小野人 (MONTEREY Place)

營業中

休息中

這間串燒店真的好特別,有種好寫意想食完再食既感覺,而且小爐為串燒保溫真係好開心,可以慢慢食。今日真係點左好多串燒一口菠蘿，，豚肉卷，烤雞肉，香腸，鮑菇，烤雞翼其實真係好有特色既串燒,每樣都好好味, 烤雞肉、烤雞翼都好有肉感,而且熱辣辣食,真係好啱冬天既風味~小吃烤肉米，蒜蓉粉絲娃娃菜，蘆筍烤肉米好特別又健康,好鍾意佢既醬汁奶油小饅頭，糖烤牛奶方包香脆、夠味,而且好少地方可以食到,啖啖都好滋味~仲叫左重慶酸辣粉,不錯不錯~一大杯水果茶超正既口果茶~超足料水果~

今日嚟到小野人食晚餐，環境好舒服。呢度用QR code落單好方便，同時亦好貼心有個爐響枱面烘住食物唔會凍。大漠烤羊肉串：肉質唔乾嫩滑，不過唔食辣既朋友記得響備註寫走辣，因為口味偏辣。烤雞肉：食落肉質嫩滑唔乾，輕烤過後甜甜地。金針菇牛五花卷：烤得保持到有肉汁唔會過火焦燶。蒜蓉烤生蠔：蠔肉唔腥烤完都好多汁，仲有工具附助去食。墨西哥烤玉米：粟米扒有沙律醬，七味粉，咬落每粒都有水分。蒜蓉烤茄子：燒得岩岩好，唔乾之餘唔會偏咸，成條茄子肉起到出嚟。黑松露芝士撈丁：一上枱外表非常吸引，撈勻芝士同黑松露後食完一啖接一啖，記得要襯熱食。爆檸梳打：大大杯唔會太甜，解膩之餘幫助消化。

呢加將軍澳愈嚟愈多好嘢食啦～👏🏻，之前已經去過一次KAKO小野人～ 仍然好掛住串燒😋，值得再去🫰🏻！職員勁有耐心講解為咗保持食物嘅質素同溫度，枱上面都會有一個熱爐，方便佢地將一啲燒好嘅串燒放喺熱爐上面，可以慢慢享受串燒😙，而且又唔會因為唔夠熱而變得唔好食，絕對係暖心之舉😻。今次嗌咗唔同類別嘅串燒，家人唔食得辣，所以喺落單嘅時候可以選擇串燒辣定走辣，啱晒唔食得辣既人🫡。我哋覺得最值得推介嘅係芝士蒜蓉烤茄子，有濃濃嘅芝士🧀️🤤。其他都非常之惹味好食‼️芝士蒜蓉烤茄子 $48@1份烤黑豚五花 $28@2串烤牛舌 $28@2串烤一口甜蕃薯 $23@1串金針菇牛五花卷 $28@1串香蔥豚肉卷 $28@1串烤多春魚 $36@3條烤雞肉 $28@2串烤海蝦 $38@3串烤雞翼 $28@1串2隻蒜蓉粉絲烤扇貝 $42@1隻芝士烤生蠔 $38@1隻烤杏鮑菇 $18@2串奶油烤小饅頭 $26@2個四季春 $30雪碧 $28

將軍澳海濱附近好多餐廳，今晚揀咗去食串燒🍡 食完仲可以去海濱長廊散步😊餐廳用QR code 自助落單好方便👍🏻👍🏻 店員好細心仲會提醒客人唔食得辣記得揀唔辣🤭🔸墨西哥烤玉米🌽 一上枱充滿牛油香氣😍烤過嘅粟米粒唔會好乾，入面仲juicy好好味😋🔸蒜蓉烤茄子🍆 燒烤必叫嘅烤茄子放咗大量嘅生熟蒜去烤，茄子肉好juicy又惹味🤭🔸黑松露芝士撈丁🧀🍜 超濃厚芝士蓋滿整個撈丁😍 配埋黑松露醬超香😍 必食🤩👍🏻🔸蒜蓉金針菇🥢 有蒜蓉嘅金菇加少少辣粉同葱粒已經好好味😋🔸大漠烤羊肉串，金針菇牛五花卷，烤牛舌，烤娃娃菜。羊肉串好惹味，都幾辣吓😆，金菇牛五花卷燒得唔乾👍🏻風味十足🔥👍🏻🔸珍珠奶茶🧋 食到有啲辣叫杯珍珠奶茶飲解下辣，都幾大杯🤭🔸蒜蓉烤生蠔🦪 蠔肉飽滿配埋惹味蒜蓉一流👍🏻🔸烤雞肉🍖 燒汁甜甜地唔辣，雞肉燒得剛好唔乾😋🔸烤脆雞皮🤪 邪惡之選同埋超脆！難以抗拒🤤整體餐廳環境好舒服，燈光柔和，配合木系設計令人好放鬆地坐定定等食串燒😋 上菜速度快，熱辣辣嘅串燒🍡會放到每枱都有嘅保温爐上保持熱度，好細心💛 平時食完串燒可能衫同頭髮會吸晒串燒嘅香氣🤪 呢度食完離開店舖都無呢個問題👍🏻

小野人餐廳位於將軍澳南诲岸Monterey Place,餐廳裝修設計以台式休閒淺木色為主,餐廳主打台式風味串燒佳淆和特色飲品,餐廳備有小爐為串燒保溫,服務員熱情招待顧客。烤海鮮食物有蒜蓉烤鮮蟶子,海鮮夠新鮮,蟶子肉質鮮味又彈牙。蒜蓉烤生蠔,生蠔夠肥美,又好有蒜香味。烤花枝丸,花枝丸食落好香口又美味。烤串燒食物有烤雞脆骨,雞脆骨烤得好惹味。大漠烤羊肉串,羊肉串冇羊騷味,夠香口。大漠牛肉串,牛肉串食落唔會韌,好惹味。Q彈小豬頸肉,烤得好嫩滑。烤牛舌,食落夠香口夠入味。烤香辣豬手,豬手好淋滑又多肉,好有骨膠原。重慶酸辣粉,配有香脆花生和香茜,酸辣粉夠彈牙。金針菇牛五花卷,金針菇牛五花卷食落好美味。烤香芋片,香芋片爽口。飲品森林元汽水果茶,有多種水果飲落清爽。超C爆檸蘇打,新鮮檸檬入口清新。

今次已經係我第二次嚟《小野人》食串燒啦😋上次我同朋友嚟食過都覺得好好味，今次我就燒咗另一個fd嚟😻食物呢度嘅串燒種類非常之多。除咗串燒之外，仲有酸辣粉、薯條、芝士撈丁❤️真係唔怕齋食串燒會食唔飽！我哋今次又叫咗烤黑豚五花、Q彈小豬頸肉、烤牛肉串等等，真係超級好食，食極都唔飽😂我最鍾意佢啲串燒擺喺個熱爐上面，因為可以慢慢食，唔怕會凍晒！除此之外，今次我哋仲叫咗啲新嘢，例如：烤生蠔、蒜蓉粉絲蒸扇貝、蒜蓉芝士烤茄子、雞腳等等。估唔到呢啲食物都相當惹味，蒜蓉、粉絲、芝士超級多！尤其係個茄子，兩個人食都未必食得晒😂食完都應該會飽咗一半🤭最後我哋仲叫咗兩杯嘢飲，呢度嘅飲品選擇都好多，仲要有熱飲，好啱我哋兩個沾寒沾凍嘅女仔😂呢兩杯蜜桃綠茶解渴真係一流！

將軍澳區都有夜市style嘅燒烤🍖餐廳就係位於將軍澳南，環境好清幽，感覺好舒服。今晚宵夜特登去試吓～小野人！坐低咗之後職員會擺一個爐for串燒保溫，所以能夠keep住食物溫度。餐廳用QR code落單，亦都有提示唔食辣嘅話要remark。招牌燒羊肉串：羊味唔會勁騷，羊香味帶有少少辣，值得推介！豬頸肉：蜜汁佈滿豬頸肉嘅表面，加上脆卜卜嘅蜜豆，好甜蜜！店舖裝修風格日系，好cozy~一坐低就嗌咗我好鍾意食嘅燒韭菜❤️燒過韭菜就知道係好難燒得好食，bbq好容易燒到着火🤣koka的韭菜冇燶味，辣得來又唔會搶咗燒烤嘅味道。呢間餐廳並唔係第一次食，但係佢嘅麻辣豬手真係未試過，軟軟黏黏的口感即刻溶化，辣度適中。另一個係蒜蓉魷魚🦑+粉絲，湯底唔會好鹹，蒜蓉味道濃香，而家買魷魚越貴，所以呢個份量的確抵食！我總要叫一啲澱粉，所以就嗌咗酸辣粉，薯粉夠彈，湯底味道濃郁，酸酸辣辣，好好味！

食物質素還可以，但絕對不值這個價錢，兩人食了九百幾蚊，仲要迫我地坐有咁窄得咁窄既檯，其他檯都唔滿，又唔肯幫換位，最後仲要聽到其中一個中年四眼黑框眼鏡女店員大聲罵其他顧客痴線，講左又話自己無講，好似當其他顧客都係痴線一樣，總之大家想被人劏到一頸血，食既野唔係咩高檔食物，仲要有風險被罵的話，就可以試試。

小野人 (將軍澳).將軍澳本來食串燒的地方不多，隨著將軍澳多左新樓盤，開始多左好多好野食😋.蒜蓉烤鮮蟶子及扇貝.蟶子大大隻，蒜蓉葱粒以及辣椒🌶️調味夠爽口新鮮，試完蟶子之後再叫左蒜蓉烤扇貝，一樣係咁好食！.燒蘆筍•烤杏鮑菇.蘆筍同杏鮑菇，前者爽口又嫩，杏鮑菇都幾juicy.手拍青瓜🥒.之前好似無呢個前菜，夠酸夠開胃🤤.小野人 (將軍澳)將軍澳澳南海岸唐俊街23號MONTEREY Place地下G25A號

大家好!今天跟大家分享一間位於將軍澳海旁的道地日式串燒店 - 小野人KOKA。小野人KOKA以「即叫即燒」為賣點,所有食材都是新鮮現切,下單後立刻烤焗,保證最鮮嫩美味。我和朋友點了一輪八款串燒,每一樣都令人食指大動。首先是烤脆雞皮,雞皮烤得很香脆;接下來是珍寶蟹柳和杏鮑菇,海鮮和香菇的鮮甜迸發,很入味;大魷魚也非常新鮮,配上秘製醬汁,滑嫩可口。除了海鮮,墨西哥烤玉米和烤台灣腸也都是好吃的選擇,香脆可口。在烤串之餘,我們也點了一碗椒鹽薯條,以及招牌的重慶酸辣粉來解油膩。小野人KOKA提供多種天然水果茶,我們點的元氣水果茶不但健康,而且口感清爽可口。服務方面,店員熱情好客,食材供應充足,點單速度快。總結來說,小野人KOKA是將軍澳區難得的道地串燒店,以海鮮串和各式零食著稱。它的即叫即燒模式保證食材新鮮美味,是一家適合朋友輕鬆聚會的好去處。如果大家想找一家近海餐廳品嚐串燒美食,這裡絕對值得一試!

最近係將軍澳發現左間開至凌晨🫢串燒燒烤店😎食物種類繁多除咗一般嘅串燒肉串外🥰😍更有多款小食、海鮮等選擇🤪而且店內環境舒適～即刻叫朋友一齊嚟食吓先我豬、牛、雞串燒都叫～味道真係唔錯～code落單上菜速度快有得揀辣定唔辣🤪我就推介大家一定要食辣，因為會更惹味豬。烤香辣豬手。Q彈小豬頸肉雞。烤雞翼。烤雞肉。烤雞脆骨牛。烤牛舌。烤牛肉。金針菇牛五花卷海鮮。烤花枝墨魚丸。烤小黃花魚蔬菜。烤娃娃菜。烤韭菜。蒜蓉烤茄子。墨西哥烤玉米小食。麻吉年糕燒飲品。森林元氣水果茶 🌟串燒由廚房燒好再上枱🌟每台跟暖爐為食物保溫小野人@koka.asia.hk 📍將軍澳澳南海岸唐俊街23號MONTEREY Place地下G25A號舖

之前食過一次，印象好唔錯今日又同朋友過嚟食，星期五晚市18:30開始好多人，繁忙時間建議book定位，咁就唔會失望而回～每張枱都會有一個熱爐用嚟放串燒，可以額外提供辣粉及孜然粉大漠羊肉，$48有5串，燒得好香，有羊味，肉質軟嫩大漠牛肉，都係$48有5串，有牛味，幾抵食Q彈小豬頸肉，一份有6串，肉質好Q彈，甜甜地辣辣地，好惹味燒雞翼一串有2隻，辣辣地好入味，而且肉質都幾滑燒饅頭，表面少少脆，配上煉奶及芝麻，更香口

訂了5位星期日7點堂食，此店已光顧了很多次，每次都會來電作實是否準時到。剛到埗店員跟我說今天只能用餐1小時，我當時回覆太趕了，好說因今天booking很滿，我只說盡量快，她也沒堅持一定要1小時。我們沒有停過點餐，直到一店員過來說你們用餐時間差不多，我們說點埋呢轉，店員竟然說你再點餐，要半個小時食物才到，還說，你最後落單的我替你取消，我們客人已在門外等。一般人店做法都會說時間差不多，你們還有什麼未齊或最後一次order,沒聽2過直接取消你未到order.串燒店既理念是一邊吃串燒，一邊傾談，提供食物時間長，還要客人一次過點，大堆頭送來，急急吃完，似乎不是串燒店的應有作風。加上光顧很多次都不是用餐一小時，店員回覆在openrice有說明，講真，點會細閱內容。真是吃到滿肚子氣，過份。我只是想講，店員態度非常惡劣，做生意不應這樣，跟老闆倒米。

將軍澳區主打串燒的鋪頭唔算多～而呢間小野人都算幾高質，一嚟環境幾舒服，二嚟食物質素都唔錯，整體性價比okQr code落單，好方便，上菜速度都ok! 枱面會一個爐熱住啲串燒，慢慢食都冇問題👍🏻魷魚花粉絲鍋魷魚好彈牙，粉絲及韭菜吸曬啲汁，好惹味燒韭菜好香孜然味，唔會太咸燒魷魚大大條，口感柔軟Q彈燒雞軟骨鹽燒，咬落好香口，超正燒墨魚丸燒到表面少少金黃，好好食香辣烤滷猪手骨膠原滿滿，甜甜地辣辣地，幾惹味食串燒，唔少得飲品😍大大杯檸檬梳打，好解渴

今日約左朋友在將軍澳吃完晚飯，這家餐廳是朋友推薦。叫左好幾樣，都幾好味。⭐️大漠烤羊肉串鮮嫩多汁的羊肉串，搭配獨特的調味料和香料，經過炭火燒烤而成。每一口都散發著濃郁的羊肉香氣和微妙的炭燒風味，令人難以抗拒。⭐️金針菇牛五花卷金針菇牛五花卷是一道結合了嫩滑牛五花肉和鮮脆金針菇的美味菜品。牛五花肉經過妥善處理，入口即化，與金針菇的爽脆口感形成絕佳的對比。⭐️烤台灣小香腸烤台灣小香腸外皮酥脆，內部多汁，散發著濃郁的香氣。⭐️Q彈小豬頸肉Q彈小豬頸肉肉質豐腴多汁，且帶有一定的嚼勁。⭐️香蔥豚肉卷香蔥豚肉卷的豚肉嫩滑多汁，與香蔥的清新風味相得益彰。⭐️清酒煮蛤蜊蛤蜊在清酒的烹調過程中散發出鮮美的海味，與清酒的香氣完美融合。⭐️烤娃娃菜娃娃菜的嫩葉在烤制過程中變得脆嫩，同時保留了其獨特的香氣和風味。