小確幸

營業中

休息中

This cheese cake pudding is very popular, I heard that people used to line up for it. Luckily now it was not too bad. I arrived at around 6pm today and there were only original flavour, chocolate and matcha. I got the original and chocolate with the total of $76. I would recommend the original cheese cake pudding, the flavour is more stand out. The pudding was smooth and eggy, with the cheese cake at the top, it tasted delicious. As for the chocolate, it was ok, the chocolate flavour tasted like

經過昨日在新界西北經歷試食的一日遊之後，今日我又再次上路，又來到同一個地區，幫襯兩間因為昨天休息，而要今日補數的目標食店「小確幸」，還有另一間需要押後上門幫襯的新界西北食店。昨天我本來很想幫襯「小確幸」，試食「小確幸」的「布丁燒」甜品，奈何昨日運氣不好，所以「小確幸」變成了我昨天的「小不幸」，「小確幸」「布丁燒」只能留給今日再嚐試吧。「小確幸」的位置，比較接近我上一篇食試提及過的小食店「JX大」，以及距離我另外一間食店「永X士多」。所以我從港鐵站出來，沿路尋找「小確幸」的過程，有了經驗，自然比昨日找同一地方來得輕鬆。「小確幸」的裝修比較整潔，以及食店給了我一種，氣氛很悠閒自在的休閒甜品小店感覺。「小確幸」食店內預備了，安裝一塊黑板，黑板上書寫有關享用食店「布丁燒」的方法建議。「小確幸」在店內的一角，還另外擺放了一個玻璃水缸，讓光顧「小確幸」食客，可以自由地自行取用食水。另一方面，「小確幸」餐廳內的座位不多，只有一張放在角落，連同玻璃水缸的掛牆餐檯，加兩張餐櫈而已。既然我在食評一開始的時候，就早已經說明「小確幸」是一間以「布丁」食品為主打餐點的甜品店，所以我今次在「小確幸」，只是選擇了兩

飯過晚飯後, 我地只需要行過隔離舖就黎到呢度喇!之前都見有不少的美食報導呢間小店, 原來就係喺呢度, 唔洗周圍搵就可以黎到喇, 梗係要試下啦!店舖其實好細間, 不過佢既佈置卻花了唔少心思.之後我地揀左 北海道四葉忌廉芝士蛋糕布丁燒, 同芒果布甸 即刻食. 幸好門外有一張小圓枱, 可以坐喺外面食.職員有教我地點樣食個布丁燒, 老公俾完錢之後, 職員就幫我地反轉左了....影唔切相.....不過唔緊要啦, 入去補影返都得!這兩父子等緊我影完相先食得, 哈哈!!門外前的玻璃擺設, 好有心思, 店舖入面大多數用貓頭鷹做裝飾.呢款就係我地買既布丁燒原貌影完, 食得!左: 北海道四葉忌廉芝士蛋糕布丁燒  右: 芒果布甸 嘩, 果然好好味呀! 好香芝士味, 而且布丁好滑漏, 下層就係芝士蛋糕, 夾住埋D焦糖漿一齊食, 真係好香滑可口! 連仔仔都食到不停孹大個口要我地餵!!相對芒果布甸就較為平平無奇了一點~~布甸質感較為實, 雖然入面都有D芒果肉, 不過食落唔夠香. 可能同布丁燒有所相對~~

今日假期去左元朗掃掃美食尼間布丁燒聞名而久所以特地來試試去到店發現原來係一間好細既店得3個位左右另外整間店都係貓頭鷹做主題 超可愛的而下午平日無咩人所以決定堂食了咁就叫左個印有貓頭鷹🦉主打既布丁燒，揀左新出口味《法國栗子布丁燒🍮》$40食落去淡淡栗子🌰香味而且布丁口感一流同埋好滑真係名副其實咁好食啊，而且唔會太甜覺得食完好似冇食想再食多個不過價錢就可能偏貴因為一個咁細嘅布丁燒已經要40蚊另外再叫左個《綠茶布丁$25》🍮同平時嘅冇乜特別綠茶味比較淡不過味道都可以 不過都係主打布丁燒好食啲，而且職員好細心呀知我要影相特登拎多一個布丁燒比我影貓頭鷹圖案

早前哩間舖排隊排到癲 一直在我地waiting list 當中今日去開元朗 一於去試下雖然最想食嘅抹茶味賣晒 但有朱古力味補上先講布丁燒 上層係滑滑布丁 下層係綿密嘅芝士蛋糕 再淋上焦糖漿🍯店員建議先食原味 因朱古力味好濃會蓋過原味 食落又真係好濃朱古力味🍫堂食可以飲麥茶🍵自己任斟的係7度嘅天氣下有杯熱茶確係幸福

甜品…… 是一餐晚飯少不得嘅餐後美食，對女士們真是不可或缺！就好似茶餐廳: 一個快餐必須要加杯奶茶或咖啡一樣！上星期情人節同老婆食完情人節晚餐之後，回家經過呢間 ，舖面不算太大， 裡便播放著一些溫馨的音樂，佈置亦很溫馨，看見一些小情侶在外觀看，我忍唔住要買番件回家同老婆分享一下！我們點了一個芝士布丁燒及芒果布甸……這個芝士布丁燒真係印象深刻，軟綿綿布丁擺動着及充滿彈性， 入口充滿芝士香味， 但係絕不太甜， 味道適中！其實甜品跟幸福二字絕對合襯， 呢個芝士布丁燒值得推介畀大家一試！

說話亞妹知我哋去元朗，千叮萬囑叫我哋去小確幸外賣布丁燒佢食。咁我哋去完元朗公共圖書館睇書後，就依GoogleMap去搵，咦！原來就係附近咋喎！門面比想像中小，其實經過未必覺眼，入到去就比櫥窗嘅布丁燒所吸引，當時已經係5：50，部份布丁燒味道已經賣晒，前面仲有幾個排緊隊，我哋就買咗1個抺茶味同原味（堂食），仲買多咗1個原味布丁燒外賣！店員教我哋食嘅時候先搖一搖，再反轉倒出嚟隻碟上 （咦？咁隻貓頭鷹圖案咪反底囉 @@）其實淨睇賣相已經好吸引！原來布丁燒上面係布丁，下面係芝士蛋糕！抺茶味唔算太甘濃，反而我更鐘意原味（芝士布丁燒）！布丁嫰滑，芝士蛋糕嘅芝士唔算好濃，但質地綿綿，原來布丁同蛋糕可以咁夾，食完一啖再一啖，對於甜品控嘅我嚟講，確實Feel到一陣小確幸，好美味，哈哈！當我哋食完後，店員同我哋講熱食布丁燒更好味，芝士更加香濃！佢仲指住廚房，話熱辣辣嘅布丁燒準備出爐，如果買就要快手！嗚。。可惡，食完一個已經飽了，根本食唔落第二個，點解佢唔一早講喎 ><店員比咗張咭片我，話下次嚟買可以先打電話比佢哋，問吓當日布丁燒嘅出爐時間，咁就可以夾啱時間食到新鮮出爐嘅布丁燒喇。。。唉。。

記得對上一次經過哩條街，見到店鋪門口長長既人龍，就直接走咗了。今次再次經過，可能因為氣溫得10度嘅關係，門口已經無人龍，我都可以直接入去買。櫥櫃有幾款口味嘅芝士蛋糕，芝士，朱古力，雲尼拿，粟子等……最後我哋買左傳統嘅芝士布丁同埋粟子口味。先講賣相，其實每個蛋糕都一樣，表面都有一隻可愛嘅貓頭鷹。店員話食既時候要翻轉黎食……先黎既係傳統芝士口㗎。表面係一層焦糖，睇落滑溜溜的。食落去，果然有驚喜。上面一層係焦糖布丁，貼住下層既係芝士蛋糕，實實的，芝士味香濃。另一個係粟子口味。睇落去無大分別，表面無左焦糖，所以睇落有少少裂痕，上面果層布丁係粟子味，下面就係同之前一樣既芝士蛋糕。不過比較起黎，我就會比較鍾意芝士口味，感覺上味道比較夾，而且粟子味相對比較甜，我還是鍾意香濃一點既蛋香味呢！

第一次去，同朋友掙扎好耐究竟食芝士定抺茶味布丁燒好🍮 點知去到淨係得番芝士，其他布丁燒都賣哂😨食緊嗰陣聽到其他人嚟買都已經要再等下一輪..鋪頭成間都好多貓頭鷹裝飾，連布丁面都有，好有心思😆😆😆 買咗之後，店員好小心咁倒個布丁出嚟，個面好光滑咁，成個造型都幾得意！布丁燒好滑，下面有層芝士蛋糕，整體唔太甜唔會好漏，不過芝士味如果可以再濃多少少會更好🧀食食吓仲有新鮮出爐嘅布丁燒可以熱食😍不過食咗一個已經好飽，有機會試😞

是日到了元朗打麻將，要等屋主放工，所以我們又上網找「好西」吃。找到了這間甜品店，說是北海道札幌名物，我們又在附近就過去試試。剛好遇到布丁燒出爐的時候，門外已經二三十人在排隊等候，店員就逐個客人詢問要買多少，大概是要做個粗略統計，看看還有沒有足夠布丁可賣吧。2018冬季有季節限定，法國Sabaon栗子布丁燒，還有一個焦糖雞蛋布丁雪糕都是新產品。但可惜到我們的時候這兩款都已經售罄。我就選了四葉芝士布丁燒，他就選了朱古力布丁燒。有人二話不就的就吃了一半，所以沒有辦法拍照。這個布丁燒很重朱古力味，但不會太甜。布丁很香滑，但配搭上層的芝士蛋糕就好似有點浪費了那個布丁，因為芝士蛋糕不夠細滑，可能是烤焗的溫度控制得不夠好。這個四葉芝士布丁燒，味道沒有朱古力味的濃，但仍能吃到芝士味。同樣地，布丁很滑，但芝士蛋糕就稍遜。'總結，如果排隊等候時間減半，去試試這布丁燒也無妨。下次有機會再試焦糖雞蛋布丁雪糕

這晚經過小確幸，見到剩下一個布丁燒。店員話客人訂了但趕不切取，我二話不説要了。因為口味系新出的粟子布丁燒。味道又香又滑，粟子味香，十分推介。系月光下同另一半分享，份外幸福。

--------------✏️Happy boxing day!🎅🏻大家有無係聖誕節搵到自己既小確幸呀☺️ 今日我專誠黎到元朗搵小確幸 黎到既時候 岩岩賣剩兩個☺️已經有小確幸感覺芝士布丁燒$38好食指數:6.7/10之前係fb被洗板既小確幸布丁終於俾我試到 😌趁肥仔節 放縱一下自己食甜品 今次試既係芝士味 首先要將布丁搖晃 然後倒轉放係碟上 底下既焦糖就會滿佈布丁面上層係焦糖 中間係布丁 底下係芝士蛋糕 個combination 幾特別 布丁造得頗幼滑 而夾住鬆軟既芝士蛋糕底 又幾夾布丁燒比起其他布丁食落口感比較綿密不過定價比較比較進取🤔值唔值呢個價就見人見智 整體: 路過可以一試-------------------📍小確幸元朗馬田路50號朗景臺2座地下12號舖

原味布丁蛋糕特登黎到元朗搵美食，呢間見到好多人都推介過，之前仲係大排長龍， 呢日晏就見到人唔算多就過黎買～食落有幾層口感，首先食到焦糖味，再黎係結實既布丁 ，最後就係蛋糕底味道好香濃但又唔會太過甜 推介推介 價錢又唔會太貴

終於入到黎元朗，機緣巧合下就決定去小確幸。因為記得朋友推介過話好食，但次次入元朗都吾太經依度。 我地一共買左兩款，一款係朱古力，一款係芝士。個人中意芝士味😋😋男友人就中意朱古力味😋例完出黎好靚☺️☺️☺️好值得一試😋

胖🐽增磅@元朗。第三站小確幸上兩站食完鹹的。。跟住e站要食啲甜嘢平衡下小確幸門前係條好闊嘅行人路。。我同男人都話好耐冇見嗰啲咁闊嘅行人路，真係大鄉里😅😅😅😅又係本身想食布丁燒，再加個玫瑰荔枝奶凍，點知玫瑰奶凍又賣晒，所以揀左2個唔同味的布丁燒布丁燒係一層布丁，一層蛋糕，一層焦糖醬，三合一食的時間，要倒轉，倒出黎食職員教，因為芝士味會淡d.要食先，之後再食抺茶味就啱了四葉芝士布丁燒用左北海道十勝芝士，淡淡芝士味，唔會太濃，布丁軟滑綿密，蛋糕吸收左d焦糖醬，濕濕地咁食，又幾夾wor.焦糖醬唔會死甜，係淡淡的甜味，配合番個芝士味抺茶。若竹布丁燒食完芝士味，以為抹茶味都係淡淡地，原來大錯特錯，個抹茶味超濃，濃到以為食緊50%以上的抹茶雪糕。。。如果係抺茶愛好者，應該會超鍾意，但本人係奇怪路線的，濃抹茶我鍾意飲的，但製成品就麻麻地，所以差不多整件都交左比沒茶製成品愛好者，我身邊果個k.o.左佢🎯🎯🎯我地揀左坐係門口外張枱仔到，望住頭先話好闊嘅行人路，加埋宜家涼涼地又未係好冷的天氣，感覺勁寫意🍁🍁🍁🍂🍂🍂另外舖頭都幾窩心，有提供熱茶同水。仲要係煎茶，好香。因為始終都係芝士蛋糕，食完都會有d膩，飲番