小曼谷泰國美食 (教育路) (已結業)

黎元朗搵朋友仔，我突然心血來潮想食泰國野，朋友話食泰國野唔一定要去九龍城嘅！行咗陣千色，佢就帶我黎咗依間小曼谷食野。一坐底，侍應就拎咗兩碗冬瓜湯畀我地，飲咗兩啖就開啟咗食慾，拿拿聲叫野食。😋 極上燒安格斯西冷牛小排 配白飯＄121外層燒得好香，內裡熟度剛剛好5成，肉味濃濃，肉質夠嫩，最正係個汁，好少食牛會點依種酸酸甜甜嘅泰式汁，但今次試下又幾夾，牛排香再加上一重清新感，好味！‼️好食指數 8/10‼️推介指數 8/10😋 泰皇咖哩軟殼蟹配簿餅 $121咖哩味幾香，配料十足，仲有點蛋花，味道唔會話好濃個種，將炸至鬆脆嘅軟殼蟹浸入咖哩，咸香濃度就剛剛好！簿餅好香油酥味，鬆鬆脆脆，浸入咖哩，吸晒Ｄ汁勁好食。‼️好食指數 9/10‼️推介指數 8/10😋 燒牛舌 ＄32牛舌肉幾厚，燒至外層脆口，配埋沙爹醬一啖入口。‼️好食指數7/10‼️推介指數7/10😋 原隻芒果糯米飯 ＄76芒果每塊都夠甜，唔會酸。飯夠黏稠口感一流，加上暖暖地嘅椰汁，嗯～為呢餐劃上一個完美句號！‼️好食指數7/10‼️推介指數8/10最後嗌左杯青檸梳打同龍眼冰，天口咁熱，飲返杯凍無得輸啦～🍽️ 小曼谷📌 元朗教育路50號兆明樓地下A號舖☎️

今天去完海洋公園，回家的路程上經過這間餐廳，就決定吃埋晚餐才回家。泰皇咖哩法包軟殻蟹 $163挖空了的大法包內有熱辣辣的咖哩汁，旁邊放著香脆的軟殻蟹。由於無從入手，我們就將法包切成幾件。外脆內軟的法包浸着香濃的咖哩，放進口裏嘗到微辣香味。剛炸起的軟殻蟹配上咖哩也是另一種風味！蝦膏豬肉碎炒飯 $81炒飯十分足料，很大碟！炒飯內有很多豬肉碎，而且飯粒粒分明，配上淡淡的蝦膏味，是一個不錯的選擇。泰式馬拉盞炒通菜 $84這是我最喜愛的一道菜。通菜炒得非常好，仍保持翠綠色。而每條通菜內充滿鮮味，配上辣椒的香味，味道十足。整體來說，每一碟的份量很大，所以一家大細來吃飯，可以試多幾款😀

🍴泰菜館🍴餐廳：小曼谷泰國美食 (教育路)📍 元朗教育路50號兆明樓地下A號舖始於2001年，由泰國人阿安創辦，在元朗、銅鑼灣都設有分店。夜晚和家人到餐廳食飯，雖然餐廳環境不算太大，但很乾淨舒適，很方便傾偈。餐廳採用掃碼自助點餐，輕鬆簡單自助。我們大約在7:00入席，因為之後開始是用膳高峰期，點餐後不久，門口開始有人排隊，如果想試泰國菜，建議早啲到［冬陰功湯］是出名的泰國菜，冬陰功以南薑、香茅、檸檬葉、紅蔥頭、指天椒及新鮮青檸汁炮製。點餐時可以選擇「少辣」或「加辣🌶️」，亦都可以選擇「加青」，口味可以自由調配適合自己。而且上枱時，冬陰功湯用小爐子裝著，一直有火keep住加熱，飲的時候熱辣辣。［泰式咖喱髮包軟殼蟹］餐廳用法包盛載咖喱汁，法包外脆內軟，黃咖喱不辣帶有甜味，很入味。所以另外在點了［泰式原味烤薄餅］，為了點咖喱汁一起吃。［泰式烤羊架］沒有羊的羶味，而家肉質保持嫩滑多汁，很好味😋雖然當晚坐低後，門口開始多人，但侍應仍然好好服務，不會催促離開，讓我們感覺舒適，值得推介。

元朗出名多街鋪有好野食。今日同幾個朋友去呢間小曼谷食泰國嘢。入到去樓面細細，但坐落四人位都ok。掃QR code落單，方便又快捷。所以一坐低，好快就有嘢食！去食泰國菜，當然要食生蝦刺身。6隻成隻手指咁長開邊泰國生蝦，識食，一定係加埋蒜片辣椒片，點泰式酸辣醬一啖食，非常鮮甜！加上凍凍地，熱辣辣天氣食真係好正。好快就到泰式炒金邊粉。食過其他舖頭，試過一係味道太濃，一係太酸又太濕，成口味精味！但呢度就炒得夠乾身，而且足料，讚！再嚟泰式肉碎生菜包。肉碎剛炒起夠哂熱唔會油淋淋，辣辣地好夠味，夾係山菜食剛剛好。加埋檸檬汁食，酸酸辣辣，真係多多都食得晒。終於到成餐重頭戲，鐵板蠔餅！同平時大排檔嘅炸蠔餅好唔同，因為用鐵板上， keep住溫度，唔會食食下凍咗搞到成口油。而且舖頭一啲都唔孤寒，勁多蠔仔，絕對值得再食！加上呢度侍應服務好好，好有禮貌，上菜速度亦唔錯，總體感覺值得再食。

疫情降溫後，久未到過香港泰國城的九龍城了。今天經過元朗這間泰式餐廳，就決定進去一試解饞。牛油蒜蓉燒蟶子：蟶子鮮甜肉爽，配上香滑牛油及油爆香蒜的莞汁十分惹味。泰式鮮蝦炒金邊粉：每逢去泰國都必吃的地道菜式，蕃茄醬味濃，金邊粉吸收了醬汁很是開胃。冬蔭公湯：原隻大虎蝦肉爽味鮮，香濃的冬蔭公湯辛辣中不失鮮甜，令人喝不絕口。泰皇咖喱炒虎蝦：咖喱中有濃烈的椰奶味，加上份量十足的虎蝦，肉質彈牙，再加點一客烤酥餅，滋味無窮。

冬蔭公湯（細） $99 連酒精爐上，熱辣辣好正。我覺得辣度剛剛好，都幾多料，有幾隻大蝦。泰式鐵板蠔餅 $116一上蠔餅，我心裡嘩左一聲，好大碟🤣裡面有滿滿的蠔仔🦪，食完好滿足。鐵板豬頸肉椰菜苗（馬拉盞）$94可以簡少油或少咸，跟番而家健康既潮流，我地簡少油。炒得好有鑊氣，配埋鐵板上，保持熱度，正。泰式酸辣鳳爪 $79鳳爪爽口，酸酸地辣辣地，好食😋。汁再多d既話，會更正。仲叫左椰青飲，食完辣野，飲啖椰青，即刻冰涼番😁整體佢d餸上碟都仲keep住熱辣辣，而且泰菜水準唔錯🙂

以前食泰國嘢就多數去九龍城竟然朋友話而家老字號小曼谷竟然開到去元朗都有而且同樣是份量十足的泰國菜。冬陰功湯去到泰國餐廳又怎能夠抗拒冬陰功的威力，很惹味湯頭顏色呈紅當當，鍋中亦有2隻大虎蝦湯底濃香夠辣泰式馬拉盞炒椰菜苗香辣惹味的馬拉盞，是泰國菜獨有的味道，炒得夠爽口而且入味，滋味無窮。牛油蒜蓉燒蟶子味道鹹鮮帶一點甜，色香味俱全，令人吃不停口泰式炒金邊粉顏色雖沒有很鮮艷，金邊粉炒得乾身味道不錯而且不會太油膩，而且份量十足。我最喜歡旁邊有花生碎🥜將花生碎拌在裏面一起吃，很惹味，感覺很地道。芒果糯米飯芒果看似係用上水仙芒，味道較為清甜而多汁淋上微溫既椰漿，糯米飯軟硬適中，口感呈軟糯味道稍為偏甜。餐廳雖然舖面不算很大但店員招呼有禮下次可以再來光顧

好耐冇食過泰國菜，今晚約咗朋友去元朗小曼谷食飯，同朋友揀左好多野食，叫到成枱都係🤣▫️泰式酸辣鳳爪無骨鳳爪啱晒懶人食，口感酸辣爽脆，做前菜一流，夠晒開胃▫️冬蔭公湯🌶個湯酸酸辣辣，都幾辣下，幾開胃惹味，入面有兩隻大蝦同菇，仲跟埋火爐可以滾住食▫️泰式鐵板蠔餅🦪蠔餅夠晒巨型，仲好足料，d蠔都幾大隻，有口感！仲有附上碟泰式醬汁，點埋食格外惹味▫️鐵板豬頸肉椰菜苗上枱時已聞到好香，食落鹹香味道重，豬頸肉有口感，椰菜苗偏硬身，索晒醬汁食好惹味！▫️泰皇咖哩法包軟殻蟹🦀賣相好吸引，份量亦好足，軟殻蟹即叫即炸，入口脆卜卜，而法包超級大個，裡面裝滿咖哩汁，用嚟點麵包食超邪惡，餐廳連法包入面個麵包芯都俾埋，包補夠飽！▫️椰青🥥椰青好大個，好多汁，清涼解渴，仲刮晒d椰子肉出嚟食，好正🥰

上個weekend入左元朗探朋友，朋友介紹呢間泰國餐廳幾不錯，仲有海鮮燒烤食，好想帶我去試試，聽到有海鮮燒烤就二話不説，立即應承了。泰式鮮蝦柚子沙律沙律充滿泰式風情，泰式醬酸酸辣辣幾開胃，柚子肉好多，岩曬我呢個柚子控，鮮蝦好大隻又夠新鮮。極上燒安格斯牛小排配白飯安格斯牛小排焦香味十足，入口軟腍，星級午餐配冬瓜湯同飲品，另外+$19可加配小食，我地簡左雞+豬串燒，飲品半價轉芒果沙冰。泰式燒原隻鮮魷原隻鮮魷夠曬大隻，非常吸晴，肉質新鮮彈牙，香嫩可口，魷魚鬚燒到卜卜脆。

心血來潮想食返餐泰國菜，就嚟到位於元朗教育路（小曼谷泰國菜館）店舖面積雖然細小，但大部份都是卡位所以坐得好舒服。餐牌上款款泰國菜式都想試，就點了一些廚師推介的菜式！🐚冬陰辣酒煮東風螺～＄141一鍋大約有15至20粒份量不少，粒粒都大大隻，冬陰功湯底可以選擇辣度，酸酸地好開胃，食完東風螺可以再飲埋湯，一舉兩得👍🦐泰式生蝦刺身～＄111每次食泰國菜必點的菜式，生蝦超新鮮，加入泰式酸甜醬一齊食，一隻接一隻食唔停口！🧈油牛油蒜蓉燒扇貝～＄101扇貝加入了牛油蒜蓉，香噴噴的蒜蓉味香濃惹味，扇貝亦帶點爽口!🍻泰啤～＄34一支大約有三杯左右，咁美味菜式當然要點返支泰啤飲下，正！

終於不限二人可以和姊妹們聚一聚。九龍城的小曼谷去過幾次，元朗的反而是第一次，發覺環境比九龍城分店更舒適，也更乾淨。一坐下即奉上冬瓜湯，這也是其它分店沒有的呢。人多的好處是可以叫多幾樣分享，加上是下午茶時段，非常抵食。我們叫了一條魚、一個沙律，和三個下午茶餐。泰式燒盲鰽（$146）盲鰽味道鮮甜及肉質細滑，平時阿媽多是清蒸，現在鹽燒原來都非常好味。師傅細心的已預先幫我們剪開魚皮，我們只需揭開，白白滑滑的魚肉便呈現眼前。魚肉嫩滑多汁，少骨唔腥，唔蘸汁都已好好食。泰式柚子沙律（$94）蝦仁爽脆，柚子甜蜜多汁，加上椰子絲乾和花生，人多若不快手會被搶晒。用QR落單時還可選辣度和甜度，減醣的朋友可以選不加糖，非常好。三個下午茶都是$45，包冷熱飲品！黃咖哩雞肉配蒜蓉包我向來喜歡小曼谷的蒜蓉包夠蒜夠油夠脆。正常一份4塊要$3X元，現在$45有3塊加咖哩和飲品，抵食。咖哩中有薯仔、洋蔥和青椒，雞肉大大塊，咖哩汁香而不辣。冬蔭牛腩湯河粉有多件炆得很腍的牛腩，冬蔭功夠濃，味道中規中矩。蝦膏豬肉碎炒飯炒飯有很香的蝦醬味，配料有雞蛋、肉碎和臘腸，味道不錯。泰式炒飯口感偏濕，在夏天吃特別開胃。

喺元朗發現呢間泰國嘢，接近下午茶時間依然好爆場，非常受歡迎，份量全部都係oversized，我食到超飽。𖦹 泰式咖喱法包軟殼蟹 $121咖喱creamy，椰奶味突出，唔辣，配上脆卜卜嘅軟殼蟹以及印度酥餅，滿足～𖦹 泰式鐵板蠔餅 $116 真係用鐵板上㗎，啖啖都食到蠔，很足料，點埋酸辣汁就更開胃了。𖦹 冬蔭公湯 $99 叫咗小辣所以湯嘅酸味比較突出，鹹咗少少，但充滿香茅同檸檬葉味，而且有兩隻大虎蝦同大量秀珍菇，唔錯。𖦹 椰青 $40 好耐無飲過椰青，清甜又解渴。𖦹 木瓜沙律 +$29 清爽嘅木瓜絲配上酸酸甜甜嘅醬汁，食泰國嘢必叫。

📌 小曼谷泰國美食 (教育路)📍 元朗教育路50號兆明樓地下A號舖☎️ 27167800*☼*―――*☼*―――*☼*―――*☼*―――*☼*近排同元朗好有緣，上星期先去完踩單車，呢日同朋友入嚟元朗搵食，聽聞教育路好多嘢食，搵搵下就撞咗入黎食泰菜🇹🇭。入座後即刻奉上兩碗冬瓜湯，湯底都幾清甜，依家氣溫開始回升☀️☀️，正好俾我降吓火。Lunch set 都幾抵食，平平地五十幾蚊有個餐連飲品，晏少少三點食仲可以嗌下午餐，只係四十幾蚊添！💫泰皇咖哩軟殼蟹配白飯/薄餅/蒜蓉包（$1️⃣2️⃣1️⃣）食豪啲叫咗個星級午餐有蟹食😋軟殼蟹新鮮，炸到勁酥脆唔油，黃咖哩椰味好重好香，甜而不辣， 質地creamy 撈飯一流！💫泰式鮮蝦炒金邊粉（$5️⃣3️⃣）賣相好靚。金邊粉炒得乾身爽口夠火喉，食落味道酸甜，鮮蝦夠彈牙，一碟有3-4 隻，成碟分量都幾大好抵食。💫豬及雞串燒（午餐+$2️⃣9️⃣）$29蚊有兩串串燒，醃得入味，肉質實淨唔乾，點埋沙爹醬，又甜又有焦香！💫泰式鐵板蠔餅（$1️⃣1️⃣6️⃣）成個鐵板咁上，阿姐溫馨提示我地個鐵板好熱，上枱果陣出晒煙，蠔仔粒粒都好肥好飽滿，味道好鮮唔腥，食落勁香口。💫芒果糯米飯（$7️⃣6️⃣）呢間泰菜館所有嘢都係熱辣

做完gym想食野，坐低餐牌望見價錢都唔貴，午餐勁抵🤤好似都唔錯喎~一坐低職員就俾咗兩碗冬瓜湯我哋，好清甜。❁ 泰皇咖喱軟殼蟹 配蒜蓉包咖喱味香濃，椰香味道燶，偏向甜😳軟殼蟹係即刻炸，所以上到黎仲係超級脆~炸粉唔算多，反而份量就好多，食極都仲有~咖喱入面有好多洋蔥🧅青椒🫑好香口。而係包部份係脆口🍞好夾味。❁ 泰式黑椒燒牛柳飯 $53好抵食呀份量好多😛😛😛牛柳燒得好香，咬落去好軟熟，牛味香濃，抵食！❁ 燒雞扒 $76好誇張大家睇到圖就知真係好大份🤣多到我同爸爸食唔晒要打包，雞扒本身比較瘦，唔會好多油，感覺唔膩，雞扒本身有少少咖喱味醃料醃製過，味道香。❁ 青木瓜沙律 +$29本身我係諗住配埋雞扒一齊食😛咁就好健康，青木瓜非常之脆口，味道酸酸甜甜好開胃~感覺清新最緊要唔肥，跟餐加錢仲有其他小食可以揀~❁ 泰式燒羊架配白飯 $91因為好抵食，買多個外賣比屋企人食，同樣有驚喜，羊架係即叫即燒，返到屋企食邊皮都仲係脆脆地，而且都有少少羊脂肪，勁香🤤屋企人話好好食。

# #元朗 @minibangkok🤤睇完中醫, 本想食個下午茶再回家, 點知...失預算喇....怎麼下午茶都這麼大份! 😱🤔初時本想一人一份午餐, 再加個沙律, 點知下午茶都成份午餐咁大份, 抵到一個點! 🥩泰式燒牛柳配木瓜沙律 $45  辣度可選! 牛柳足有一大碟, 燒得焦香, 有咬但不硬, 肉味香濃, 泰式沙律唔會太酸, 正好! 🫖下午茶額外優惠, 我選了豬及雞串燒 29/2串 ~ 肉又厚又嫩, 味道還真不錯, 超抵食! 🌟星級午餐: 🐖風味豬頸肉配無骨海南雞, 油飯 $71 ~ 豬頸肉份量頗多, 海南雞一半脾一半胸, 油飯唔會好油, 無用薑黃粉添色, 性價高!🦐泰皇咖喱炒蝦 $121 ~ 蝦有2大隻啊! 可選配飯、薄餅2件、蒜蓉包3件! 絶不欺場, 蝦超大隻, 又爽又彈牙, 咖喱味香濃, 有濃濃蛋奶香, 配著又香脆又熱辣辣的薄餅同食, 十分讚! 🥭芒果沙冰 & 芒果椰汁沙冰 @$20 ~ 唔會好甜, 好香芒果味, 用料好足! 🥭小曼谷原隻芒果糯米飯 $76 ~ 糯米飯香軟, 芒果香甜, 椰漿又濃又滑, 為完美的一餐劃上完美句號! 🤭原來已開業4年, 遲少少再約表妹們去再食過!