯再加鹽酥雞套餐台灣腸味道好正宗甜甜地好味道滷肉飯嘅份量都幾多，不過略嫌肉汁唔夠多，唔係好夠撈飯食鹽酥雞份量好似另叫小食咁多，炸得幾酥脆<青菜+肉躁面+雞翼$62>朋友叫咗個食青菜肉燥面雞翼套餐，肉蔥麵湯底係清湯，肉躁嘅份量都唔少㗎，不過略嫌個湯冇乜味滷水雞翼有成四隻全部都好入味金份量多抵食

難得落旺角，當然行入女人街搵食啦! 羊群心理，有人排隊即係代表好食啦，於是今晚就決定試下小麻吉滷肉飯。好在唔係等好耐，好快就有位，一睇餐牌，嘩，除咗主食之外，仲有2個小食揀，都係60幾蚊？咁平？!落單後只係等咗陣，就好快有得食，一見到個餐，嘩! 份量好多呀，d小食唔係得兩三件個種，仲跟埋湯，成個餐食完，好豐富，好滿足! 牛肉湯好味最愛新竹米粉台灣香腸好食鹽酥雞總結，抵食，份量多，味道好，值得推介!

食過幾次小麻吉 都係第一次食既時候最好食之後再食過2-3次 都有啲失望希望可以保持返水準佢個餐牌好精簡咁列曬啲餸菜出黎自己係A B C 到揀一樣 湊成自己既套餐每個套餐都會跟一個前菜 同 湯其實個湯都幾好飲 清清地 仲有啲紫菜係到仲有一粒貢丸有少少似韓國既海帶湯夜市小香腸每次我都會食台灣腸本身見到街邊檔有 都會買黎食下第一次係小麻吉食 係覺得好食但之後叫親 都整得太乾 同太燶今次都一樣鹽酥雞之前食 會覺得好酥 同埋會keep到啲肉汁最近食都唔係 今次食覺得唔夠滑 同有啲乾肉燥乾拌麵keep到水準就係呢個麵啦但略嫌佢啲醬唔夠 撈得唔勻麵就幾彈牙

之前食過這店的午餐，覺得普普通通就沒有特別再回來食。這天再次經過此店，門外看到下午茶餐牌幾吸引，就內進試試他們的下午茶。最基本$31可選1飯/麵、3餸、餐飲。熱奶茶是台式奶茶，味道不錯，少甜對我來說還有少許甜，不敢想像如點正常甜度會甜到甚麼程度本打算食麵類，不過看見有滷肉飯，就勾起早幾個月在台灣食過滷肉飯的回憶，決定轉試小碗滷肉飯。白飯把飯碗裝滿，質感偏軟比較黏。飯面淋上滷肉和滷肉汁，有點濃味的醬汁配白飯和吸引，滷肉帶點肥肉，滑身少黏，整碗滷肉翻惹味又邪惡，不錯，略嫌滷肉和滷肉汁較少，未必能拌勻整碗白飯。由左邊起，酥炸花枝丸一粒，用的貨色普通，裡面有少許花枝粒咬，表面炸得少少脆。逢甲鹽酥雞有三件，其中兩件都特別大。表面炸得香脆，也有些鹽酥雞應有的調味粉，雞肉肉質普通，雪藏的雞肉就沒有甚麼味道了。特色炸木魚豆腐，木魚絲炸得香脆，表面淋上酸酸甜甜的醬汁，很惹味。突然發覺三款餸都是炸物呢$31一份台式下午茶幾抵，這個份量女仔夠飽的，若怕不夠飽也可以點其他份量較大的下午茶餐，有飯有麵就如午餐一樣但可享下午茶價錢的；有機會再來

行經旺角見到一間位於女人街嘅牛肉麵， 見佢價錢都算ok 即刻引起興趣就衝入去試下。入到去見到有午市套餐我就叫咗一個紅燒牛肉麵食 再配多一杯珍珠芋頭香奶。 因為之前食過一間牛肉麵啲牛肉好靭，所以我驚食到啲牛肉好唔淋。 台式紅燒牛肉麵碗麵一上枱就聞到好香嘅藥材湯底， 飲落去個湯嘅味道好濃。 牛肉份量都算多，而且食落去一啲都唔靭，食落去軟淋淋好鬆化，食多幾嚿都唔怕漏 ，而且冇牛筋，啖啖都係肉。而麵嘅份量都好多，lunch去呢度食呢一碗麵絕對夠曬數。至於杯嘢飲就普普通通，不過都飲得出芋頭香味。 不過呢個都唔係重點啦五十零六十蚊食到咁嘅牛肉質素都算係好合理㗎。

今日同朋友睇2點戲，我們臨睇戲前當然要醫下個肚仔，朋友話好想食台灣野，我知道小麻吉食台灣野，我之前在旺角返工同事食過 推介過，今次決定試一試，入到12點幾都開始好多人，我同朋友安排好舒服位置，我們兩個人決左叫一個飯一個麵，大家一齊分享下。滷肉鹽酥雞配小腸飯 鹽酥雞好好味，肉燥黃金雞扒湯麵 加左$3 轉左新竹米粉 黃金雞扒炸出黎唔會好油 另外小食追加左尖椒皮蛋 $12 有點兒失色，醬汁唔夠多。食落好乾身，飲品方面叫咗珍珠咖啡 好少地方有得飲 $5 珍珠唔夠軟身

朋友介紹左呢間「小麻吉滷肉飯」，因為我帶住仔仔都唔想食太重味嘅食物，但小麻吉滷肉飯令我喜出望外，清清地岩我同仔仔口味，晚餐自選配搭又方便又快捷！服務態度都好！可以再幫襯的食肆！我飲左大大杯珍珠咖啡😋好味！

今日係旺角行完街，唔知食咩好😂就決定嚟到女人街呢到睇下，因為選擇夠哂多👏見到呢間小麻吉好似幾抵食，入面都幾多人，所以就入咗去lu🙈呢個係晚市套餐餐牌～客人可以係A, B同C入面各選一款🤤選擇夠哂多...最後我就揀咗肉燥乾拌麵加鹽酥雞加蔥油青菜🥬呢個套餐真係非常豐富😍肉燥乾拌麵味道好好☺️醬汁份量足夠沾滿所有嘅麵條，而且肉燥亦都夠多，食落唔會感覺好單調~呢個麵配咗一啲青瓜絲，口感清新🌱鹽酥雞同樣夠大份🥳味道啱啱好，唔會過咸👍🏼反而係貢丸湯有啲失色啦😟味道偏咸...但係慶幸嘅係粒快貢丸夠彈牙，可以幫呢個湯加翻啲分🙈買單$62，真係好抵！會再幫襯！

今日想食台灣野就是但係旺角搵左間啦， 我同朋友每人叫左一個套餐。呢個有蕃茄湯既當然係我架啦！原來有湯送，咁都幾驚起既但佢一飲就覺好重味精，所以都好飲既，畫面左下角有兩條小得可憐既青瓜😂個麵有肉燥同蕃茄都幾夾但就變左蕃茄味唔重，而個麵質地係太淋冇咩口感，茄子個汁做得幾香唔錯。到左重點個牛腩真係超級超級超級難食！！！😡😡😡佢係太乾身，食落似煲完老火湯啲瘦肉咁，根本冇可能吞到落肚，所以碟牛我淨係食左啲牛跟。呢個套餐係我朋友叫既，菜汁偏咸，碗麵係乾撈麵唔夠味太淡，麵質都係太淋，最好食係個雞扒肉質滑但外層唔夠脆而且有啲太粉。最後我地仲每人叫左杯珍珠奶茶，唔記得少甜所以都係偏甜，而佢個茶味係幾香幾好飲，珍珠就完全冇味但勝在夠咬口。個牛腩真係扣左好多分，麵又太淋，呢間真係冇下次呀！