小曼谷泰國美食站

營業中

休息中

舊日學生從澳洲回港，約我食飯，選了這間在Tower 535地庫的曼谷餐廳，門口的火車頭好易認。餐廳座位闊落，有些卡位裝飾成車廂，聚舊談天最好不過。BTS五星蒜香炸雞半隻（$128）炸雞表面好似炸得好深色，但其實不是很燶，反而是醃得很入味，皮脆肉嫩。伴碟有青木瓜沙律和大蝦片，沙律酸酸甜甜好爽口，蝦片有少許腍咗唔夠脆，但用來蘸青咖哩醬卻又好好食。青咖哩豬頸肉（$108）除了豬頸肉，還有泰國圓茄和青豆角，味道少辣帶甜。泰式蒜茸包（$48）非常新鮮香脆，蒜茸又足料，單食和蘸咖哩都得，必食。泰式鹹魚炒芥蘭（$85）芥蘭炒得青綠爽脆，真是有幾塊鹹魚，咸香惹味。只是份量有點少。

晚市時間黎到銅鑼灣Tower 535，基本上全幢都係餐廳，唔同菜式勁多選擇，今次試試係地庫好出名既泰國餐廳！泰式拼盤 (大) $192黎到泰國餐廳又鐘意食炸物既我，必定會叫泰式拼盤，選擇多又多重口感，最鍾意炸蝦餅，蝦肉餡料飽滿，外皮夠曬鬆脆！其他仲有脆春卷、魚餅等等都非常出色！再沾埋泰式辣椒醬更加多一種口感層次！泰式煲仔翅 $98唔洗一百蚊有花膠同翅都算係好抵，熱辣辣都算大煲，最重要真係足料！抵！菠蘿海鮮炒飯 $96黃金色炒飯，新鮮菠蘿同鮮蝦魷魚等海鮮既配搭，味道唔錯，最喜愛佢既肉鬆夠曬甜！整體黎講食物質素都唔錯，味道夠濃，環境都好有特色，用心裝潢，值得一試！

今日同個Fd收工諗唔到食咩就走落銅鑼灣行過圈，點知見到間泰國菜，又咁耐冇去過泰國玩，就心郁郁走入去食。行到熱騰騰一坐低緊係整返杯椰皇沙冰先喇！估唔到都好夠椰皇味，唔似出面餐廳果d淡茂茂。之後緊係再黎多個泰皇咖喱法包軟殼蟹，有成3-4隻蟹，都算幾抵食。食得熱氣野緊係一不黎二，二不黎三，再叫多份大既泰式炸芝士蝦丸同埋鬆脆炸豬皮。雖然我地都係食肉獸都要食返碟菜既，叫左鐵板豬頸肉啫椰菜苗 (馬拉盞)，其實都離開有肉。希望疫情快d完可以再去泰國玩。

🤍小曼谷泰國美食站🖤銅鑼灣謝斐道535號Tower 535地庫B02舖📍本身打算同朋友去銅鑼灣食日本菜，但咁岩間餐廳full左，經過見到小曼谷，之前食過都覺得唔錯再食！職員亦都好快安排到入座，餐廳唔算大，但勝在座位都比較多，方便打工仔收工後聚會的好地方。🥬鐵板豬頸肉通菜(馬拉盞) $102朋友話呢個菜必點，因為佢係用鐵板，上菜時重係熱辣辣，底下有好多豬頸肉，菜既份量都幾多。🦐🍚蝦膏豬肉碎炒飯 $91D飯炒到粒粒分明，而且蝦膏味十分濃郁，但未至於重口味，每啖都充滿肉碎，絕對無偷功減料架！🥘泰皇咖哩炒紐西蘭青口 $158青口份量都好多，每粒都大隻，而且咖哩都充滿住蛋香，配埋個蒜茸包，簡直係絕配，食一打蒜茸包都得啊！！🧄🥖泰式蒜茸包 $48總共有四大塊包，我地四個人岩岩好，個包烘到好脆口，蒜茸好香濃，配合埋個咖哩汁，勁想再ENCORE，不過都要留肚食其他野。🌶🍲冬蔭雞湯 $108濃濃既冬蔭功味，食飯前飲真係認真開胃，酸酸辣辣真係好岩我口味啊！而且入面重有雞，真係好抵食，加上佢係明爐上，就算食完餐飯D湯都重係熱架！🍗小曼谷五星燒雞 $168我地四個人叫左半份燒雞，隻雞燒得好靚，而且口感都好嫩滑

今日口淡淡咁，決定去食泰國菜啦😆門口見到一㗎火車打卡位好吸引，睇吓佢哋食物嘅質素如何先😆首先叫咗個小曼谷炒飯次次去食泰國嘢都淨係識得叫菠蘿炒飯😂原來佢哋嘅小曼谷炒飯就好似我哋平時識到嘅蛋包飯一樣😋唔單止入面仲有好多餸有蝦同埋雞肉係入面🍖材料10分豐富🤤色香味俱全炸豬手炸豬手係佢哋嘅招牌菜，估唔到咁大碟四個人都夠食，旁邊仲有蝦餅同埋醬汁，豬手好香脆，肉質唔會太硬 🫶🏻鐵板豬頸肉通菜每次叫這碟餸都好快俾我哋清晒，因為佢真係炒得好香，鹹香味好重豬頸薄切，好容易入口

裝修真係唔錯，泰國風情☀️☀️泰式蝦炒金邊粉真係驚喜我覺得金邊粉熱辣辣出黎，酸甜適中，加上有新鮮大蝦，味道正好🇲🇳☀️豬肉碎生菜包酸甜很入味，生菜夠新鮮，我覺得份量好多，不過朋友覺得太酸，我自己就好鍾意☀️椰皇沙冰感覺上椰子味道唔算好濃郁，可能因為我要少甜，我覺得可以再更濃郁的椰子香味❤️第一次食☀️泰式鐵板蠔餅！🙈配上 泰式辣椒酱 酸酸甜甜好開胃蛋同蠔仔超級夾，而且脆卜卜✨仲有鐘意的泰式燒海鮮蜆都唔錯～好惹味😆 下次再食過！

又去銅鑼灣食小曼谷泰國菜，貪佢位置隱蔽仲唔係好多人知，唔洗排隊又好味😏煲仔翅，$98突然好懷念泰國嘅煲仔翅，唔係度度都食到，估唔到質素咁高，份量勁足，好好味，仲有泰國嘅芽菜同我最愛嘅芫荽，加埋紅醋，正。燒雞扒，$88第一次食咁大份雞扒，燒得好香，啖啖肉，點埋醬汁，好味呀。馬拉盞椰菜苗，$95佢嘅醬好濃好香，仲有細細粒嘅蝦米，勁好味。榴槤沙冰，$50沙冰都可以要走甜，好驚喜，原汁原味嘅榴槤味，好香。

今日同屋企人黎到銅鑼灣既小曼谷食老豆最愛既泰國菜😍餐廳晚市超多人，好彩我提前幾晚book 定檯餐牌選擇多，小曼谷孖寶小食有多款海鮮可以揀，性價比高因為我地一家人都好鍾意食海鮮，除左要牛油蒜蓉蟶子皇加扇貝，仲額外要多份魷魚，魷魚原隻上碟，賣相吸引，口感新鮮彈牙，鮮味十足蟶子同扇貝都超香牛油味，食落爽滑彈牙，帶子大大粒，又香又好食 主食方面要左金邊粉，有4-5隻鮮蝦，蝦肉爽口彈牙，加上蛋絲、芽菜同花生碎等調味不錯，唔會太重口味同膩，金邊粉都炒得乾身，食落都幾正宗👍🏻

喺銅鑼灣想食泰國嘢，於是走咗上去小曼谷想普普通通食泰國嘢，唔使咁花巧。1. 青咖喱：惹味好香，唔算太辣，我最鍾意食青咖喱係因為佢可以配埋泰國茄子，口感實淨啲，又可以朔晒咖喱嘅味道，配埋個蒜蓉包一流2.蒜蓉包：嚟到好熱，好脆，真係咬落去卜卜聲3.炒金邊：有鑊氣，個金邊粉醬唔會好酸，配料足，我最鍾意食炒金邊，係配埋啲花生粒同埋青檸一齊食，咁先真係好似去咗泰國咁4.炒通菜：鑊氣夠，又唔會太鹹，亦都唔會好油

🔅泰式海鮮乾炒米粉🍝·$96平時食炒粉麵最怕就係太油，食完仲有一大灘油係碟底浪下浪下🥲而泰式乾炒米粉絕對冇呢個問題😎非常乾身！海鮮有，蝦仔🦐、帶子、魷魚🦑，仲有適量蔬菜同炒蛋🤓🔅五星蒜香炸雞半隻🍗·$128呢碟雞真係一次過滿足晒幾個願望😂泰式蝦片可以過下零食口癮🦐酸蘿蔔開胃又可以去炸雞油膩😝炸雞好香脆，咬開內裏keep到肉汁🤓想味道再豐富啲可以點埋泰式酸辣汁😙個人覺得蒜味可以再重啲，重到口臭就最岩😚🔅極上小牛排沙律🥗·$138牛小排簡左五成熟🐮，岩岩好，牛味好足👀辣度可以簡大中小辣🌶生菜好fresh🥬食肉獸最愛😎🔅椰青波波·$55原來係去咗皮嘅椰青🤪椰子水超級清甜🤓想食椰肉唔使自己刮下刮下😝而家直接大大啖食😜

同朋友都好鍾意食辣嘢，平時食開川菜多，今次就去試吓泰國菜🥳 小曼谷之前喺九龍城食過，今日就收工係銅鑼灣嗰間食😆 次次去餐廳坐低第一樣一定係睇甜品先😂♥ 香辣辣椒豬肉碎燴飯 $91冇辣不歡嘅我哋，連主食都揀咗香辣辣椒豬肉碎，燴飯配左太陽蛋蛋汁可以撈飯食，食落辣辣地好過癮😆♥ 風味燒豬頸肉 $128點少得燒豬頸肉呢！ 火爐控制岩岩好，燒到外皮微脆，加上泰式辣汁夠哂風味😋♥ 泰式馬拉盞炒椰菜苗 $85椰菜苗平時煮飯好少會整，馬拉盞炒帶微辣夠晒惹味♥ 小曼谷原隻芒果糯米飯🥭 $88食泰國嘢甜品最鍾意嗌芒果糯米飯，原隻芒果大大舊仲好甜，仲配上心型嘅糯米飯認真夠心思！ 點埋椰汁成就最夾♡ 食泰菜自然就要食辣！每款碟頭都幾大碟，份量好足料🥰

今日突然間好想食泰國嘢🥹但係九龍城又好鬼死遠🫣點算好呢🫡朋友話小曼谷原來銅鑼灣都有分店嘅我已經係佢哋九龍城嘅捧場客嚟㗎啦今晚試吓佢哋銅鑼灣分店嘅食物質素好唔好啦先來一碟蒜香炸雞半隻這個菜式調味料也是比較的豐富，吃起來的味道感覺會更加的豐富，層次感會很強。皮脆肉嫩 推介大家！飲品方面試吓榴槤沙冰先本身以為飲落去會好重冰嘅感覺但係佢哋嘅沙冰做得好柔細,好似食緊雪糕咁,唔會太甜，好香 ！值得一試wo👍🏻

在家工作真係好悶，所以耐唔耐都會返下公司見下同事，又可以約下朋友食飯~最近去左CWB小曼谷~ 地點好方便，就係TOWER 535地庫~先點咗個孖寶，好抵食，$298就可以自由選擇❤ 我哋揀咗牛油蒜蓉蟶子，半隻海南雞😆🌟牛油蒜蓉蟶子🌟 蟶子食落爽滑彈牙，超香牛油蒜蓉味，感覺好邪惡~~🌟小曼谷海南雞🌟 半隻海南雞既份量都幾多，食落雞肉好嫩滑~ 唯一美中不足係冇去到骨～如果去埋骨就PERFECT！！🌟乾炒豬肉河🌟 豬肉份量多，河粉炒得好香，而且好有鑊氣，每人仲可以食到兩大碗! Overall 都幾抵食，而且地點非常方便，會再嚟食！#銅鑼灣美食 #銅鑼灣 #hk #hkfoodie #hkfood #hkfoodblog #foodies #foodstagram #foodiger #foodgasm #foodlovers #foodblogger #hkstyle #foodpost #food #foodiehk #foodiegram #foodielife #hkiger

*此餐廳收取加一服務費。半隻海南雞（單點$148），份量多，雞皮口感爽脆，肉質嫩滑，雞味濃厚，食落啖啖肉，配以泰式酸辣汁食用，食落好惹味。鮮菠蘿海鮮炒飯（單點$96），好足料，魷魚口感彈牙，味道鮮甜，菠蘿食落好Juicy，味道香甜，配料包括有粟米、青瓜、青豆、雞蛋、葡萄乾、肉鬆、椰菜，炒飯食落好乾身、有鑊氣。泰式飛天炒通菜（單點$92），加入蒜蓉、辣椒、麵豉醬去炒製，通菜好新鮮，食落好香口，味道正宗。

這間店舖一向很多人排隊，好彩我們有預約，否則要等很久。這次與朋友點了蒸鱸魚， 飛天炒通菜，串燒，冬陰功湯。 全部味道都很地道，性價比極高，平均每人約一百左右～下次會再回來食～