小肥羊 (已結業)

第一次在香港食小肥羊在３年前旺角店,食後感是:返大陸食好味Ｄ!同埋價錢平５倍左右.近年甚少在荃灣區出沒,對咐近食肆印象不深,十個人見到望落呢個招牌最熟口熟臉,諗住唔會差得去邊啩!原來而家仲做埋百零蚊任食,試吓無壞!原來羊肉除咗入座計人頭每人「送」３両比你外,Order紙上係無嘅!並唔係任食!如果想再食就俾錢另外Order!丸類大部份係街外雪藏行貨,只得一款手打三寶丸!Size同麥提沙一樣!仲要味道痳麻!肉類選擇不多,最特別是黑豚肉!你會見到一堆好似韓燒食果隻黑椒牛肉…肥牛肉質不算差,每次落單10碟但上枱份量少得可憐!原來就算你寫20碟都好,每次只會比5碟份量你, 但5碟嘅份量係20片!(每片捲到箱頭筆咁粗),十個人都唔知點分?「海鮮」類墨魚仔結晒冰!一放落湯即刻唔滾,其它反而唔算難食.蔬菜類選擇算多,仲要上到枱都幾靚!集團式經營招牌湯底應該間間分別不大,但加熱爐具真係唔掂!成晚個煲除咗一開始同食完後大滚過之外,其它時間一放嘢落去淥就郁都唔郁無咩滚過!服務就一般啦,起碼要茶加水等一陣就有,全場滿座都算係咁!不過就喺小肥羊食咗一餐無咩食過羊嘅火煱喇！如果想食羊肉呢,散叫啦！

和同事一早約好試小肥羊，本來五人去，但兩人病了，餘下三人.....照食！一早訂了六點鐘檯，由於太早，我們是第一檯顧客，所以招呼服務不錯，禮貌周周！價錢係108放題式，大家可從點名紙選擇自已喜愛的配料，當然另有些貴價配料就另收費！湯底選了鴛鴦，一邊雖然滿晒辣椒，但都唔係太辣，反而係味濃，越食個湯底會越咸！所以我發覺港式鴛鴦湯底 or 譚魚頭的蕃茄湯底較出色。其他大家點了有：羊肉(一卷卷，不過不失，羊味不濃)、牛肉(其實雪到冇牛味)、花雕雞件(三人份量少得可憐啊)、餃類(一般)、麵條及肥羊粉(反而最好味，可能一般火鍋店未必有，尤其是肥羊粉，很滑)......另外order了一jar銀菊露，不太甜，下火ok！到了八點鐘，伙記好準時同我哋講夠鐘，搞到我哋拿拿淋「對」埋其他嘢，其實應該夠鐘前15mins比客人一個提示，會比較好點！不夠細心！埋單：每位$108+$9(茶錢) 小吃(必屈)$10，$10蚊雖然唔貴，但你唔好比啲已經林晒嘅什果呀！ 銀菊露(一jar)$32

家住荃灣，但小肥羊的四間分店，只有荃灣呢間未試過，說起來都覺得慚愧。約左朋友食飯，在荃灣等，人家係好辣之士，又話想打邊爐，即時諗起小肥羊。有套餐，不過價錢頗貴而且不合口胃，索性散叫。睇睇餐牌，左想右想，結果都係叫埋些行貨野，如手切肥牛、羊肉、粟米、蘿蔔、手攪麵等等，另外點了一客涼菜，是四川蒜泥白肉。馳名的鴛鴦鍋底一定走唔甩。說實在，本人並不喜歡小肥羊的辣鍋底，辣是夠辣，但感覺是死辣，辣得很不舒服的。亦因為這樣，全程我都只係對住白湯底那邊烚下烚下。涼菜先到，始終不是由四川師傅出手，蒜泥白肉做得不倫不類的。肉質已經唔妥，"梅梅"地咁，醬油像是辣椒油，毫不正宗。羊肉是這裡的主打，從蒙古運送過來的羊，點都唔會太差。先講賣相，一塊一塊捲起，再細心擺放，是花了心思的。羊肉不會太"蘇"，肉質不錯，幾有咬口，最欣賞還是其肥瘦肉的分佈適中，有油香。手切肥牛相比之下變得遜色。雪花紋雖然幾靚，肉質卻太韌，也有根，稱不上好牛。吃過肉，也該吃點素菜。粟米、蘿蔔幾鮮甜爽口，大家都食左唔少。至於全晚最滿意的，並不是羊肉，而是手攪麵。麵條的擺盆好有心思，好吸引，是我在坊間未見過的擺法。麵條本身質地較粗身，爽口彈牙，是

上次去呢間小肥羊食~好似都係1,2個月前了~早前佢的羊肉差左~但今次去~又好返d啦~今次d肥牛同上次一樣~都係唔得可能係假期前吧~唔經唔覺咁個任食貴左依家係$118 唔包茶芥我地叫多渣酸梅湯$32 渣~ 貴左~而且淡左~佢味道同之前有分別唔夠酸~唔拖唔水~~怪怪的~今次d肥羊寬粉又係奇怪左平時係要有排煲嫁ma~今次一落水就透明但咬落去又未食得嫁wo~但山根粒真係好味~細細粒~易熟又好食另外~今次D蘿蔔切得好薄~好快熟個湯底呢~~~唔知係唔係經濟的影響~佢湯底淡左~姐係加左幾次水~就食落冇乜咩了~而辣嗰邊亦冇之前咁辣~~~而且依家比起之前仲迫人...4人枱加大到俾8個人坐手都唔夠位舉起呀~~~好彩我係4個人姐~哈哈~今次覺得佢有D嘢做好左~有D又差返~~其實佢係有能力做得更好的呢~~

個人身體差所以就唔多鍾意．因為次次食完都喉痛!!! 不過我都承認呢間係抵食的88元任食．料仲係好既wow!有凍豆腐、爆丸等等．雖然唔包飲品．不過你可以自己係七仔買上去!唔好咁張揚就得啦 甜品都唔差wow．有次叫左楊枝金露同紫米露．食得下wow 所以有年既除夕飯都係度食呀

朋友生日都小肥羊打邊爐，雖然訂了位，但也要足足等一個小時，真的同沒訂位沒分別。等了一個鐘，由原本不太餓而變得好肚餓，一坐下便有好豐富的羊肉和羊架送，好好味。不過都是肥牛做主打。不停叫肥牛，肥牛真的很好味。但每次都來很少(預左)，另一款我最喜歡的是燕餃‧超爽口。好笑的是點了雞子，但完全無人食，哈哈！8個人不停叫又不停食，開心地慶祝了友人生日，亦吃了一餐有質素的火鍋。至於服務，因為人太多了，所以完全是沒服務可言，但都是預計之內了！

今晚既一餐dinner,真係好耐無食過。~*so gd feel~*今晚既係好似$118一位(另外加1)。任飲任食,2個hrs,都okay呀~*mama 6點半到左...但我同家姐又未到....一陣之後,father到去左個度,gum佢地就叫地野食先。~*因為d單可能太多,有時有d野係我地無叫既~xd不過無所謂啦~照食~xdxd~*>>炸魚皮>叫左2次,但2次都唔好食,好臨,一d都唔脆。~*>>雲吞>都okay好食,不過d蝦係好細同埋有d似蝦干,hhahahah。~*>>芝士腸>okay啦~*>>燒賣>我第一次try呀,幾特別同好食,煙煙unun gum,推薦~xdxd~*>>午餐肉>um,都幾好食,唔會好bad 既quality....hhaha~*>>皇帝菜>好好食,不過如果係放響辣個邊既湯底....就會變得超超超辣,大家要小心~*>>金菇菜>好clean,唔會好似其他地方gum,個底個度係黑色的~*>

第二次黎食啦~~中秋節大家都想打笨爐即刻諗起小肥羊~~選擇都好多最正的是墨魚滑, 肥牛, 手打麵~~正正正!!!鴛鴦湯底都好正~辣辣辣, 辣到流鼻水都要辣~$108 任食加一之後都係$130 左右呢個價錢, 呢個質素真係好抵食!!!!p.s. 掛住食, 無乜點影相tim.... ^^"

去小肥羊打邊爐, 覺得佢地既服務同手法都好好好需要改善!一坐底, 部長姐姐先幫我落湯底. 我話鴛鴦啦,仲順便問係咪即係麻辣加清湯(因為有d火鍋店係提供沙爹加清湯既). 佢話係. 後黎有個阿姐攞個湯底黎, 係清湯. 我話我叫鴛鴦果喎, 個阿姐即時面黑咁同隔離既阿姐講: 佢話叫鴛鴦果喎! 然後極面燶咁攞番個湯底入去. 落錯單既係佢地, 仲要俾面色我睇???!!填點心紙叫野食, 又係一肚氣. 限食2個鐘, 我地落左3次單, 每次都要等半個鐘! 係半個鐘加半個鐘再加半個鐘! 我地人少, 每次緊唔會叫好多, 結果就等到眼光光, 食晒d野下一輪既野都未黎. 我們捉個伙計追單啦, 個阿叔話疊單好厚, 要等. 成個場得6成多人都要等半個鐘, 咁坐滿晒咪要等一粒鐘??? 少人執單咪搵多d人手o羅, 用呢d橋黎令人叫少d野, 好唔得 o羅!送野食又係有問題, 有d我地無叫既野會放低(x2次), 叫左既又無啦啦會多左(x2次). 好似肥牛咁, 因為最後一輪叫, 只叫一碟, 阿姐放低2碟, 我話: 我地叫左一碟o乍喎, 2碟食唔晒. 個阿姐攞番碟肥牛,仲即時係我地面前同隔離個伙計吱o尋, 好似我地錯咁.貴為一

尋晚同d fd去左呢間小肥羊打邊爐, 唔知係咪任食o既關於, 湯底得鴛鴦湯底同滋保清湯揀, 我地眼見好多人都叫左鴛鴦湯底, 所以就有樣學樣叫左個鴛鴦湯底!!個湯底同d料一齊黎到, 咁我地拿拿淋掉晒d野落個湯度打啦, 我有個fd話, 呢間野d湯好夠味, 所以係冇豉油比架!!一見到辣果邊d野都熟啦, 就即刻夾舊魚皮餃, 點知"趙"多幾"趙", d辣味開始走晒出黎, 簡直就係辣到攞命, 我都算係食得辣o既人, 都唔係幾頂得順佢d辣!!清湯果邊都可以接受到, 不過都係太咸啦!!唔知係呢間野唔想就返香港人d口味, 我諗佢d味係跟返北方口味架囉!!至於d料方面, 可能係任食o既關係, 除左羊肉同菜心之外, 差唔多全部都有勁重o既雪味囉!!就算個湯濃到咁, 都蓋唔晒d雪味!!呢間野唯一比較好o既就係佢o既服務, d阿姐會好主動咁加湯同茶囉~~d侍應唔會叫極都唔應你果隻囉~~

前幾日三人行來哩喥打邊爐,因為好喜歡佢嘅清湯底,配上皇帝菜,清清甜甜,簡直一流.其次係肥羊粉,好滑,我鐘意!其它食物都唔錯,可以一試.服務好好,侍應都好親切, 美中不足的是﹔食物都來了,我壺茶都未到.好在投訴完之後,好快就有.

小肥羊打邊爐，幸好等位不是等了太久。食物出色，連不太喜歡吃肥牛的我也好喜歡這裡的肥牛，不停吃肥牛。還有這裡的頁丸條，細細條好易入口，而且很香，好好味！其實的食物都ok，不過不失。週末&108 連加一也只不過是大約$130，絕對超值！

小肥羊午市同下午茶市有個任點任食，好多人都知唔使點講，但好似唯獨荃灣分店無咁做，點知原來佢個下午茶市一樣有筍嘢，係朋友介紹，真係大鄉里！逢星期一至六，下午茶市（2:00-4:30）有個下午茶大優「胃」，大中小點心一律$7.8，仲有個大大碗滋補湯米線（蒙牛或羔羊），都係$6.8，份量唔會將價就貨，果然大大碗，話得滋補湯，湯底果然有朕藥材香味，唔算好濃，都易入口，老實講，補唔補？補乜嘢？就真係唔知，不過$6.8一碗，凈食米線都抵啦！況且，加多兩個點心，計埋茶介加一，都係三十幾蚊，諗得過啦！另外，點心試咗個棗泥拉糕，賣相唔算好靚仔，但食落又算幾香棗味，係韌咗Ｄ咁！

服務絕對係好好好!!! 完全唔係d人講得咁差wor, 可能係鬧得多, 改善左都唔奇.食物亦絕對係水準以上上上, 好好食, 湯又唔係之前d人話到冇味, 同mainland食過既小肥羊差唔多, 只係香港麻辣湯底既chili oil少d啦!$108一位另加加一同茶$+醬芥-- 一位先至$130左右, Super worth eating ar~~~

我去過間已經數次~ 貪佢唔駛勁等位~ 今個月去過一次發現個湯底個味淡左~ 可能迎合食得無咁咸朋友~但我就覺得無咁好味呢~ 不過多出左幾個火鍋料, 大家可以去試試~瑤柱羊肉滑~ 意想不到想佢都幾彈牙~ waitress姐姐仲幫我地攪拌佢~羊粉 - 佢得粗, 無幼呢~ 好想試呀!!! 我個人覺得超"林"身好味d.....其他就不過不失啦~!