小曼谷海鮮燒烤屋

營業中

休息中

約左一班朋友去九龍城食飯聚舊，而呢間小曼谷海鮮燒烤屋坐落於宋皇臺站B2出口一分鐘既路程，真係十分方便。一坐低，梗係叫返杯飲品先，我地點左芒果沙冰，椰皇沙冰同全個椰青。椰青水好清甜，沙冰唔會好死甜，好好飲好解渴。之後叫了幾款前菜同小食，泰式鳳爪夠晒開胃，朋友喜歡食辣，就覺得好正。個蝦餅成個冬甩咁巨型跟住點左兩份燒物，原隻燒魷魚真係不得了，醬汁好魷魚好夾。串燒都唔差。最後再食左條明爐桂花魚同飛天通菜，夠晒滿足!最後埋單每人都係二百蚊左右，但係已經食得咁豐富，而且食物同飲品味道唔錯，我地仲有好多菜想試，絕對有encore!!!

都隔了很久未食泰國菜，所以今晚就專程來到九龍城食，揀了一間老店舖~小曼谷海鮮燒烤屋。Menu都好多款式，揀自己喜愛食的菜式，每次揀菜式都是一種樂趣。廚師可能放下羊架燒之後忘記了，所以羊架燒到燶了些，雖然泰式燒羊架燒得稍為燶了些，但羊肉卻是頗香。香葉辣椒豬肉碎飯差不多是每食泰菜必點的，肉碎配上少少豆角、香葉及辣椒，加上一個煎蛋，香香辣辣拌飯真的好味！泰式醃豬頸肉沙律份量都頗多，豬頸肉燒得很香口，味道酸酸甜甜，有少少沙律菜，生菜汁及洋蔥，真的很惹味！泰國菜的甜品椰汁西米糕我很喜愛食，裏面有粟米粒、芋頭、西米露，多了一重口感，很香椰奶味，作為飯後甜品，真的很喜愛！

來到九龍城，無理由唔係去食下泰國野咁笨呀話。今次我就去左小曼谷海鮮燒烤屋食返餐飽。臨到過新一年，真係幾有氣氛。而且佢係c類餐廳，真係食得放心的。餐廳有好多好野食，揀到眼花繚亂。最後我就揀左泰式鐵板蠔餅、泰式燒半架、蝦膏豬肉碎炒飯、小曼谷燒雞扒四個餸來食。先講泰式鐵板蠔餅，$128，真係好大份，而且上菜時又熱辣辣，加埋個泰式辣醬，真係香口又好味，必叫之選。至於個泰式燒羊架，羊味突出，食落去啖啖肉，啖啖油香，$118，果然一分錢一分貨。另外個蝦膏豬肉碎炒飯，未食落口，蝦膏味已經入哂鼻度，$81，主食來講係抵食的。最後個小曼谷燒雞扒，$75，大份又抵食，岩岩燒好，熱辣辣。食完呢餐，真係為2021畫上一個完整句號，希望2022可以繼續食餐好。

九龍城雖然出名多泰國菜餐廳，但依然都會選擇小曼谷這間泰國餐廳，這裏選擇多又可以食到正宗的泰國風味！坐低後店員就給我們一個QR code點餐，好方便，上菜速度都好快。泰式炸蝦餅蝦餅大大件一件切開兩邊，外皮炸至金黃色香脆可口，咬落會食到細細粒蝦肉，爽口彈牙，配埋甜酸醬味道一流！泰式鮮蝦炒金邊粉金邊粉很有幼細，炒得好乾身很有鑊氣，配合碟旁邊的花生碎，增加口感！風味燒豬頸肉豬頸肉切得好薄，燒得好香口帶點油脂香，沾上燒汁更提升肉的味道！泰式生蝦刺身這裏的泰式生蝦做到新鮮、厚肉和爽口彈牙，配搭埋泰式醬，食到舔舔脷。泰式芒果冰和椰青到時必點的泰式飲品👍

今晚約左一班好耐無見既大學朋友食飯，大家不約而同咁話想去而家好方便既九龍城食泰菜，於是我二話不說就揀左呢間我覺得係全九龍城最好食泰菜啦。話說都食過呢間好幾次，不過差唔多每次都會同唔既人，叫唔同既野食，但係無變既，就係食物既質素。首先係泰式無骨鳳爪，味道夠哂辣又好入味，份量多，好正。炸蝦餅大大件，皮脆又彈牙。之後叫左兩個燒物，首先個原隻燒魷魚真係無得彈，陣陣濃郁既炭燒味，魷魚新鮮又彈牙，非常出色。安格斯牛柳粒牛味非常豐富又好juicy。明爐桂花魚絕對係必食既，桂花魚勁滑又好味，明爐又可以保持住溫度，可以慢慢品嘗。仲有叫左炒椰菜，味道不錯。食泰國野又點少得椰青同椰汁冰呀小曼谷咁多年都可以keep到咁好既水準，真係好難得。

間唔使都會黎九龍城食泰國菜，其中有一半嘅次數我都會去返小曼谷，因為呢個Brand都好多年，食物質素穩定，價錢又算抵食無Mark Up，所以閒日都有唔少人幫襯，因此單在小小嘅九龍城都有兩間分店。屯馬開通後感覺上好似比以前旺左少少，但其實店面唔細，就算等位都唔洗好耐。冬蔭公湯($148/細): 非常正宗及鮮濃嘅泰式冬蔭公，雖然所放嘅材料都係大同小異，例如香茅、檸檬葉、辣椒膏味都幾突出，但口味濃郁微辣，我十分喜愛。仲有兩隻L Size虎蝦，爽滑鮮甜，適合兩至三人享用。鐵板豬頸肉馬拉盞通菜 ($92): 出奇地具鑊氣，普通炒通菜都要八十幾，加十零蚊有埋豬頸肉，仲要係鐵板上，非常抵食。馬拉盞醬料濃，口味較重，通菜好入味，一上菜就覺得超有鑊氣！通菜都幾嫩，無渣，豬頸肉份量都幾多！小曼谷五星燒雞 ($148/半隻): 雞件燒得幾香幾惹味，肉質都算嫩滑，連雞胸嘅肉質都Okay，算係幾抵食，都值得推介。蝦膏豬肉碎炒飯 ($81): 炒飯散發幾香嘅蝦膏味，調味均勻，夠曬惹味，飯粒亦夠乾身，粒粒分明！

因為餐廳有幾個舖位, 所以唔洗等已經有位👍🏽呢度每一類既食物都有好多選擇, 不過今次我好快就揀到喇📝雞腎沙嗲串燒🍢($18)一串有大約5件脆卜卜既雞腎, 炭燒味好香, 正既☺️泰式酸辣鳳爪🐓($82)有兩種辣度選擇, 今次揀左小辣都勁辣, 食左一隻有啲唔係好頂得順🥵 份量多, 如果食得辣既話佢係幾入味😌 如果唔想食到好似我地咁辛苦既話可以選擇醬汁分開上, 咁就可以自己控制返個辣度😉泰式燒豬肋骨🐖($111)唔好睇佢係個籃仔度好似好少咁, 但係份量都幾多😍 豬肋骨燒到有啲位燶燶地, 勁香炭燒味, 真係好似燒緊野食咁😂 另外仲配左脆卜卜得黎又唔油膩, 而且又有好濃蝦味既既泰式炸炸蝦片🍤 同印尼蝦片比我鐘意食泰式多啲, 因為食落冇咁油膩, 而且蝦味濃啲, 同埋泰式既深色好多🥰泰式馬拉盞炒椰菜苗🥬($85)成餐飯入面, 椰菜苗既味道最溫和, 份量都幾多, 菜既質感夠爽身, 都係食菜最開心🥳香葉辣椒豬肉碎炒飯🌶️($85)食完啲餸當然要食返個飯啦, 平日既我一定會叫金邊粉, 但係因為今次太肚餓, 所以要食飯😎 呢個飯後勁都幾利害, 但係幾惹味, 而且仲有啲豆落去一齊炒, 仲配左一隻煎荷包蛋添🍳 最後

好耐以前已經食過，依加開埋宋皇台站咁近，就再嚟食。食泰國菜必叫～泰式鮮蝦炒金邊粉蝦唔錯，都係met咗殼，切好邊嘅,都夠鍋氣，啲麵唔會痴住曬～菠蘿🍍海鮮炒飯有驚喜🤣 有諗過啲海鮮係咪用個啲急凍包得蜆仔呀，估唔到呢度嘅都幾有誠意有元具呀，大蝦🍤，好多條魷魚🦑，海鮮分量絕對唔少。加埋啲肉鬆菠蘿🍍，酸酸甜甜好開胃。～泰式拼盤（s)本身以為每樣得兩件，都唔係太多姐，點知每件都好大，仲整埋心形🧡咗 so sweetBtw 行過嚟個陣見呢間野露天位，冬天冇咁熱，飲住個冬陰公都幾正。

雖然小曼谷不同分店都已經多次光顧，但依然是我心目中首選的泰國菜之一，多年來質素都比較穩定而且款式夠多元化。牛油蒜蓉燒大蜆 ($115) 上舖滿炸蒜香口惹味，但蒜蓉再加上牛油始終味道比較濃重，蓋過蜆肉本身的鮮味。風味燒豬頸肉 ($111) 保持一貫水準，外層燒至焦脆並帶陣陣炭燒香氣，肉質爽嫩不至過乾。青咖哩海鮮 ($101) 當中包括魷魚、大蝦、青口等，辣味溫和帶淡淡椰香，惟質感較稀未算相當濃稠，配上泰式風味烤酥餅 ($32) 品嚐酥脆可口並富牛油香。鮮芒海鮮炒飯 ($92) 可能由於加入芒果果肉水份較高，飯底偏濕不夠乾爽分明且鑊氣欠奉，加上當中太多三色豆略嫌影響口感。另外我倆再追加了半隻小曼谷五星燒雞 ($148)、泰式炸蝦餅 ($76)及泰式乾炒米粉 ($86)，質素與價格均屬正常範圍，可以接受。

去開九龍城，就一定係去食泰國菜。見到呢間大排長龍就知好嘢，諗都無諗一齊排入去食，結果無令我失望🥰🥰🥰🥰🥰🥰🥰🥰蒜蓉包極之香口同脆卜卜，就咁食已經好好味。不過留黎配咖哩食就更佳😛😛😛😛😛😛生蝦夠新鮮彈牙，配埋辣到飛天既辣椒同蒜片，沾上酸辣汁真係一流🥳🥳🥳🥳🥳🥳🥳泰式煲仔翅又係推薦之選，加上蟹肉又提升左去另一個層次。😍😍😍😍😍😍😍生菜包都好正，少少辣既肉碎加上新鮮爽口既生菜，好食！🥰🥰🥰🥰咖哩炒大蜆，個精粹係個咖哩汁到，香而不辣，配埋蒜蓉包食真係100分。🥰🥰

凍冰冰想食啲熱辣辣既野，又唔想打邊爐一班frd最岩食泰國野，叫個冬陰公，串燒，咖哩加返個泰式明爐蒸魚，又暖又可以開心share!! __________________________🔹冬蔭公湯 $132👰🏻:🌕🌕🌕🌕🌑🤵🏻:🌕🌕🌕🌗🌑Keto friendly: ❌我坐係出菜位附近，見到基本上每一枱都嗌🤣好足料下，有兩隻手掌咁大既開邊虎蝦，無限咁多草菇同香料.佢用爐仔上枱，即刻飲一啖即刻暖笠笠好多個爐有個小蠟燭熱住，叫做keep到無咁快凍.冬陰功辣度小刺激，夠濃味帶少少檸檬酸，好開胃好暖胃，冬天必點.🔹 咖喱軟殻蟹法包 $208👰🏻:🌕🌕🌕🌕🌑🤵🏻:🌕🌕🌕🌕🌑Keto friendly: ❌好大碟，軟殼蟹應該起碼有兩隻，份量都幾多剪開晒細細件，唔會食得好呢hea.蟹係即炸，每一件都炸得好脆，尤其是啲腳位而且一啲唔油.咖哩唔係好辣，偏甜同椰奶味重，直程就喺泰國食咖喱炒蟹既味道，好懷念丫！.小可惜係個法包唔係好脆，不過索晒啲咖喱汁都好正.🔹香葉辣椒炒豬肉 $92👰🏻:🌕🌕🌕🌕🌑🤵🏻:🌕🌕🌕🌕🌑Keto friendly: ⭕️原本想叫生菜包，唔小心叫錯咗呢個估唔到豬肉碎好惹味，雖然就咁食

九龍城 小曼谷燒烤😉泰國食物 味道一流✅宋皇台三出口B2出口1. 泰式刺身生蝦$118- 雖然只係得六隻👆🏻但係每一隻都好新鮮，你會見到每一隻上面亦都會有一舊蒜頭同埋辣椒🌶️其實係典型嘅泰式生蝦😊味道鮮甜💪🏻食過返尋味🤣2. 泰式馬拉盞炒通菜$82- 泰式嘅辣椒🌶️再用大火快炒，炒出通菜嘅鮮味，送飯一流😁必定要一點嘅餸✌🏻回味無窮，都算係舖頭其中一樣嘅特色⚠️3. 黃咖喱海鮮$101- 呢一款湯用咗多種嘅海鮮🦞包括新鮮嘅大蝦🍤亦都包括左青口，青豆同埋青咖喱融合而成，火候控制得啱啱好😊真係可以試吓☺️4. 泰式炸蝦餅$76- 外脆內嫩，加上秘製嘅泰式醬😊非常煙韌，火候炸得啱啱好🤡亦都唔會太過熱氣，份量亦都十足，入邊亦都有足夠嘅鮮蝦✅亦都啱晒鍾意食蝦嘅朋友🤪餐廳：小曼谷海鮮燒烤屋地址：九龍城太子道西398號御太子地下1-3號舖好去評分🎖(5個👍🏻為最好）- 環境：👍🏻👍🏻👍🏻👍🏻👍🏻- 服務：👍🏻👍🏻👍🏻👍🏻- 價錢：👍🏻👍🏻👍🏻👍🏻- 推介：👍🏻👍🏻👍🏻👍🏻——————————————————————————————————————————————————————#香港美食 #hkfoodie

今星期又食泰菜😁九龍城小曼谷無人無聽過啦，位置方便又唔算貴，幫襯左好多年👍🏻 但而家屯馬綫開通之後成日都要等位😓 .今晚叫左「鐵板豬頸肉啫通菜（馬拉盞）$92」最鍾意佢個鐵板通菜，啫啫聲夠晒惹味又好食。「海南雞半隻 $108」海南雞夠滑身岩晒一班人share食，雞胸都夠滑。「泰式干炒肉片河 $79」炒野黎講算抵食，勁多肉片同夠乾身，加埋泰式香料好地道。「串燒（珍寶腸$20 牛肉 豬肉$18 ）」平均都係$20左右一串，串燒最緊要夠大件又燒得惹味👍🏻.而家愈開愈多分店，食物質素都keep得住🙏🏻都算係咁✅

今日心血來潮想食泰國野，叫埋成班fd去老地方九龍城小曼谷泰式鐵板蠔餅 $128炸得好香，難得地食落唔會太油膩，有d芽菜係底吸咁d油，蠔都好大隻海南雞半隻 $108海南雞好滑，有雞味，隻雞本身都好大隻泰式干炒肉片河 $79肉片份量多，炒得好香又干身鐵板豬頸肉啫通菜（馬拉盞）$92鐵板上碟渣渣聲，熱辣辣，豬頸肉都幾多又爽口，通菜嫰口串燒珍寶腸$20 牛肉 豬肉$18 牛舌$28全部都燒得好香，熱辣辣上碟芒果糯米飯 $78椰汁香味濃，芒果酸酸甜甜好岩做甜品

📍 小曼谷海鮮燒烤屋 Mini Bangkok Seafood and Grill 🎗📍 九龍城 𝗞𝗟𝗡 𝗖𝗶𝘁𝘆 • 太子道西398號御太子地下1-3號舖-Dubbed the "Little Bangkok" of Hong Kong, the Kowloon City neighbourhood is known for its small, cozy restaurants offering authentic Thai cuisine. It is the place we go whenever we feel like having Thai food, and this < Mini Bangkok > is our go-to, though it's always full and more often than not, you have to queue for it.They often invite local artists to perform here. If you're lucky, you get to enjoy live sh