小茶角 (Wetland Seasons Bay)

營業中

休息中

下午茶價錢食吃午晚餐份量🤭環境又舒服，性價比好高！🥩🍟紐西蘭牛肉眼扒配薯菜沙律牛肉眼扒牛味清香，很大塊，可選擇烹調熟度，個人而言5成是最理想。薯菜沙律店家不手軟🤭非常滿足。🥗三文魚牛油果他他三文魚的動物油脂配上牛油果的植物油脂，加上蕃茄的清新，優質而超美味。🍝明太子蟹籽意粉經典意粉配方，Creamy滑溜又香濃。🥐牛魔王香脆牛角包塞滿餡料，手打牛肉漢堡、香菇、雞蛋、芝士和蕃茄，好豐富🤩🧇🍦曲奇雪糕配窩夫甜品收尾，簡直完美。🍸🍹🥥☕餐廳飲料也非常具有特色雪雨朱古力、厚椰奶咖啡、高山烏龍愛玉和忌廉磨菇濃湯，全都很讚❤️

[✨天水圍濕地公園 小茶角 TEA & CORNER打卡好去處·高質 及 Pet Friendly 餐廳 🌸]#小茶角 #天水圍🌸Dinner Set for 2 🥗 $358🌸跟餐湯當日係蘑菇湯，好香濃🌸牛魔王招牌必點牛摩王！香脆牛角包夾新鮮手打牛肉漢堡、新鮮生菜、蕃茄、炒滑蛋、再加芝士（+$4）口感非常豐富🌸BBQ醬燒豬仔骨 配炸薯角 （+$28）食肉獸最愛🤤大大份豬仔骨，燒到外香內嫩，炸薯角好香脆🌸白酒忌廉煮藍青口 （+$28）擺盆非常吸引，隻隻青口都沾滿濃濃配忌廉汁😍🌸招牌珍珠皇家鮮奶茶 （+$18）🌸芝士奶蓋桂花茶 （+$18）餐廳有非常多飲品選擇，呢兩杯都好出色另外單點左🌸煙三文魚牛油果沙律 $88擺盆好靚，煙三文魚卷成兩朵玫瑰花🌹牛油果非常新鮮🌸單骨雞翼配蟹籽醬 $48雞翼好香脆，好少遇到會配蟹籽醬既小食，立即點黎試，又幾配搭喎😍————————♡♡♡♡♡♡————————✨總結環境舒適嘅cafe ，裝修格局好有風味，食物質素幾好，最岩黎嘆杯飲品，食下野渡過休閒既一日🥳📍 小茶角 (天水圍)🏠: 天水圍濕地公園路1號Wetland Seasons Bay地下16號舖#jm

嚟到天水圍濕地公園附近搵食 位置上都有有啲隔涉，但係好適合慢活半天食完嘢去濕地公園順便行吓都幾悠閒🤩🔸煙三文魚牛油果蟹肉他他煙三文魚的煙燻味道與牛油果蓉的滑順相結合，口感非常豐富，而且微酸嘅味道好開胃🥰 蟹肉作為topping 份量都唔少，作為開胃菜非常合適。🔸牛魔王招牌牛魔王一定係必點‼️ 係用牛角包做包底嘅漢堡，夾住新鮮生菜、蕃茄同埋手打牛肉漢堡 牛肉漢堡質地好好，而且好香牛味😍 仲有個炒滑蛋都非常出色，奶香蛋滑🤩🔸紐西蘭牛肉眼扒配炸薯角及田園沙律既all day breakfast，非常豐富，而且好大份。牛扒外焦內嫩, 煎得恰到好處, 可以點五成或七成熟，肉汁都幾多。搭配既炸薯角也相當美味，外脆內軟 而且薯仔嘅質地好好 唔會好多粉🤭🔸白酒忌廉煮藍青口味道濃郁，忌廉醬汁非常順滑，帶有淡淡的白酒香氣，與藍青口的鮮味非常搭配。藍青口的肉質鮮嫩，完全吸收了醬汁的美味🤭🤩 數落都有10幾隻青口，份量絕對唔少 喺出邊絕對可以賣二百幾蚊🫥🫥🔸厚椰奶咖啡這款咖啡不僅香濃，還帶有椰子的獨特風味。椰奶的濃郁與咖啡的苦味完美融合，又唔會太甜

天水圍已無需分日與夜，有好食的地方小人就希望可以到。餐前沙律以及餐湯都是正常模樣，一杯沙律帶酸味的汁，菜蔬新鮮。粟米磨菇湯至少不是狂烯，尚有質感。白酒忌廉煮青口的青口隻隻有肉，忌廉加白酒，半點也會不腥，而且青口有肉勁正，一點不靭，是一道給讚的菜式呢！八安士牛肉眼扒，又是一次肉之天堂！牛扒腍滑軟棉，蘸些肉汁其味無窮！只恨薯條太少，未足裹腹囉！以牛角包替代傳統漢堡包做包身的牛魔王，一樣有美味的芝士加爆汁免治牛肉，牛角包感覺更為輕盈，根本無法不愛，果然是主角！創意無限，大為欣賞！

食後感：1. **牛魔王**：牛角包配上脆薯角和田園沙律，口感豐富，外脆內軟的牛角包搭配薯角，增加了香脆感，田園沙律好清新。2. **兒童餐**：包括牛肉漢堡扒、炸蝦和鹽酥雞，味道多樣，適合小朋友；Qoo青提子汁既解渴又有趣，搭配玩具，增添樂趣。3. **小食大拼盤**：各式小食的組合，適合分享，可以品嚐多種風味，滿足不同口味的需求。4. **黑糖波霸鮮奶**：黑糖的香甜與鮮奶的順滑相結合，波霸的Q彈口感更加美味，好解渴。PS: pet friendly + baby friendly

嚟到小茶角，享用好味嘅西餐🫶🏻🫶🏻 真係好有特色，仲係pet friendly + baby friendly😍［食後感］📝1. **蒜香白酒煮蜆**：使用大蒜和白酒煮制的蜆，味道鮮美，香氣撲鼻。2. **BBQ醬燒豬仔骨配炸薯角**：豬仔骨BBQ醬燒烤，外焦內嫩，搭配香脆的炸薯角。3. **牛魔王**：手打牛肉漢堡配上煎蛋、蘑菇、芝士和番茄，層次豐富，口感絕佳。4. **雪山朱古力**：濃郁的朱古力甜品，外觀如雪山，口感滑順。5. **招牌珍珠皇家鮮奶茶**：正宗的珍珠奶茶，搭配香濃的鮮奶，口感滑順。6. **西牛配忌廉、雪糕、蜂蜜、牛油**：西牛搭配忌廉、雪糕、蜂蜜和牛油，甜咸交融。7. **煙三文魚牛油果沙律**：新鮮的煙三文魚和牛油果混合的沙律，健康又美味。

母親節同媽媽去食飯，揀咗wetland season park的小茶角餐廳環境美觀，行木系小清新風格，感覺幾舒服二人餐都幾抵食，$358起，有沙律、湯、前菜、兩個主菜同飲品。蘑菇湯入邊有好多買蘑菇碎碎，幾有口感，味道都唔錯飲品叫咗mocha同matcha latte, 兩杯都幾好，味道濃郁前菜揀咗白酒忌廉煮藍青口，估唔到份量都幾多，都有2-30隻，味道鮮甜，忌廉都好足。紐西蘭牛肉眼扒8oz 配炸薯角及田園沙律牛排煎到五成熟啱啱好，肉質柔軟，有肉汁炸薯角都非常之脆牛角包漢堡 牛魔王呢個非常推薦，喺呢度嘅招牌菜。非常特別用牛角包來做漢堡。包皮輕盈鬆脆，入面有手打牛肉漢堡、蛋、蘑菇、芝士、蕃茄。手打牛肉漢堡非常多肉汁。

今次嚟到位於濕地公園附近嘅【小茶角】，環境舒服寬敞，仲係Pet-friendly & Baby-friendly，好啱一家大細或毛孩家庭一齊Chill住食Brunch！牛魔王套餐：用牛角包夾住炒蛋同芝士，邪惡又香口，薯角炸得脆卜卜，仲有清新沙律中和一下，配搭好平衡～蒜香白酒藍青口：青口新鮮唔腥，白酒蒜香超惹味，鍾意食海鮮嘅一定要試！燒烤豬肋骨：肉質鬆化，醬汁甜中帶煙燻味，好啱配炸薯角！焦糖香蕉窩夫：外脆內鬆，加埋香滑雪糕，甜品控必點！飲品方面我揀咗 開心果朱古力， 真係超級正超級好飲呢個嘢，完美收尾！整體用餐體驗好滿意，食物質素有驚喜，環境又打卡able，會想再嚟～

今個復活節去濕地公園行下，竟然畀我發現間超正嘅寶藏餐廳！一入去就畀佢日式木系設計風格吸引住，暖笠笠嘅木質裝潢，搭配簡約又有格調嘅陳設，充滿文青feel，打卡一流！試咗佢哋嘅招牌煙三文魚牛油果蟹肉他他，$98一份，份量唔算細。煙三文魚鹹香濃郁，牛油果軟滑creamy，蟹肉爽口鮮甜，幾種食材夾埋一齊食，口感層次好豐富，酸酸甜甜嘅醬汁更加提升成個味道，超開胃！仲試咗晚市雙人套餐，真係好抵！紐西蘭牛肉眼扒8oz煎到表面金黃，切開粉嫩多汁，肉質軟嫩，咬落去肉香四溢，配埋炸得外脆內軟嘅薯角同埋新鮮田園沙律，好滿足。明太子醬蟹籽意粉明太子醬鹹香帶少少辣味，鋪滿粒粒蟹籽，每啖意粉都掛滿醬汁，口感彈牙，超惹味！蒜香白酒煮蜆嘅蜆肉鮮甜肥美，白酒香氣滲入蜆肉，蒜香味濃牛魔王牛角包酥到掉渣，手打牛肉餡紮實多汁，醬料提味超惹味！冷泡雲中香糯有淡淡嘅米香同茶香，清清爽爽好解膩百香果梳打充滿果香，酸酸甜甜好開胃呢間餐廳食物質素高，性價比又好，環境舒適，下次一定會再嚟！

可以比狗狗一同進餐既地方愈黎愈多, 黎到天水圍放狗見到間有個好靚outdoor 既餐廳, 又係我地偏愛既西餐, 仲要唔洗加一超抵食!!!1/ 煙三文魚牛油果蟹肉他他🐟🥑 $98好fresh好大個, 煙三文魚味道夠濃, 牛油果又夠香滑, 頂頭仲有的蟹肉好夾又開胃👍🏾2/ 紐西蘭牛肉眼扒配炸薯角及田園沙律🥩 $168我地叫左5成熟岩岩好, 牛味比較濃, 炸薯角份量都唔少又夠肥大, 好飽肚!3/ 黑松露帶子意粉🍝 $128意粉軟硬度岩岩好帶有強烈黑松露味, 帶子外皮微微煎過所以外脆內嫩4/ 開心果朱古力☕️ $22.5(跟餐)口感好濃郁！！上頂係做到好似奶蓋既開心果cream, 下層係濃厚既朱古力, 兩者超夾好想叫多杯😌5/ 芝士奶蓋桂花茶🧀 $18(跟餐)桂花茶味同樣好出, 芝士奶蓋又夠順滑, 清清地得黎又帶返的咸香味👍🏾6/ 西牛 $80原來係牛角包配上忌廉雪糕加蜂蜜牛油😍😍😍 係大大愛加大大推！ 牛角包壓平左配埋雪糕簁良, 咸甜交融😋😋

已經係第二次幫襯佢。記得上一次係下午茶時間過嚟。今次就啱啱跑完步，想搵個地方食個快brunch，行嚟行去都係覺得呢間嘅感覺比較舒適同埋坐得闊落，所以就入咗去啦。上次試咗佢嘅窩夫都覺得唔錯，今次就正正經經食返個午餐。個手打牛肉漢堡咬落都juicy. 唯一缺點就係塊肉細漢咗少少。如果大份啲就好👍杯咖啡味道ok. 比想像中pro. 價錢雖然唔平，但有set lunch 令到價錢抵啲。如果送餐速度可以快啲，成件事就更加Perfect。

.#foodie #hk #hkfoodie#HTB美食推介【🥐天水圍牛角漢堡｜休閒寫意寵物友善cafe】🐨牛魔王 $88推薦度：⭐️⭐️⭐️⭐⭐餐廳用左牛角包代替漢堡包，牛角包鬆脆、牛油味香，已經令到成個包升華咗！！入面就有手打牛肉、蛋、蘑菇、芝士、蕃茄層次感滿滿～而且可以根據個人興趣加減💕啱晒小編呢啲揀飲擇食嘅人...... 走左蕃茄，加左薯餅（$10）同煙肉（$8)，絕對係邪惡版牛魔王😎🙂‍↕️芝士比例啱啱好，食完成個都唔會好膩！！薯餅煎到香脆、煙肉油香、手打牛肉牛味十足而且保持唔乾、多汁，再加埋濕潤嘅蘑菇，層層味道豐富！！好食又滿足～.🐨期間限定-開心果朱古力 $45 跟餐$22.5推薦度：⭐️⭐️⭐️⭐️⭐️本身諗住試佢好出名嘅雪山朱古力，但係見到期間限定嘅開心果，果然係追趕到開心果嘅潮流！！朱古力底濃厚香滑，甜而不膩，開心果粒粒有助增添口感，而且有厚厚嘅開心果醬，令到飲完朱古力之後又開心果味餘韻，幾特別幾夾，建議開心果迷一定要試吓😛——☼——☼——☼——☼——☼——小茶角📍地址：天水圍濕地公園路1號Wetland Seasons Bay地下16號舖🐨推薦度：😋😋😋😋😋/5 🪸環境：👾👾👾👾👾

位於天水圍濕地公園附近嘅「小茶角」，餐廳嘅裝修好有格調，簡約時尚又帶啲溫馨嘅感覺，座位都幾寬敞，唔會坐得好迫，午餐時段有set lunch，包餐湯或沙律，仲可以半價配飲品。餐湯／沙律：是日餐湯係雜菜湯，幾足料，沙律亦都相當清新。主菜：煙三文魚牛油果沙律： 值得欣賞嘅係沙律可以走醬，非常適合怕肥嘅女仕們。呢個沙律賣相超靚，煙三文魚份量算多，仲砌到成朵花咁，牛油果亦夠Creamy，配埋沙律菜一齊食，口感豐富到不得了。紐西蘭牛肉眼扒配炸薯角及田園沙律： 牛肉眼扒五成熟，煎得剛剛好，切開呈粉紅色，牛味香濃，肉質嫩滑之餘肉汁仲相當豐富，配埋巨大版嘅炸薯角同埋新鮮嘅田園沙律，簡直係完美嘅組合。我地另外加咗個小食。小食大拼盤：呢個拼盤真係超抵食，有吉列蝦、洋蔥圈、薯角、廣島蠔同埋單骨雞翼，樣樣都炸得香脆，而且仲有茄汁同埋蜜糖芥茉醬俾你點，真係好滿足！飲品可以半價加配，我地叫咗杯泡沫咖啡同埋招牌皇家珍珠鮮奶茶。咖啡夠香濃，珍珠奶茶就茶味香甜，珍珠又煙韌彈牙，真係好夾！呢度嘅食物質素同環境都好好，價錢都算合理。如果大家去開濕地公園，想搵間餐廳chill吓，或者同朋友聚吓餐飯，可以去試下！

之前見識過呢間餐廳嗰幾個有heart♥️嘅後生仔女之後，今次再泥睇下，佢哋團火🔥🔥🔥係冬天❄️依舊猛烈燃燒📌蒜香白酒煮蜆🦪 海量嘅份量🌊蜆肉唔會煮到殼肉分離蒜香唔會掩蓋咗白酒嘅香同蜆肉嘅鮮📌呢度嘅牛角漢堡係招牌菜🥐🍔✨屯門牛（+薯餅 +黑松露醬）熱辣辣又鬆脆嘅牛角包🥐裡面夾住炒滑蛋🍳、蘑菇、半融芝士🧀、煙肉🥓、蕃茄🍅、生菜🥬，另外加上一大塊薯餅🥔一啖一滋味✨芝豬牛（+薯餅 ）超大塊又厚嘅日式吉列豚肉🐷同芝士🧀、生菜🥬，仲有另加嘅薯餅🥔一齊被牛角包🥐夾住係脆脆系列，份量大到一隻手都拎唔曬✨跟餐配炸薯角🥔+田園沙律🥗沙律同薯角份量好多巨大版嘅薯角除咗點茄汁之外，點黑松露醬都係個唔錯嘅選擇📌黑松露日本帶子意粉🦪🍝兩粒大大粒鮮甜味美既日本帶子被煎得兩邊都好可口，入面都嫩滑黑松露忌廉香味被煙韌嘅意粉完美掛汁，口感滑順📌番茄蟹肉忌廉意粉🍅🦀🍝彈牙嘅意粉配上香滑濃郁嘅番茄醬，十分開胃一絲絲嘅蟹肉多到啖啖入口都食到，店舖一啲都唔吝嗇Lunch set 跟餐是日餐湯📌蘑菇湯🍲每啖都能吃到蘑菇顆粒加上淡淡忌廉嘅香氣質感比較濃稠，真材實料📌黑糖波霸鮮奶+珍珠🧋黑糖味濃濃搭配厚鮮奶，加上口感非常Q彈嘅珍珠層次如此

行完濕地公園，出返大馬路，沿路都好多嘢食，呢間食牛角包好吸引到我地。好，坐低睇吓有咩好食先。一定要叫呢度既signature牛角包。牛魔王，包含手打牛肉漢堡、炒蛋，蘑菇、芝士、蕃茄、生菜。手打牛肉暖暖笠，入口柔軟爆岀肉汁，咬落有粗粒有層次感，炒蛋做得好靚，又滑又有蛋香。牛角包夾住餡料依然乾身，夠酥脆。叫左個二人餐，非常多野食，餐湯係忌廉南瓜湯，稠身有南瓜蓉，又有忌廉既香滑。黑松露日本帆立貝意粉，有三粒大大粒原隻帆立貝，意粉掛滿忌廉醬汁，沾上點點黑松露，意粉有咬勁。BBQ 醬燒豬仔骨配炸薯角，豬仔骨肉有底味，醬汁咸中帶甜，連骨既肉最香口，薯角厚身又香脆。白酒忌廉煮藍青口，連殼上好新鮮，而且有好多隻，個白酒忌廉汁好惹味。牛油果奶昔，充滿牛油果香既奶昔。雪山朱古力，上面個忌廉打得好滑溜，加上朱古力醬，好甜好好味，朱古力又夠香濃。