小白屋 (已結業)

睇完亞蘇既介紹, 真係好想試試~~ 又怕多人, 琴日終於可以一試啦~~ 好好彩7:50到, 最後2個位比我坐到, 門口既waiter 哥哥好有禮貌既解釋..因為多人,食物要等耐些, 當然冇問題啦, 一早講明既.知道要等,心情都唔同d既~~ 環境就真係好普通啦, 好少既坐位,大約坐滿應該係40人. 最唔方便係洗手間要出外, 所以我冇去到!! 台太細, 我覺得唔係好夠放食物!! 仲有比既開水,本人覺得有古怪既味道,飲熱開水就冇啦!! -周打魚湯(一般, 少料) -凱撒沙律(菜好新鮮,不過,食唔到有咩特別好食既汁, 應該我果碟係冇汁)-雞肉三文魚蒜皮白酒汁天使麵(即煮即食, 好好味)-燒排骨(果然係最好味)-意式奶凍(有咖啡味所以鐘意)最後走既時候見到廚師一面, 好好笑容, 即是加分~~ 冇加一服務費, 咁既價錢,咁既食物..抵食.

called at 7:15pm to try to get a table for tonite, they said the earliest time is around 9pm, therefore we were decided to go somewhere else. While we're on the way, they called back and said they could get us a table at 8:15pm, so we thought we're a bit lucky......got in around 8:20pm, ordered a wardolf salad, a mushroom soup, a spicy tomato pasta, a lamb and a sabayon with mango ice cream. the server suggested that we should order everything in one go to avoid delay.....so we took his word for

今日想去買外賣甜品,第一下,有好多都無,第二下,叫我等第三下,話無外買packing,俾份野我拎上車食,咁都得!!!!第四下,我最後想落order,佢同我講,我而家take緊order,你睇到架,等陣先....我決定走,咁受氣食左保唔番!

尋日我同同事第一次去小白屋, 叫了阿so意粉, ribs 和焗薯. Total$175, 除了焗薯, 我覺得意粉和Ribs好好味, 尤其係個意粉, 我覺得叫angel hair會更好. 同埋間舖比我想像中細一半, 原來電視拿角度技術咁好. 佢地既服務我都覺得好好, 好nice~還有, 我見很多post有提到很難打通電話, 其實係一場誤會. 小白屋每星期一係休息架, 二至日才照常營業, 還有請記住你地喜歡吃的甜品係晚上才供應架.希望大家都食得開心啦.

我只係路過, 我見很多post有提到很難打通電話, 其實係一場誤會. 小白屋每星期一係休息, 二至日照常營業, 還有請記住你地喜歡的甜品係晚上才供應架.希望大家都食得開心啦.

太失望了! 煙肉包住牛柳那碟又淡又趙唔開(旁邊檯那男士換左三次都未滿意)，意粉同樣怪怪的(一d白酒都無)，凍飲極平凡，只係個甜品好好味。小白屋，要成功一定要保持水準，吸引食客回頭，不可掉以輕心。

上到黎openrice先知原來cable介紹過, 7:20去到, 8:00入座, 等位時已經見到阿蘇o係入面:-) 如果唔想o係門口呆企, 真係應該打去book定位!因為平均都要等45 mins, 過左9:00都仲有人等位.食左angle hair, 燒豬仔骨, 意式咖啡果凍, diamond black = $213食品同services都幾好, 成日食意粉屋o既我覺得以後應該行多幾步去大坑, 因為真係好食好多.唯一就係washroom唔o係鋪頭入面, 有d唔係咁好..

話說上星期六我同女朋友搵食搵到去大坑，食完豐富而美味的一頓西餐後，唔知點解女朋友對這間年多前曾經在報紙上登過專輯的舖頭之甜品一直留下深刻印象，既然來到大坑，一於試埋先返屋企。好容易就搵到這間之門口，門口的格調十分吸引，門口有少量人客在等位，但原來只食甜品是可以直入的。時間已近晚上11時，大部份之甜品都沽清了，想叫它甚為出名的伯爵奶茶布丁配沙巴翁都沒有，唯有叫它的sunset 鮮果沙巴翁和咖啡奶凍，沙巴翁是蛋白與鮮奶之打勻吧，入口似泡沫狀，我覺得不錯，女朋友就覺得麻麻，但她喜歡入面的鮮果；但咖啡奶凍由賣相與食味都麻麻，賣相有點糊狀，味道過甜了，女朋友笑言若她在家中整給我食，我定會覺得她今次的行動又失敗了! 在食物質素偏低之心態下，環顧餐廳內之景觀，茶餐廳式既環境加少少西式裝潢，真的有點金玉其外之感覺，沒有了，騙情的一次就夠!

我一直都係阿蘇主持飲食節目的忠實fans,由德成雞蛋卷到今次的意大利小白屋, 試咗咁多次都係讚不絕口! 咁就等我推介吓這問出色的意大利小白屋啦! 適逢係父親節的月份, 又睇到阿蘇的極力推介, 所以在三個星期前便訂了位同爸媽食飯嗱! 我哋一行五人就從屯門出發到銅鑼灣, 去到的時候已經見到門口有好多人在排隊, 我想這間小白屋的食物質素一定唔差! 我哋ordered咗總共十道菜, 三道前菜, 四道主菜和三個甜品. 前菜我哋叫咗Caeser salad - 個汁較得非常之好, D菜重好新鮮tim. 蜜糖雞翼都得非常美味, 還有那個煙肉焗薯皮, 都做得非常可口! 而主菜我哋就叫咗布袋牛柳-其實是用煙肉包住牛柳再混入芝士和蘑菇汁去做的, 肉質非常之鮮甜, 好有肉味, 同出面食的所謂牛柳, 真是差天共地! 而另一個很值得推介的主菜就係燒豬肋骨, D肉非常之juicy而且D source 真的佩得很好! 最後我地叫咗三個特色甜品, 我想你哋只係睇相都應該可以imagine到有幾好食! 埋單都只係四百多少少, 真的很超值啊!

睇完A 及B的食評之後,我真係感到出奇!其實食物口味都係見仁見智,你去那去好並不等於好!差的那次亦並不等於好差!始終人都有情緒出現的不用那麼偏激或偏幫!正如我同兩個朋友去食的那次,就真係差了!點解??你睇完我的食評先講了!我身同感受過個老闆的服務態度!我上兩個星期四去過呢間餐廳食晚餐!我就叫左個蒜片意粉!唔知係咪人手方面的問題,因為只得一個廚師仔咁多!樓面又得一個女仔!當個意粉出到來的時候,我食左一口,發覺真係一點都唔夠熱,咁我就同個老闆講,點知個老闆竟然答我""唔會唔夠熱""嘩!今時今日咁的服務態度咁都得!我個朋友講呢間餐廳以前無咁旺,但因為個廚師仔(28歲)識得阿蘇,咁就唔同晒!服務態度在任何一間餐廳都好重要的環節,再唔改善的話,恐怕會番到以前一樣咁冷清!我就唔會再有機會受佢呢種態度!因為我地都唔會再去食!備註:我睇過晒呢間餐廳的食評!有好有壞!但我咁耐Openrice來講,未見過有餐廳老闆會寫番說話在自己餐廳食評解釋什麼!肯定係一個過份緊張的老闆!始終客人口味有偏差!但又咁啱出現B的回應,聰明的讀者一定知係邊個寫呢點解釋了!!千祈唔好當讀者係傻瓜呀!敬希刊登,謝謝!

2007年5月29日星期二在阿蘇的影響下, 決定刻意及神秘地帶男友去試下, Cable TV 播放後一天的星期日, 下午6:10到達, 在遠處己見人籠排隊等位, 和男友步近之時, 男友大叫一聲老闆娘的名字, 原來男友好久之前巳在西環食過甜品。一問老闆娘要等幾時才能入內, 她說最早9:00, 嚇了一驚!! 決定離開!2007年5月29日剛巧9:00在Forturn Hill 就打過電話過去問一問, 聽電話先生說最早, 最早都要半小時之後, 但不包一定得。9:35去到, 剛好有幾枱客人走, 9:37入內進食。1)duck breast :肉質不夠鬆軟, 咬落好”實”, 無乜鴨味, 普通茶餐廳都有得食既貨式, 五片$98。2)燒骨: 個sauce 確實不錯, 除比較細件, 肉比較少之外, 味道無乜可批評, 大約六條骨$78。一分錢一分貨, 本人的確地明白!3)天使意大利粉: 好,好,好! Texture 夠咬口, sauce 夠明確不多不少, 繼續努力$68 如無記錯。4)伯爵奶茶布甸: 奶茶味道濃郁, 食落陣陣少許Mint味$2x。5)焦糖燉蛋: 火熗令焦糖燒得硬硬的, 燉蛋不太甜令整體完

多得Susie Wong, 再了Lung既飲食地方亦難不了香港人! '大坑'咁大個人都從未去過! 與友人約3點幾到,遲了, waiter話小白屋要準備dessert,所以無得食:< 不悅和失望既表情理應在面上出現, 但waiter在門口善意及誠懇地解釋後.. 我們只好平靜地離開, 只因說話態度影響一切, 小白屋, 等我呀~ I'll BE BACK!!

奇怪啊，我反而覺得老闆態度出奇地友善，我上次走果陣仲同女朋友講：「好似返團契咁，好搞笑！」至於話佢比唔上意粉屋，我就覺得見仁見智啦。一來佢平過意粉屋(如果唔計價錢，大把好過意粉屋啦...)，二來佢D甜品係意粉屋冇既，三來佢有D食物唔差過意粉屋。比如意粉屋既焗薯蓉，外層脆脆地固然都好食，小白屋既薯蓉(我只係食過「薯蓉」，有人彈過既海鮮薯蓉我唔知...)則係手打既，口感更富層次，食落唔會覺得似咬緊一堆粉。呢度唔一定所有野都好食過意粉屋(例如意粉我就覺得普普通通)，但整體黎講算係唔錯，肯定係抵食！

上兩個星期去左呢間餐廳食意大利粉!其實食唔食都無所謂了!因為呢間餐廳的老闆態度認真麻麻!以前自己的食物好食過大酒店咁!事實真係味道一般而已!我覺得Spaghetti House好食過呢間咁細間(16座位)的餐廳!樓面只得一個女侍應!

呢間餐廳又話要人打電話去預訂, 點知打左成朝都無人聽, 一係個電話就唔通!!! 我打左廿幾三十次, 次次都響到個電話cut我線, 一係就連打幾次都唔通!!! 邊有餐廳咁做野架!!!!!!! 個system 咁唔得!!!!! 有無搞錯呀!!!!! 本來想去呢間餐廳食野既意慾無晒, 換黎一肚氣!!!!離晒譜!!!!!! 好心檢討下啦!!!!! 唔夠人手就咪鬼叫人打電話去訂位啦!!!!!!!!!!!!!!!!!!!!!!!!!!!!!!!!!