小曼谷泰國美食站

營業中

休息中

以前銅鑼灣搵食會去金百利，近年會去Tower 535！Tower 535係比較新式既寫字樓商廈，下層亦有唔少美饌食府。今次要黎到Tower 535地庫搵食，地段方便就腳！👍🏻✨相信「小曼谷」依個名香港人一定唔會陌生，我亦唔例外。讀書時已經常落九龍城幫襯，餐廳食物質素一向有保証。😎近年小曼谷越開越多分店，而加係銅鑼灣都可以享受飛左泰國食夜巿既感覺！✈️＊－。－。－。－。－。－。－。－。－－。－＊銅鑼灣分店裝潢特別，以火車做主題。🚂🚂於門口位置有一架好大既火車頭，方便打卡。📸入面座位設計有如置身於火車卡入面，較高位置放滿行李箱🧳，充滿旅行感。岩哂無得去旅行既大家解下思鄉之愁。🥰餐廳較入位置有Mini Bangkok Live Music區🎼🎸，好彩既話仲會遇到駐場歌手彈唱🎤，可惜當晚並沒有。不過全晚都播住泰文既流行曲，有Feel得黎又幾好聽。☺️＊－。－。－。－。－。－。－。－。－－。－＊食物質素保持水準！無令我失望。每一樣野食都用心製作，令客人回味無窮！😋😋😋‼️🔘冬蔭公湯(S) $138基本上係必點項目！✔️✔️分2款SIZE，一大一細。細份剛好適合2-3人用。味道偏酸辣，帶少少刺激感，十分開胃

疫情真係沒完沒了，掛住泰國唯有黎小曼谷泰國美食站食返餐泰美食一解思鄉之情。🥲餐廳裝修好特別，門面有一個黑色火車頭，入到餐廳更像身處火車入邊咁。泰式乾炒海鮮米粉 $93擺盤好靚，入口啖啖海鮮，而且配菜都好多，紅蘿蔔雞蛋蔬菜等。米粉火候把控得剛好，極具泰國風味，真心好食😋。小曼谷原隻芒果糯米飯 $88係泰國食過芒果糯米飯後便一試難忘，終於係香港再次食到啦。芒果糯米飯以正宗泰國糯米烹調，再配上甜到漏既椰漿一齊食，真係好誘人好吸引😍😍😍。糯米飯記得趁熱食先好食呀！！！椰皇冰沙 $37椰皇冰沙係用椰子打碎做成既冰沙，咬落仲有粒粒椰子。珍多冰 $41有綠色嘅綠豆粉條、椰糖同冰碎，好似食緊甜品咁。🙈🙈

之前都有聽朋友講小曼谷食泰國菜幾唔錯，今次終於親自黎食。可能早入座既關係，唔洗點排隊就入得去啦。叫左個泰式海鮮炒飯，個飯好大個，而且係粒粒分明! 入面有蝦，魷魚同埋帶子，好足料。之後叫左個馬拉盞炒通菜，都係超大碟，仲好香 ! 好惹味又唔太過咸。另外，叫左2串串燒黎試下，分別係雞軟骨同埋豬肉沙嗲串燒。個沙嗲醬就最驚喜，都幾濃郁。豬肉串燒好易燒到好UN ，但呢到竟然冇。食泰菜都一定會留肚食甜品，就係芒果糯米飯，芒果好甜，飯量好多，椰漿淋落熱辣辣既飯，好滿足呀。野飲就叫左椰青，好清甜又多果肉。朋友就試左新出既椰青波波。拆左成個椰子肉，方便食用，夏天飲真係會透心涼。

呢間餐廳係銅鑼灣，放工同朋友想去食泰國野，就決定去呢間，小曼谷有唔少分店，所以都有信心。佢係用火車做主題，有唔少打卡位，除左一入店既大火車好醒目，仲有唔少detail位，包括入面燈飾，甚至裝飾品都有火車，好似置身泰國火車market咁。二人套餐$288泰脆炸豬手德國炸豬手就食得多，泰式就未試過。首先佢份量超大，賣相都好吸引。除左豬手，仲有醃蘿蔔乾同蝦片小食。佢既蝦片有驚喜，好香口之餘食到淡淡蝦味。而主角炸豬手好脆口，但火喉剛好，唔會太乾身或太油膩，咬到少少肉，肥瘦相間，唔怕熱氣可以一試。小曼谷海南雞半隻雖然係半隻，但都夠2-3人食，大大碟。雞肉好滑，淡淡雞油香味。配埋特製泰式辣醬，多一種酸辣味道，不過我覺得就咁食都已經好好味，反而更食到原汁原味，$288呢個套餐好抵食。冬蔭公湯（原隻虎蝦）$138大大隻虎蝦好吸睛，而且味道酸辣好開胃，唔會over，佢仲有d菇同少少雜菜，多d層次，用黎撈飯，變左冬蔭公湯飯，夏天食一流。

呢間店每位店員都超有禮貌，上菜速度超快，餸菜擺盤靚，岩哂相機食先嘅你。🍤泰式炸蝦餅（小）好味指數：👍🏻👍🏻👍🏻👍🏻👍🏻好彈牙，蝦味濃郁。配上泰式甜酸醬，好惹味。小編大推。🍝泰式鮮蝦炒金邊粉好味指數：👍🏻👍🏻👍🏻👍🏻調味比較酸，有櫻花蝦，增添香氣。大蝦入味，而且新鮮彈牙。麵條之間有好多芽菜，增加爽脆口感。🥬泰式馬拉盞炒通菜好味指數：👍🏻👍🏻👍🏻👍🏻馬拉盞醬料味道好出。唔辣，通菜新鮮。🍮泰式千層糕好味指數：👍🏻👍🏻👍🏻👍🏻好香濃嘅椰汁味。唔會痴牙。而且$49就有6件，超抵食。🍹龍眼冰好味指數：👍🏻👍🏻👍🏻👍🏻造型特別，有好多龍眼粒。🥥椰青好味指數：👍🏻👍🏻👍🏻👍🏻👍🏻超鮮甜，凍冰冰，配住濃味嘅食物，非常解油膩。🪑環境適合1-4人入座。雖然唔係好大間鋪位，但都設置左好多卡位，坐得舒適。以下係餐牌俾大家參考一下：

我真係好掛住泰國啊點算好？唯有嚟到銅鑼灣搵呢間勁有泰國feel嘅餐廳止吓渴先啦！餐廳門口擺住一個好大嘅火車頭，仲有一啲指示牌，裝修好有泰國夜市feel！原來呢度之前仲會有live Band表演，勁似啲泰國夜市咁！🦴沙爹串燒 $24@叫咗豬雞牛各一串，上枱嘅時候熱辣辣，雞肉好滑唔鞋口，牛亦都唔會燒得過熟，豬亦都有少少肥，唔韌！點埋沙嗲醬仲正呀！🥩豬肉碎生菜包 $92我想食咗生菜包好耐啦，呢度整得好有泰國風味，辣辣地夠晒惹味，連我呢啲唔食得辣嘅都食到！🥩泰式鐵板蠔餅 $138一上枱簡直係嘩一聲！冇諗過係咁大碟，仲要係熱辣辣香噴噴！勁多蠔，每隻蠔都大大粒脹卜卜，一啲腥味都冇，洗得好乾淨！仲要係煎得勁惹味😋真係好驚喜！🦑菠蘿雞肉炒飯 $88好多菠蘿，炒飯亦都好香，粒粒分明，但係如果可以原個菠蘿上就滿分喇！感覺上食菠蘿炒飯要見到個菠蘿先至滿足😅🐚小曼谷原隻芒果糯米飯 $88食泰國嘢點會少得芒果糯米飯呢？糯米飯熱辣辣，芒果亦都好鮮甜，配搭埋好香嘅椰漿，為呢餐飯畫上完滿嘅句號。當晚真係好滿足！因為兩個人實在叫咗太多餸太飽，無辦法再加多一樣野落個肚度。佢哋有一個叫做椰青波波，係將成個椰青肉整晒出嚟，等

喺亞洲美食當中 泰菜係我最愛之一因為夠惹味又有辣味跟住喺謝斐道535見到有一間火車頭裝飾嘅泰國菜整間店都係好似係置身火車中仲要係良心店💛今日喺銅鑼灣做完嘢就相約朋友過嚟試吓啦孖寶套餐 $288當中有眾多選擇而我揀咗半隻海南雞及泰脆炸豬手性價比頗高因為份量真係超級大海南雞份量頗多 而且雞肉很滑但如果可以去骨嘅話 就更完美炸豬手真的好多肉 而且非常入味真心食完呢兩個餸都已經幾飽豬肉碎生菜包 $98食泰菜必食之選肉碎唔太辣食唔到辣嘅朋友應該都可以食到泰式馬拉盞炒椰菜苗 $92熱辣辣且分量足夠而且很惹味另外想大讚一下 沙冰做得岀色不會太水 又不會過甜解渴又解膩😋

今晚和家人試吓新嘢，來到銅鑼灣的小曼谷食泰國菜。餐廳無論環境食物質素同服務都一流，值得推介。泰式原味烤薄餅$45用來沾咖喱一流，薄餅烤得好鬆脆，完全唔油泰式蒜茸包$45蒜茸味超香，香脆鬆化，正泰皇咖哩炒羔蟹$499泰皇咖喱炒肉蟹，非常惹味，咖喱味道好濃郁，同蟹融合埋一齊，超入味！ 黃咖喱上面加咗蛋，烘到勁脆嘅蒜蓉包同烤薄餅沾上咖喱一齊食，好夾，超正菠蘿海鮮炒飯$93十分足料，有蝦，魷魚，菠蘿，肉鬆，提子等，食落口香噴噴熱辣辣，好正。泰式燒羊架$128 黑椒汁融入哂係羊架入面，外層燒得微微焦香，鎖住肉汁和水分，口感較Juicy，一d都唔騷。珍多冰$41椰汁香濃，解辣一流，好多粉條，食極都仲有，充滿口感。

一入到餐廳門口就見到大大個火車擺設，好有泰國市集嘅感覺，真係好掛住泰國😩另外入邊有live band表演既位置，但疫情關係暫時無表現~✨鮮菠蘿海鮮炒飯用料十足~有鮮菠蘿、蝦仁、帶子、魷魚，加埋肉鬆提子乾一齊食，非常正宗既泰式風味👍🏻✨黃咖喱雞飯黃咖喱汁唔辣，有椰香，雞件同埋薯仔份量都幾多，汁夠多，撈飯一流🤤✨泰式拼盤 (小)蝦餅魚餅春卷雞棗每款有兩件，好抵食，應該夠三人以上share食🙈蝦餅鮮甜彈牙、魚餅有好香嘅檸檬葉味、春卷係包粉絲嘅、雞棗就炸到脆卜卜幾好食😚✨泰式冰奶茶、泰式龍眼冰偽泰國之旅點少得兩杯泰式飲品，兩杯嘢都唔錯，最重要嘅係飲到泰國嘅風味😭

疫情下無得去泰國，唯有食下泰國野頂一頂癮！餐廳的裝修都係以火車車卡為主，一到餐廳已經比大大的火車頭吸引住，好似比人一種坐係火車上去旅行食野的感覺。餐廳亦播住泰國歌，好有泰國風情！食物方面同普通泰國餐廳差唔多，勝在款式多！冬陰公湯冬陰公湯酸酸辣辣好開胃，香茅味好夠，湯入面有大大隻大頭蝦同秀珍菇，蝦肉夠結實彈牙，秀珍菇同湯超夾！豬肉碎生菜包超新鮮的生菜，份量超足夠的豬肉碎，充滿住濃濃紅蔥頭的味道，酸辣的口感完全刺激食慾！泰式原味烤薄餅薄餅好鬆脆軟熟，牛油味好重，平時食烤薄餅好驚一咬餅碎會整到周圍係但呢個唔會，味道十分好，好有驚喜！明爐香檸汁配桂花魚桂花魚都幾大隻鮮甜，配有滿滿的蒜同辣椒碎，湯都係偏向酸辣，細心的係會配埋多一碗湯比你，甘就唔怕會令到湯無哂會食到乾憎憎的魚啦！必點的泰式串燒今次叫左牛柳粒，牛舌，雞肉同粟米。串燒燒得好香口，配上旁邊準備的沙嗲汁，好惹味地道！牛舌同粟米推薦比大家，牛舌燒到好淋，一咬就斷，粟米就好甜好惹味！

泰國火車夜市裝修好特別好靚，有時夜晚仲有駐場泰國歌手表演，邊食邊聽住泰國LIVE Music，真係好chill有呃左自己去左一晚泰國的感覺🇹🇭必食推介一定係：泰式芝士烤薄餅$48💕即烤薄餅配拉絲芝士，無得輸😋我仲點左黃咖喱雞肉$98，點d咖喱汁黎食，將好食的層次更加昇華👅泰式鮮蝦炒金邊粉 $98要知一間泰國菜好唔好食，就要試佢的炒金邊的手勢🤪炒蛋，花生碎，芽菜，香茅加青檸，呢d靈魂伴侶都齊曬，自然色香味俱全，好食😋埋單計返每人都係2百左右，銅鑼灣黎講，好食又好坐，性價比相當高👍

去到3-4月呢D時候, 就係去泰國既節奏, 可惜今天仲未去到旅行, 唯有去食泰國菜...銅鑼灣呢間小曼谷裝修幾特別, 坐低都有D泰國FEEL, 星期5黎相當唔錯!不過入口比較難搵, 要小心~食泰國菜一定要叫泰式拼盤, 貪佢乜都有! 本身以為細SIZE每樣2件會得好少, 點知佢2件都切開1開2, 其實係有4件咁多, 仲幾大件下, 4個人SHARE都夠食! 幾款之中最鐘意蝦餅, 因為好彈牙, 加埋雞醬好正!! 另外春卷都好脆, 入面有D咖哩, 幾惹味!咖哩又係必叫既一樣, 我就試左青咖哩, 好正因為勁多汁, 記得要叫蒜蓉包同薄餅呀!!柚子沙律都唔錯, 酸酸辣辣咁!豬手煲都係推介, 炆得真係好淋, 送飯都好夾!!

放工突然想食泰國菜，上網搵到呢間餐廳，見門口有火車頭，好特別，仲可以打卡！裝修都整具泰國風情，好似置身於火車車廂內面。青咖喱豬頸肉 $98有火鍋配套，青咖喱十分濃郁，有少少辣，特別惹味。豬頸肉份量多，爽口易咬，吸收晒青咖喱既精華，特別好食，必點😋。泰式鮮蝦炒金邊粉 $98份量極多，兩個人食都得，蝦🦐夠新鮮爽口，金邊粉粗幼適中，酸酸甜甜好開胃。泰式芝士烤簿餅 (2塊) $48外表邊皮有D烤焦，香脆。芝士別有用心，用左mozzarella同車打芝士，有拉絲口感及芝士濃郁香味，配上青咖喱，層次同味道都昇華左，極推！雞腎沙嗲串燒 & 雞軟骨沙嗲串燒 $24/each 雞腎同雞軟骨新鮮，爽口，仲有少許燒焦，配上沙嗲醬，特別惹味。頂級牛柳粒沙嗲串燒 $49牛柳粒9成熟，牛味重，不過不失。泰式奶茶 $33中意飲泰式奶茶既朋友必點！甜度適中。

今日同朋友咁啱想食泰國菜，上網search先知原來世貿中心附近有呢一間泰國餐廳，見網上評價都唔錯所以決定黎試一試☺️⛄️🍖風味燒豬頸肉 $118 🍖 (8.5/10) 首先嚟食泰國菜梗係要叫豬頸肉啦😋！食得出佢真係即燒即上，食落仲係熱辣辣，表皮好脆身，肉質淋得黎又唔會太肥，點埋隔離嗰醬一齊食酸酸甜甜好開胃，幾出色😆🥭🍚鮮芒蟹肉炒飯 $98🥭🍚 (8/10)然後主食叫咗呢個炒飯，飯粒炒到一粒一粒好分明，食落唔會太淋身，幾好☺️配料既芒果粒好甜，仲有加左啲肉鬆同青瓜比我哋撈埋食，撈埋一齊既味道豐富左，都幾夾🙆🏼‍♀️🐟泰式燒盲鰽 $178🐟 (9/10)呢條盲鰽真係有驚喜🤩一上菜我哋掀開燒到好脆嘅魚皮，啲魚肉超熱辣辣～啲煙一直飄出嚟。一食落口肉質feel到係軟熟既，同埋唔會腥，廚師應該醃過佢所以本身魚肉嘅咸道都足夠，幾入味，另外配嘅嗰個醬汁係酸酸辣辣嘅，點埋黎食魚肉嘅鮮味更加出，都推薦大家試下🙆🏼‍♀️🙆🏼‍♀️🍢沙嗲串燒 - 豬肉 $24、雞全翼 $28🍢 (8/10)然後都忍唔住叫咗兩串串燒，兩串都係燒到碳燒味幾重，識落好過癮，肉質亦唔會太韌，質素唔錯⛄️🍧榴槤沙冰 $50🍧 (8.5/10)最後嘢

之前食過九龍城嘅小曼谷泰國菜，朋友講我先知道原來銅鑼灣都有分店，所以佢就約咗呢到食飯！呢個地點方便好多，而且價錢都係差唔多，幾抵食🥳呢間分店裝修更加有特色，門口有個火車頭，仲有個live Band嘅位，不過嗰日去到就冇表演😂我哋叫咗幾樣野share，柚子沙律個醬汁酸酸辣辣，柚子分開咗一嚿嚿匙羹咁嘅大細，再配埋啲花生碎脆卜卜好開胃！青咖喱牛腩本身都鍾意食青咖喱多啲，因為個汁香啲，又唔會咁辣，牛腩嘅份量好多入邊仲有一啲其他蔬菜配埋薄餅超好食！豬手煲份量都幾多，而且炆得好琳，又唔會變到一pat pat，個豬皮真係好好味好有膠質！芒果蟹肉炒飯本身諗住一個甜嘅炒飯會好奇怪，點知食落又幾好味，尤其是芒果真係好甜😁