小曼谷泰國菜館

營業中

休息中

這一間餐廳，日日都咁多人，如果唔想等位，最好6時或之前來到會好啲。這間餐廳，比起其他泰國餐廳平少少，不會坐位會有點逼。食物味道方面好食，特別係冬蔭公湯，好足料，味道都唔錯。個菜都好好食，生菜肉碎有很多肥肉和油膩蝦醬炒飯好食蝦餅，熱辣辣，好好食椰青以為好大和好多汁，其實得好少。無得訂位，很多人企左門口等。2個人，埋單二百幾

新搬來屯門都有半年喇，朋友不下一次介紹這個地道太菜，但知道這店在屯門實在太有名，我又怕等位太耐，今日終於放工後同阿羊六點來到呢間小店，好在時間尚早還有很多位。坐下就開始點菜：泰式鮮蝦柚子沙律泰式生蝦$69幾抵食又新鮮 生菜包（本人不吃元茜，所以走蔥）味道咸左少少，生菜都新鮮泰式炒貴刁炸蝦餅整體真係無介紹錯，好味又抵食，仲有兩杯青檸梳打，一定會再黎食過！

晏就係元朗踏完單車，晒到個人都唔係好想食嘢，但唔食唔得喎又。於是乎食泰菜醒醒個胃先。去到門口都預咗好多人排，因為屯門區出名嘛，好在由不太想食，到有位入，終於見肚餓了。其實食泰菜我們來來去去都係點嗰好味，雖然無乜新意，但啱口胃咪得囉！生菜包，最愛佢係加咗d檸檬汁，酸酸地好醒胃，仲要酸得嚟又有d辣中和返。生菜加肉碎嚟食，可同減輕肥膩感。d生菜爽口同埋d半肥瘦既豬肉嚟食，好清新！必點菜式。生蝦，唔係次次會點，因為睇價錢做人，呢間生蝦唔算貴，$69有一碟，抵叫。金邊粉，炒得唔會一patpat，加埋d花生食，脆脆地好好味！冬陰公，正！酸酸辣辣，泰式香料又夠多，好入味，蝦又夠大隻，仲要碌埋殼好細心。正式泰國梳打，玻璃嗰支無味，酸靠膠杯入面既青檸同糖醬先有味。支梳打好夠氣，飲都最後都見到有好多泡！

屯門泰國菜首選這間最小二星期就食一次,不過有時等位太耐啦多人食就鐘意買外賣,生蝦刺身不可以不吃蝦爽有小小甜味最重要係個辣汁一流,濕炒牛河份量太小河粉又炒唔散一餅餅好彩味道好,炸蝦餅夠彈牙但要熱食耐左會縮細又油又咬唔開,豬頸肉夠林都係個汁最重要,炒金邊粉味太淡又乾身,馬拉盞炒椰菜苗味道超GOOD但椰菜苗太老好硬,泰式炒芥蘭炒得夠鑊氣

娘家沒有做節拜年呢d咁ge概念，雖然冬至正日真係約左呀媽食飯，但大家都真係諗住食飯，唔記得左今日咩日子，直至行到去酒樓，得返d圍餐，兼塞滿晒人，最後退而求其次食泰國菜。平時六點已經人山人海的小曼谷，這晚水靜河飛，半滿也沒有，爽呀！雖然近年已經無咁好食，但爛船都有三分釘，加上少人到咁，廚房又快手d又大份d，又有心機d。鳳爪沙律的調味酸辣到恰到好處。生菜包每次必點，因為魚子醬莫名奇妙地極度非常鍾意食，自此以後都只能點走辣，雖然走辣唔夠惹味，但一家大細食飯無所謂啦蝦醬炒飯係懶人之選，唔想諗但又夠惹味，有蛋有臘腸，大人小朋友都有d野食下咁。小曼谷ge蝦醬炒飯十年如一日都係鹹香惹味，幾乎每檯必點。蝦餅比從前細了一圈，但依舊彈牙，試過好幾次外賣，炸物還是堂食最為美味一煲小的冬陰已經足夠四位分享，好似已經三十幾蚊? 超抵，而且天冷飲一碗已經暖身，辣勁唔算好強，也頗足料。平時我地都好少黎，因為最怕等位，這裡偶然遇上的驚喜，反而不俗，拐個彎吃湯丸去~~四大一小，埋單三百有找，好彩頭先無係酒樓打邊爐任食，冬至價加加埋埋，應該無一千銀都落唔到樓 XD

生日飯突然想食泰國菜, 特登山長水遠黎屯門食, 為既就係呢度平靚正既泰國野!馬拉棧椰菜苗椰菜苗起廣東菜唔常見, 但泰國人就成日食, 呢度椰菜苗加左馬拉棧炒, 上枱時新鮮熱辣, 十分惹味, 食厭左馬拉棧通菜可以轉轉口味!青檸梳打好多香港既泰國餐廳用黃檸檬扮青檸, 真係豈又此理! 呢度正正常常用番泰國青檸, 配番原裝泰國梳打! 咁先似番啲樣!青咖哩雞除左雞之外加左豆角同細粒既泰國圓茄子, 配上白飯, 辣辣地開胃好送飯!燒豬頸肉豬頸肉新鮮熱辣, 配上特製酸辣汁好醒神開胃!串燒(豬牛雞)呢個就相對一般, 唔算好特別總括而言, 用心泰國菜館! 值得一食再食!!

星期日未到六點鐘到達 (六點鐘開晚市)，已經有人在門外排隊。六點鐘開始入座，剛好坐安排到位置，排在我們之後的人都要開始等號碼。提示：星期五六日晚市請早安排朋友等號碼菜色方面，提供基本泰國菜應該有的菜色，咖哩蟹，冬陰公等等。。。沒有特別創新的菜色。價錢方式算相宜，但餐廳放太多人，出入上菜路太少，肥一點點進出有點困難，基本上大家都是坐背對背，十分親密（如果你想親近一下你的鄰居）。裝修略舊。所點菜色: 咖哩牛腩, 串燒, 泰式沙拉, 冬陰公, 炸蝦餅, 燒豬頸肉, 芒果黑糯米可能是第一批人入座，等待上菜時間略長，上菜裝飾擺盤粗糙，買相中下。咖哩牛腩一般，咖哩沒有辣味，牛腩太少，味道尚可軟硬適中。串燒（牛豬雞）：尚算鬆軟，味道適中，但沒有燒烤味。泰式沙拉：比想像中好，有柚子，味道清新，如果以炒青菜及泰式沙拉選一樣，泰式沙拉可以一試。冬陰公：略清淡，味道尚算中上，咸酸適中，值得推介。蝦餅買相粗糙，蝦餅像蝦球，但剛上鍋，熱騰騰，有蝦味，彈牙，值得推介。燒豬頸肉買相粗糙，肉鬆軟有燒烤味，點上特別辣味汁料，味道凸出，值得推介。芒果糯米飯：芒果甜，糯米飯甜味適中，一人份量，剛剛好，可以一試。總結：以屯門

屯門「小曼谷」出名又平又好食，黎呢到早d黎拎位係必需的！三個人，睇住menu 好多野都想食，一人點幾樣，話咁快成枱都係野食泰式生蝦大愛，生蝦加蒜片再點d泰式汁，食到停唔到, 叫左兩碟泰式酸辣鳳爪涼拌無骨鳳爪，少少辣，前菜一流肉碎生菜包肉碎辣辣地加埋泰式香料香氣十足，包住爽脆生菜食，正泰式香茅雞翼一碟四隻，即叫即炸，香茅夠入味 , 味道不算驚喜，不過雞翼大大隻幾抵食馬拉盞炒通菜惹味又香濃，味道屬中辣，食得多會覺得味道有d咸香煎薄餅一盤三片，即叫即制，配咖哩或者就咁食，味道同樣不錯呢泰式炒金邊粉雖然唔會有咩驚喜，勝在味道有點酸甜，調味岩岩好，次次都點串燒沙嗲一碟六串，有雞有豬，任均選擇。但肉質偏乾，欠肉汁，食到停晒手

個日同朋友下定決心，明知等位要等到天昏地暗都食小曼谷，因為以前食過，味道價錢都一樣咁出色。當日去到大概6點鐘到，出面已經堆左一班人等位，而餐廳就已經坐滿左⋯⋯實在太厲害喇，飯市岩岩開始已經咁爆！由於等位既時間太長，我地已經plan好晒想食咩，一個鐘後我地終於排到入去😅酸辣鳳爪沙律🙆🏼個汁調得唔錯，食落感覺超級開胃，又清新醒胃，炎炎夏日真係岩晒！亦因為個頭盤唔錯，令我地對主菜既期望大左😩泰式生蝦😌👍🏼生蝦呢樣野，真係唔可以隨便嗌，啲貨一去得唔快，唔夠新鮮既話，肚子就會迅速受罪！不過小曼谷日日人流咁勁，相信唔新鮮極都有個譜，所以都嗌得過👍🏼食生蝦除左新鮮，個汁都一樣好重要架，試過有啲鋪頭個醬係青色偏辣，又試過有啲係橙色偏酸，而呢個，就係唔辣淨酸，好似有啲遜色喎👉🏼👈🏼冬蔭功（細）：冬蔭功係我既最愛，毫不猶疑，兩個人點小煲。材料有3隻蝦，秀珍菇，同蕃茄。味道方面😩飲完就開始懷疑自己係咪去左間翻版小曼谷，點解會咁唔泰國既？如果食過泰國一隻冬蔭功即食面既，相信一飲呢個冬蔭功，一定以為自己係飲緊味精湯粉！成個湯唔辣淨酸😩可能連味道湯粉都好味過佢⋯⋯香葉炒蜆🌚呢碟炒蜆令人愈食愈失落⋯⋯炒蜆應該充滿鑊

幸好住得近，遠近馳名嘅小曼谷，好多朋友聽過我推介都好想試吓，奈何嫌遠路左少少，而我就經常同屋企人👨‍👩‍👧‍👦開餐，份量足、味道好、又便宜，今時今日周圍都貴租，佢唔會將貨就價，雖然環境唔好坐，近乎背碰背，但好食就得啦～天氣日日熱到溶，所以愛上了佢嘅青木瓜絲沙律，但次次都等到最尾至上菜，老闆話呢個沙律功夫多，賺你嗰幾十蚊，物超所值盛惠$167-

山長水又遠入到屯門，當然要拜訪一下呢間馳名港九新界嘅泰菜館小曼谷。我們非常相當之幸運地行快左幾步所以不用等位！坐下來不消一會已發覺外面已經開始排長龍啦！(當時七點未夠)店內的最大特色，我會說是它非常鮮明奪目的天藍色牆身，保證你不會去錯別家店！還有泰國菜館必備的泰國風情牆上掛飾，以及泰皇肖像等。餐館內都放了滿滿的餐桌，並沒有賣弄情調的刻意裝潢，分明地告訴你人家是走實力路線的。一打開餐牌，突然心花怒放，大部分菜色都只是$3x-$5x的價位！當然也有貴的，但都只是$70-$80的海鮮類，比市區平上好幾倍了！朋友笑說有一種任食泰菜放題的感覺 XDD我們叫了四個菜，第一個上的是香葉炒蜆香葉炒蜆非常特別的一道菜色，本人是極度熱愛食炒蜆的，但用香葉炒真的是第一次！這個我會形容為必試佳品，首先他們用一個小鐵鍋盛着上菜，很特別之餘，香氣亦比較集中和濃烈，是九層塔的獨有香味！發現還有葱段香蒜及其他香菜配料，這樣一起炒蜆肉會不好吃嗎？蜆肉粒粒飽滿，充分吸引了香料的精華，吃下去每一粒都充滿九層塔的香味，真是不得了！非常美味！連個汁都非常香甜味美，而且份量算多，相當足料！令人一試難忘。馬拉盞炒通菜這幾乎是我去泰

小曼谷其實都食咗好多次，亦都次次要等好耐，對於我同大少呢啲好憎等位嘅人嚟講，佢係絕對有等位嘅價值，雖然坐就坐得迫啲，但係最緊要食物好食，間食店幾大、坐得幾舒服都好，唔好食都冇用喇係唔係﹖泰式生蝦刺身 - 去到任何一間泰國食店，一定要食佢個生蝦刺身先安落，小曼谷更加唔例外喇，佢呢間個酸辣汁一流，而且啲蝦好新鮮，連平時成日話可唔可以唔叫生蝦嘅大少，今次都無反對，可想而知，呢間個生蝦一定係好得燒豬頸肉 - 佢個汁又係唔知點解會咁好味，但係……我就比較鍾意沾刺身嗰個酸辣汁，硬係覺得佢可以同好多泰式美食好夾泰式乾炒牛河 - 我本來要濕炒，但係大少話炒河梗係要乾炒喇，濕邊好食架，OK，無所謂，最緊要好食嘅者，我乾定濕無乜所謂，點知，嚟到，我諗中式好多酒樓負責炒乾炒牛河嘅廚師，你地可以收皮，因為真係完全冇得比，酒樓、茶記嗰啲，食緊都見佢成碟油，呢個雖然睇到佢唔係乾身，都係令立立，但係至少，食到底，啲油都未及港式嗰啲3份1春卷 - 基本上，我地食泰式、越式，大少都好鍾意叫春卷，唔知點解，我其實就麻麻地，點解﹖因為唔特別嘛~~鹹魚椰菜苗 - 唔知點解我真係好鍾意食椰菜苗，呢個基本上可以變咗我去泰式食店必

天氣酷熱最好就係食泰國菜，這家餐廳既人龍長期都是絡繹不絕，但我覺得食物質素已沒有早幾年既好，價錢貴了但份量小了。生蝦尚算新鮮，夠凍，點埋少少辣醬好開胃，又唔係十分辣 。泰式炒金邊粉，份量好細，炒得唔夠乾身，芽菜完全是生，金邊粉尚算彈牙。味道不太重，只有酸味，份量和配料都比以前小了，但又加了價！馬拉盞炒通菜，馬拉盞味幾香，菜很爽口，但炒得有點兒油膩，D汁好水汪汪。 

兩個人食7點半去到搵位可能因為星期六 我地等左半個鐘先有位入到去好快就點菜我地兩個叫左五樣野除左圖個兩樣，仲有泰式雞肉炒飯，燒豬頸肉同埋豬肉生菜包雞肉炒飯 飯香 未食就已經聞到陣陣既香味食落口飯質軟身  炒得好夠鑊氣燒豬頸肉配上特別的醬汁，好有泰式風味，而且他燒到豬頸肉的邊位有脆脆地 食落爽口而且有肉汁生菜包就辣辣地 無咩特別同平時一般味道一樣不得不提係個馬拉盞炒通菜 真係唔錯，一定要試下 最後叫左青擰梳打黎飲都幾正 埋單各人$117 都算係平價泰國野！👍🏻👍🏻

食過幾次，有種鄰近街坊既感覺。不過最大缺點就係晚市時候超多人排，半個鐘走唔甩。來食既人要有心理準備等下咁。依舊必食都係生蝦刺身，質素真係唔定。不過最正既就係個汁，夠惹味，夠酸辣，不過價錢成日寫時價，有時埋單都覺得比以前貴左。叫左個馬拉盞炒通菜，夠鍋氣，加上有d蝦米仔，幾好食。朋友話我唔鐘意食菜既都竟然會包低。炒飯其餘既小菜都係一如以往，沙冰值得一試。但原來，睇番其他既食評，係會扮傻收多錢！大家要小心！不過環境就比較難接受，冷氣勁大，地下又頗濕下，似大排檔多過一間鋪頭。好吃:6/10價錢:5/10環境:5/10