小茶角 (啟豐商場) (已結業)

 午餐時間來到屯門碼頭附近專門賣手搖飲品和牛角包—小茶角，牛角包款式好多。點了牛魔王:牛角包係即叫即整(需時等候)，保持新鮮度去呈現俾客人。材料豐富，有牛肉、蛋、芝士、蘑菇、蕃茄、生菜係入面，所以好juicy多汁，一咬流心蛋仲爆出黎添﹗牛角包好貼心地用紙包裝住，方便進食，唔會跌到碎碎周圍都係。茉香奶綠珍珠（少甜少冰）:茉香綠茶味濃，珍珠算偏淋身，但都保持些許咬口﹗單骨雞翼:炸得香脆惹味，單骨方便進食，點上旁邊特製沙律醬消膩。入面有一幅牆俾食客貼上MEMO紙，門口仲有靚靚香港人聖誕卡可以拎﹗值得一讚的是店舖抽氣系統不錯，入面都唔會好大油煙味﹗

呢排愛上左食牛角包，開心大發現左呢間小茶角，有好多款牛角包包，仲有唔同餡料架！好，睇下有咩好食先。煙三文牛，牛角包鬆脆，好香牛油味，通常食牛角包都係得個包，原來配埋三文魚，好似食法式麵包咁，好食！屯門牛，有蛋、蘑菇、芝士、煙肉同埋番茄，餡料豐富，食都食得開心D，打開黎睇都好足料，而且咬落熱熱地，好warm 呀！牛魔王，最重量級既包，佢塊牛肉漢堡有少少粗粒，肉質咬落好有口感又夠彈，正！單骨雞翼，即叫即炸，上到枱熱辣辣脆卜卜，怕熱氣都忍唔住要食左先。奶蓋綠茶，奶蓋四季春茶，奶蓋比較杰身，飲落奶蓋味濃，兩種茶款都屬於清茶口味，唔錯！