小樽分子 (已結業)

食完深井燒鵝，出番荃灣食糖水呢間野聽人講幾好食點鬼知原來得個名旋轉甘露：最好應該呢個，但波羅味麻麻地，石榴味最好架啦白涼粉：都係普通涼粉好食D雜果西米露：都係比波羅味影響晒總括，d野雖然好似幾特別，但其實味道就唔係咁特別咁囉....

第一次寫食評, 就竟然係嬲到唔寫佢唔得!呢間糖水睇落門面唔差咁,又貼滿雜誌報導, 但原來都只係金玉其外! 大家去食之前真係要考慮清楚.晚上9點幾10點來到, 我們3人, 等了一會就可以坐低!叫了3款甜品1)蘆薈鳳梨露..........$202)楊枝甘露白涼粉..$263)什果西米珍珠......$26在荃灣的甜品店來說, 可說是較貴的一間!1)蘆薈鳳梨露最快來到的甜品, 很香的菠蘿味!但估唔到係最恐怖既一款, order 時見到個名係露, 諗住個甜品會杰一點, 像糊的樣子...但原來像菠蘿果汁 (其實更像罐頭菠蘿水+少許菠蘿打成的樣子), 但看+聞是不會知道這甜品最特別的神奇味道!!朋友吃了2啖(真的只有2啖....), 便再吃不下! 我們試了少許才知, 原來這個甜品, 留在口的味道"酸酸宿宿"!! 最貼近這種味道的就是..嘔吐完留在口中的"酸宿"味...很神奇吧!? 竟然可以賣出這種"酸宿"味的甜品.2)楊枝甘露白涼粉order 時在想, 楊枝甘露咁普通, 應該點都唔會有問題, 點知又"賴野"..柚子..苦既, 芒果.. 酸既, 糖水底.. 只係花奶.. 最正常係d 白涼粉..但我

o係荃灣搵甜品食，見到呢間非常爆，心諗應該唔差。加上雖然坐open area，但未算好路邊，所以決定一試。同朋友都比較偏好西式dessert，所以點左個木糠豆腐布甸($16)同焦糖燉蛋($14)。個waitress拎個布甸埋黎既時候，見到個布甸震騰騰，好似好好味。食落個豆腐味都算幾香，但d餅碎非常"kok"喉，有濁親既感覺。個焦糖燉蛋更加過份，看圖便知接近完全沒有焦糖，那頂多可以叫做燉蛋，而非焦糖燉蛋。不過以咁既價值，或者我唔應該有太高期望吧！

尋晚(15-1-2010 Fri)坐公司車出街,回程時,男同事PW話落荃灣攞o野,咁順便食吓甜品啦.我o地就o黎o左小樽,佢揀o左凍喳咋,我要木槺豆腐布甸,但冇後者,咁就改熱芝麻糊豆腐花.PW o既先到o黎,佢話好稀,料係足但唔多.而我o既麻糊豆腐花到o黎,豆腐花唔多亦冇豆味,芝麻糊味道都有啲o既,一般啦.

同個同事收工入左荃灣行街..順便去食飯。^^"臨走前,我們都想去食甜品...我記得好多人話 小樽 d 甜品 ok.我倆就去試下..出面已經坐滿人...我們求其係出面搵左個位坐..等左好耐都沒人黎幫我寫野..差d 想走過去囉.... 太算同個同事share食物 ， 叫d職員拎個豌都唔好太態.. 見到店舖得幾條女..個個都唔過18 old.. 以靚女黎做賣點？見到男人就笑口,見到女人就黑口面.. 係咪做生意架?

同朋友行過小樽, 見佢門口推介呢個好得意, 好有test tube feel 嘅甜品, 試下先....旋轉甘露 - 的的骰骰咁包括3種甜品 - 火龍果石榴露 - 好清香嘅石榴味, 唔太甜, 正! 楊枝甘露 - 知係楊枝甘露, 不過唔太特別. 蜜桃露 - 未入口已經聞到香甜嘅蜜桃味, 但係甜咗d.木槺豆腐布甸 - 豆腐布甸好滑好香豆味, 加埋木槺恰到好處.

阿爸去荃灣聽歌，番到屋企都已經十一點幾，估唔到佢仲外賣咗甜品俾我地食。一於唔理係咪會肥好多，十一點幾照食可也。佢買咗三個甜品。紅毛丹山手線聽個名完全唔知咩黎，食完都未必知。睇番張menu 先知完來係melon and mango 的蒟蒻條。本身無咩味，係有少少蜜瓜味，但芒果味欠奉。個湯水本身又無咩味，所以整體味道好淡。望落白白地色，但無奶味/ 煉奶味/椰汁味。有色無味。紅毛丹內有一粒菠蘿，幾創新。喳咋勁多芋頭粒同豆，反而西米就唔係咁多。味道唔會太甜，有椰汁味。不過d豆煲得未夠淋，眉豆仲幾硬身。木康豆腐布丁面頭勁多餅碎，食時唔小心吸氣，即刻choke 死。豆腐好滑，好味，又唔好似傳統木康布丁咁漏。

旋轉甘露,又得意,又好食我鐘意佢細細樽

食完新阿宗麵線, 想食碗糖水係未睇過食評既情況下走到小樽甜品屋兩個人點了:火龍石榴露 $22咖啡仔 $14/2件芒果水手線 $22火龍石榴露: 查實係石榴汁打得杰d, 再加上火龍果......一般啦, 配搭倒也不錯, 獨有特色咖啡仔: 個樣係好得意, 味道係咖啡味加牛奶咖啡, 口感似d 乜糕物糕. 獨有特色芒果山手線:芒果 + 啫喱條, 獨有特色

8月20日（星期四）晚，因為我和女友很少會來荃灣，所以吃過晚飯後就在附近逛街，散步之餘也順道找甜品鋪。行到這裡一條街有三間甜品店，經過女友思前想後，就決定來這裡。店內範圍應該祇有約一百呎，而且見到不少的摺檯膠椅，相信主要“戰場”在露天地方。我們坐下後感到異常寒冷，不明白這小小地方為何要“開恆冷氣”？女友很快就想到要吃火龍石榴露，我就依然傳統的糖水，就要個薑汁撞奶芝麻糊。女友的火龍石榴露先來，材料十足，我沒有吃也聞到很香的石榴味，應該味道不錯罷！不過女友吃到一小塊不知名的異物，雖不是昆蟲類，但衛生程度可想而知！我的薑汁撞奶芝麻糊比較遲來，但尚算溫熱；芝麻糊肯定不是生磨的，芝麻不夠味也不夠甜，而且份量祇有面頭的少許，薑汁撞奶的薑汁味亦似有若無，又是虛有其表的甜品。全店有三位妙齡少女店員，估計全部的年齡應該不過二十（甚至少於十八），我們進食期間寓工作于玩耍，就連廚房內的“師傅”也頂多是二十出頭。是我“食甜不化”嗎？還是我太認真？

以美女聞名既糖水店，不過本人從來唔「目及」女，但推薦大家去「目及」呢晚三個人去食，我一坐低見到餐牌上有個叫旋轉甘露，於是叫啊「逸婷」過黎問下啦，佢話有六支嘢喎，心諗20蚊有六支嘢，咁得意，於是落單…兩個同學仔一個叫左白涼粉，一個叫左椰汁西米露，無咩特別，不過勝在大碗，好味我果個旋轉甘露上黎，一見到真係囧晒，果然有特色，我轉…轉…轉…囧不過廿蚊食到三種口味既甘露自係幾扺既，仲可以撈埋食…又多幾隻味…莔如果有得自取就正下次會再黎食糖水，當然唔係為左「目及」女

前晚同朋友食飽飯 .. 大家建議食下甜品 ..路過小樽 ... 見到好到後生既待應 ..因為好多人等入面 ..而入面地方又細 ..所以我地都係坐出面食啦 ...叫左個 ""木糠豆腐布丁"" .. 1上台果陣震滕滕 ..好得意 ... 入口好有豆腐味!!!! 值得1試 !!!之後朋友a叫左個 "" 朱古力湯圓 "", 玫瑰花湯底 ..啡色皮既湯丸 ..咬1啖入面係溶心朱古力 ..個個朋友都差住1人食1粒 ..好快冇左@_@ ..所以再叫多碗!!朋友b叫左""楊枝甘露"" , 不過甘柚有少少渣 ... 同埋芷柚有少少苦 ..呢個就失左少少水準啦 ...朋友c就試左個侍應推介最新出既 ""十勝紅豆雪糕杯""有番薯味既雪糕 ... 真係 第1次試 ... 都唔差 ..但店外就好多人食煙 , 都係建議唔食煙既最好坐係店內啦

成條街都是湯水街@@原本打算去松記的.....但真的多人到爆炸於是去小樽試下!!我男友食棷汁紫米露.....我就試下這裡的芒果山手線 =3= 山手線好似烏冬的o者哩,分別有兩隻色 (芒果+密瓜)蠻足料的~~ 多到吃不完這裡不過不失啦~ 山手線幾得意~ 下次都想試下目黑是什麼東東

從飲食男女看到介紹, 飯後到小樽甜品屋試試點了木糠豆腐布甸, 火龍石榴白涼粉, 椰皇燉蛋白.木糠布甸淡而無味, 木糠即餅乾碎都未完全碎, 看出沒有誠意和心機椰重燉蛋白尚算幼滑, 椰皇賣相可愛, 但有點污漬, 令人懷疑此椰皇是否用完又用??? 火龍石榴白涼粉是唯一值回票價的食物, 很香的石榴味, 亦很幼滑更要彈的是侍應們, 態度其差, 一入店沒招呼, 不想你幫親似的!!! 其間又幾個人堆在店外談天, 沒有隨時為你服務既感覺, 有需要都未必聽到啦!

今次再幫襯係同屋企人來食, 阿媽鍾意食傳統糖水, 所以佢叫咗芝麻糊, 佢話啲麻糊好滑. 榴槤雪香, 好香 榴槤味, 同有啲細細粒脆卜卜嘅東西唔知係?, 阿爸話好正, 因佢鍾意食 榴槤.細佬叫咗個佢地透心涼推介嘅十勝杯, 有兩球雪糕, 個底好似白色啫喱的粒粒, 再加上好好味好大粒嘅日本紅豆. 只係$18, 真抵食.而我本人鍾意食芒果, 上次叫咗芒果西米露, 所以今次就試芒果石榴露, 好有驚喜, 估唔到芒果同石榴可以噤夾, 啲石榴好香好滑. 下次再來的時候一定要再食芒果石榴露. 可惜地方不夠大, 要坐出面. 服務都幾好, 因我們叫啲妹妹仔攞完匙更又攞碗, 啲態度都OK.