小曼谷泰國菜館

營業中

休息中

食過好多次每次夜晚都要等好耐架但十分值得豬頸肉汁好惹味生蝦新鮮 汁開胃菠蘿炒飯有鑊氣蠔仔蛋用鐵板上 熱辣辣！ 必叫！珍多冰都正而且上菜非常快價錢平 岩哂一家大細朋友黎食去完泰國都覺呢間超正

唯一黎好想試嘅係馳名海南雞飯。第一次黎，太遲，海南雞飯已經賣曬。第二次係晚飯，可能太忙，食物品質平平，無咩驚喜，不過勝在係較平。只記得嗰晚冬陰功有香料不過唔夠味，其它菜都係普通。今次早早黎到，終於試到。首先咖喱豬扒飯，豬扒未炸到夠香，不過個咖喱汁可以加分，creamy，帶甜，香料ok。主角海南雞飯，一食飯底，香，用料十足，不過蒜頭味比較重，飯濕濕，不過好接受，因為飯變得軟綿綿。之後係雞，無論係顏色同肉質一望都已經，一口咬落去，好滑，雞味唔係好濃，不過調味好好，個雞汁酸度適中，呢個絕對係推介。呢度嘅價錢真系好ok，以水準黎講，我覺得

第2次encore 呢間野啦😋今次決定叫d唔同菜式試試🤗==========🌟泰式鐵板蠔仔蛋 $50見到其他枱都有人叫呢個菜於是叫黎試下😇上到枱已經聞到香氣十足😍 仲非常足料👍幾乎啖啖蛋都會食到蠔仔😋仲有芽菜鋪底 飽肚感十足😀==========濕炒海鮮河 $43一開始見到格離有人食緊呢個菜式 仲以為係一個湯😂😂但🐷仔好叻叫左呢個😚平時多數食開乾炒牛河 好少食濕炒估唔到濕炒都幾好食😋入面仲有青口 魷魚 蝦同菇類😋 蝦肉夠爽口值得一讚😉但河粉略嫌有d散開😣 不過都可以一試特別係想試試新野嘅你地😏==========🌟芒果糯米飯 $18係香港食到18蚊嘅芒果糯米飯其實都幾難😂😂雖然份量唔係好多但當飯後甜品真係一流😋糯米飯煙un又唔會好硬好乾身芒果夠哂甜😋😍

今天又來到一向多人的屯門出名美食店小曼谷食飯，一向多人的小曼谷照常地離不開等位的命運，最後食飯等左差唔多一個鐘，但係依個時候就證明了美食之路的開始小曼谷或者泰國野一定必食的美食：生蝦刺生生蝦刺生肉質彈牙，味道十分甜美，配搭上酸酸甜甜的的醬汁，和生蒜的香味，簡直係一絕呀金邊粉炒金邊粉，酸酸甜甜，乾爽程度高，配上花生碎，讓事情更上一層樓蠔蛋蠔仔蛋，冇咩特別，但和平常打冷的蠔餅係完全唔同的，我估計時沒有落粉落去的，因為我個人唔鐘意粉，所以覺得幾好，而紅色的時辣醬馬拉盞通菜不多介紹了，一個字（香）冬陰公湯鮮味十足，香料味十足，十分推介

一早已經聽過呢間餐廳 又平又高質 平時星期六日一定要等一小時以上 深受唔同地區人士熱愛 趁平日決定去試試😉 7點半入到去只坐滿了5成人 仲有唔少空位 但到8點已經爆哂人😲😲平日都咁爆真係好厲害！！==========🌟沙嗲串燒雞肉 $38竟然有6串😲😲😲 真係抵到你唔信 燒得好香 肉質好滑 點埋個沙嗲汁一流😍😘==========🌟餃子釀雞翼 $38 有3隻雞翼已經拆咗骨 只剩下雞翼尖的骨 喺雞翼入面釀咗餃子餡料 雞翼外皮香脆 美味 🍗 咬落啖啖餃子餡 好新鮮嘅配搭好好味😋😋😢==========🌟 椰汁黃咖哩牛肉 $42唔食得辣嘅我哋特登叫咗黃咖喱😂因為黃咖哩唔辣 另外仲有青咖哩紅咖哩可以選擇 估唔到咖哩係會配一碗白飯 咖哩味唔算超級濃 但椰汁味好重 非常惹味 仲一啲都唔辣 👍 但本身以為會有牛腩但原來只係牛肉有啲失望 但呢個價錢仲想點呀😂😂😂🌟香燒豬頸肉 $38咁大碟都係$38 去邊度搵😍😍 出面隨便一間都一定要60蚊以上 最重要係佢質素仲好高😋😎豬頸肉燒得香口惹味但仍然能鎖住肉汁😍😘 食落好香濃蜜汁味 唔似其他店豬頸肉燒到好乾身鞋口 真係要俾10分佢💕💕👍👍👍--

每次想食泰國菜就會諗起小曼谷，因為我覺得香港最抵食嘅泰菜係佢，星期日夜晚9點去到都好多人排隊下（大約有20幾人）而我地都等左大約半個鐘，夏天黎講都幾難頂，不過今次算快架啦😬😬今次我同老公叫左：-必點嘅生蝦，依然係咁好味，蝦夠凍夠彈牙，辣醬夠辣-必點嘅冬蔭功，份量小左，不過都係咁足料咁好味-柚子蝦沙律，唔夠辣-飛天通菜，味道都係一般嘅好味-試新野 炆牛尾，有好多菜同4件牛尾（兩大兩小）炆得夠淋，味道比較淡。-飲品叫左西瓜冰，西瓜味一般，不過夠冰夠解渴想食泰國菜嘅話一定要試下，真係大推👍👍👍

生菜包豬肉好鮮嫩而且帶點，配上新鮮既生菜，入口充滿鮮味，而且份量好大。蒜蓉包離遠已經聞到好香嘅牛油味，牛油深透住面包每一個角落，包身好趣，必食推介海鮮菠蘿炒飯好夠鑊氣，飯炒得好乾身，但可惜配料好少泰式生蝦蝦肉好爽口，中間果個汁不可缺少，而且有冰震住，冰涼透心，但好可惜蝦有啲腥味泰式鳳爪沙律鳳爪好夠味，好夠辣份量都好大，好開胃屯門小曼谷，出名抵食夾大件，但係好可惜地方偏遠，而且經常等位，想食嘅朋友要早啲攞位，但價錢大眾化。

屯門並不是泰菜盛行的地方在屯門屹立不倒的CP 值超高的泰菜店必選小曼谷位於屯門置樂, 不管是不是街坊都一樣會去幫襯店裡位置不少, 但連下雨天都要等位, 因為太受歡迎了店員很多是泰國人, 下單都用泰文的當天兩位小女子點了4個菜+2杯飲料冬陰公湯 – 小SIZE $35大約有4小碗, 用料十足, 香料超多超好飲的青咖哩南瓜牛 送白飯 $42青咖哩一般味較淡, 但這個沒有, 一樣濃味+少辣, 送飯一流肉碎生菜包 $50這個相較沒什麼出彩, 但還是好吃香煎薄餅 $20用來沾咖哩一流還點了一份非常好吃的馬拉盞炒通菜 $39因為醬料滿滿的蝦米, 所以很好吃還點2杯泰式飲品 兩個人才$232超抵~

今次係見番係外國留學既朋友，要食梗係唔揀西餐啦都食厭哂😂所以最後約下約下就諗到呢間🙃但係好早六點幾放完工黎就已經咁快冇哂位😂不過等左5分鐘到就可入去啦，遲多啲應該都會有排等🤥叫左唔係好多野，金邊粉一定係要嗌啦，上菜幾快等一陣就有得食。個金邊粉就還好啦唔算超水準咁，勝在價錢真心平到冇人有😛所以都叫物超所值之後在叫左燒豬頸肉💁🏻‍♂️唔算好油膩，煎到好香口，佢俾個醬認真加分不少，辣辣地超開胃，好想叫碗白飯當餸食😂野飲就嗌左個龍眼冰🙃超多龍眼肉又唔會太甜，飲落好清新好fresh😀係大熱天時都係一個唔錯既選擇

本人最喜愛既泰國菜，小妹間唔中就要去食☺️店內都係泰國人所以都比較正宗👍🏻👍🏻👍🏻好啦！先講食物😘生蝦每次黎到必叫，一碟七隻兩個人食就夠，三四個人就建議叫多碟。佢啲生蝦唔似雪藏蝦🦐🦐🦐因為冇雪味但有冰味😂一定要夾埋塊蒜同點埋個酸辣醬，注意反會有少許辣，但如果唔係會食唔到哩隻泰國風味既生蝦，而且生蝦仲係彈牙，食完一定會再想order，而且價錢唔算貴$60定65到。生蝦冇寫係menu，不過你叫都會有😏菠蘿炒飯，今次有少少失準，冇之前咁好食，但39蚊黎講真係唔錯個炒飯，係分量有啲少，三個人或以上就一係唔夠食。香葉炒蟶子，$60定$65有14隻蟶子，仲要係每一隻都入味，仲要求D咩？☺️不過香葉炒個味道就偏濃，同埋個汁比較杰身。另外食既時候要小心點，因為有啲蟶子殼炒碎左，要留意唔好食左落肚喔！到馬拉盞炒椰菜苗啦，雖然你見到好多紅色既辣椒，但佢啲椒唔係好辣，但少少辣，我覺得同譚仔既10小辣比，譚仔既10小辣辣D，(不過小妹食得辣，但同行友人本身只吃10小辣係譚仔，佢都覺得唔太辣)，同埋蒜味都重，不過菜黎講，哩個馬拉盞炒椰菜苗係惹味既👍🏻可以試下📢📢📢本人有兩個小提示，因為價錢都算平，所以份量唔算好多，

Lunch去食都好多人 分分鐘冇位🤦🏻‍♀️一坐低 就會送上冰的龍眼水 甜甜的 個人覺得不錯😍😍但有d冇冰 就難飲d😂聽聞呢到出色係海南雞飯 所以叫左 但不過不失 驚喜的是 我反而喜歡佢炒野 我最喜歡食佢個辣椒香草肉碎炒河 真係好好味 次次黎都要叫 個種辣味係仲有香味的 仲有菇吖菜吖紅蘿蔔做配菜第二要介紹的係 餃子釀雞翼 好特別 顧名思義姐係雞翼入面有餃子ge料 兩樣加埋 出奇的夾 佢仲要整得好好味 口感一流😍😍第三介紹係 蝦醬炒飯 又係炒得出色 即叫即炒 係唔同d 熱辣辣就係好味 讚！馬拉盞炒通菜又係正野黎 總知叫炒野 就冇死 如果你諗唔到食咩的話 哈哈~

住喺屯門區真係冇人唔識小曼谷啦，好間唔中先會黎呢度食一次飯，唔係唔好食，而係太受歡迎太多人，我唔係太神心嘅人，平時亦都唔鐘意等位…是日同兩位住喺九龍嘅朋友相約睇戲，睇戲前時間尚早，就決定同佢地試下佢地5點9開始已經好有唔少人等位，冇飛仔派架，純粹自己自律企喺門口。呀姐夠鐘就會出黎叫位，留意，唔好以為可以叫人黎等位，有位先叫朋友過黎呀，因為要人齊先入得架。呀姐彩你都有味，你食就食，唔食就借過俾人入。我地準時喺門口等，而又齊人，當然可以好快入座。餐廳座位都幾多，密密麻麻，唔會坐得舒服架，但考慮到俾緊呢個價錢，我冇要求。同朋友快速點菜，之後就等食喇，成餐飯我唔記得實數喇，總之一行4人，人均130蚊左右啦，抵到飛起雖然各樣食物唔係話一級好味，都係好普通嘅泰國菜，但普通野配番大眾化價錢，好合理。炸蝦餅好耐冇食過咁平嘅炸蝦餅，一定要點。炒通菜炒椰菜苗酸辣鳳爪酸辣度適中，份量較少，但價錢平。串燒炒飯飲品唔洗廿蚊杯，唔知邊度搵，抵。

好耐無食小曼谷了, 佢係我最愛既泰國菜餐廳! 就係貪佢夠平民~ 屋邨內無人吾識佢!雖然吾算話勁平, 但有啲價卻始終如一! 好似青檸梳打 我記得我第一次光顧係18蚊 依家都仲係18蚊~ 大大杯, 依辣野飲最好不過!我每次去必嗌就係生蝦同埋生菜包~好讚啊! 生蝦今次得6隻,但每隻都大的, 記得之前去食有8隻但就比較細既~生菜包既肉係偏酸, 辣就吾會太辣! 反倒生蝦個辣汁更辣得過癮呢!另外仲嗌左粉麵類 係炒粉絲, 酸甜酸甜的好開胃, 而粉絲都較為彈牙有彈性, 好好食! 之後就喛埋馬拉盞通菜, 吾記得影呢! 但依道就吾夠入重味, 通菜比較淡!

今日18:10落單叫外賣，同我講3-4個字就拎得，18:30去到，同我講落留單少左兩樣野，叫我等多半個鐘，19:00再問，就話好快，今日多單叫我等多陣。中間問過幾次，職員態度勁差仲鬧返我轉頭，話廚房好多單做唔切，但堂食就勁快，仲返左幾轉木台。19:35左右我再追，我話退錢，又係話就得就得就做起。最終我19:55先可以攞到外賣。我10分鐘後返到屋企。個菠蘿炒飯同濕炒河已經凍晒同明顯已經裝左好耐，一餅餅定晒型咁痴實晒！講真，我明白今日節日人多外賣多係正常，但你由一開始講三四個字到半個鐘同就得好快，我足足等左1個鐘頭9個字。如果你一開始同我講要我等個幾兩個鐘，我唔會等！你承諾嘅野達唔到，仲不停鬧返我轉頭係咩道理？你白白浪費左我個半鐘時間！仲不停鬧我！幾平幾好味都好，無下次！

這間位於屯門的小曼谷，比起九龍城的小曼谷味道差很遠。這間的味道不夠正宗，比較港式。價錢上，這間則很抵食便宜。它的咖哩蟹，咖哩味不夠，而蟹的分量比較少，肉質比較鞋，好像不太新鮮。至於濕炒河，很結，好像漿糊一樣，吃落的口感是一 pat pat的感覺。較正宗的味道應該不會結 pat pat, 而河粉應該先炒起，很有鑊氣的味道。令我最喜出望外的是， 它的芒果汁，非常濃郁。它使用新鮮的芒果搾出嚟， 並不是用粉或濃縮劑調教出來。所以味道超好喝，超棒!!! 必試! 環境上比較逼，加上很多人光臨。所以要等候好一段時間。整體而言，它的價錢很平，但是味道不夠正宗。不過仍是可以接受的，大家可以一試，但需先調整心態!