小時光 (已結業)

記得對上一次黎既時候係剛開業事隔幾年，今日經過觀塘，都想再黎食番當年既味道-星期六既下午時段，都有8成滿座我就叫左個滷肉便當，有埋滷水海帶、蛋、雞翼、蘿蔔、豬耳同豆干就咁睇都覺得好豐富 食落都好入味好開心香港都食到滷水海帶-朋友就食麻醬乾麵，相比之下好似單調左少少，味道普通-跟餐唔包飲品，要額外叫-飲到底會見到杯底有長頸鹿，好可愛-呢個小綠蝌蚪包極度唔建議，預左等得耐，但估唔到出到黎$25係買一個細細既包仔，個樣唔知點解深色左一達，食落入面綠豆蓉，無特別呢餐飯之中既敗筆-不過同朋友黎傾下計，食下野咁過一個下午都唔錯

係附近放工search OpenRice 搵到呢間，位置唔好搵，因為放工時間工廈有啲門closed左，轉左幾圈先搵到。兩個人叫左兩個餐，當然唔少得牛肉麵同椒鹽雞扒面，都幾有台灣風味，價錢合理，可再黎👍🏻

數年前同朋友去過一次覺得餐廳裝飾好有特別、好懷舊同埋環境唔錯～ 個陣既食物質素亦都滿意 今次決定再去食返 但係今次既食物無以前咁好 我地點左一個花雕雞酒涼麵 個雞既味道尚可 不過酒味唔夠濃 但係個麵就好糊 另外個鹽酥雞便當就唔錯 不過有點太辣 但炸得不錯 唔會太油都幾juicy 相反個炸物拼盤唔知點解件件炸物都外熱內凍 特色來？不過樣樣試左一半 廢是再問店員原因了 總括黎講 都係以前既好食啲！不過環境依舊舒服 可以慢慢Hea住食 仲有美祿恐龍真係好好飲～

2年前同朋友去過一次覺得餐廳裝飾好有特別、好懷舊同埋環境唔錯～ 個陣既食物質素亦都滿意今次決定再去食返 但係今次既食物無以前咁好 我地點左一個花雕雞酒涼麵 個雞既味道尚可 不過酒味唔夠濃 但係個麵就好糊另外個鹽酥雞便當就唔錯 不過有點太辣 但炸得不錯 唔會太油都幾juicy相反個炸物拼盤唔知點解件件炸物都外熱內凍 特色來？不過樣樣試左一半 廢是再問店員原因了 總括黎講 都係以前既好食啲！不過環境依舊舒服 可以慢慢Hea住食 有美祿恐龍真係好好飲

晚上同朋友試呢間小時光，入到去發現環境幾特別，有台灣既風味。但入到去要自己去出面拎水自己倒，服務就無乜. 點左個雞鹽酥味道有點鹹但仍可以接受。整體而言這間餐廳是吃環境的

小時光係一間台灣食店，入到去裝修到好似一間學校咁，周圍都放滿咗書(漫畫)，還有好多懷舊嘅物品，如電視、梳化、枱櫈… 全部都好似學校咁~ 食店設計有兩層，而我哋就被安排咗喺樓上嗰層，上層嘅光線較為充足，裝修亦都係學校嘅設計，樓梯旁邊仲有一啲台灣物品出售。點餐方面係要到樓下嗰層去買票，等到號碼機響先去取餐，點餐位置擺放咗好多長頸鹿好得意~小編叫咗台式養生藥膳排骨飯及蜂蜜綠茶，食物方面都好有台灣同埋學堂嘅風味，個餐除咗有餐前小食，仲有生果㖭~ 而是日嘅生果就係黃皮。蜂蜜綠茶都好特別，用實驗室個樽嚟裝茶，而珍珠係蜜糖嚟嘅，亦都係用實驗室嘅 杯嚟裝，感覺好似返學上化學堂咁。養生藥膳排骨飯排骨好難咬，可能同埋藥善湯一齊煮得較耐，湯嘅味道唔錯，好有藥材嘅味道。其他同事都覺得呢到裝修好特別，同埋食物幾好味~

星期日 處處都多人 想搵一個地方慢慢傾計食野走上去小時光休息食野 回憶當年上學時期地方真的好似學校一樣枱和櫈仔都是返學的木製品 打卡的好地方食品方面三杯雞 加一杯珍珠奶茶三杯雞超好食 又微辣 又夠熱 前菜蘿蔔絲好正 值得一試我地仲叫了一個麻醬麵 但朋友太快手一來就撈混了無影相味道食落都不錯 但無咩肉之後我還叫了兩個小食超司薯條和炸雞塊兩樣都一般還有點凍我真係未試過凍炸雞太了不起了 之前食都唔係咁的最失望係薯條大家有樣睇 只有一埋醬 見到都唔想食但都要$30蚊其實埋單都唔平 但食環境同回憶食物真的好一般

因為工作關係，要到觀塘上TRAINING，放工之後同同事去左附近搵好野食，「小時光」呢間野一早就已經有聽過，今次難得咁順路一於去試下。我地去到大概係六點左右，人唔係好多，基本上唔使點等就可以入得去。呢間餐廳用學校黎做主題，有好多好趣緻既擺設，同朋友係度影左好多相「打打卡」。香酥雞便當($58)食台灣野，我自己好鍾意食香酥雞，呢個香酥雞炸得脆卜卜，唔會太厚粉，雞肉嫩滑，唔錯唔錯。鳳梨梳打($35)鳳梨梳打味道都唔差，不過份量較少。最得意係呢度既筷子另一端係顏色筆筆頭，好配合到呢度既校園主題。自己覺得呢度既環境真係好靚好適合打卡，好岩同朋友GATHERING。雖然好多餐廳都會淨係食裝修，但呢度既食物會有一定水準，價錢又合理唔貴，值得一讚！

係早幾年，我個friend已經帶過我黎食小時光。個陣第一次黎，覺得呢到好靚，啲deco都好懷舊好得意。小時光都係我同男朋友第一次拍拖食野既地方🤣，雖然黎左好多次，但感覺小時光既質素都無咩點變。因為黎過太多次，所以都無專登周圍影佢地既環境🤣。小時光係自助既形式，拎左menu睇要食咩，之後自己去收銀比錢。比完錢就有個牌仔，餐齊牌仔就會震動，就可以去拎餐。小時光有兩層，不過我覺得下層就方便啲，因為要捧餐上樓梯都幾唔方便。至於佢地餐廳既環境係行懷舊風，有好多古舊既玩具做擺設。貼牆就有一排書櫃，放滿曬漫畫書，可以拎黎睇（不過好多塵😂）。我地仲係牆到搵到無敵鴛鴦鏟既簽名😂！今次我就嗌左台式滷肉便當。呢個便當係配滷肉飯，所以食完一定好飽。但因為我唔太好滷肉啲肥肉，所以就同男朋友交換左個白飯。至於個滷肉拼盤，係有：豬耳、雞翼、滷蛋、海帶、豆乾同蘿蔔。（然後睇番其他人up上黎既menu發現原來仲有牛腱，但牛腱賣曬，所以我估其他配料就比多左少少我掛🤨）。入面最好食既係豬耳，豬耳出面滷到好淋，而入面個軟骨就好爽口。至於菠蘿梳打，因為我次次黎都會點呢個野飲，就算佢偏貴都會甘願比錢嗌😂。佢地既冰底同飲品係分開上

唔係同事帶我去食都唔知觀塘有間咁有特色嘅小店🍽附近返工都可以去試下！入面係好似台灣嘅舊式中小學，木枱木櫈，侍應都係好似著校服咁餐具都好特別，係長頸鹿pattern嘅杯，幾有特色🦒

我係叫外賣食既，一個三杯雞便當一個滷肉便當，兩個都好難食！本身係ig見到有人推薦話正宗台灣野所以先打算試下，無想過會咁難食。首先個三杯雞好hai口，肉質非常硬，麻油香亦一般，唔太感覺到。雖然份量夠多但60蚊呢個價錢買個咁既便當真心好失望，唔明點解會有食評話好好食。唯一覺得比較好的係個白飯，重好過舊雞本身的味道。然後個魯肉便當一打開聞到陣味已經唔想食，完全無滷水香，重有陣好唔夾的怪味。個豆腐同海帶一般，雞翼又係hai到一個點，成兜配菜無樣好食。然後去到個魯肉飯，哇頂，好難食。都唔指意佢同台灣個d一樣咁好食，但難食到咁會唔會過分左d？個陣怪味真係好難頂，完全食唔落。成餐飯比我感覺就係災難。60蚊個飯咁難食，我寧願食頹m記！

食店位於工廠區，星期日較冷清，兜左個大圈先搵到A座入口；但大廈不覺有指示牌，而且有荒廢感，有點像探險般尋到食店。一進食店，空間寬闊，裝修極懷舊有特色，驚喜不已！還有一大堆舊漫畫可供閱覽，很有環保概念。食物款式眾多，賣相精緻，味道不錯😋😋😋推介：水餃、美祿恐龍跟一般工廈餐廳不同，食店內置洗手間，較為乾淨衛生。唯一略嫌不足，是取餐提示儀器聲音有點令人煩厭；人多可能更加感受到；但整體不失為忙裡偷閒懷舊打咭好去處！👍🏻

是日來到觀塘一間工廈覓食，一進入餐廳彷彿回到台灣國小的課室，老師早晨吖！(其實我到餐廳時已是晚上😂) 搭電梯一出來便可見到「小時光」的招牌，再往右邊走到最入面便到達餐廳🍴餐廳裡裡外外都佈滿懷舊的裝飾品，感覺有特別為餐廳打造「校園風格」，有大量漫畫、教學書本、玩具、鋼琴等，再加上穿著校服的年青夥計們，讓我想起幾年前的一部很紅的台灣電影，真是想當年⋯那些年的小時光喔～😝餐廳以自助形式主理，食客需事先找位置，再到收銀處叫食物付款，食物準備好時點餐呼叫器會響。我大約6:00前到餐廳，那時候人不多，伙計們都在吃晚餐，提醒我們於6:00再order美食。我找了個靠牆位置坐，打算慢慢嘆台灣美食和繼續看我的書📖到了大約6:30開始人多，我也沒有再留下因為聲量開始轉大🇹🇼自從兩年前去完台灣旅遊後，一直很想在香港找到正宗的台灣菜。之前在灣仔找到了一家樓上鋪的，由西營盤搬去中環的台灣食店我還未試，今天先在觀塘試試吧🍽😋食物方面我選了R1台式滷肉便當🍱和拿鐵☕️便當用上五花腩，雖然較肥但吃下去並不油也不膩，只是味道較鹹。不知道飯是否用其他米，沒有什麼飯香味和甜，口感一般般。另外我也很喜歡吃不同蔬菜料理、醃菜等，

豬仔去小時光尋找學生時代風光餐廳嘅枱櫈都係以學校為背景找回學生的感覺頗有特色的一間台式食店其實都已經嚟過幾次㗎啦但之前都唔記得咗要寫食評所以都冇影相介紹翻今次㗎啦今次點咗-台式養生藥膳排骨湯飯個湯滿滿藥膳味道感覺好養生豬仔最鍾意對身體好嘅嘢食 所以比滿分-海鮮喇沙湯米粉依款配菜有魷魚青口豆粕眼見友人都食得好滋味不過佢話始終唔及正宗喇沙要來過口癮都ok-黑糖奶茶我地每人都點左一杯黑糖 奶茶甜度適中 個樽嘅設計都好有心思 打卡推薦

第三次光臨 ，因為上次幾好食。今次冷氣依舊不均勻，場地不通風。R1 咸 , 不新鮮 , 牛展un, 配菜菜甫好劣質難食，菜仔還可以，蔔絲不新鮮且醋味不香。鹵肉只是半肥豬肉，沒料炒製，飯無香味，唉⋯失望。R8雞肉表面已硬，是風乾吃嗎？咸檸七也不好飲！杯冰不夠，一倒即溶化哂，沒雪涷的熱七給我幹嘛？難食難飲，不想説了！