影片
開飯介紹
無限時的任飲任食台式火鍋餐廳，有多款台式湯底，主打高質牛肉及豬肉，另有數十款火鍋配料。
繼續閱讀
營業時間
今日營業
12:00 - 23:00
星期一至日
12:00 - 23:00
公眾假期
12:00 - 23:00
公眾假期前夕
12:00 - 23:00
以上資料只供參考, 請與餐廳確認詳情
有關獎賞計劃
食家推介
如果以台式火鍋嚟講，佢唔算多台灣嘅菜式，鴨血都只係屬於普普通通嘅味道。但係佢嘅海鮮又出乎意料之外嘅新鮮同好味，尤其係🦐，好新鮮，鮮甜，有蝦膏，忍唔住添加左兩輪。炸魚皮佢有兩款，好欣賞有「有骨魚皮」，香脆👍🏻，唔係好多地方食到，不過食嗰陣時候真係要小心啲。值得讚嘅係佢添加嘅湯，係真係湯，唔係水，足料，仲不停為你添加。飲品都有好多選擇，同埋好大杯。服務都值得一提，服務員個個都態度好好，自動會玩碟，臨走我仲要唔記得食雪糕就埋單，佢仲提返我，叫我入返去坐低食完先慢慢俾錢😂
繼續閱讀
野食可以電話order, 衛生員工有禮，因為小朋友想叫飲品，員工都有禮先幫我落order ,Order野食黎得好快，野食好味，即使我叫最平既餐都很好禮貌。很好餐廳，不要執立
繼續閱讀
之前試過喺佐敦嘅 鍋霸無限時火鍋放題，湯底同食物都唔錯，又可以任坐，啱晒同朋友吹水到天荒地老🙌。見附近開咗旗下分店 小鍋霸，一直想試下。閒日晚上安排咗卡位俾我哋坐，坐得舒服。套餐：分別有$298、$398、$498三個餐。三款都係Prime grade牛，分別係牛肩胛、極上牛頸脊同霜降牛小排既分別。豬肉就係西班牙豬同伊比利亞黑毛豬既分別。我地嗌左$398既餐，牛肉黎講極上牛頸脊比牛肩胛薄切，油花比較平均，食落軟冧順口，唔會un或者難咬。而伊比利亞豬就冇乜特別，都係薄切唔un，冇豬臭味。兩款肉都不過不失，但你話好驚人又唔係。湯底：雖然佢叫小鍋霸，但並唔係一人一鍋：2-5人一鍋，6-10人兩鍋，11人以上三鍋。鴛鴦鍋嘅話另加$48。 有10幾款台式風味湯底，例如醉雞、菇菌、椰子雞、蟲草花桃膠雞、沙茶、各種蕃茄、麻辣等等。之前試過佐敦鍋霸既蟲草花桃膠雞鍋覺得好清甜好好味，今次就試左台灣古早牛肉鍋。咸咸地，有啲似台式牛肉麵既湯底，唔會好油。鍋入面有好幾舊牛肉條，煲到好冧，我地當餸食食哂😂。配料：作為一間香港既台式火鍋，常見既丸類、火鍋料、滑、蔬菜類、炸魚皮、山根響鈴，大致上都齊備。另外仲有魚片、蝦、蜆、帆立貝等既海鮮任食。各式丸類都唔差，唔會話好粉一食就知好cheap嗰種，仲有啲特色丸例如芝心牛丸、奶油南瓜包、芋泥貢丸，鐘意丸類既朋友可以一試。重點係粟米，非常甜，係本人食過火鍋放題餐廳數一數二清甜既粟米。飲品、雪糕：呢間餐廳既飲品有驚喜！都係全部落單order既唔洗自己出去拎，主打係台式飲品，甜既例如有愛文芒果茶，水密桃茶，蜂蜜綠茶，冬瓜茶等等，唔甜既都有冷熱無糖茶，另外竟然仲有咖啡例如雪香Latte，款式同其他火鍋放題餐廳比相當豐富有趣，而且冷熱都有，夠養生！另外包一人一份雪糕，有Movenpick、Häagen-Dazs、Dreyers等可以選擇。性價比：如果以$398既價錢黎講，牛肉豬肉既質素唔算驚艷，亦都冇咩特別矜貴既火鍋料，性價比一般，勝在湯底同飲品比較多元化同可以無限時任坐。7點前離座或8點半後入座仲有折。其實$298既Prime grade牛肩胛都已經唔錯，要求唔高又想慢慢食慢慢傾計既可以一試！畢竟係香港想搵間可以無限時坐既餐廳都唔係禁易。回頭度：目的導向、打躉專用🐥
繼續閱讀
5️⃣2023/4/13/Thu/15:25/walk in 唔駛等，平日下午茶時段，竟然無人，得我一台，有啲驚中伏。二人埋單免加一共$134，平均每人$67。寶琳地鐵站A1出，商場內，唔易搵。裝修光猛，感覺乾淨，坐得舒服。服務姐姐有禮，落單快，上菜快，食物好妹，必定再去試吓火鍋。整體80分~會再去,下次試火鍋。80分~台灣黑蒜雞米線$55，賣相吸引，味道濃好香，紅棗好甜，好好味。70分~跟餐細罐可樂$3。70分~藥膳蕃茄雞飯$56，整體都ok，雞肉有小小鞋。70分~跟餐凍檸茶$2，正常。70分~炸魚皮$18，夠脆，分量較少。
繼續閱讀
#20230401 🤍📍 小鍋霸 @littlehotpotking 將軍澳貿業路8號新都城中心2期UG樓UG051F號舖 🍽️西環卑路乍街80號Imperial Kennedy地下6號舖銅鑼灣謝斐道535號Tower 535地庫B03號舖➖➖➖➖➖➖➖➖➖➖➖➖➖➖➖➖➖➖#PrimeGrade牛肩胛及西班牙無激素豬肉片 #成人 $298#星期五六及假期前夕 +$10🥢 #湯底 💭 呢間舖頭主打無限時，7點前離座人頭費有8折🕖不過就算唔折無限時都係好抵，🐷見有啲客帶晒iPad去邊煲劇邊打邊爐都係好享受😎湯底🐷每次都係揀#田園蕃茄濃湯雞肉涮涮鍋 🍅蕃茄味好濃郁，未開始淥野係帶甜味，淥完吸引左野食啲精華仲正🤤.🥢 #肉類💭 湯底跟個#雞脾肉 好滑🐥火鍋料果度可以再叫，#西班牙無激素豬肉片 切得好薄都仲有啲鞋🐖#PrimeGrade牛肩胛 唔差，唔肥又唔鞋👍🏼因為🐷叫果個係最平個plan，所以肉類唔太靚都接受，其實有三個價格，想食靚肉可以試下貴啲既，🐷就未試過😅.🥢 #配料💭 有得瘋狂食#蝦 同#沙白 係🐷心目中已經加晒分💯有#紫蘿蔔 比較少見，煮淋左好甜又多汁，仲有好少見既#鵪鶉蛋 ，幾特別😎啲#手工水餃 一食就知係自家製，因為個餡好咸🥟其他都正正常常，無咩特別勝在唔會伏🚁.🥢 #雪糕 #飲品💭 佢啲野飲唔似其他火鍋店係紙包或樽裝咁自己拎，係一杯杯茶餐廳款咁既野飲，有#凍檸樂 果啲🥤雪糕除左平時一杯杯果啲之外，仲有甜筒食🤩#Dreyers 既焙茶味🐷強烈推薦😬整體都係算有驚喜，係可以消磨時間既好去處😂.#將軍澳美食 #🐷在將軍澳 #西環美食 #🐷在西環 #銅鑼灣美食 #🐷在銅鑼灣 #🐷_食
繼續閱讀