小金井日本料理 (已結業)

服務態度差,無禮;食物尚可,有侍改善;加多D笑容喇!人已經少喇,重扮高竇,個鐘又較慢成8分鐘,等客人叫宵夜要等多8至9分鐘,極之無癮,總之態度好差,我已經幫襯超安心四人餐。想再叫野明明夠鐘都無得叫

住左SSP好多年~一直都未有機會來這間日本料理店食過~今次因為不想吃茶記~所以今次就黎試下呢間小金井~唔知係咪日本副射關係~七點幾去到入面差唔多包場咁空曠@@|||到差不多8點先開始多少少人~環境都唔錯@@~(但咁大ge地方都冇電視@@~(我男友對呢樣野唔知點解有d介懷= =...))今次叫左一個刺身定食~$69同一個壽司定食~$59刺身定食配飯同湯~壽司定食就配烏冬~計翻價錢同份量~都算幾平ge@@~而且刺身質素都唔差~不過玉子就唔多得...即使我冇乜喜好都覺得差左d...冇乜味...壽司就正常水平啦~不過刺身定食跟ge飯竟然係普通白飯就...兩樣野都淡味...就有d怪...可能配醋飯或者烏冬會好d~第一次寫食評~嘻~

呢間日本食店幫襯左好多年，一想食日本野通常都會黎呢到，原因係食物質素唔差，價錢唔貴，招呼ok，又唔使排長龍。隔左一排無黎尋晚又黎過，改左餐牌，無我喜歡既特平2磅三文魚刺身，於是試左下以下食物：1. 蟹子沙律：一貫唔差。2. 帶子刺身：好爽口好新鮮3. 壽司船：呢個新野，26件壽司賣$148，一件都唔使$6，而且有蝦有帶子有三文魚有蟹子，好抵食，而且件件都好好味，飯唔會太大太硬，一啖一件剛好。4. 雞腎串燒X2：燒得比較乾身，味咸返少少仲正。5. 雞扒套飯餐：有麵豉湯有雞扒飯有天婦羅有兩件蝦壽司，水準KEEP到，唔錯。6. 九州鐵板田雞：呢個都幾辣，好香，不過田雞肉煮過左龍少少，有少少奀，味道好濃。埋單加埋都係四舊水，食左咁多野唔算貴啦，下次想食日本野再黎過。

之前聽人地話小金井o的野好抵食,所以今日就去試下la,我叫左過鰻魚拉麵,點知得個4舊,仲要好遲先黎,都唔緊要~,佢個4舊仲要係凍既!甘我就忍唔住la,點解4舊凍鰻魚都要搞甘耐?所以,我勸大家千其唔好食佢既鰻魚拉麵,唔係就一肚氣!!

呢間鋪好多年歷史了十幾年前細個未結婚也吃過好多次了今次哥哥去開深水埗買野飲所以一起再來了真係成十年冇來我地叫了生蠔, 壽司船, 燒雞翼, 帆立貝刺身, 雞肉飯,牛肉飯, 麵同燒魚所有野也一般好似冇以前更好食無食物特別特出

玉子牛肉飯-好 好 味, 拉麵都好正, 彈牙, 上次我去88拉麵,食佐碗$68的拉麵,都唔食得. 但小金井$38的拉麵就好正,湯無味精,宵夜更有特價, 但係地點就偏僻些,無辦法了,依家揾好嘢好艱難!

黎到呢間小金井既時候2點左右,得幾枱客既姐.叫左牛肉鍋定食,生薑燒豚肉定食,玉子豚肉定食,九州拉面好牛肉鍋定食,生薑燒豚肉定食,玉子豚肉定食已經到左,. 5分鐘...10分鐘...咁過諗極都吾明點解個拉面會仲慢過個SET?仲要TOTAL等左OVER 10分鐘忍吾住要吹吹單,待應A話幫我地跟跟個九州拉面..跟住我就聽到待應B大聲咁嗌,收吾到拉面單WO...咁小人食野都漏單????講反野食牛肉鍋定食: 味精重左D,份量夠大,料足,OVERALL味道一般生薑燒豚肉定食: 份量夠大,薑味不會太重不會COVER左燒汁味..味道GOOD玉子豚肉定食: 有甜甜的味道..相比起份量不算太大,不過食得飽晚,味道都吾錯九州拉面: 味精湯!食左幾啖已經好口干..要不停飲茶..D日本叉燒冇味,吾好味!而蟹柳散晒.OVER COOKED! 味道一般..三文魚壽C : 一般,食到小小腥味我諗燒物會比較好味

晏左, 又 tired, 所以冇煮飯, 同女朋友落街食, 見小金井冇乜人, 就走入去食.一入去, 大半間餐廳都冇人, 因為已經差唔多十點, 但都要我地逼埋一齊, 坐一張超細同埋隔離左右都有人0既位度坐, 同佢講要坐第二張, 佢都唔比, 話一定要坐呢張, 結果坐得好唔舒服, 如果係好多人, 我會原諒, 但明明有三分二既地方冇人又有位, 偏偏要令到你坐都坐得唔舒服, 我就覺得好嬲, 跟住其他人入黎亦都得到同樣既遭遇, 仲要越坐越逼, 都唔知想點埋單0個陣, 個女侍應(應該係高級d) 仲串, 因為我有出聲話咁樣安排坐位不滿, 佢拎張單埋黎0個陣乜都唔講, 又唔望人, 就咁 "pat" 低個盤要我比錢, 態度差到冇人有, 仲慘過我要問佢拎番錢咁, 激到我丫 我以後一定唔會再去.

好普通放左學之後,我朋友建議去佢住既長沙灣屋企附近食小金井唔..我點了我最愛食既牛排(?忘了那餐的名字..跟餐有2片三文魚之後我再點了我滿喜歡吃的雞肉串其實本人覺得價錢不太合理一開始上第一碟是我們至愛既三文魚我一睇到..有d覺得怪怪因為超多冰(請看下圖=3=)之後一食..就如我所說的,不像板長那些,溫度適中(對我來說),這真的太冰了,說是重鮮味不如說腥味之後上了我的牛排(?)加飯,一吃,好失望=_=好硬..之後再上了雞肉串哈..又是失望之作..佢陣醬味太重瑞士汁味,本人都不太喜歡瑞士汁,因為好普通好普通好普通你俾我瑞士汁雞肉串不如我整瑞士汁雞翼你食我真係全食唔到有雞肉味我朋友都係叫左牛,但跟我的不一樣似乎是有燒過 都OK的但呢間既侍應服務都好好都好有笑容,親切感大但反正這間的食物賣相麻麻如果我自己的話,我想我會0%選這間..除非我同學不積極選這間,除非我咁岩又要被迫要去到呢間食,除非我突然我朋友想食

一行六人, 在2/12晚幫襯小金井, 替三位靚靚坡妹洗塵.可能係閒日, 餐廳只有七成滿, 兼且不用等位, 金融海嘯威力的確不可小窺.兩位小妹妹淨鍾意食魚生, 於是點了一客特價三文魚, 一客雜錦魚生(跟飯), 及一客雜錦壽司(跟烏東), 三樣都係特價, 但感覺幾新鮮.餐廳服務都唔錯(起碼比以前進步), 兩個男人叫了啤酒便開始吹水, 老婆們唯有叫個平價($168)的二人套餐, 再另加兩份南瓜同蕃薯天婦羅, 諗住唔夠食至再加. 套餐我以前食過, 有魚生, 壽司, 牛舌, 炒菜, 炒烏東六七樣, 碟頭都幾大, 兩個人我覺得好難食哂. 果然, 成枱都係嘢, 一人試小小, 覺得份量啱啱好, 適合眼濶肚窄的人.我同朋友覺得整晚最得的是南瓜天婦羅, 若果唔係太飽, 可以來多兩份添呢餐本來都幾完滿, 但兩個男人未夠喉, 建議叫幾啲串燒, 點知咁就衰咗, 三樣(雞腎, 雞軟骨及尤魚鬚)等到頸都長不特止, 又唔好味, 又硬, 早知去對面街邊食雞仔好過.埋單總共 $666 ---- 個數目都幾吊詭, 俾佢嚇咗一跳.坡妹位相公家位西環, 平時幫襯開中環灣仔啲貴價食肆, 猛話好平好抵. okay啦, 呢間小金井總

今日午膳 在此日式餐廳 內 享受~ 在等候美食期間，隔離枱的客人需要外賣盒用來裝＜食淨的烏冬＞，點知某侍應說：「外賣盒要加錢，要加４蚊！」結果此客人勁無奈咁要此服務！　我的美味午膳　終於　到了～　我一向食煎炸的食物，一定要附加＜沙律醬＞～當我over話〔唔該，俾碟沙律醬我呀～！〕此員工半時的表情感到很疑惑！還要收左〔壽司碟〕～之後我等待我的沙律醬～發覺呢個員工係度與同事們談話～我仍然繼續等待～大約等了５分鐘～我叫第２位員工～點知此員工說：〔下～沙律醬唔跟呢個餐ga 喎！如果要的話．要加錢！〕我聽完了之後，當場呆了～　我第一次聽到要沙律醬要加錢～～　我第一次係長沙灣食～估唔到有咁的答案出來～　相比元朗的分店～　我始終元朗果間還要好～～報告完畢～！　多謝觀看～！　純粹個人意見～！　如有得罪之處，敬請原諒～！

食鵝肝 睇月光叫左 三文魚壽司 帆立貝壽司 尤金魚壽司 大蝦天婦羅 煎鵝肝 什錦日式焗面幾好播~~~壽司...三款都好好...全部都好新鮮....一食落口....魚鮮即滲....正!天婦羅...我係叫淨蝦天婦羅...但係唔知點解有埋其他果d 唔相干的野炸得ok....外層夠晒脆口...不過隻蝦太細...食起上尼感覺變左太多粉個焗面好濃味....味精太重....太咸味喇....所以一食就要係咁灌水....煎鵝肝非常好....鵝肝夠肥美煎到層皮脆卜卜....內裡軟綿綿....不苦卻甜....正呀!!!

我是長沙灣的街坊，由這家店開張以來一直都有幫襯。以前水準不錯，我們一家經常來吃晚餐，但近年來越來越差，已被我列入黑名單。但奈何家人還是覺得不錯，因此偶然還是被逼來吃晚餐。以前有壽司船，頗抵食的，服務差我也覺得可以接受。但後來沒有了壽司船，加上食物全部漲價後，我對它的感覺越來越差了。服務差的原因，上菜慢，添茶慢，經常漏單。曾經在等甜品(其實只是2顆雪米滋)，被催結帳2、3次，但等了至少20分鐘就是沒有人去把那2顆雪米滋送上。昨晚中秋，家人提議到小金井用餐。本以為會很多人，但卻意外的發現很多位置！以前就是平日也要排隊等位的，我最少有好幾個月沒有光顧了，大概和我一樣討厭它的人也越來越多了吧！我都交給家人選菜，叫了約5客壽司，鍋燒鳥冬和牛肉炒麵(忘了名字是不是這樣…)。壽司還是不過不失，雖然我還是覺得它又不是特別大件或新鮮，不值這個價錢…鍋燒鳥冬是一直以來我的最愛，水準也比較平穩，值得一試的。不過經常都要等很久，這次倒是很快就上了。但牛肉炒麵嘛，非常的咸，聽家人說之前也試了一個類似的菜也是太咸了。結單4人二百多，妹妹還覺得不算貴。但老實說我根本沒飽，但我寧願回家吃月餅也不想在這裡再叫菜。這次經

被罰留堂，無辦法參加是晚的爬格仔團，趁大家未走就趕來吃個宵夜再回巢作戰。長沙灣是讀書時每個周末都會的好地方，附近一帶的街坊口味亦略知一二，從前早餐豪一點的會到愛群吃個扒，聚會後，撐開眼皮伸個懶腰就拉隊吃雲南米線，有餘錢就會到許留山吃紅．綠撈，想起也叫人懷念。是晚來到小金井，一間足足幾年無來過的港式日本料理，九點半埋位，未有宵夜折扣，於是就簡單地叫了幾味頂下肚，兩位女食友一開始就叫來支清酒，不想在此吃壽司、刺身，更無理由吃拉麵，最對路的是串燒，牛舌、雞皮、雞腎都叫來，雞肝無貨（其實在這裡就算有都敢禁叫），食友又叫埋螢光魷魚．．．喝著綠茶等，首先是狸貓換太子，以最討厭的八爪魚仔換作螢光魷魚，事後雖然更正，但眼前物賣相唔多掂，食友評語是a.未能完全解凍，硬得落地有聲，b.太細隻，偶沒吃也難理經理向靚女食友解釋，惟一想說，這裡是深水埗～～～幾味串宵，其中牛舌只收十八蚊有兩客，有油脂又有彈性，算係咁，而雞皮乾得要命，雞腎乾但無口感，明顯是放在燒爐上師傅又唔知走去邊之作，萬幸是沒雪味。吃了幾味，已經幾飽，笑談一番後回巢作戰，每人百七蚊，在深水埗區這價位吃宵夜貴得要命，死．都．唔會再來。

細佬我住附近, 以前成日黎宵夜, 同我女友, 兩條友叫個拉麵, 五六個壽司, 加串串燒加一壺月桂冠, 兩百零蚊落樓, 就已經好開心.依家? 拉麵冇左宵夜, 直頭係餐牌上面消失左. 其他野一律加價30%, 上次去食, 叫番一樣o既野, 三舊幾水, 講真, 宵夜黎講貴左d. 唔係咁worth.服務一向一般, 試過倒Sake, 條友打爛左個壺(當然打爛埋支酒), 仲企係到笑. 真係傻到冇人有. 成枱玻璃, 我同我女友, 真係望住佢唔知講乜, 唯有同佢講 "小心介手".野食ok喇... 大佬, 長沙灣, 唔通要求見城o既質素? 壽司到依家我都覺得算係咁, 以長沙灣而言.永遠漏單, 永遠... 次次都要提佢, 次次都要check單. 都好, 佢地起碼有d堅持.唔worth lu, 減少幫襯吧, 不過都係會繼續去. 因為食完宵夜可以行番屋企o既日本餐廳唔多.