小曼谷泰國美食站

營業中

休息中

銅鑼灣太多美食吸引呀，原來在謝斐道附近有間很有特色的餐廳，到了門口看到一架復古火車，還有站內的指示牌～整個裝修也很用心，以火車做主題，仿如到了泰國美功鐵路市場🚂🚂,讓我們像去了一趟旅行，打卡一流呀，而且坐位寬敞舒服，跟朋友聚會的好地方ヾ ^_^♪朋友好鐘意吃青咖喱🍛！二話不就點了青咖喱牛腩，好香咖喱味加淡淡的椰香，味道超好呀！想不到牛腩勁滑好淋～難得地會食到這樣美味的牛腩呢😍咖喱一定要配蒜蓉包(☆∀☆)將包點落青咖喱汁非常之夾。還有椰汁珍多冰，用了一個好特別的杯子加上彩色嘅珍多冰，好吸引呀，份量超多泰式鮮蝦金邊粉，份量材料豐富,蝦好新鮮又彈牙，金邊粉炒得很香呀，必吃！最後再叫左木瓜沙律，很新鮮的感覺，加上紅蘿蔔絲和花生碎，多重口感的滋味。店內的擺設細心，店員服務友善，銅鑼灣必吃的泰國餐廳。

一到夏天完全就係食泰國嘢嘅季節～🤣🤣 一入去就發現有個火車頭既裝飾 入到去都見到好多火車既飾品 幾特別～1002 牛肉沙嗲串燒 $24牛肉幾易咬開 唔錯1004 雞腎沙嗲串燒 $24雞翼好爽脆1005 雞軟骨沙嗲串燒 $24雞軟骨水準普通，好似平時串燒店食個隻 有小小軟骨亦有小小肥膏1006 雞脾菇沙嗲串燒 $24雞脾菇好多汁亦好爽口。好味！2902 泰式馬拉盞炒椰菜苗 $92佢嘅馬拉盞汁落得比較多，所以食得辣嘅你會覺得好惹味唔食得辣嘅朋友可能要注意下。 3014 泰式豬手飯 $88豬手好淋，佢有配泰式辣汁，令到豬手食落無咁肥膩🥰。我都有用泰式辣汁點串燒都好夾。4005 榴槤沙冰 $50真係好大陣榴槤味 好香😌而且仲要有小小榴槤肉。4017 泰式龍眼冰 $33有啲冬瓜茶既味道，都幾好味 有好多龍眼肉！

九龍城小曼谷一直都係我心儀泰菜餐廳之選，朋友聚舊相約於銅鑼灣，世貿隔離棟大廈竟然地庫有小曼谷分店，今晚有幸發現真有口福。餐廳環境唔錯，裝潢別出心裁，座位寬敞，食得自在坐得舒適。餐牌美食選擇多，花多眼亂選菜需時，限時個半鐘有點緊迫，因為太好味要慢慢歎嘛。美食水準味道價錢都OK，小曼谷三字真係無令人失望，屬穩膽泰菜餐廳。泰式鮮蝦柚子沙律 $108蝦肉新鮮爽口，柚子清新味美加埋花生碎香口惹味，甜酸辣鹹皆有味道豐富，味蕾激活了~泰式拼盤(小) $156包羅四款小食，蝦餅炸得金黃爽口彈牙有蝦味好嚼口。魚餅鬆軟好香檸檬葉味好味。春卷大件饀料有椰菜甘荀粉絲口感爽脆。雞棗香口可慢慢細味。泰皇咖哩炒大蜆 $168大蜆唔少有10隻，蜆肉肥大好啜，咖哩汁美味不容置疑，個汁唔辣好香濃有椰香，甜甜地超美味，要搵D野索汁食埋。泰式原味烤酥餅(2塊) $45烤酥餅酥皮薄薄有幾層，咬落唔油膩少少淋唔會食到碎晒，原味就咁食已經好香口好好味。加埋先前炒大蜆的咖哩汁，完美配搭食到舔舔脷。

#小曼谷泰國美食站 (銅鑼灣)去唔到曼谷咁唯有去住小曼谷治治我的胃。平時食開九龍城果間，估唔到銅鑼灣都開左分店。#泰式奶茶 $33 #椰青$43泰國奶茶重點就係重口味。茶味香濃，奶味重。但一般來講都係非常甜，但小曼谷應該迎合左香港人嘅口味，做到唔甜，呢點非常好。椰青大個，超級清甜，又多水，食完之後椰子肉仲可以好輕鬆咁括黎食，係嫩椰子。#明爐香檸汁蒸芋頭 $228魚係中等size。大量蒜粒同碎辣椒舖左係魚身。湯底偏酸，小小辣，好正。但建議盡快夾走檸檬，如果唔係湯底會變苦。#泰式醃粉絲海鮮沙律 $82天氣咁熱食呢個就最啱。海鮮好新鮮爽口，有魷魚帶子蝦，完全係泰國風味。#香葉辣椒雞肉炒河 $88有鑊氣，河粉有彈性，唔會炒到碎濕濕。好夠辣，如果唔小心食咗辣椒成個口就充滿麻辣嘅味道。#青咖喱牛腩 $98一直食開小曼谷咖喱都整得唔錯。牛腩都係幾多件，帶少少甜嘅咖喱真係好好食。#蒜蓉包 $45上枱超級熱辣辣，又大塊蒜蓉又多。好脆，特登叫黎配青咖喱。

今日同朋友去小曼谷食泰國菜， 我用openrice訂位真係好方便。入到黎都估唔到咁多客人食飯。環境好有泰國feel, 泰式裝潢同擺設。我地3個人叫左好多野食， 第1道係pad thai, 配上青檸同花生碎， 每一碟送基本上都有紅白花做裝飾， 賣相好靚。 味道方面都唔錯， 如果可以重味少少就仲好。再上就係馬拉盞通菜，唔太咸味道同份量都適中。我地叫左雞，牛同冬菇串燒，燒得唔乾仲有肉汁。明爐青檸烏頭就冇咩青檸味， 可能我地太快食， 條魚唔太入味。燒菠蘿好正， 好甜又多汁最後叫左2個甜品芒果糯米飯同椰汁糕， 2個上枱都仲熱熱地。 好好食，個芒果係好甜。值得1讚係我地1黎到就上左3杯暖水， 而且d 侍應服務同態度好好，餐飯experience 係開心

今日食泰菜，呢度啲野食好高質，每一樣野你都會話好味😝串燒幾抵食，廿幾蚊串，我地食左1.牛肉肉質好，味道香濃，幾juicy 2.雞軟骨口感good! 3.雞全翼燒雞翼真係好好食😋啖啖肉，皮脆肉嫩，好惹味！推薦！串燒配左沙嗲醬 ，唔點醬其實都已經夠曬好食！青咖喱豬頸肉 椰汁味香濃嘅青咖喱，配菜豐富，中意茄子，豬勁肉份量好多，好腍嫩，美味可口😝泰式原味薄餅 點咖喱食一流！個薄餅即叫即整，脆卜卜，唔會太油膩，做得好！😋😋泰式馬拉盞炒芥蘭勁快KO成碟，好夠鑊氣，d芥蘭好新鮮，炒得好入味，而又保持到佢嘅爽脆！😋椰青 全世界最好飲嘅野飲，冰涼清甜😚泰式冰奶茶唔算勁甜，我愛泰茶😜呢餐食得好滿足，我會set佢做常去餐廳list，推薦推薦推薦

最近經常黎銅鑼灣覓食 講小曼谷大家都會諗起九龍城 但原來銅鑼灣都有間！價錢又唔貴喎 就坐低食喇先上酸辣鳳爪 椰子雞湯同生蝦 生菜包酸辣味小妹最愛 所以頭兩樣都係飛佛！椰子雞湯仲有火熱住 好貼心 熱辣辣飲更加加分！🥰🥰🥰🤤重點推介鮮芒蟹肉炒飯 呢個炒飯之前係另一間泰國野食過 覺得麻麻 而且芒果加蟹肉硬係覺得怪怪地 出乎意料呢度既好好味 係今次最推介既 材料味道好夾 炒飯亦炒得好好另外叫左薄餅蒜蓉包 薄餅係酥皮 好脆！而蒜蓉包味道比較特別 但亦係好味既特別🤣最後朋友想食肉叫左幾串串燒 串燒亦係好出色！新鮮燒熱辣辣 分別叫左牛 雞腎 同牛舌 最推介牛 夠入味稔身仲要熱辣辣 正！🤤

同朋友行完街係銅鑼灣搵野，見到一間裝修好有特色嘅餐廳，門口有架火車，好岩打卡。我地叫左幾個餸，仲可以以優惠價98蚊加個泰式煲仔翅，個煲仔翅真係好抵食，一鍋兩個人分量，真係有翅嫁，仲有雞絲同蟹肉等等，加上泰式嘅配料，同一般嘅煲仔翅完全唔同。佢哋嘅野食真係好有份量，小曼谷炒飯超級大份，有豬頸肉、蟹柳、扎肉同大蝦，兩個人真係食唔曬。佢哋嘅串燒係即叫即燒，唔會燒到乾晒，啖啖都有肉汁，再加上佢地自制嘅沙嗲醬。

銅鑼灣535呢度原來都有唔少新嘅餐廳開咗。仲見到有小曼谷餐廳。夜晚去門口已經有少量人等緊位，餐廳坐滿左，不過好快就已經可以安排入座。好肚餓即刻叫嘢食先！叫咗個炸蝦餅，炸蝦餅一份有六件，都幾大件，蝦餅幾彈牙！好邪惡！另外叫咗泰式海鮮炒米粉。呢個炒米粉好有泰式風味。米粉份量都多，海鮮分別有蝦、帶子、魷魚、菜等等，配料都非常豐富。另外要試吓呢度嘅海南雞，海南雞賣相幾金黃，好似好入味咁。點埋個泰式醬酸酸地幾開胃，海南雞配油飯好正。

呢間小曼谷泰菜一向口碑唔錯，銅鑼灣都有分店。餐廳門口擺放着一架火車，幾吸睛👀打開餐牌真係好多嘢都好想食。首先叫咗生蝦刺身，食泰菜我一定會叫生蝦刺身。夠大隻、爽口。一碟有六隻，賣相唔錯，點埋個醬汁簡直係Perfect！另外在叫咗個透心涼椰青，椰青超甜。入邊啲肉又夠嫩滑，可以食埋啲椰肉。呢個天氣飲真係好爽！蝦餅炸得金黃，蝦肉爽口彈牙，蝦餅夠香脆。蝦餅大大塊，夠厚肉好食！另外在叫咗半隻海南雞。海南雞幾香，半隻原來份量都幾多，雞肉唔老，都幾好食。

同朋友去到小曼谷泰國美食站晚餐，他們的裝潢以火車為主題，坐位舒適，沒估到平日都這麼多食客，都全場滿座，還有人在門口等位，入座後先揀串燒，司華力腸及雞全翼沙爹串燒主菜海南雞飯 - 雞肉嫩、香油飯香且有咬口泰式乾炒豬肉片河 - 河粉炒得不會痴埋一舊舊，味道香濃又不會喊，好惹味青咖哩豬頸肉 - 青咖哩 煲內由好多料，不論配菜還是豬頸肉都吾少，汁帶點辣，汁味豐富且惹味加配泰式原味烤薄餅 -薄餅鬆脆，點埋青咖哩汁，好好的配搭

銅鑼灣食泰國野 簡簡單單就腳一定揀小曼谷有傳統泰國食物之外 仲有海鮮串燒餐廳很窩心，入店會給你信封袋口罩裝修用心，而且有新潮感咸牛舌$38 雞全翼 $28牛舌厚切，用鹽同胡椒醃，外層爽脆，內裡嫩滑，啖啖肉。雞全翼皮脆，雞肉juicy髀位一點都唔鞋，肉汁多。風味燒豬頸肉 $118薄切，而且分量多，蘸汁相當滋味，酸酸辣辣。泰式馬拉盞炒通菜$89咸香味十足，通菜翠綠，很新鮮，吃下去索索聲！而且辣味適中，食極唔停。泰式原味烤酥餅 $45不油膩，每層薄而且脆，食多塊都冇問題！藍妹$29玻璃杯是預先雪凍，老公甚為欣賞。

小曼谷泰國美食站📍.銅鑼灣美食眾多近日E.L就試左一間係銅鑼灣既泰國菜🇹🇭餐廳裝修幾靚 門口仲有一個大火車頭🚂絕對係打卡位📸.同朋友兩個叫左個🌶冬蔭公湯（$138）鐵板豬頸肉椰菜苗🥬（$102）同泰式鮮蝦粉金邊粉🦐（$98）冬蔭公湯偏淡 唔會辣 岩返啲唔鐘意太濃味既朋友🔥勝在都多料而且用料新鮮彈牙 拉返啲分椰菜苗都算香甜 金邊粉炒得乾身 表現正常.總括黎講 菜色賣相精緻📷味道都幾平均 但只係合理唔算太突出性價比唔算太高💰如果要食好味又平既泰國菜都係去返九龍城食啦.人均消費：$204美味指數：😋😋😋😋😋😋😋 （7/10）抵食指數：💰💰💰💰💰💰💰 （7/10）打卡指數：📷📷📷📷📷📷📷（7/10）.店名：小曼谷泰國美食站 (銅鑼灣)銅鑼灣謝斐道535號Tower 535地庫B02舖.#foodies #hkfoodies #food #foodie #foodies #hkfoodblogger #hkfoodieblogger #hkfoodblog #hkfoodies #hkfood #foodlover #causewaybay #thaifood #相機食先 #打卡熱點#香港美食推

疫情終於都叫做好返D~~~可以同好友食DINNER!!今次黎到大家都近既銅鑼灣食泰國菜~先點左個蝦金邊粉，份量都幾多，乾身好食，酸酸甜甜味道好開胃，蝦啖啖肉, 食落彈牙又爽口！咸魚炒芥蘭，咸魚味唔會過濃, 食落健康爽脆，食完一條又一條～牛肉濕河, 呢個正!! 好多牛肉, 而且濕河份量都幾多, 又唔會油膩, 牛肉又夠嫩，唔錯!!另外呢個有得加$98, 食埋個泰式煲仔翅~來到熱辣辣，仲比左好多配料，材料豐富，入面真係有翅，真材實料，正！

今日係港島區收工去附近搵食，想食泰國野所以上openrice搵有咩泰國餐廳好食，見到呢間小曼谷泰國美食站d裝修好有趣，所以去一試究竟！一去到門口就見到一大架火車頭，入到去連d燈飾，牆身既擺設都充滿火車元素，相當有心思。仲有個mini stage for live band，可惜今晚冇表演嘉賓sosad！好，講返d野食先！我地唔係好餓所以只係叫左2個main，1個菜同1個沙律。泰式木瓜絲沙律：正宗泰式味道，夠辣又夠酸，木瓜好爽脆超開胃！泰式馬拉盞炒椰菜：口味偏重，but who cares？最緊要好味！份量亦好多！香葉辣椒豬肉碎炒飯：粒粒飯都炒到好分明，顏色靚味道更正，不過怕辣的要小心，因為都幾辣。泰式鮮蝦炒金邊粉：出色的金邊粉，大蝦好新鮮，一食就知唔係急凍蝦，不過如果有多d花生碎就perfect！最後埋單只係每人2舊水，但已經食到好飽，因為份量都幾大，味道又好食，座位又好坐，must encore！