小雨天 (葵涌廣場)

營業中

休息中

兩個人食咗$178食到一半先醒起無影相叫咗兩個小辣過橋米線，各自加咗餸另外加咗一份蒜蓉雲吞、一份過橋雙拼餃子先講米線個湯頭完全無味，唔咸唔辣，只有撈到有辣油嗰啲位有啲機械式嘅辣味，唔香無辣油嗰啲位係完全無味但我係成個肉醬撈哂落去個湯到，都少少咸香味都無係份量好大，食到個人好飽，但唔好食之後講蒜蓉雲吞其實唔係好分到佢個雲吞同餃子，個樣同味道都差唔多餡料都係無乜味食落去一陣生蒜蓉味同有啲辣油但個辣油同米線係同一個，得辣唔香雙拼水餃係得個椰菜餃有啲甜味，韭菜餃就同雲吞一樣無味點唔點醋都係咁同埋佢無論雲吞定餃子都係勁厚皮嘅款式總結黎講，呢一餐係嘥quota食完都唔知自己食咗咩😶講少少服務，因為佢都幾爆，係咁搭枱，所以上菜上到好亂同埋我哋係見佢咁爆以為佢好好食先入去，點知同枱另外兩位都係咁，米線上到黎食咗一啖就話「無味嘅？」我諗好多人都係咁中伏😓

I recently discovered a fantastic rice noodle shop located in a mall near the MTR, and it was an absolute delight. The noodles had a perfect texture, being springy and satisfyingly chewy. The soup was rich and flavorful, adding depth to the dish. What stood out the most was the wide variety of ingredients available for customization. With so many options to choose from, I was able to create a personalized bowl of noodles with my preferred toppings. If you're looking for a comforting and customiz

呢間小雨天可能已經有三十年歷史環境同食物都依然係維持水準(冇進步過)仲要衛生情況都幾差張枱又痴笠笠其實唔係好明點解咁多年都未執笠可能係因為抵食夾大件？除咗呢個都諗唔到其他原因每次去都阻止唔到自己嗌同一個組合就係滑雞腐竹小鍋米線大辣超級大碗幾乎冇一次可以成碗完食無論係餸定係米線嘅份量都超多滑雞係最值得嗌嘅餸大大舊冇醃料小雨天嘅辣係來自辣椒油炸醬同酸菜嘅份量少而且唔重口味所以唔食辣嘅話基本上係冇味唔鍾意食辣椒油嘅話就會覺得難食但當我諗返轉頭嗌兩個餸只係48蚊仲要送嘢飲就會覺得算啦起碼夠飽小雨天其實仲有其他飯類選擇只係我本人對飯冇特別渴求同好感不過有見到其他人嗌嘅時候都會覺得係抵食夾大件雖然唔係特別好食但一定係平民恩物

近日天氣又涼左，又不想打邊爐，所以同男友行行下就去了葵廣的小雨天，點了他們家的腐竹雞肉泡飯和紹菜墨魚丸，結果非常滿意！首先是腐竹雞肉泡飯，泡飯的米粒軟硬適中，而且吸收了豐富的湯汁，入口即化，讓人食指大動。腐竹和雞肉的口感非常協調，腐竹的韌度和雞肉的嫩滑感完美結合，讓人吃起來回味無窮。再加上湯汁的香濃味道，男友話Very good喎。我則點了紹菜墨魚丸上海麵，也是非常好吃。麵條的口感彈牙有嚼勁，墨魚丸的口感也十分鮮嫩，紹菜爽口，讓人吃起來感覺非常舒服。總而言之，小雨天價格實惠。如果你喜歡中式麵食和泡飯，是很值得去試一試。

豬軟骨湯飯的湯頭清甜鮮美，豬軟骨經過長時間的熬煮，入口即化，口感柔軟，且富含膠原蛋白，滋補功效不容小覷。米飯蓬鬆可口，吸收了湯汁的精華，讓整碗飯更加美味。湯中還搭配了蛋花和蔥花，為湯飯增添了一份香氣和口感層次。總體來說，這碗豬軟骨湯飯是一道美味可口且滋補健康的選擇，尤其適合在寒冷的天氣裡暖胃補身。

尋日去開葵涌廣場買衫，所以求其揀左間餐廳填肚。見小雨天坐滿人就試吓。點咗個豬骨筒湯飯，份量大嘅，又一碗大白飯。舊骨好大，入面有骨髓，可以用飲管啜。不過我就麻麻哋入面嘅，無咩特別味而且質感好奇怪。個湯就不過不失，但我都加咗胡椒粉去吊吓味。其實咁嘅價錢$49，都係抵食（如果無咩特別要求）。

話說好耐冇食過，以前都算不過不失，但依家簡直係難食，唔明點解咁多人排隊，伏到一個點。😮‍💨叫左個腩肉酸菜中辣小鍋米線，佢就走左辣比我，叫我自己倒多D辣椒油落去，佢話都係一樣姐，諗住個湯會唔同D，試下佢個湯底麻，但辣度其實係自己set既，咁寫大中小辣托咩，完全顛覆我對雲南小鍋米線既想像，湯係完全冇味既，係咸味都冇，酸菜難食，腩肉鞋既，得大碗囉，未試過係度留言，嬲嬲地真係，態度又差，成碗冇掂過咁滯。🤬🤬🤬

呢間老字號米線店屹立葵涌廣場都有好耐時間，真係由中學食到而家，如果經過葵廣唔掃街，又諗唔到食咩，小雨天都會係一個好選擇😁❣️豬大腸滑牛雲南風味小鍋米線 $46今次揀左小辣，所以就唔太辣，豬大腸好重滷水味，滷得好入味，特別欣賞滑牛，份量多而且好嫩滑，米線都煮得彈牙，配料嘅肉碎同酸菜都好惹味，如果米線可以加埋酸度應該會更好食😆😆❣️凍檸茶 +$7大杯而且茶味濃，美中不足係個杯有啲污糟，洗得唔乾淨🤣🤣👅好味度：8（10分滿分）米線嘅價錢比起幾年前都貴左，但份量又真係比譚仔個啲連鎖店多，所以唔想日日食譚仔可以食呢間🤓

如果淨係睇依度啲食評你好可能唔會去試，但小店嘅評價真係唔可以盡信，否則會錯過好多好嘢😿（同埋想講間嘢午市係full哂，一人食都要搭枱，難食嘅又邊有可能咁多人🤣其實間嘢主要係食米線嘅，上次個frd試炸醬雞肉米線，我偷咗幾啖嚟食，炸醬好香，雞肉好食🤪但我次次都忍唔住叫豬筒骨飯，今次係食第❗️五❗️次❗️😆因為少啲地方有得賣，通常係我媽子整豬筒骨煲粥先有得食，自己整又嫌煩，而且我真係好好好好好鐘意食豬骨髓（牛嘅都鐘意）💕豬筒骨飯🐖 💰47 ❤️‍🔥7.5/10分豬好有肉味食落無冰鮮味，通常有兩舊有骨髓（世一），今次偏肥，無咩肉食，次次都唔同，真係要靠運氣，時好時差，所以今次得7.5分無8分〰️湯會有啲胡椒味，除咗豬筒骨同飯，會有芫茜同好多紹菜，唔鐘意食嘅人記得走咗佢❗️仲有細食嘅，記得少飯❗️可以嘅話其實我想走飯/叫佢俾少少飯，圖2已經係少咗飯，但我都係食唔哂💦（對唔住農夫⚜️整體性價比 8/10分因為有三次我食到嘅係多肉嘅，而且唔算貴，坐低5分鐘內有得食👌🏻

行葵涌廣場嘅時候見到咁多人食，心諗應該都唔差，叫咗個最正常嘅豬腩肉小窩米線，食左第一啖唔小心講左叫：嘩！咁難食完全理解唔到點解可以咁多人食😫首先個豬腩肉係好鞋，完全唔覺得自己食緊腩肉，跟住個湯叫咗小鍋米線嘅小辣，係普通辣味，完全扭曲左我對小鍋米線嘅認識，另外我最鍾意食酸菜，佢啲酸菜係完全冇酸味，食落去淡而無味，因為唔想浪費野食，格硬食咗一半，一路食一路燥，真係好難食🥵早知食譚仔都唔食佢，我勁少打食評，今次真係忍唔住

一直都知道葵涌廣場是掃街天堂，但其實都有些堂食店都可以一試。像是這間 小雨天 就是很老字號的米線。有雲南風味小窩米線，也有泡飯之類，都幾多選擇。我點了的是 - 滋補骨湯豬肝米線 ($47)很大一碗。豬肝的厚薄切得剛好，吃落是軟嫩亦沒什麼腥味。湯底不算很濃又不會太淡，但不會是好喝到會想連湯一起喝那種。米線入口則是爽滑，有配點菜都幾好。朋友點的則是 - 腐竹滑雞排骨小鍋米線🍜都是很大碗很豐富，另外是可選辣度或不辣也可。跟餐可以用 +$7 點美祿，冷熱同價，不會太淡。

幾年冇去過小雨天，諗住今日中午lunch去懷緬下。中午12點半嗰陣去到，諗完食咩就想落單，落單啲阿姐掛住傾計，你叫佢過黎，好似阻住佢傾計咁樣，黑口黑面。我叫咗個小鍋米線，加滑牛，加雞絲，加豆卜，小辣。5分鐘左右個米線到啦，米線面質太淋， 啲雞大件到好似無切咁，大大舊。 滑牛又係，大大舊，無咩味道，原來個辣係加pat辣椒油比你。米線個湯底可以話好求奇，淡而無味。 食咗唔夠三分一都冇，都費事食， 永不錄用唔會再去食。今時今日咁既米線鋪仲生存到真係有D出奇。

呢篇文章 希望可以等打算去小雨天既人三思而行有機會黎到葵廣當然要食野空住肚諗住搵間餐廳可以坐低慢慢食見到呢間鋪面 又幾大又幾多人應該都唔錯 連食評睇都無睇就衝左入去拎位食同伴人叫左個豬軟骨出前一丁睇下佢既食評🌪️豬軟骨 唔係軟 係硬既 需然舊豬 係好大舊但都係食唔到豬軟骨既味道 話明出前一丁呢兜麵 係無出前一丁既麻油 同調味粉只係一個白拾公仔麵 反正呢兜麵真係得啖笑🌝我呢就叫左個豬肉丸豬腸小鍋米呢兜野係大既 但係 真係 好！難！食！叫左杯菠蘿梳打 杯嘢好似飲緊糖漿，甜到漏我哋仲嗌咗個蒜泥餃子 餃子疊嘢都唔平呢碟餃子，仲衰過灣xx頭

小雨天，平價又好食嘅米線首選！佢d米線唔會話太硬身，豬軟骨湯底亦都好夠味最推薦嘅一定係豬骨筒米線，個豬骨筒入面嘅骨髓連湯一齊啜超好食😋(佢會比埋支飲管你🤫)

去完挪亞方舟公園去搭港鐵之前嚟葵涌廣場覓食先～呢度出名多嘢食～見到有雲南米線唔使諗啦腩肉小辣雲南米線～有：炸醬、酸菜、芽菜、韭菜、芫荽～大大碗米線～辣椒油似係入貨入嚟唔係自己整嘅味道一般～小辣都幾辣～腩肉係冇醃嘅～所以係靠個湯嘅味～湯底唔算好濃～但味道OK豬大腸小辣雲南米線～豬大腸清得幾乾淨～份量都算多～鹵得好淋好入味～可能有少少鹵汁係個湯底比另外一碗好食下午茶餐包一杯冷熱飲品～熱奶茶茶餐廳水平茶味濃