小曼谷海鮮燒烤屋

營業中

休息中

估唔到依一間泰國餐廳終於出咗曼谷夜市火山骨 ($198)啦，佢嘅火山骨超好食，佢嘅肉質唔錯，而且仲有泰式青芥辣醬，酸酸辣辣好好食！不過呢一個要煮耐啲，所以喺叫火生骨之前，我哋仲額外叫咗一個泰皇咖喱炒紐西蘭青 ($168)呢個咖喱係黃咖喱裏面仲有三色椒，蔥同埋青口等等嘅配料，佢嘅咖喱甜甜地好開胃最適合配埋一碗飯，食住呢一個咖喱，我可以食晒成碗飯，因為真係好好食！不過可惜嘅係今日冇音樂表演，平時有時候都會有表演，希望下次見到啦

去九龍城食嘢點少得呢間泰菜🇹🇭多年黎屹立不倒 仲設有好多間分店❣️平日去到都坐左好多人 適合同朋友聚下舊🦀泰皇咖喱法包軟殼蟹見到隔籬枱叫左好吸引自己都叫黎試吓😍外層焗到脆脆地 索晒啲精華 咖喱汁裡面有洋蔥及青椒等~🥬豬肉生菜包 肉碎炒得好香 包含幾種香料 份量都好多 有多啲生菜包更加好🤤🐔雞肉炒河粉濕度岩岩好 亦唔會油膩女仔黎講 份量非常足夠～雞肉都好大塊 滑身 ～～～～～～～～～～～～～～～～～～～～～～

今晚突登同朋友去九龍城食泰國野，我地見呢間餐廳嘅menu 選擇多👍🏻黃咖喱牛腩，入面除咗牛腩之外，仲有洋蔥、椒、薯仔，牛腩大舊又好軟淋，份量仲好多添😍黃咖喱微辣，所以唔識得辣嘅朋友啱食啦👍🏻咖喱梗係要配烤餅啦😋我地叫咗泰式芝士烤酥餅🫓好香芝士味🧀😋食落口好酥脆，配搭咖喱一齊食真係一流呀😍😋鮮菠蘿雞肉炒飯，旁邊有啲肉鬆，一齊食味道夾👍🏻另外，除咗鮮菠蘿，仲有提子乾，酸酸甜甜地一齊食又幾好味😋風味燒豬頸肉，豬頸燒到外脆焦香，充滿肉汁，肉質鮮嫩😋😋一定要點埋豬頸肉醬汁一齊食，d醬汁酸酸辣辣好開胃，真係好好味，食唔停口呀😋

九龍城一向出名食泰菜 是次光顧既餐廳有數間分店離遠就見到吹氣既廚房公仔不停揮手打招呼 👨‍🍳 好得意 😆冬蔭海軍海鮮部隊鍋份量十足 材料有魷魚 青口 帶子 蝦球 蟹柳 配上泰式公仔麵 微辣冬蔭湯 幾惹味 食物既新鮮度比想像中好食比起韓式部隊鍋既用料個人更喜歡泰式既用料和辣度 炸雞棗雞棗比較少見 煮法都要花d心思 分別將雞肉同雞軟骨剁碎再炸咬落外層香脆 中間既免治雞肉軟綿美味 份量十足 有成十幾粒 適合多人share泰皇咖喱炒蜆充滿椰汁香既微辣咖哩汁 一啖愛上 即刻要叫碗白飯黎撈汁食 非常出色而蜆好大隻 係真係好鬼大隻 💪 仲要好多隻全部餸菜都係大大碟 份量十足下次嗌多幾個朋友gathering開心聯誼 再探吹氣廚師公仔先 🥸

小曼谷喺我喺九龍城幫襯得最多嘅泰國野, 不斷都有新菜式推出，本身個menu已經好多野揀架啦，試極都試唔完咁。平時食飯時間好多人，今日就6點早少少黎到。 今次黎，見到餐廳又推出新菜式啦～今次試下呢個火山排骨，之前喺泰國嘅夜市食完都好想再回味一下。上枱果下真喺要嘩一聲，賣相好震撼，份量應該喺3-4份，每條豬肋骨都好多肉，配搭個酸辣汁，特色十足。辣度唔算好辣我覺得啱啱好，如果無辣不歡嘅朋友可能叫加辣呀～ 叫左咁多肉就叫番個菜～我通常食泰國野都會叫椰菜苗，平時自己比較難買到，可以揀蒜蓉，咸肉或馬拉盞去炒。今次叫左馬拉盞，份量都幾多，鑊氣都唔錯，椰菜苗咬落幾爽口，唔會過咸，推介呀～ 咪泰國餐廳比較少見到有pizza類嘅菜式，小曼谷呢個泰式風情薄餅就就好特別，餡料有泰式臘腸，蕃茄仔同埋芝士，餅底喺酥皮，香脆又有好多層。剛上枱熱辣辣食好正呀。

先講上菜嘅問題😅嗌咗鮮蝦炒金邊粉、冬陰功海鮮部隊鍋、鐵板蠔餅同埋椰汁冰。10分鐘上咗個椰汁冰，唔錯，點知我成杯嘢飲晒再等多半個鐘先至上金邊粉，之後再等20分鐘終於有冬陰功鍋同蠔餅。鮮蝦炒金邊粉 4/10食緊what.. 得三隻蝦 然後完全冇鑊氣or油香味 懷疑係求其攞啲泰國辣醬撈一撈啲金邊粉 啲粉真係好濕-.-冬陰功海鮮部隊鍋 6/10個湯幾濃稠 加咗生蛋黃呢樣加分 但係啲味完全唔出 香又唔算好香 辣又得少少 酸又得少少 就係普普通通嘅冬陰功湯 不過海鮮都幾多 有蝦青口魷魚帶子👌🏻鐵板蠔餅 7/10勝在份量夠 好大份 蠔份量都夠多但係太多炸粉了 食少少已經覺得油膩總結：可以食但係唔值得排要等咁耐都要啲嘢食worth the wait㗎嘛唔算難食嘅 不過唔會有下次(◐‿◑)

走進九龍城這家泰國餐廳，真係一股濃濃嘅泰國風情撲面而來！🍋先點嘅招牌明爐香檸汁蒸桂花魚，每一啖都咁滑咁嫩，佢嗰酸甜香檸汁，鋪滿魚身，食落去既開胃又解膩！桂花嘅味道就似暗香疏影，中中間插花咁，喺魚肉間郁動，幾得意㗎！黎啲熱龍眼水，宜家天氣涼，一杯暖笠笠嘅甜湯，正！一啖湯一粒龍眼，淡淡嘅甜，啖啖暖心。暖笠笠嘅感覺，真係啱晒在冬天嚟一提暖意。至於個粟米，又係一個驚喜！好似最家常嘅食材，煮落就係另一番風味，粒粒粟米黃澄澄，烚得啱啱好，咬落去，又甜又香又脆，加埋啲牛油嘅濃郁，好正宗㗎！妙就妙喺咁簡單嘅食材，都可以做到手勢無窮，發掘到咁多味道既層次！🌽食完呢餐，我真係好滿足，好似去咗一趟泰國旅行咁，每一樣菜都有佢哋獨特嘅風味，口口都難忘，真喺必試推介啊！👍🏼嗲哋香！

朋友帶我嚟過一次今次就同屋企人嚟食啦菠蘿雞肉炒飯炒得乾身又香口，呢個炒飯嘅精髓就係要夠多菠蘿，配埋肉鬆同提子乾，口感層次更提升飯粒炒得乾身曼谷夜市火山骨真係好似我哋啱啱去完曼谷夜市食嗰個味道雖然冇曼谷既骨咁大但係味道一樣酸酸辣辣好開胃亦都炆得好腍，好入味配白飯超正沙嗲串燒 粟米 翠玉瓜經常食肉類嘅串燒今日試蔬菜，配埋個沙嗲汁燒得剛剛好，唔會太乾身蜜糖燒菠蘿燒完嘅菠蘿真係非常甜仲好juicy泰式飛天炒通菜份量不少，炒得好香帶少少辣泰式蒜蓉包好大片呀，要黎配咖喱沾滿咖喱汁仲好脆黃咖喱牛腩配有椰香味，咖喱好滑牛腩都好淋

小曼谷海鮮燒烤屋 想食泰國菜😋當然要嚟到九龍城😄今次來小曼谷海鮮燒烤屋 ～ 位置方便地鐵站款式選擇多✅海南雞、咖哩🍛、串燒、泰式小食、泰式炒粉面都有得食👍🏻🩷泰式燒羊架（兩件） $138 羊架烤到恰到好處～外脆內軟～入口Juicy🩷泰式濕炒海鮮米粉 $118 跟有帶子、鮮魷魚、菇菌、西蘭花、菜心等材料濕炒米粉～非常掛汁～而且好夠鑊氣🩷小曼谷原隻芒果糯米飯 $88食泰國菜必點嘅甜品熱辣辣糯米飯🍚配上香甜🥭芒果肉🥥椰汁～好好味🤤#九龍城美食 #香港美食 #香港必食 #香港探店 #香港打卡 #香港旅遊 #香港必喝 #九龍城探店 #泰國菜 #香港好去處 #九龍城推薦食品#小曼谷海鮮燒烤屋 小曼谷海鮮燒烤屋 📍九龍城太子道西398號御太子地下1-3號舖

［坐車經太子道西馬路旁經常見到有個吹氣廚師🧑‍🍳落力揮手勁好笑］🫶依間泰菜擁有幾間分店，除了小曼谷海鮮燒烤屋的名稱外，小曼谷泰國美食（站）同BTS美食站都係同屬品牌旗下，當然食既菜式會有少少唔同。💟得意LOGO：原來品牌Logo除左係隻最能代表泰國既大象內暗藏「小曼谷」三字，好有創意～👂海鮮燒烤屋位於聞名食泰菜既九龍城區。驚喜位店內經常都會有不同主唱的Live band music常駐，粵語流行歌同英語歌兩樣都有，一邊享受美食，一邊聽音樂，勁Chill～🥣冬蔭海軍海鮮部隊鍋(細)—期間限定估唔到泰菜都有部隊銅食，味道好正宗，偏酸少辣好好味。內有多款海鮮：青口、蝦、帶子、魷魚及蟹柳，兩個人都食到幾款海款真豐富，海鮮肉質彈牙。麵🍜索晒濃湯味，超好食👍🔥鐵板豬頸肉椰菜苗（馬拉盞）🥬上菜時鐵板咋咋聲，馬拉盞醬汁香味四溢。賣相好吸引，有肉又有菜好健康。，口感爽口既豬頸肉配上冧身掛汁既嫩滑椰菜苗，正。👍泰國招牌食物：各款串燒（豬肉沙嗲串、珍寶腸、泰式臘腸）—燒串燒勁香又好食，最得別係泰式臘腸飲品：椰汁冰—香甜解辣質感又creamy～係「小曼谷」食到正宗泰菜既味道，食完好似去左轉泰國咁，爽呀！

屋企人鍾意食泰國嘢，聖誕節帶佢哋嚟小曼谷食餐泰國大餐。鮮蝦泰國金柚沙律 $128勁多碌柚肉，好清爽，配上一啲花生碎同埋甜甜辣辣嘅醬汁好開胃，蝦肉都大隻，幾爽口。泰式拼盤 $178呢個拼盤啱晒我哋，一次過食齊蝦餅、魚餅、春卷同埋雞棗，我就最鍾意食蝦餅，蝦肉新鮮爽口，魚餅同埋雞棗都好惹味，春卷係素菜餡。串燒 $22/串我哋叫咗牛肉、雞肉各兩串，燒得好香，牛肉唔會乾硬，雞肉都唔嚡，沾惹味沙嗲醬食一流。黃咖喱牛腩 $108牛腩煮得好稔，入晒味。咖喱辣度啱啱好，香濃惹味。牛腩都幾足料，大大件，啖啖肉。薯仔吸晒汁都好好味。鮮菠蘿海鮮炒飯 $118炒飯配料足，除咗香甜菠蘿粒，海鮮有大蝦、帶子、魷魚，加上肉鬆、三色豆、提子乾、好多洋蔥全部一齊食，蛋炒飯味道好豐富。泰式鮮蝦炒金邊粉 $108呢個係我食泰國菜必食嘅，金邊粉酸酸甜甜好開胃，食嘅時候加入花生碎一齊食，炒香嘅蝦皮、蛋花配金邊粉味道好香。配料嘅鮮蝦大大隻，而且爽口。呢一餐好豐富，而且每一款嘢食味道都好好，當日仲有live Band坐鎮，氣氛好好，屋企人食得好開心滿意。

九龍城有好多泰國🇹🇭菜館，有好多食過亦有好多未食過，呢日同朋友👩🏻‍🌾一齊喺九龍城，佢👩🏻‍🌾話想食泰國菜🇹🇭，我哋見到呢間，朋友👩🏻‍🌾問我有冇食過，我話真係唔記得，咁朋友👩🏻‍🌾話不如就入去試吓🤣$108「泰式咸肉炒椰菜苗」：椰菜苗🥬新鮮爽脆，鹹肉有鹹香，鹹肉大約5成瘦5成肥，又爽又滑👍，同椰菜苗🥬一齊炒，特別香口🤣$158「秘製滷水豬手煲」：滷水豬手🐷🖐️炆煮得好腍，連豬皮都係軟腍腍👍，豬手肉就肉質軟熟，滷得好入味，味道好濃郁🤣$88「小曼谷原隻芒果糯米飯」：原隻芒果🥭鮮甜，糯米煙靭，再加埋甜甜哋嘅椰漿，成個組合幾美味🤩食完之後我覺得好似嚟過呢度🤣

九龍城呢個地方就一向都出名食泰國嘢，不過🖤黑白配⚪️覺得始終最好食嘅都係呢一間，所以私心推介小曼谷海鮮燒烤屋，成個餐廳嘅氛圍都好熱鬧，而且仲有live band 演出，所以都幾好feel！泰式生蝦刺身 $128生蝦刺身🍤食落去個肉質好爽甜，而且好彈牙 👍🏻 風味燒豬頸肉 $128豬頸肉食落去好爽口bbq串燒拼盤 $128包括左雞翼、泰式臘腸、豬、牛、雞同埋雞腎所有串燒食落去都好味，而且份量都幾足料明爐蒸烏頭 $228呢個係用咗冬陰功湯底去蒸，食落去個烏頭肉質鮮嫩，而且好鮮甜 🐠 泰式馬拉盞炒通菜 $108通菜正常發揮水平，有泰式味道嘅感覺 🇹🇭 黃咖喱雞肉 $108黃咖喱食落去好香，唔會好辣🍛，另外加咗酥餅粘住啲咖喱汁食落去勁好味🤤泰式原味烤酥餅兩塊 $53有好重嘅牛油香味 🧈，入口香軟鬆脆泰式鮮蝦炒金邊粉$108金邊粉食落去酸酸辣辣，而且加入左大蝦炒，令到成件事更加有鮮味💯 芒果椰汁沙冰🥥 $42芒果比例同椰汁比例啱啱好恰到好處，沙冰好smooth飲落去好味道☺️

今日同班朋友提早慶祝聖誕，反傳統唔食西餐，揀咗食泰菜，現場有live band, 夠晒熱鬧，食熱辣辣惹味菜，啱晒而家凍冰冰天氣。泰式小食拼盤（小）$178有炸魚餅，炸蝦餅，春卷同雞棗，金黃香脆，好豐富。鍾意蝦餅，口感爽彈。鮮蝦泰式金柚沙律$128味道酸酸甜甜，走咗辣加上新鮮金柚，好醒胃的前菜。黃咖喱牛腩$108咖喱濃厚香滑，唔會辣，牛腩份量足，入味好腍，入口鬆化，很不錯。泰式鮮菠蘿海鮮炒飯$118好香黃薑粉，勁足料，海鮮多多，有帶子，蝦球，鮮魷魚，仲有鮮甜多汁菠蘿，炒飯好香口。鮮蝦炒金邊粉$108 蝦球加上大量芽菜，感覺不會好油膩，加埋花生碎，落咗蝦皮炒得有鑊氣。牛肉串燒（兩串） $22 ×2 雞肉串燒（兩串）$22 ×2 燒得唔錯，少少焦香，不會太乾，沙嗲醬惹味，花生味香濃。

正宗地道泰國菜🇹🇭小曼谷海鮮燒烤屋ʕ๑'ㅅ'๑ʔ‧˚ ꔛ ꔛ ꔛ ꔛ ꔛ ꔛ ꔛ ꔛ ꔛ ⸝⸝‪⸝♡九龍城真係有好多泰國菜餐廳✨到底揀邊間？呢間小曼谷海鮮燒烤屋已經有10幾年歷史！仲要大部分員工都係泰國人嚟嫁( •̀ᴗ•́ ) ̖́-🩵冬蔭海軍海鮮部隊鍋💲1️⃣3️⃣8️⃣凍凍地就想食返個暖笠笠嘅部隊鍋(｡>ㅿ<｡)今次呢個仲要係冬蔭功湯底 有得自選辣度🌶️唔太食得辣所以揀左少辣 酸同辣比例岩岩好🫶🏻酸辣嘅湯底好開胃 面頭有兩隻大蛋黃可以撈落湯底🍳仲要有好多配料呀 鮮蝦、魷魚、帶子、青口、泰式肉碎、烤豬肉、扎肉、蟹柳 會唔會太豐富！仲有配咗個泰式公仔麵 口感煙韌 超邪惡勁💛小曼谷炒飯💲1️⃣1️⃣8️⃣呢個炒飯外面有層蛋包住 係蛋包飯嚟！不過佢就唔似日式嘅個種滑蛋 而係煎炒蛋個種！入面炒飯炒到金黃色乾身 而且飯粒分明✨配料會有蟹柳扎肉、豬頸肉、蝦～炒飯好大碟 不過配料份量就少左啲～🤎串燒（雞、豬💲2️⃣2️⃣珍寶腸💲2️⃣4️⃣）串燒可以單叫或者佢都有啲串燒嘅套餐～今次我就單叫左雞肉、豬肉同珍寶腸！珍寶腸好大條個仲好脆皮( °‪꒳​° ).ᐟ‪‪‪.ᐟ‪‪‪雞同豬肉都燒到啱啱好 不過就唔夠多肉汁～💛