小雨天 (葵涌廣場)

營業中

休息中

當查詢學生優惠時員工態度極惡劣，茶單列明有優惠，但沒有細列明優惠細節；員工解答問題極為敷衍，問一句答一句，推卸責任指自己只是打工，沒有責任解釋我的問題，店內亦沒有一位職員可以解答。

十幾年前住讀緊書已經經常來吃仲記得以前每次一個人都可以食兩兜不過依家已經唔得啦而家搬咗去元朗區工作又忙所以變得少咗好多來食難得今日出到葵芳即刻嚟回味一下兒時的味道講真呢啲小店你就唔好期望佢有咩特別好嘅服務叫咗大約2分鐘終於有個阿姐過嚟同我地落單照舊叫返小窩米線配上滑雞，大腸，排骨湯底感覺上冇以前咁濃，咁好味佢嘅辣椒同酸菜日都冇以前咁香不變嘅係雞依然都係咁滑排骨依然都係咁香送嘅呢杯凍飲依然係咁大杯啱晒我呢啲凍檸茶怪雖然質素冇以前咁好食但一個人40幾蚊有咁多餸仲有嘢飲性價比真係算幾高得閒我都會再返嚟食👍🏻😋

同屋企人吃下午茶這裏的米線、粥和餃子很好吃今次我點的餸有牛丸，但是不好吃建議不要點牛丸！我很喜歡吃這裏的餃子推介不過這裏的服務態度越嚟越差那些店員沒有笑容，而且當你問問題嘅時候，佢哋表現得非常之唔耐煩，好希望佢哋檢討下自己嘅服務態度⋯⋯⋯

夜晚行過，侍應好熱情咁話食野埋黎，有位呀，咁就入去啦，話晒都幫襯左十幾廿年。入座時，大概六成滿。9:55入座，10:05有野食，10:15食飽，前後都只係20分鐘。飲緊凍飲時，個長髮女侍應係我背後行過，講「食飽就走」。之後仲要企係出面走廊俟住牆望住我個邊。個時有好多空位，而且仲有有客人入座。而且肯定除左落單，無接觸過。完全唔知做乜咁無禮貌無家教。幫襯了十多年，決定黑名單呢間，完全因為呢個無禮貌侍應。

一開始寫單個姐丫已經不太友善，唔知佢係咪做到燥定乜野...食到咁上下先個成個商場壞冷氣，想叫杯凍檸茶飲丫姐話：要咩？ 我話：加多杯凍0茶......丫姐話：下...又唔一早加架， 邊有人咁得閒幫你寫2次單呀！問叫邊有人咁得閒寫2次單呀？ 唔使你做好冇？ 態度差到一個點火都黎埋...比錢你眾要受你氣...有料👍🏽👍🏽👍🏽👍🏽👍🏽👍🏽依間野平係平呀...食物係一般呀...但你都唔使咁既態度係咪呀..好似得罪左佢唔知d 咩咁

星期日去完香港一日遊, 去各大商場血拼完, 對腳攰到好似唔係自己咁在葵涌廣場升拼放血完, 其實就唔算好肚餓, 我地終於坐低E下肚, 抖下我就叫左雲南風味小鍋米線, 加雲耳﹑腩肉, 加中辣以為唔係好大碗, 點知一上枱, wa~ 超大碗lor~ 雲耳勁大舊, 腩肉厚切仲要係好足料, 食極都仲有, $6一款, 真係好抵勁多酸菜﹑芽菜等雲南小鍋米線必備配料, 加上我喜愛的大大pat辣醬, 真係提升成個層次的精華米線的份量都好多, 女仔食真係夠飽加凍檸茶走甜 都係必點, 仲正的係加野飲冷熱同價tim朋友就骨湯椰菜豬肉餃子8只, 隻隻都大大隻, 勁足料, 湯都清清地幾好飲, 內有少量清菜, 唔會食到好漏不過如果豬肉可以再彈牙D就更完美

作為葵涌人 又點會冇食過荃灣嘅 同葵芳 , 講真話 我個人比較偏向荃灣米線🙈因為始終湯底比較濃郁, 層次豐富用料又多😙但葵芳米線嘅味道亦有佢自己嘅特色, 咁多年來我都偏向order小窩米線雞肉小辣, 尤其特別鍾意米線上面嘅豬肉碎, 令到米線更加惹味❤️有好幾次想試吓朋友仔推介嘅豬筒骨米線, 因為見到朋友仔食, 都相當大碗, 而且好評相當多, 但最後諗一諗都係心思思食返雞肉小窩米線小辣😁😁偶爾下午茶時段嚟食米線, 仲有免費凍飲贈送, 值得加分👍🏻

滑雞米線食得多， 咁重雪味嘅真係第一次， 冇諗過食米線都咁中伏， 唔滑都不在話下， 真係食咗一啖都唔想再食落過去。至於貢丸， 都唔見得特別出色， 好食過佢嘅相信葵涌廣場內大把選擇，我覺得真係好有檢討空間。至於米線同湯底， 好彩都仲要叫ok， 米線分量一般， 一個女仕剛剛好， 湯底還可以， 好彩仲有啲韭菜同肉碎食下。至於咖哩牛腩飯， 都可以畀七分嘅， 牛腩炆得淋入味，但係普普通通嘅薯仔就比咗落去， 薯仔相對時間炆得比較少，唔係咁入味囉。是次經驗，下次睇下食評先去試新嘢。

香港米線店就譚仔，三哥等至出名。不過呢間小雨天素質都唔差，今日點佐個雲南小鍋米線+雲吞。雲吞有三粒，皮薄餡靚，米線大大碗，一個女仔食完飽到死肚餓來食絕對飽飽飽呀！不過可能一點幾鍾，比較旺，人好多，位置都幾逼，冇地方擺野，食起野上來就冇咁方便。

葵涌廣場出名多小食，但行街行到攰，想揾地方坐，就入左去食過橋餃子 😋簡左韭菜豬肉餃子餐，$44有12粒，包一杯飲品，餃子皮簿，爆多餡😋豬肉肥瘦剛好🐖韭菜比豬肉多，豬肉既油香令韭菜生色不少，一人食6粒都好飽😆

葵芳廣場嗰邊搵到一間湯底好足的店😊今次叫咗係好大粒餃子湯麵🎊🎊呢度提供兩款，一款係韭菜、一款係椰菜，一碗有成大大六粒，好飽！！而不得不提嘅係佢個湯底十分之好好飲，感受到佢係一個好料的湯！面量都算多，只是四十幾蚊！而我老公就揀咗一個骨湯豬肝肉碎泡飯，都係一個唔錯選擇，因為湯底都幾濃郁！但係啲豬膶可能有少少硬身啦，因為可能要整熟少少！😂早上嚟嘅時候我大概11:30黎，佢有送嘢飲嘅，凍熱都得。如果想食大大粒嘅餃子，呢一家可以試下！👍🏻

 出名平民美食天堂，除了小食出名，主食也有很多選擇，特別是麵類🍜.位於二樓的  是餓底常光顧的米線店， 以外還有不少米線配搭，圖中的  正是餓底近來新寵🤤.滑雞米線吸引之處當然是  ！是貨真價實的滑滑雞肉，滑到像棉花一般🤤.酸菜也是重點，一口盛著米線、酸菜、肉躁、湯底，光是這簡單的配搭足已吃光一碗！加上滑雞就如錦上添花🤤.價錢：HKD 36味道：7/10

晚餐抵食之選葵廣小雨天一向係我快食晚飯首選，出名快靚正。今晚食骨湯九菜豬肉淨餃，之前試過食十二隻，但實在太多，發覺八隻已經夠食有餘。骨湯清甜，味精就一定有少少，但飲完唔會好口渴。餃子大大隻，皮薄涵靚，有肉汁，唔會乾真真。下午茶時段到夜晚7點，可以有免費凍熱飲，的確抵食！小雨天佔兩個大鋪位，所以絕對唔驚無位坐。好多人一人黎食晚餐，所以搭檯就少不免。

- 鐘意嚟葵芳行街，係因為大大細細嘅店鋪都有，亦有唔同種類的。有衣服🎽、首飾、精品、化妝、食店🥢......行過見到呢間真係好耐無食過喇😏。 難得見到有枱、又唔洗等位。雲南風味小鍋米線（$30）自選配料每款加$6雞中翼米線小辣雞中翼🐔好入味， 好淋。辣雞米線小辣滑雞🐓分量算好多。下午茶時段：奉送冷🥤熱☕飲品仲要冷飲唔洗加錢。=====================小雨天地址: 葵芳葵富路7號葵涌廣場2樓C33A-C37號舖

大家估下圖中果個係乜x野飯黎?. . ......開估, 係"招牌豬軟骨飯"嘩，削到咁既豬軟骨都係第一次見，完全咬唔到啲軟骨。啲呀姐姐得一兩個識落單（因為用電話落）剩係識叫你等陣，服務態度0分另外叫左碗腩肉米線，舊肉完全同我碗豬軟骨一樣。完全被人流呃左，比錢我都唔會再黎，完。