小胖台灣麵 (已結業)

餐廳主打台式料理，有各種台灣麵食和台式便當，仲可以加配各種台式小食或飲品，價錢貼地，價格比頗高。招牌三寶牛肉麵牛三寶包括牛腩肉，牛筋和牛肚，牛腩肉煮得相當軟腍，瘦肉和肥膏比例分佈都幾靚下，加上有一定厚度，食落都幾滿足，推薦必試，牛筋口感彈牙，湯底亦十分出色，濃郁惹味，枱上有自家製的黃牛油自行添加，台灣麵有效掛湯，有多款配菜，香蔥、紅蘿蔔及白蘿蔔等。鹽酥雞排便當鹽酥雞排外皮香酥脆口，咸香味十足，食落唔覺特別油膩，厚度剛剛好，唔會令人難以咀嚼，十分容易入口，另外表面有灑上調味粉，額外惹味。配菜有炆白蘿蔔、滷蛋、滷肉及醃菜，令整體味道豐富。五味醬伴茄子茄子上菜時熱辣辣，似即叫即煮。表面鋪滿木魚片，附有酸酸甜甜有少少辣既五味醬，令茄子食落更有胃口。珍珠烏龍奶茶烏龍茶味甘香醇厚，奶味濃厚奶不膩，入口費滑，同時珍珠口感煙韌彈牙。咕咕力現在增加左小胖會員app，食得多獎賞亦愈多，有積分換領系統，內有不同折扣嘅優惠券，限時有迎新優惠和升級優惠，有興趣可以睇一睇。

教育路呢邊都唔少野食，呢間台灣餐廳就係千色樓下，要轉入小街先見到正門，當然千色入面都入到啦。見到呢個黃牛油好似幾得意，原來黃牛油係台灣傳統牛肉麵店常見的調味料，係加入去牛肉麵個湯度，我就試左啦，一間再講下。麻辣涼拌牛肚 HK$38超香麻辣味，個牛肚都非常入味，個辣係後勁的辣，好過癮。甘梅地瓜 HK$28地瓜大大粒，同埋好脆，仲加左梅粉，酸甜甜的，好好味。招牌三寶牛肉麵 HK$94雖然價錢唔平，但佢都物超所值的。試左加佢個黃牛油，係真係令個湯更香更濃郁。牛腩超大條，仲要有2條，好抵食呀!!同埋個牛腩真係煮得好林好入味，牛味都好香。牛筋又係大大粒，又係份量都唔少的。牛肚大大塊，都一點都唔吝嗇，牛肚索曬個湯好正!麵質都好彈牙，不過湯麵個麵就煮得偏軟身少少。皮蛋醬滷肉香蔥乾拌麵（雞排）HK$72雞排一大排，炸得外脆內軟，好食~皮蛋醬就可以再濃少少，不過個配搭都好唔錯，而且好喜歡個麵，係有咬口的質感，好正。另外當然有叫埋手搖茶，珍珠烏龍奶茶好飲呀，茶味奶香岩岩好， 珍珠口感係偏軟身的，比較易咬。同埋見佢有小胖會員app，好似都幾抵，食得多獎得愈多，仲可以草分!

口痕想食台灣嘢？元朗嘅千色匯隔離有間**小胖台灣面**，真係唔可以錯過！佢哋嘅下午茶餐非常划算，$35起就可以享受一個細份量主食、三款小食仲有飲品，實在超值！😋#### 推介餐單1️⃣ **蔥油乾拌麵（小）** - 配上夜市鹽酥雞🍗、甘梅脆地瓜🍠同麻辣涼拌牛肚，仲有一杯凍珍珠烏龍奶茶🧋，味道真係好豐富！2️⃣ **滷肉飯（小）** - 配炸午餐肉🍳、台灣小香腸🌭同夜市鹽酥雞，再加一杯凍水爆咕咕力🥤，絕對唔會令你失望！#### 特別推薦雖然今次冇食到台灣麵，但見到佢哋嘅簡介真係非常吸引！特別係**黃牛油**，呢款台灣傳統調味料可以令牛肉麵散發出濃郁嘅牛香味，聽落就令人垂涎三尺！🤤 另外，佢哋嘅冷泡茶系列同手搖茶系列也非常值得一試，例如古坑冰咖啡☕，甘甜香濃，或者鴨屎香手打檸檬茶🍋，酸甜可口，仲有珍珠烏龍奶茶，茶味醇厚，口感滑溜。#### 小胖會員app加入小胖會員，食得多獎得愈多！🎉 有積分換領系統，迎新優惠、升級優惠，仲有不同折扣嘅優惠券！增值愈多回贈就愈多預付卡，真係非常划算！

身為台灣美食愛好者，這家的味道真的讓我驚艷到呢必點 ，招牌三寶牛肉麵（$82） 湯頭濃郁卻不膩，牛肉、牛筋、牛肚燉得軟嫩入味，麵條Q彈有嚼勁，完全還原台灣牛肉麵的精髓！ 朋友食 麻辣三寶牛肉麵（$84）** 愛吃辣的朋友必試！麻辣湯底香而不嗆，三寶一樣給得超大方，辣度剛剛好，冬天吃超暖胃～ 海苔鹽酥雞（小食） 外酥內嫩，海苔粉提味超加分套餐可揀凍珍珠烏龍奶茶 茶香濃郁，珍珠煮得剛剛好，甜度可以調整，台灣手搖飲的feel～ 鴨屎香手打檸檬茶 清爽解膩，檸檬香氣十足，搭配麻辣麵超適合！ 店員態度親切，上菜速度快。

⭐️ 評分：4/5 - 先在港過過口癮！品嚐台灣風味小食，喜愛亞洲風味😍- ✳️ 招牌三寶牛肉麵 👍🏻份量足！牛展、牛筋、牛肚、蘿蔔各兩份，牛肉軟嫩，牛筋軟滑，牛肚爽口彈牙，湯底偏濃郁，讓人一口接著一口自家製黃牛油更香濃😍- ✳️ 皮蛋醬滷肉香蔥乾拌麵炸豬扒 👍🏻獨特的皮蛋醬搭配香滷肉，口感層次分明，炸豬扒外酥內嫩#台灣麵 質地煙韌爽口，沾滿醬汁超香口誇人- ✳️ 甘梅地瓜👍🏻地瓜外脆內軟，甘梅的甜味更加豐富-珍珠奶茶！茶味醇滑，珍珠口感滑溜Q彈😍🔥更有小胖會員APP ，食得多獎得愈多，有積分換領系統！更有迎新優惠😍升級優惠

🧡招牌三寶牛肉麵三寶有牛肚、牛筋、牛腩，每款有三件🤩真係份量十足，而且炆得好入味好軟腍😊枱上有幾款醬料可以加入湯底，紅燒牛肉湯加牛油，令湯底嘅牛味更香濃😋💛花蓮剝皮辣椒雞湯麵自選麵揀咗剝皮椒雞湯，配料揀咗台南蚵仔肉卷、麻辣台灣鴨血、墨汁花枝丸，另外湯底本身已經咁有雞肉😌見到個湯底以為清清地，點知後勁有辣椒味湧上嚟🥹配料肉卷幾出色，外面炸過幾香口，但唔重蚵仔味😉鴨血軟腍腍冇腥味，黑色嘅花枝丸幾特別，味道同普通花枝丸差唔多👌🏻🧡夜市鹽酥雞新鮮炸起熱辣辣，外層香脆，雞肉唔會柴👍🏻💛珍珠烏龍奶茶揀咗半糖，所以味道唔算突出，有少少烏龍茶香味🧋

Sam最鍾意食台灣牛肉麵，今日要去元朗買嘢，趁機嚟到想食好耐嘅「小胖台灣麵」，食個快lunch再去shopping🤗半筋半肉紅燒牛肉麵 ⭐️⭐️⭐️⭐️⭐️牛肉份量超多！見到枱面有食牛肉麵教學，建議食之前拌上枱面放著嘅「黃牛油」，果然令到湯底更加濃郁😎牛筋炆到好軟腍滿滿骨膠原，牛腩啖啖肉炆得好入味一啲都唔柴，我覺得味道真係比得上台灣嘅牛肉麵店！藤椒川辣滷肉乾拌麵 (豬扒) ⭐️⭐️⭐️⭐️⭐️入口就feel到微麻微辣嘅藤椒味湧出嚟😁薄身豬扒唔係炸到勁熱氣嗰隻，配埋酸味味嘅酸菜一齊食，相比牛肉麵，呢個味道更濃郁更得我心❣️五味醬拌茄子 ⭐️⭐️⭐️⭐️⭐️我真係好鍾意食茄子🍆涼拌茄子上面灑滿木魚碎，加埋味道甜甜地嘅五味醬，食完熱辣辣嘅湯麵再食舊涼浸浸嘅茄子，推薦大家一定要試👍🏻

過黎食1人套餐性價比都高，招牌三寶牛肉麵個湯底唔會話太濃同好鹹👍🏼👍🏼👍🏼而且啲餸（牛肉、牛筋、牛肚）嘅份量都好多，牛肉煮到好淋，肉質嫩滑👍🏼牛筋同牛肚淋身之餘又有咬口而啲蘿蔔都好淋索晒啲湯汁好好味😋皮蛋醬滷肉香蔥乾拌麵配雞排，因為有皮蛋醬，所以就試吓😂😂😂食落去又幾好味，仲會有埋皮蛋碎撈埋個麵一齊食👍🏼個雞扒炸到好脆，但係又好juicy👍🏼香酥骨+鹽酥雞，兩款都炸到好香口好惹味，會不自覺係咁食😂😂白桃珍珠烏龍茶，好好飲，飲落去好fresh🥰日月潭奶茶，唔會太甜👍🏼👍🏼

經過元朗千色，見到小胖台灣麵掛住台灣美食就入去食晚飯💛麻辣三寶牛肉麵有齊牛腩牛筋牛肚三樣份量都唔少牛筋大大條，但係咬落都算淋牛腩食落夠軟淋牛肚吸哂湯底麻辣汁好夠味💛澎湖鮮鮑魚湯麵估唔到兩隻鮑魚好大隻食落彈牙有鮮味湯底比較清甜台灣麵麵身較粗食落有口感💛台灣香酥骨炸起熱辣辣加$16 就有，份量都唔少唔算好硬身孜然味道重💛冰爆咕咕力朱古力味都算濃郁甜道適中💛白桃珍珠烏龍茶有淡淡白桃味烏慮味道較出珍珠亦都有咬口

我地4個人，星期六12點30繁忙時間等位好正常，都願意等，本身間舖座位都唔算多，去到下一張枱就係我地以為好快。點知見有人走又有人入，不斷入哂1-2個坐4人枱，問佢係咪一定要一張枱4個人一齊走先會有位，店員仲要答係，轉句話講，你多過2個人，如果入面全部都係搭枱，你慢慢等到啲人走哂先好食啦等位途中見到有啲4個3個黎到話要等都即走，可能明知啲店員不作為，知道呢間啲店員帶位安排奇差，先諗都唔諗走左去唔洗講，即走總之一家幾口果啲唔好諗住係繁忙時間食啦

之前喺台灣試過牛肉麵之後一試難忘，唔想飛去台灣喺元朗都可以食到正宗台灣風味📌麻辣三寶牛肉麵🌶️🐮🐮🐮🍜有麻辣同原味兩種湯底選擇識食一定揀三寶，一次過試曬嚼勁十足嘅牛肚、非常入味又入口即化嘅牛筋、炆得軟嫩又香濃嘅紅燒牛肉愛牛人士必點蘿蔔煮得入味亦都吸收曬麻辣嘅味道記住要加枱面上面嘅黃牛油，係台灣嘅特色醬料，加咗之後成碗湯即刻提升咗牛香味⬆️🆙📌澎湖鮮鮑魚湯麵🦪🍜平時都唔係好覺有鮮鮑魚做主角嘅台灣麵見到“限量供應”仲唔第一時間點咩新鮮鮑魚比起乾鮑魚口感更彈牙、 肉質更鮮嫩、味道更爲鮮甜，係海洋嘅味道🌊仲有鮮腐竹同鮮冬菇做配料加上份量十足而又非常Q彈嘅麵條啖啖蘊含鮮味，味道豐富📌香香炸雞排🐔超薄嘅炸粉外皮炸到非常酥脆可口雞肉嫩滑之餘仲保持肉汁切件方便同朋友開心share📌凍鴨屎香手打檸檬茶🧊🍋🫖近期熱爆嘅鴨屎香手打檸檬茶茶味香濃而醇厚仲帶有陣陣檸檬嘅香氣齒頰留香📌凍白桃珍珠烏龍茶🧊🍑🍵烏龍茶茶味醇厚同白桃獨特嘅青甜香味互相輝映珍珠煮得啱啱好，煙韌QQ，口感十足📍小胖台灣麵元朗教育路1號元朗千色匯地下25-26 & 61號舖

原來之前元朗千色地下間刀削麵同壽司外賣店依家變咗3間鋪🤔其中一間食台灣菜，QR Code落單無需加一共有四款拌麵 分別可配豬/雞排兩款都揀酥炸雞排 肉質嫩滑多麵軟硬適中又煙韌 份量多醬汁掛麵༯ 藤椒川辣滷肉乾拌麵 $𝟓𝟓藤椒麻麻辣辣越食越起勁加上有滷肉 青瓜絲 鹹菜一齊撈但如果要食就要預咗最低會好～油༯ 小麵攤麻醬黃瓜乾拌麵 $𝟓𝟓除蔥油 麻醬撈麵都係無得輸醬料濃稠度高 香口惹味又滑不過咸但可惜有少少漏༯ 冬瓜茶有凍有熱 凍的甜度同冰塊固定飲落係台灣街頭飲品店味道我會覺得略甜但係清甜非死甜༯古坑咖啡（熱） +$𝟏𝟑咖啡豆產於台灣雲林古坑鄉而明名口感順滑 味不苦不酸且淡淡果香◡̈ 以上食評乃個人意見僅供參考◡̈ 價錢僅供參考一切以餐廳為準

去元朗千色匯附近買電器，搞掂搵個地方食嘢，亂打亂撞去咗呢間，掂喎，即刻寫個食評記錄同推薦吓😙幾多人食野喎，不過呢度上菜好快，而且店員好有禮貌，用餐心情好～💥半筋半肉紅燒牛肉麵牛肉肉質軟嫩，唔會炆得溶溶爛爛，既有口感但不會乾柴，入味而不死鹹，燘到好稔好入味，大滿足😋紅燒湯湯頭帶橙紅色，微辣香濃甘甜😋麵條厚實而滑，彈牙，掛湯力強，吸盡牛肉紅油鮮辣味。好食！💥古早味烤豬扒便當份量大夠晒飽肚！豬扒大塊夠淋兼入味，另外仲有半肥瘦滷肉，加配菜撈飯一流💥香香炸雞扒雞扒炸粉唔會太過厚，十分乾身脆口，脆皮緊緊鎖住肉汁，雞肉夠滑嫩，入口層次分明，調味唔會太鹹，如果灑多啲鹽更加香口😎本身跟餐包一杯冬瓜茶/無糖烏龍茶，升級叫手搖茶半價，抵飲💪🏻💥珍珠烏龍奶茶茶味香，珍珠Q，奶味唔會過重，已經算飲到有茶味，唔係齋奶💥冰爆咕咕力朱古力味濃，比預期中無咁甜，飲哂成杯都唔會太膩！

呢間餐廳喺我公司附近，我同同事成日都叫外賣食，覺得都唔唔錯。今次同男朋友嚟堂食試吓餐廳環境舒適，座位寬敞招牌三寶牛肉麵 ＄82我鍾意食小胖台灣麵嘅原因係因為份量好夠，如果細食嘅話我覺得可以兩個人share添！三寶牛肉麵有2大條牛腩，牛腩炆得非常之腍，基本上完全唔需要努力咬，牛味都非常之濃郁。牛肚都好腍好好食麵條係粗嘅麵條，彈牙又掛湯仲有台灣特有嘅黃牛油可以加，加完之後牛味更加重，超好食小胖孖寶便當 $52呢個係我最常食的，因為一次過可以食到雞扒同豬扒！雞扒堂食係啱啱炸起，非常脆，仲有好多肉汁。豬扒柔軟又入味。另外仲有滷肉，滷水蛋，蘿蔔，豬肉丸等等，超多嘢食，仲要價錢唔貴，好抵食！跟餐本身免費有烏龍茶/冬瓜茶，亦可加錢加其他飲品鴨屎香手打檸檬茶+＄15白桃珍珠烏龍茶 +＄13這些台式飲品的質素都非常高，跟餐加少少錢都算幾抵！白桃珍珠烏龍茶白桃非常香，烏龍茶茶味醇厚，珍珠亦非常彈牙鴨屎香手打檸檬茶，茶味非常香濃，雖然冇得揀甜度，唔會過甜，澀味都啱啱好香蔥豬油伴豬耳 $32辣辣地非常之惹味！豬耳好爽如果想再抵啲，可以download埋小胖會員app，會有迎新優惠券，亦都可以儲分，食得越多就可

新年連續食咗幾日賀年菜，今日轉下口味，想食台灣牛肉麵。行去元朗千色匯小胖，午市都好多人，好快可以入座。🍜招牌三寶牛肉麵$82三寶有3件金錢肚、3件牛筋、3件紅燒牛肉，份量十足，多到遮住個麵，而且炆得入味，肉質不會過份軟淋，麵條Q彈適中，湯底清甜，有紅蘿蔔同白蘿蔔粒，加少少黃牛油，令湯底更加有牛香，更具台灣風味。🍜半筋半肉紅燒牛肉麵$78牛筋同紅燒牛肉同樣大大件，牛筋彈性十足，紅燒牛肉濃郁味道，湯頭清甜，加少少辣椒油，令湯底更提升。🐔香香炸雞扒 $38鹽酥雞扒外皮炸到酥脆，肉質多汁，切件方便食客，連皮食一D都唔油膩。🥤凍鴨屎香手打檸檬茶+ $15🍋熱金橘檸檬+ $12