小曼谷泰國美食 (南角道)

營業中

休息中

說到九龍城很多人就會想起泰國菜，現在開通了屯馬線和沙中線，去九龍城那邊吃飯就更方便了。今天吃的一間挺有人氣的店，一到晚飯時間就一直有人在排隊，幸好我早到！BTS五星蒜香炸雞（半隻）（１２８元）這個炸雞的製作時間真的有點長，但味道來說是值得既！炸雞沾上薄薄的一層粉去炸，炸得外脆內嫩的，雞的肉汁很好地保留在裡面，肉質滑嫩，就算雞胸吃起來也不老，而且還帶點蒜香味，吃起來更惹味，再配上酸甜醬來吃就更解油膩！另外還配有炸蝦片，炸得很香脆，蝦味濃郁！秘製鹵水豬手煲（１３７元）這個豬手燉得非常入味，而且肉質不是軟爛的那一種，是還有彈性的，豬皮軟糯，鹵水鹹鹹甜甜的，味道挺惹味，但又不會太鹹！雞全翼沙嗲串燒（２３元）這個燒得真的挺不錯，燒得表面金黃帶點焦，吃起來皮脆肉嫩，本身帶點蜜糖的甜味，味道不錯，再配上香濃的沙嗲醬，吃起來更好吃！珍寶腸沙嗲串燒（２１元）吃串燒叫腸肯定不會錯，珍寶腸大大條，燒得外焦裡軟，帶點蜜糖的香味！青檸沙冰（３５元）夏天喝杯冰爽的沙冰就最爽，特別是青檸味，喝起來比檸檬更清爽，酸甜可口，而這裡還可以選少甜，就更健康一點了！

九龍城出名小泰國有左屯馬線之後黎呢到食野好方便B出口一出已經到朋友推薦食呢間話佢咖哩好正今日終於有機會試咖哩軟殼蟹配蒜蓉包本身好鍾意食軟殼蟹貪佢啖啖食唔使吐骨用黎點呢間咖哩真係好正咖哩好香濃加上椰汁，唔會太辣配上岩岩烤好既蒜蓉包，吸收晒咖哩汁真係勁好味💗泰式炒金邊粉太耐無出國可以起香港食到咁正宗既padthai,真係好感動酸甜獲氣夠，加上彈牙既大蝦一定要加上花生碎黎食咁先夠晒風味👍🏻蝦膏肉碎炒飯我好鍾意食呢個炒飯夠濃郁蝦膏味，獲氣夠肉碎係臘肉粒好正仲要勁大碟，2人share 都好夠馬拉盞豬肉片炒米粉呢個係偏辣少少鍾意食辣既人一定要叫豬肉片炒得好香口，唔會太老米粉爽口彈牙，真係勁正👍🏻另外跟餐可以加26蚊跟小食呀我唔執輸都加埋黎試下酸辣鳳瓜 香辣爽口，無骨啖啖肉木瓜沙律 份量好多，咸香惹味串燒猪及雞 點花生沙嗲醬一流每個餐仲另外會跟餐湯今日係冬陰功湯香辣酸，好好味

-🔸黃咖喱雞肉 $95🔸牛肉沙嗲串燒 $19🔸泰式鮮蝦炒金邊粉 $87🔸泰式馬拉盞炒通菜 $86🔸椰皇沙冰 $39🔸熱柚子蜜 $29-收工去九龍城食泰國嘢，同朋友揀咗呢間「小曼谷」，呢度由地鐵站b2出口一出就到，超方便😋 原來小曼谷嘅舖位比以前細咗，有部份改為「bts美食站」，下次又試吓先🫢馬拉盞炒通菜一直係我最愛嘅泰式蔬菜類食物😋 呢個仲可以自選鹹度，我揀咗少鹹，更健康😚 仲好大碟添～黃咖哩好食！有超香嘅椰汁味，好creamy，味度只有超少辣，反而有啲甜💛 咖哩裏面有好多雞塊、薯仔、甜椒等等，好豐富！金邊粉係我同朋友嘅最愛💓 佢濕度剛好，唔會太濕或太淋；鮮蝦球好大粒🤩 仲有各種其他配料，好豐富😚 酸甜度都啱啱好💓仲叫咗牛肉串燒，配上惹味沙嗲醬，好香好惹味🤤 椰皇沙冰好足料！每啖都有啲小粒粒嘅芋頭🤩

⭐️小曼谷泰國美食⭐️📍:九龍城南角道9-11號地下⏰:11:00am-11:30pm之前喺元朗已經食過呢間分店 味道同性價比真係冇得頂 難得今日有啲嘢做要去九龍城 於是即刻買咗外賣返屋企同屋企人食 又可以煮小餐餸😂自從有咗屯馬綫之後 去九龍城真係好方便 而且佢起地鐵站出口一出 就已經係嗰間餐廳 當日大約夜晚八點過到去 裏面已經座無虛席 出邊仲有好多人等緊😆一睇就知呢間人氣唔錯😍值得一提 就算係外賣 餐廳都會送蝦片 脆卜卜 小小辣 口感真係唔錯！🐷風味燒豬頸肉豬頸肉好爽口 一啲都唔乾身 我叫咗一份豬頸肉 每塊都大大塊 食落好香口 旁邊會有啲焦脆邊 豬頸肉肥瘦均勻 仲會有埋佢哋嘅自家醬汁 清爽唔油膩👍🏻🐥招牌海南雞海南雞叫咗半隻 價錢一啲都唔貴 雞皮好滑溜 雞肉嫩滑得泥好有雞味 亦都好厚身 一食就知唔係雪藏貨 屋企人都話好正 食得出好正宗！🐷泰脆炸豬手呢款必叫😍豬手炸到脆卜卜 皮脆肉嫩！ 食落口一啲都唔肥膩 百幾蚊來講 呢度真係好抵食 每一塊都好厚肉 充滿鹹香味 唔會淨係得骨 大推！！

之前試過小曼谷一次，覺得好好食，咁啱經過當然要再買嚟食啦。泰皇咖喱大頭蝦之次試過泰皇咖喱炒海鮮，覺得佢嘅咖喱超好食，今次就試埋大頭蝦，配料超級豐富，洋蔥、青椒等等，香濃而且唔辣，份量又多。大頭蝦超大隻， 又爽又厚肉，超推薦！明爐香檸汁煎烏頭烏頭好大條又厚肉，外皮燒得非常香脆，肉質嫩滑，非常新鮮。配埋香檸汁，味道仲豐富。小曼谷原隻芒果糯米飯原隻芒果，又甜又新鮮。糯米飯非常香甜，味道啱啱好，唔會太膩，做飯後甜品啱啱好。

又嚟九龍城食泰菜喇🤩自從有屯馬線🚇又唔洗怕路面塞車🚍收工去九龍城食飯超方便快捷😁今日嚟小曼谷食泰菜止下痕先😋天氣悶熱最好點我最愛嘅😍泰式生蝦刺身😋哩個必食🦐另外點咗極上牛小排沙律🥗哩個估唔到好好味喎🤤點了多辣🌶🌶🌶酸酸辣辣幾醒胃😋牛小排份量都多🤩吃落唔會好韌🥩牛油蒜蓉燒扇貝(2隻）蒜蓉唔算多😊但加上鹹魚仔干更加惹味😋食完咁濃味叫番杯龍眼冰爽吓啦都唔錯👍下次會再來幫襯

每次去九龍城都必食《小曼谷》泰國餐廳，因為食物價錢和口味都非常不錯👍🏻！．泰式鮮蝦炒金邊粉金邊粉炒得非常香口，加上酸酸甜甜的醬料，配上花生🥜碎混合一齊吃，味道層次豐富，蝦肉彈牙又夠大隻，整體配搭非常好味😋！．黃咖喱海鮮、泰式原味烤薄餅黃咖哩內的椰漿非常香，材料也十分豐富，有帶子、魷魚🦑大蝦🦐青口等，加上餐廳的特製香料，真的很美味👍，所以點了一份薄餅，拌這個黃咖喱，簡直是絕配！．泰式蝦餅炸到好香口，入口啖啖鮮蝦味，醮點甜醬一齊食更可口！．泰式酸辣鳯爪上桌時感覺分量很多，除了白鳳爪，還有細蕃茄，洋蔥🧅西芹和生菜絲…等，並加入調味料拌勻，再配上泰式醬，惹味開胃！．泰式生蝦泰式生蝦🦐，蝦肉很滑，蝦質帶點點爽，配上泰式生蝦汁非常美味！

每隔一段時就好想食泰國菜，每次食泰國菜都會去到位於南角道（小曼谷泰國菜館）這裏可以品嚐到正宗泰國菜式，食物新鮮鑊氣十足！這裏用QR code落單快捷方便！豬肉丸肉片船粉未食望到個湯底已經覺得好濃郁，飲落好鮮甜，材料有魚蛋、通菜、豬膶和豬肉，魚蛋細細粒好彈牙，豬膶切得好薄好爽口，豬肉亦都好鮮嫩，整體味道不錯👍泰式炒金邊粉金邊粉炒得好乾身，有鑊氣蝦肉大約有三隻大大隻好鮮甜，加入芽菜、韭菜和花生碎一齊食口感一流！泰式鳳爪見到已經流晒口水，大大碟，鳳爪醃得好入味，蔬菜都好新鮮爽口，酸酸甜甜好開胃！泰式生蝦刺身最鍾意食呢度嘅生蝦夠新鮮厚肉，加入特色酸辣醬一齊食，食到舔舔脷！最後飲埋杯珍多冰同埋椰汁冰就非常滿足😋

好耐冇得去泰國輕鬆吓，唯有喺香港食泰菜補數，一諗起泰國菜，就自然想起小曼谷，因為每次都唔會失望！今次唔食木瓜沙律，試吓“泰式醃粉絲海鮮沙律”，真係好後悔咁遲先試，有蝦、帶子、魷魚等等海鮮，加埋生菜、粉絲、車厘番茄等等，小小辣，特別醒神開胃！今次點海鮮孖寶，要咗“燒蟶子皇”同“燒脆皮白鱔”，白鱔就幾乎每次嚟都會食，唔使多介紹，蟶子都燒得剛好，唔會過火搞到好韌，size都幾大隻！“泰式飛天通菜”，最掛住泰國街邊食飛天通菜，超級惹味，美中不足係通菜唔當造！“冬蔭公湯”太座迎合我級數點咗小辣，但都好惹火，哈哈，香味濃郁，裡面嘅材料都好豐富，通常喺第二度食隻蝦多數霉肉，呢度真係好爽口！“泰式炸蝦餅”炸得外面熱辣辣，入面蝦肉彈牙，証明唔係雪藏貨！“泰脆炸豬手”意想不到咁脆口，入面肉又嫩滑，絕對要推介，一定要試！“泰式叉燒臘腸飯”我咀刁刁個5歲仔一個食咗大半碟，都唔使講有幾好味啦！到咗每次都必定會叫嘅“芒果沙冰”同“芒果糯米飯”，又係一家爭飲爭食嘅時間，呢度嘅沙冰有別坊間，幾乎飲到全部芒果，唔係冰碎多過果肉；糯米飯煙韌鬆軟暖笠笠，配上甜甜芒果一啖一啖，幾飽都食得落！食咗咁正斗嘅一餐，應該好快又會思鄉

上次食過BTS 美食站，覺得好好食，再嚟九龍城，當然要再買嚟食下，不過今次就係曼谷呢間食。泰式燒原隻鮮魷原隻魷魚咁上，切開咗一塊塊，鮮魷肉幾厚，好惹味， 配埋個汁，味道仲豐富。泰皇咖喱炒大頭蝦呢個必食！蝦超大隻，好彈牙， 又充滿咖喱味。咖喱配料有洋蔥、青椒等等，非常香濃， 而且唔辣，攞嚟撈飯， 一流！泰式鮮蝦炒金邊粉有幾隻蝦，而且幾大隻，又好彈牙、新鮮。 配料仲有雞肉、蛋絲、花生碎等，食落口感好豐富。金邊粉唔會太淋太硬，啱啱好。

喺香港想食泰國菜🤭第一反應就係直接出發去九龍城啦！今次朋友帶咗Be試呢間！舖面冇奢華裝修但就係有果種樸實「泰國在地感」😀😀lunch menu價格仲非常抵添！. ✨黃咖哩汁燒雞扒飯 (午餐) $50份量非常充足！雞扒佔嘅範圍比飯更多😝而且大量汁料啱哂撈飯食！整體味道正正常常！兼附有冬陰功餐湯！我哋仲+$25追加咗木瓜沙律！酸酸地又帶辣嘅醬汁配埋爽口木瓜！好啱夏天食😎. ✨風味豬頸肉配無骨海南雞油飯 (午餐) $68附解暑冬瓜餐湯！另外烤得焦邊嘅豬頸肉又真係幾惹味😋而海南雞都夠嫩滑😋配搭油飯食更加提升美味程度！. ✨泰式馬拉盞炒椰菜苗 $86炒完依然『青！翠！綠！』🥬果然大熱天時係會想食蔬菜多過肉類！係唔錯嘅選擇！！. ✨雞肉沙爹串燒 $17雞肉燒到有啲啲太乾身！不過點埋沙爹醬食就加番啲分數啦😉😉. ✨芒果沙冰 $39@超冰涼！以時令嘅🥭🥭打成夠哂甜美！基本上食泰國料理都係必點飲品之一啦❤️. ✨椰青 $40大推薦‼️消暑必備單品！而且呢個椰青比一般嘅更高質！真心又清又甜！Be連內層椰肉都食清光👍🏻👍🏻. ✨椰汁西米糕 $40有六件都好抵食啫😍😍椰汁味香濃x粒粒軟彈西米！性價比極高嘅甜品！！

阿姨請食飯😊比卡自己話事要食啲乜嘢,既然咁鍾意食芒果糯米飯🤭我哋就去九龍城食啦,反正而家有屯馬綫咁方便⭐️海鮮孖寶⭐️牛油蒜蓉燒蟶子王蟶子皇燒得剛剛好又唔會太乾身，最緊要係夠新鮮👍🏻燒脆皮白鱔皮脆肉滑加埋醬汁好味⭐️冬陰功湯(S)叫咗個細Size啱啱好，辣得來又唔嗆喉⭐️泰式醃粉絲海鮮沙律呢個要推介一下👍🏻👍🏻第一次食醃粉絲，原來咁好食㗎🤩泰式汁酸酸辣辣，粉絲彈牙，加埋海鮮🦞辣辣地好刺激⭐️泰式炸蝦餅比卡自愛😍仍然彈牙好食⭐️泰脆炸豬手爸爸最鍾意食外皮炸到脆卜卜，再加埋泰式蝦片，好快就俾人食晒⭐️泰式飛天炒通菜未到絕對OK，但係可能今次啲菜唔係咁靚，有少少渣⭐️泰汁叉燒臘腸飯泰式臘腸又係小朋友自愛，加埋甜甜酸酸嘅汁，好快就食晒碗飯⭐️小曼谷原隻芒果糯米飯呢個真係好食芒果超甜，糯米飯軟綿綿熱辣辣加上椰汁絕配

交枱給我時通知用餐時間只限90分鐘，5個人點了近3千元餸菜連啤酒，每道菜都超快超快，好大壓力係咁食，雖然味道尚算不錯，但要速食真係享受唔到，點樣高質都冇用。當90分鐘到，店員馬上收碟，枱上的食物還未吃完，大話連篇說外面有BB在等位，目測當時只有一家四口的成人在等，當時亦已9點多，過了晚飯最旺時間。今次只為網上介紹黃店而來，不會再幫襯囉😡

本想5個人去食餐高質泰國菜，雖然味道可以，但太太太趕囉，叫了近3千元的泰菜，還有酒水，餐廳通知用膳時間只限90分鐘，趕頭趕命咁食，時間都夜，外面等位只有一家4口成人，到90分鐘，餐廳即通知我們要埋單，因為有手抱BB喺外面等，大話連篇 。以後不會再幫襯😡

黃咖喱雞肉配原味烤薄餅 $42呢個係每次來都必叫😌甜甜嘅黃咖喱配薄餅食真係一流，雞肉好嫩，吸收晒啲汁嘅精華😋冬蔭牛腩湯河粉 $42好濃郁嘅冬陰功味，叫咗小辣，味道啱啱好，牛腩炆得好鬆軟，一啲都唔韌，仲有好多舊！河粉粗粗的，好有口感！熱咖啡、凍咖啡、凍奶茶全部跟餐都係免費㗎🤭泰式奶茶好香口，有獨特嘅風味，好順滑～熱咖啡同凍咖啡奶底比較重，一啲都唔苦澀，啱晒我😛