小肥羊 (已結業)

天氣開始轉涼，火鍋是秋冬的首選，一直很欣賞小肥羊的特式湯底，除了香辣之外很惹味，我通常會選擇（鴛鴦）湯底，麻辣湯底那放肉類，清湯底那邊放蔬菜。由於只得兩人，所以還是選擇任食（＄138）這樣可以食多種不同得款式，來之前已試過電話預約，可惜接線那位姐姐說已滿Booking，所以只好Walk in，等了50分鐘終於到我們，唉～坐下後立刻order湯底及食物，可是十樣又兩樣會失蹤的，今次的湯底有別於之前，尤其是那個清湯，以前是很清甜，有些像人參形狀的藥材在內，很清香的藥材味，現在只是些鹹味的人造湯，真的很鹹！除了湯底退步外，服務也是，人手嚴重不足，沒有人加湯加水，加單也要等很久～食物方面最好食就是附送的招牌羊肉及牛肉，很薄！也很嫩，放下湯很快就會熟！炸魚皮也很香脆，但是其他急凍的食物就普普通通～這是我第一篇沒有附設相片的食評，實在沒雅興拍照，因為那個超鹹的湯底真的影響全部食物的味道！

久違了既打邊爐, 走左去任食小肥羊, 一向小肥羊個湯底同D羊好味, 而且D野細細碟, 兩個人食都可以叫都幾款, 點知去到8點, 第12張二人枱, 足足等左個幾鐘先入得去, 不過等既時間有夏枯草同爆谷比你食住等, OK啦…未入去我地已經揀定食咩, 一坐低就即刻入單, D野食好快就到啦, 不過叫十樣黎8樣, 錯兩樣, 咁都唔緊要, 我見有新野 – 翡翠螺, 咁就好奇叫黎試下啦… 點知… 果兩粒螺醜樣x1000, 個殼外面有d毛, 應該係海草, 雖然個殼唔食, 但係點放落個煲到呀?! 咁咪成個湯比佢污染埋?! 最後好浪費咁都無食到… 實在太核突啦!! 唔該唔好攞佢出黎賣啦…. 其他食物都有D差左, D牛滑實到爽咁製, 完全唔彈牙, 羊肉滑就OK…以前主打羊肉, 但而家D肥牛都靚左,以前好鍾意食既魚皮完全唔脆, 反而响零OK…9點後$128+$9茶位+$15任飲汽水啤酒+$10NUTS…相信我有排都唔會再去住啦…

上星期元朗新店開張嗰日去咗幫趁，因為新店開張全線一星期裡面都食$100送$100，得到6張$50現金券，唔用好似好嘥，出開尖咁又冇咩特別嘢想食，所以唔算特別鍾意食都嚟咗呢到。宵夜時段入嚟要$128一位，任飲仲要加$15，其實我覺得相對其他任食打邊爐唔係平，咁質數應該要好d。其實我地幾個人都唔鍾意濃味湯底，但佢嘅清湯底一樣好濃好鹹。d食物款式好似多過元朗少少，但第一round已經冇蝦，第二round想要粟米都冇，但冇又唔會有人話你聽，同人講冇嚟到佢先話冇晒。不過最大問題係d食物質素好麻麻，差過上星期元朗。d肥牛肥羊平時卷得好靚咁攞過嚟，但今日呢間係卷咗但一「pat」咁撻喺碟到，個樣好唔新鮮好似放咗好耐，我上次食食到尾淨係到嗰d出咗水就係咁樣，唔計個樣味道亦麻麻地。脆肉鯇唔得，上次元朗都覺得係脆嘅，呢間嗰d煮一下已經爛。其實食物幾本上普通，冇咩特別。全場好似唔夠人做野，我地張檯好入，搵親waiter都舉手舉足幾分鐘先有人見到。先係搵人俾豉油，我地3個人但第一個waiter只係俾兩碟豉油，以為佢冇手攞分兩次，但最後冇再返嚟，要再搵第二個阿姐。後其搵人加水，因為唔鍾意加湯咁鹹，但叫做幾次都冇加

平時好少大熱天時打邊爐, 不過最近有團購好似幾低, 買左個四人餐去食. 起初以為個團購餐咁平, D份量實會將貨就價縮晒水啦, 點知又唔係喎, 仲好鬼大碟, 6個人食呢個4人餐都夠晒食, 仲食唔晒添, 食物質素都幾好. 特色滋補鴛鴦鍋湯底 好濃, 不過鹹左D焗羊鞍 焗得幾香口, 有肉汁內蒙極品和羊 一睇D顏色就知新鮮, 羊味好重, 正!澳洲極品和牛 切得好厚, 雪花分佈均勻, 好腍, 正!太極鴛鴦滑 墨魚滑OK, 不過蝦滑就唔係幾新鮮, 唔彈牙不特止, 仲霉霉地基圍蝦 好細隻, 都係霉霉地鴕鳥肉 質感好似牛肉, 都幾好食冰豆腐 索晒D湯, 又有豆味, 好.食物都算滿意, 但係勁唔夠侍應招呼, 一個waiter要serve十幾張檯, 又黑口黑面, 勁無禮貌, 以後都唔去呢間分店.

小肥羊既任點任食應該無咩人會陌生, 但係原來幫襯邊一間分店都有學問! 幾個星期前慶起想飲茶, 去一般酒樓飲又貴, 當然第一時間諗起小肥羊下午茶任點任食點心啦, 於是去左銅鑼灣分店. 未到兩點, 已經聚集左一堆茶客係門口等兩點任點任食, 最後食完覺得種類唔多, 碗仔翅仲一大陣LONE味, 不過任點任食收你每位$56 , 俾你坐足兩個鐘你仲想點?!前幾日再番兜小肥羊下午茶任點任食, 不過今次轉左地點去尖沙咀. 一上到去, 個場好似大D 又少D人等位, 一到兩點就入得去喇! 坐低當然睇下張點心紙同銅鑼灣既有無唔同啦, 點知, 尖沙間呢間星期一至五唔洗收茶芥, 即係話每個人只係$49.5!!!! (兩個人食總數$99, 俾一百佢你唔好諗住佢會找錢俾你, 所以當$50都差唔多) 再睇下點心, 流沙包, 馬拉糕, 豬軟骨, 粉絲青口, XO醬蘿蔔糕, 銅鑼灣果邊通通都無! 我真係寧願將個差價要黎當車錢搭遠少少黎食好過!酒樓點心其實樣樣都差唔多味道, 蝦餃我覺得係必食同回本菜. 流沙包都唔錯, 只可惜三個包入面都唔見佢流下沙. 咖哩尤魚都好林好入味. 呢度既碗仔翅我都食左兩碗 要求唔高但係又想塞飽

因為早己想來小肥羊試試抵食下午茶只要胃口大, 價錢絶對超值,但聽親友說品種不算多, 食物水準卻不錯於是打算超閒著, 便偷閒與父母來了蝦腸粉: 不是滑滑皮薄的腸粉, 又不是熱辣辣的腸粉, 蝦肉又不彈牙, 不是挑剔, 而是, 腸粉不是應該熱騰騰霧著氣的,入口嫩滑的腸粉, 到底錯在誰呢炸芋角: 賣相相當吸引, 入口仍覺鬆化的蝦餃: 餃皮稍厚了點, 蝦肉不明顯馬拉糕: 有懷舊感, 奶皇包:奶皇帶甜香, 入口香甜又鬆軟的鮮竹卷:一般的油膩感, 都是肥瘦均勻的"肥豬肉"菜餃:與蝦餃相似, 就多了菜以平衡肥肉口感灌湯餃:又不錯喎, 我指的是湯底,當然不要期望是較有質素的品種蒸雞:由於雞本身的油份關係, 而添加調味料又有油,所以雞件特別滑, 但屬無雞味可言齋菜:是自取的, 走多兩步可以吃多些青口:不錯, 有足夠薑絲避了雪味魷魚:咖哩的魷魚一般粉果:幾好味喎叉燒包:皮厚肉則不太紅色素春卷:賣相新穎,但餡料較少北京烤餅:看似無睇頭, 餡料不多,有些肉碎, 不自吸引燒賣:份量適中的燒賣,飲茶少不了的點心之選,肥豬肉照舊少不了但就只限於肥瘦豬肉,入口多汁"肥肉汁"也核桃楜, 木瓜雪耳糖水: 核桃糊略為稀,應該

呢篇食評我有啲唔想寫，原因唔關小肥羊事，係我最近無咩食到好嘢，都無咩好推介。我係睇咗食評去幫趁小肥羊嘅，發覺早1個月唔到，點心個 look 唔同咗樣嘅，等我抵諗啲，update 吓啦！當日嘅點心紙見人地啲蝦腸白雪雪，我食嘅就透咗啲綠色，淨係食咗啲齋腸，都OK滑嘅。愛吃蝦餃，諗住食2籠就歸本，點知實在好失望，上海雲吞咁嘅包法，4粒蝦餃無依無棚，超級微型，還好味道過得去。樣子OK，但食樂淋 bat bat，梅 dat dat。芋角最差係唔知撈啲咩入去，如果無睇個樣，真係唔知食緊咩！鴛鴦殼青口，咁都上得檯。為食檯有10樣食物，呢度7樣，另外重有抄蜆、豬紅、雞翼。醬粉芝麻糊，最佩服係，咁都過得CF嗰關。灌湯餃：1入單就到，唔夠熱，同埋塊皮幾硬吓。羊肉水餃：熱食好味道，凍咗有啲騷。叉燒包：皮厚餡少，味道可以。時菜牛肉球：鬆散無牛肉味。咖喱蒸土魷：好韌兼有2舊大麵筋墊底。涼伴茄子：好味。蒜香涼瓜：苦過弟弟。菊蜜桂花糕：得個甜字。雪耳墩萬壽果：甜到打冷震。價錢每個人係 $55 + $6 茶錢 + 10% 服務費 = $67我估小肥羊係食火鍋嘅，點心唔係佢嘅強項。有見及此，呢度試過就算，唔打算再去啦，

小肥羊是國內500家品牌名店之一，以內蒙涮羊肉聞名，十年前還沒有聲名雀起時便在東莞光顧過，食物水準平均不俗，事業發展到香港已包含酒樓式的點心業務。今天下午趁有餘暇，相約家人去了尖沙咀小肥羊茶聚，首嚐任點任食的點心。由於我是坐港鐵來小肥羊，最近的出口是金馬倫道B2，在加拿芬道斜路有商場升降機直達一樓，比起從金巴利道進入便捷得多。升降機門打開，接待處映入眼簾，前堂面積頗為狹小。踏進大廳頓覺視野開朗，掛紗燈籠配搭木藝傢俬，檯椅排序井然有列，半高欄柵分隔座位，賓客若擁私人空間。眾人就座未待服務生問茶，已抖起點心紙細看，合共47款點心、甜品，再加上6款粉、麵、飯...食品選擇可謂琳瑯滿目，究竟一行3人能吃下多少？現在讓我們開始吧！豉汁炒蜆--蒜泥豆豉味濃，蜆肉肥美鮮甜，炒得沒有殼肉分離，屬於自取熱爐食品。海皇炸蝦角--外皮酥脆炸得圓鼓，蝦角掰開內裡有點空洞，只見小蝦兩隻、不知是否肥膏混和粟米粒，味道只覺一般。蝦角溫度略嫌不足，吃起來熱情減退。海皇鮮蝦腸--蝦腸是我心頭點心至愛，每上茶樓必成桌上貢品。常見港式茶樓、粥麵小館喜將沾米粉漿在蒸爐架上拉得薄如蟬翼，小肥羊的腸粉卻是胖嘟嘟的肥臃厚身，這是內

一向知道小肥羊有任食下午茶，之前在銅鑼灣已試過多回，今次轉戰尖沙咀。之前一日因為要換戲飛（是OpenRice寫食評抽中的），順便去了小肥羊，店員竟然話沒有任食，當日下班後見到有任食點心紙，才知差點受騙！奉勸各位要問清楚才好入去！說回食物，任食點心餐都有很多款式，又有多款自取的小食，$45一位（另加$6茶錢），水準都不錯，唯一要彈的是跟單唔夠緊，某些食物要多次催促才送到。但的確是好好好抵食的下午茶！

又去食好野..蝦餃雖然細粒..但係好鮮味..勁多蝦..要食多兩籠..燒賣就一般..棉花雞都OK..炸蝦角..又係勁多蝦..超好食..桂花糕好香口..好好味..芋頭糕唔得..太粉鳳爪夠味海哲頭爽脆..正..即叫即蒸..好好食..

今天星期日我們兩個都想食點心飲下茶，即刻想到超值之選小肥羊2時半到達，果然假日都幾多客，下次最好訂定位先！必選任點任食點心餐，56款食到夠，一次過滿足晒點心任食嘅口福！星期一至五免茶芥，六日假期多$6茶位 另收加一午市11:00 ~ 13:45 $ 55 / 14:00 ~ 16:00 $ 45 因為客都幾多，要有心理準備要等耐D同點心失蹤呀！所以都係唔好太遲先到，唔使咁趕，嘆下茶喇！我們的下午茶大餐1 灌湯餃湯無乜味2 蝦餃皮薄3 燒賣有肉味4 春菜餃多蝦5 鮮竹卷腐皮唔夠淋6 豬軟骨咸左D7 棉花雞雞有蒜蓉味8 牛肉有肉汁9 魷魚咖喱正10 牛柏葉少左D11 青口無乜味12 韮菜棵香口13 蘿蔔糕乾左D14 炸蝦角夠脆15 碗仔翅有料16 蝦腸夠滑17 羊春卷夠脆18 茄子汁好味19 菜肉雲吞無乜味20 羊肉水餃少少蘇21 桂花糕清香22 芝麻糊太甜無味23 泡椒鳳爪夠味24 翠玉瓜夠辣25 海哲頭夠爽26 時菜唔老即點即蒸，味道唔差，都好好食！

想搵個人都難,叫人加水扮睇唔到,唔做野,錢就準時收,絕到停你電爐唔可以再打落去,熄一d燈熄冷氣,未走就話執你抬面d野而食物質素,各人有唔同要求及口味,唔作評論但服務就...一次教訓就夠

　　之前只在旺角小肥羊吃過點餐的，原來小肥羊也有任食的！不單止，而且還非常便宜可是等位等了好久！所以取票後便到樓下逛了一小時街再上來等候。哈哈。一坐下立即送上贈送的兩款羊肉（其中一款是因為刷EPS）。　　點了肥牛之後才後悔要了贈送的羊肉，因為牛肉的確比較好吃啦。兩個人又吃不了這麼多碟　　話說當天是聖誕節，卻驚見「慶祝紀念」沒有「聖誕節」的選項。-_-

今次黎小肥羊真係好似黎錯咗。哈哈~~因為本來好欣賞佢個湯底好濃，唔點豉油都好食。都係今次去小肥羊真係講唔到依句說話。湯底比之前淡咗，唔通ONLY係我個個??除咗湯底淡咗之外，我覺得佢有D餸以前唔駛加錢，但係依家竟然要加錢食囉。希望只係我記錯，但係我真係覺得小肥羊D野食係少咗。然後，我叫咗唔少餸，新出既個個墨魚滑唔錯，都係幾爽幾彈牙。唔錯。其他餸都算KEEP住個水準，仲可以試多次既~~

今次係第二次上去呢間度食,第一次印象不錯,食物款式多,環境都總算可以。諗唔到,相隔一年再黎,點知相差咁遠!!一早訂左位,一行四人,我朋友一早去到拿位,門口的服務員俾個數,指示叫我朋友自己入去就得,入到去坐低,等左好耐,成十分鐘都無人黎開茶。後來門口的服務員帶左六位客人入黎,行到我朋友面前,叫我朋友坐去第二張檯,但呢位服務員無任解釋,亦都相當無禮貌叫開左我的朋友,就咁將張檯俾第二班客人我朋友唯有坐去第二張檯,點知另一個服務員竟然問佢點解坐係度,叫佢坐去第二度喎!我朋友就火都黎啦! 成班人玩野呀! 於是我朋友叫佢地的經理黎解釋,等左好耐都無人出黎!我黎到,門口的服務員又叫我自己入去,坐係第三張檯度! 途中見到我朋友同一位服務員爭論,要求見經理,但服務員用責怪的語氣同我朋友講"你冷靜D無謂攪大件事啦!"我朋友真算俾面,仲可以陪我地繼續食落去! 其間門口的服務員入黎同我地講"太多人先會安排成咁!"首先,我們係一早訂了檯,咁樣都安排失當,仲點做生意呀? 咁樣安排,起不是要我地四人一人一張檯呀? 第二,呢間店唔係頭一年做生意,位於人流咁多的尖沙咀,假期中午十二點幾的時間,都仲用咁的藉口解釋! 會