小魚兒 (富麗花園) (已結業)

好耐好耐無食烤魚， 黎到將軍澳試下呢間🔸黃金特濃蒜香豆花（不辣） 配江團魚 我地唔食得辣揀左呢款，魚幾大條但翻轉先知原來係半條！半條⋯係得半條呀！重點要講3次🙈😤兩個人都唔夠食，蒜香味亦唔夠濃，配料有豆花、小木耳、寬粉、洋蔥、芫荽，份量不多，寬粉奇怪地煮極都好似唔熟，同平時滑溜口感唔同🤨點左鮑魚有兩隻，意外地細隻，另外點左萵筍同牛黃喉。Like 社交平台送青瓜。總括而言，二人枱狹窄，成餐飯唔抵食好失望，唔會再食☹️

小魚兒 (富麗花園) (將軍澳)見到唔少人推介呢間嘅烤魚，喺將軍澳同尖沙咀都有分店。最出名嘅係烤魚，另外都有雞煲、串燒、小食其他食物。餐廳係用QR code落單，整體來講都幾方便。。江團魚 $318我哋今次都試咗最出名嘅烤魚，有三款魚可以揀，我哋揀咗呢款係肉質比較肥美，而且油份較重。口味揀咗老壇酸菜豆花BB辣同BB麻。上菜之後會放喺個爐上面一路熱住，除咗大大條魚之外仲有大量嘅酸菜、芽菜、寬粉、豆腐、黑木耳。魚嘅外皮有煎香過，但肉質仍然好滑，而且同個湯底嘅味道好夾。裏面嘅豆腐都嫩滑同好食，酸菜嘅話就略為有啲鹹，後面配埋薯粉一齊食會好啲。寬粉好Q彈，如果分量再多啲仲好。。紅薯粉 $28應該已經浸過水，但都要煮大概5至8分鐘左右先夠林。薯粉同酸菜魚湯底都幾夾，因為本身個湯底都幾濃，薯粉唔會好似米線烏冬嗰啲咁吸汁，最後食都唔會覺得好鹹同煮爛晒，仍然好有咬口。。食物質素唔錯，員工幾有禮貌，而且食物選擇都算幾豐富可以一試。。📍將軍澳毓雅里7號富麗花園地下3-5號舖

秋風起就好想食熱辣辣嘅野，但又唔想食太多紅肉，於是到了#小魚兒 🐠食下烤魚😊。 QR code 落單十分之方便快捷，可自行選擇喜愛的酸辣調味。 烤魚有海鱸魚、江團魚和淩波魚可供選擇，我今次點了江團魚，餐紙寫明佢肉質肥美，油分重，含膠原蛋白。未食過呢款魚，一於試吓佢係咪咁正先得。條魚🐟真係好得啊，肉質嫩滑啖啖肉，咬落仲有小小膠質感覺，確係湯底選了酸菜味配小麻小辣，酸菜鋪滿在烤魚上邊，配料仲有雲耳、豆芽、豆腐、青瓜同埋寬粉。嘗了頭啖湯，飲落微酸辣的覺得好開胃，湯底鮮甜，個湯越煲越出味寬粉索晒啲湯好好食😋！凍檸茶 $16大大杯勁抵飲。

呢間鋪嘅鋪面好大 好容易就見到 餐廳都幾大坐得好闊落 冷氣亦都夠凍食辣嘅嘢最緊要真係要夠涼涼地仲有佢一大樽水係度可以自助斟全間間餐廳嘅裝修 都充滿着小魚仔 連廁所都有 我好似坐咗入去深海魚嘅區域 深藍色有魚仔嘅牆紙佈置 小朋友都好鍾意呢度有招牌嘅酸菜魚 烤魚 水煮魚 各款雞煲但係有兩個人食嘅份量唔多 自助掃QR code落單散叫咗一啲燒烤嘢嚟食 選擇都好多 我都叫咗好多款慢慢食♥︎ 小魚兒香辣炒飯$ 88 叫左唔辣 非常大嘅一碟 四個人食都夠飽 有非常豐富嘅材料 食落去嘅口感都好有層次有雞柳粒 魷魚鬚 蝦仁 翠玉瓜粒 蔥花 雞蛋♥︎ 香蒜燒茄子$ 38 好大份 有前手臂咁長 大脾咁闊 鋪滿蒜蓉 香噴噴 熱辣辣 仲好juicy ♥︎ 手拍青瓜$ 43 可以自己選擇辣度 我叫小辣份量都幾多 滿滿嘅一碟 夠新鮮脆卜卜鍾意佢嗰隻辣有啲麻辣香味 ♥︎ 香蒜/四川麻辣燒生蠔 $ 28 隻 / $108 半打兩款味我都有試 無限叫幾多隻起熱辣辣燒出嚟 新鮮 好肥美 肉質厚身 剛剛好熟 非常多汁我鍾意四川麻辣味多啲 叫半打每隻都只係$18 好抵食 ! 值得推介 ♥︎ 鹽燒鵪鶉蛋 $20味道係任你選擇 我選擇孜然

去完新都城行街，就喺附近搵吓有冇特別啲嘅嘢食，好掛住深圳嘅烤魚，見到呢間烤魚專門店於是就試吓，原來除咗烤魚仲有好多其他嘢食，例如燒烤串同小炒，好地道風味。炭火風味烤魚海鱸魚（肉細嫩、厚、實）$298除咗一條好大條嘅鱸魚之外，我諗有800g至900g，仲有唔少配菜，包括洋蔥、酸菜、清陽辣椒、青瓜、豆花及寬粉。湯㡳可選大、中、小辣及大、中、小麻，今次揀咗小辣及小麻，唔算太辣，好易入口。豆花好滑，寬粉好入味好淋，吸咗啲湯味，正！魚好大條份量好多，而且啲肉好厚實。整體而言唔錯，今次試咗烤魚，下次會試埋其他燒烤嘢食及小炒。

最近冇得去旅行，唯有喺香港度搵吓有冇啲好野食😋 比較上網見到原來香港都有得食辣烤魚！以前喺其他地方食過，超級好食，食到上癮，居然比我喺香港度搵返類似嘅嘢食，梗係要來試吓啦🤣餐廳位置好方便，喺寶琳地鐵站行幾分鐘就到，而且環境好闊落同埋乾淨，嚟到已經好多人喺度食緊😉我哋首先叫咗一盤小鱸魚以為細細碟，但係估唔到份量係咁多，而且餐廳好細心咁樣喺底下擺咗一個爐，就算慢慢食，條魚都係熱辣辣👅 而且超級大條！而且加埋蒜蓉同埋辣椒🌶️等等嘅配料，食落口非常嘢未，好有層次，性價比極高，四個人都夠食！另外仲叫咗冰凍豆腐、寬粉同埋豆卜，我就最鍾意食寬粉，煙煙銀銀，飽肚又好味😋總括嚟講呢間餐廳好好食，以後都會再嚟啊！

今日我哋喺寶琳站行過嚟大約5分鐘路程嘅一間烤魚專門店。 以前好中意北上食烤魚，而家估唔到香港都食到。晚市好熱鬧，望一望Menu，有好多選擇，又可以叫雞煲、打邊邊又或者烤魚、小菜 、串燒都Ok! 電子下單幾方便， 可以自己簡走唔走芫荽， 飲品洗唔洗少冰叫左炭火風味烤魚 海鱸魚 ($288)味道選擇左 古城水碼頭毛血旺(+$98) 一上鍋已經覺得好香，魚嘅上面鋪滿左特製嘅辣醬，大量嘅乾辣椒、花椒等等， 超惹味個煲嘅底有除左有好滑既鴨血之外仲有d 滑豆腐， 海帶， 木耳 我哋另外在叫咗啲腐皮、冰豆腐、 寬粉美國肥牛！ 寬粉真係必食～軟軟林林 好正💕同埋麻辣湯一齊好夾個烤魚既湯都唔小， 可以當埋邊爐咁食仲叫咗竹蔗茅根， 清甜又清熱朋友係咁飲可樂， 因為佢話好辣😝食辣係要飲返d涷野 幾好食！下次可以encore

小魚兒（富麗花園）@little.fish.hk📍：將軍澳毓雅里7號富麗花園地下3-5號舖🚗：寶琳地鐵站C出口 步行4分鐘📞：+852 5519-4897💲：~HKD200/head for dinnerFood quality✔️：江團烤魚配鮮九葉花淑BB豆花、加選寬粉👌🏼：西柚乳酸爆珠梳打❌：燒牛舌心串總結：👍🏼佢嘅招牌烤魚真係好正 朋友揀咗食318蚊江團魚 餐牌話充滿骨膠原🤣 即9衝食 有多種烤魚口味揀 最尾㨂咗個唔駛加錢嘅九葉味 但估唔到原來咁大條同咁嫩滑 唔係一味靠死辣死麻掩蓋食材本身唔新鮮嗰種 香味出得嚟唔會剩食到香料本身嘅味 真係推薦！👍🏼性價比高 條魚要318蚊 但我哋兩個女仔靠食魚都夠飽 雖則就食唔出骨膠原啦 但呢個價錢都食到呢種質素呢種份量 都夠滿足啦😋 仲要現時用OR訂位有85折 仲唔快快9衝🤣👍🏼佢嘅寬粉真係超入味同煙韌 係本身已經有嘅配料 但絕對係唔夠喉推薦要比28蚊加料👍🏼呢間真係隱世小店 佢係學校同住宅區附近 但閒日夜晚去食一樣爆場 就知佢幾受街訪歡迎 而且佢選擇超多 除咗烤魚 仲有雞煲 酸菜魚 燒烤 甜品 小食 鑊氣小菜 今次2個人嚟食咗個烤魚就已經收咗皮

🍭好想食烤魚，又冇得返大陸食，見到呢間有烤魚，又有串燒，好吸引🤩🔸鮮九葉花椒BB豆花海爐魚 小辣 $288烤魚好大條，味道唔錯，好香辣，魚肉食落都幾滑，冇乜細刺，無腥味，但魚肉食落偏咸，應該係落咗鹽去醃條魚再烤🙁另外仲加咗豆卜同生菜，勁吸湯汁，小辣都幾辣下，好過癮🔥🔸燒腩肉串及燒雞軟骨串 $18 each串燒有三種口味選擇，分別係麻辣，孜然同沙爹，串燒燒得好靚，好香好吸引🤩食落真係有少少炭香味，好正呀，麻辣味嘅燒腩肉比孜然味好食，平時唔食肥肉嘅我哋都Ko左兩串而雞軟骨都唔錯💁🏼‍♀️呢間餐廳同地鐵站有一段距離，手機落單非常方便，整體食物質素還可以，烤魚一般，串燒好好食，非常推介👍🏻❗️呢間餐廳最大嘅問題係個冷氣唔係好得，個爐滾住，非常熱🥵🥵熱到都冇咩胃口食，同埋兩人枱比較細張，放咗個爐已經冇咩位置了

小魚兒 (富麗花園) (將軍澳).老壇酸菜豆花江團魚- 通常都係食麻辣烤魚多，今日同女朋友屋企人嚟食因為佢哋唔食得辣嘅關係，所以揀咗酸菜豆花，一上枱充滿着鹹酸菜鋪喺面，入面有豆腐粒，少量闊粉以及青瓜片。 魚我哋挑選左另外一款魚叫做江團魚，比起平時食嘅鱸魚貴$30，但係佢表示會比較肥美所以我哋試試，果然成條魚好大條，肉好厚，魚肉滑溜.風琴豆腐/娃娃菜/紅薯粉/牛黃喉/寬粉.將條魚食到7788嘅時候就可以叫配料，呢度有最索味嘅風琴豆腐，一碟八件，淥一陣就已經飯得，超級夾呢個湯底，酸酸辣辣，完全滲透晒佢嘅味道黃喉 - 性價比非常之高，薄薄地但都非常爽口，平時出面食可能要98至128，呢度只需要78紅薯粉- 腍身爽滑，一吸就吸曬入口，唔會太鹹，完全滲透曬酸菜魚湯.蒜蓉牛油粟米- 一盒六件，充滿蒜茸係面，一咬蒜茸味再加上粟米本身嘅甜，好吃😋.蒜蓉原條茄子🍆- 原條燒，鋪滿蒜蓉，燒得剛好.小魚兒 (富麗花園) (將軍澳)將軍澳毓雅里7號富麗花園地下3-5號舖

小魚兒 (富麗花園) (將軍澳).話說住將軍澳嘅我，發現咗有一間幾出名嘅烤魚開咗分店係寶林，就近近地今日帶屋企人去食.▪️老壇酸菜豆花烤魚▪️.我想講呢度，上至味道，下至魚嘅種類都可以任君選擇，呢度除咗一般麻辣烤魚，仲會有埋酸菜烤魚，因為屋企人唔食得辣嘅關係我哋當然選擇咗後者ψ(｀∇´)ψ魚嘅種類我哋一般通常出面食嘅烤魚都係鱸魚多，我哋今日俾貴少少嘅價錢揀咗江團魚，佢嗰度寫明肉質係會肥美啲，油分會重啲，仲會有膠原蛋白，我同我媽咪聽到梗係心心眼(⁎⁍̴̛ᴗ⁍̴̛⁎)果然上到枱冇令我哋失望，肉質實得來又夠嫩滑，酸菜大量，辣度同埋麻度我哋都係揀BB程度，相信如果食得辣嘅你哋揀更加多辣嘅話會更加酸辣更加惹味而酸菜烤魚入邊本身已經有少少配料，有豆腐同埋寬粉，寬粉肥嘟嘟煙煙韌韌，好有咬口，之後我哋叫配料嘅時候都encore左一份食完烤魚我哋仲叫咗紅薯粉，牛黃喉，娃娃菜同埋風琴豆腐，紅薯粉錄到變半透明就食得，滑脫脫而且夠腍，索晒酸菜湯。娃娃菜真係食乜嘢火鍋或者烤魚都必要嘅菜，因為真係超級吸味，因為呢個湯食菜真係好好食，之後我哋仲叫多咗個油麥菜牛黃喉估佢唔到好大碟，爽口得來，淥多陣都唔會變得好韌呢度最緊要仲有我最

宅家千日好，不過，美食還是要出門才有機會的。我今天終於出門覓食了，收穫了最愛的水煮魚。 叫上朋友一起過來，有人分享也是一種樂趣。人越成長，其實是會越幸福。少年煩惱只是因為年輕，長大後發現，姐姐開心最重要。其他都是浮雲☁ 吃水煮魚配上土豆，金菇和燒茄子，把酒言歡，豈止一個爽字了得。麻辣鍋的水煮，底子絕對正宗，只要了小辣小麻，就已經很夠味道了。魚肉很滑，細膩入味。本身水煮魚裡面就有寬粉，蔬菜，又增加了多重滋味。幾年前的香港，還沒有那麼多地道川菜，近年來多了很多，造福了你我的胃。普通人的開心，就是很簡單，吃飽吃好，又是新的一天。小魚兒 (富麗花園)將軍澳毓雅里7號富麗花園地下3-5號舖

樓下新開左串燒店一排今日先得閒捉埋阿媽一齊去試下平時行經已經聞到陣陣麻香味今次入到餐廳更係香麻撲鼻燒烤味混著其他香料味未食已經令人垂涎三尺我地揀左老壇酸菜魚幾款烤物同炒飯酸菜魚可以自選辣度我地淺嚐下個小辣先所以都唔會太多辣椒湯底鮮甜，酸辣鮮香飲一啖已經覺得好開胃再試一塊魚片魚肉結實雪白入口嫩滑唔錯唔錯媽咪都讚好味！我地要左燒大連鮑魚燒茄子同燒牛仔骨鮑魚鮮甜勁蒜香茄子勁大條又厚肉孜然味好正！牛仔骨肉軟一吹就骨肉分離好易食怕熱氣呢度仲有清熱飲品我地試左個竹庶茅根幾清甜解渴又下火最後加多個澱粉質小魚兒香辣炒飯佢入面啲魚肉粒魷魚肉粒蝦粒瓜粒配料豐富最正係魷魚粒都好軟身彈牙又好食令成個炒飯生色不少！

I always think HK is missing some good grilled fish 烤魚 speciality in the vibrant dining scene. And this restaurant has made its presence and added color to the canvas with their authentic flavours🌶Tried their 活火山泡椒剁椒豆花烤魚 (lazy translation: super spicy with volcanic tons of chillis). This is perhaps the spiciest and we ordered that accidentally😂 It was no joke for a 5 little spicy eater🥵 but I thoroughly enjoy the whole meal given 3 big glasses of iced drink. The chilliness came in waves that mad

For various reasons we are no longer visiting Shenzhen for food like pickled hot & sour fish or spicy hotpot. While authentic provincial specials like spicy roast fish remains a favourite for HKers. Lately I visited “Little Fish” to see how they do. For the soup base, we picked “活火山泡椒剁椒豆花”, all the soups provided spicy levels from little to very spicy, but this “volcanic pickled & fermented chilli” flavour started from “medium”… it’s definitely boiling hot but also aromatic, authentic flavours h