小甜谷 (已結業)

假日同朋友聚一聚, 聽說呢甜品店好出名, 就試一試吧！Oreo 冰, 有d oreo同朱古力粒粒喺d冰入面, 好飲.😋 芒果菠蘿冰, 好解渴, 有芒果粒喺冰道. 本人鍾意食芒果, 覺得呢個超值得推介！！😋😋😋但要留肚食buffet, 所以今日同甜品冇緣, 下次再黎幫襯吧！😆

今次飯後甜品，試了波蘿冰及椰子冰，一上枱是有驚喜，製作成花瓣形狀，高高的，好靚。至於味道，會清新d有波蘿味，感覺像吃新鮮菠蘿一樣，但椰子冰味道很淡很淡，一d味道也沒有，不過夏天選擇吃這個也不錯，吃後真的很清涼，很快把身上的熱氣降溫

今似黎左依間名店食野,姐係好出名咁嫁,試左幾樣野,當然唔係我一個食,首先係依個特濃牛乳燉蛋白,依個真係好濃烈既牛乳,不過口感我就好鍾意,因為質感較稠,不過唔太算滑既,但自己就比較鍾意依隻,依隻奶凍已經賣到周圍都係喇,所以有D悶。之後就係一個朱古力奶凍,依個奶凍同頭先個個有少少唔同,上面有D果仁同西柚絲,依個有好特別既口感,食到奶凍之外,又脆既口感,加埋少少西柚,唔錯既一款甜品,不過奶凍朱古力味都算好濃,同頭先個個一樣都係唔太夠滑,不過味道就當然夠喇。反而另外既菠蘿雪山就好有驚喜,有半個菠蘿挖空左D果肉,不過都有用番,應該係用番果肉加埋少少蜂蜜整D冰沙，因為沙冰有食到有少少果肉,好特別,如果係夏天食真係好正,一定解哂熱,最後就叫多杯芒果汁,解一解D奶味,依到個芒果汁做得好稠,又有新鮮芒果既香味,,唔錯。 

以前食過一次覺得冇乜特別，但3年黎久唔久都聽到身邊朋友讚好食，黎到大坑食晚飯，就順便再黎。店入面已經坐滿哂，開枱坐出面，開左幾枱，而且陸陸逐逐都有人黎，睇黎真係幾受歡迎。點左特濃牛乳燉蛋白。賣相可以，味道就普通，真係唔覺得好食。食唔到特濃既牛乳味，反而係甜味較重。質地OK啦，都算滑既。始終都係覺得麻麻地，價錢亦唔平，應該係最後一次黎，寧願試下其他野好過。

今天與朋友去過蓮花宮拜神後閒遊大坑，經過小甜谷便走進去竭腳兼吃甜品。我點了一個價值三十六元的燉雪梨，滿心歡喜以為可以滋潤一下，可是結果令人非常失望。首先，賣相非常震撼！燉雪梨這些相對較昂貴的甜品竟然以紙碗盛載上檯！很難令人相信這個雪梨是真的燉出來~~~其他甜品店燉品一般以燉盅盛載，甚至附以雪梨紙封存，讓食客感覺良好。當然，我們不能以賣相把它判死！味道才是最重要，可是再一次令人失望！一口咬那個雪梨竟然是凍的，幸好糖水還是熱的。我也很想知道有甚麼燉法可以有這樣神奇的效果！最後一句：無下次！

同舊同事去大坑晚飯後，行去小甜谷來個飯後甜品，點了石榴冰同椰子冰，一上枱已經有驚喜，大大個做成花瓣形狀，好靚。至於味道，都有驚喜，好椰子同好石榴，好似食緊一個冰凍生果。又甜又多汁呢。

大坑一向係飲飲食食既勝地...地點雖然唔多方便..不過勝在集萬千款式於一身一心唸住去實驗室食杏仁糖雪糕...可惜~竟然SOLDOUT....異常失落~~望見對面有間甜水店..於是去幫襯一下杏仁豆腐 $35價格非常貴~中式甜品一向索價25元以下~~半碗豆腐花加半碗杏仁茶,,,35元~~我相信是位置問題吧而味道方面~杏仁茶味道一般~杏仁味道不夠突出...豆腐花更不值一提~豆腐花十分硬身...好似食緊蒸豆腐~而且也唔夠滑溜~完全食唔到有豆味~一句講到尾:唔好食,價錢貴只是明人效應吧~環境:店面以全開放式~有2邊加以落地玻璃門~很副外國色彩~而有2面牆掛滿明星的照片...純粹是環境寫意吧~我就不會再回顧了~

見大坑無咩糖水可以揀，就諗住試下小甜谷 ，因為未試過...點知失望而回 首先睇黎睇去個餐牌都無咩揀得落手，款式唔多亦唔吸引...最尾揀左個朱古力奶凍同芝麻糊加左唔知咩，兩樣都係$3x 個奶凍沒什麼配料，普通到我諗自己都可以整到，完全唔值呢個價錢 呢樣都算啦...個芝麻糊十分稀，食落去同超市買盒芝麻糊番黎沖沒有什麼分別，真係嬲左  起碼我買番屋企沖一包唔洗收我30幾蚊

餐牌上, 在新鮮生磨系列中芝麻糊蓮子腰果露的照片是最大的, 我想應該是重點推介吧, 所以很爽快地點了這個...兒時跟母親一齊造過生磨芝麻糊, 知道除了用黑芝麻外, 還要用白米加埋一起磨, 自己親身做的芝麻糊味道不太好, 因為總是覺得"白米"味跟芝麻味不平衡...所以還是喜歡出外吃芝麻糊...而這情況出現在小甜谷的芝麻糊蓮子腰果露上, 第一口吃下去就是很重的"白米"味, 而且口感很粗糙, 粗糙得來很"粉" 而不是芝麻及腰果的粒粒...一點也不滑...唯一可取是裡有幾粒大大粒的蓮子, 蓮子很甜很粉, 不過同樣没有蓮子香...店內的牆壁貼滿很多明星的相片, 這只能代表店主人緣很好, 但造甜品方面要再努力一點了, 至少在造芝麻糊蓮子腰果露上是改良一下...

其實去小甜谷，真係有啲人去我又去嘅無奈，成班朋友去完民聲食咸蛋肉餅，好自然就會行過去小甜谷，揀左個36蚊嘅紅豆燉奶，個人黎講，真係貴，慘左仲要麻麻，紅豆煲到冇咩味，啲奶又吾熱，食到一半變晒奶水！點解咁都可以收咁貴？名人效應？？？

荔枝奶凍$34菠蘿冰$48(好食指數: 7/10)2013-6-10原本想食labmade不過原來佢星期一休息，結果就行左去對面食小甜谷啦荔枝奶凍第一啖幾滑不過食落會覺得太甜菠蘿沙冰主要係比佢個菠蘿蓋吸引住，不過真係成個頭咁巨大成座山，沙冰好多，入面仲有菠蘿粒好好食，真係好解渴，飲得又食得，兩個人真係食唔唒

叫左波羅沙冰同榴槤涼粉, very disappointed:1.波羅沙冰冇乜菠蘿味, 極少菠蘿粒, 淡如水, 差唔多齋食冰2.榴槤涼粉榴槤唔熟, 涼粉冇味, 食到叫救命隔鄰個檯叫左芝麻糊, 食左一半, 媽媽聲走人.學左個教訓, 見到有食店貼哂d 明星相, 千析唔好信!!!

A random crave for dessert made us go to Xiao Tian Gu tonight. The dessert shop was quite packed, showing its popularity at Tai Hang.Hokkaido Stewed MilkIn the cute white porcelain cup, is Xiao Tian Gu's signature dish - Hokkaido Stewed Milk. The warm Hokkaido Stewed Milk was smooth with sweet Hokkaido milk taste.Mango Sago with Nata JellyThe mango sago was delicious and fully loaded with chunks of sweet juicy mango, chewy sago and nata jelly.I am not an environmentalist but I dislike the fact t

久聞「小甜谷」大名，卻還是首度光顧。猶記得當年市面罕有北海道3.6牛乳，貴價超市才有售，「小甜谷」靠它製成甜品闖出一片天，如今不少食店都以它入饌，且連OK便利店也可買到北海道牛乳，令驚喜度及新鮮感大大減少。不過，既是鎮店名物，我想仍須花錢一試，於是點了特濃牛乳燉蛋白凍食，還有蜂蜜菠蘿雪山。名物「特濃牛乳燉蛋白」，以北海道3.6牛乳製成，確帶有濃烈牛乳味，口感較稠，略嫌不夠滑溜，感覺有點工場化製作，加上很多甜品店都有類似出品，較為普通。另一款蜂蜜菠蘿雪山，反而甚見驚喜。看着師傅把半個菠蘿挖空果肉，再以果肉加上蜂蜜打出冰沙，冰沙裏又混有少許果肉，在炎炎夏日呷一口，真的是清新解渴，我更愛它不帶人工化的甜味，真的不俗，I'm loving it!唯一美中不足，價錢有點貴，盛惠48元。

行完街黎大坑食糖水，原本諗住食另一間甜品舖，但無開門所以改左黎小甜谷，諗住明星開既應該ok既...坐低叫左一碗楊枝甘露同埋芒果西米露(其實係要自己畫紙仔)。好快就上左喇。賣相方面，啲糖水用紙碗裝，但係用正常匙羹架喎，有啲奇怪。 芒果西米露味道麻麻地，價錢偏貴（$34），佢係用大西米，入面加左啲用荔枝造既類似蒟蒻物體。楊枝甘露（$32）呢，上枱個陣已經加左好多奶，我見個碗無西柚但有荔枝肉同頭先講既疑似荔枝蒟蒻，於是問下個侍應，佢話佢地半年前已經無用西柚整楊枝甘露。 下？楊枝甘露無西柚？咁仲係咪楊枝甘露？