小方糖甜品 (龍崗道)

營業中

休息中

成日都想食甜品，呢間嘅椰皇椰汁湯圓燉蛋白，真係冇得輸。 呢個甜品一向都係都係呢間甜品店嘅皇牌產品，我又一向好鍾意食椰王，香濃嘅椰汁加上燉蛋白,湯丸,芋圓都好好食 ，開心甜品，又畀多個甜蜜既宵夜。

食飽飯後點少得甜品呢，呢晚同朋友係九龍城食完飯行左一陣，經過呢個甜品店見到好多人，多人食肯定係好食啦，一於試下啦真係好多人食架，好彩啱啱好有人埋單即刻有位唔使等啫甜品既種類都算多蕃薯糖水比人感覺冇特別，但呢度就加左湯圓同芋圓，完全唔會覺得單調。特別讚一讚係姜味好夠，唔會太甜，天氣凍凍地食返一碗，個身當堂暖晒朋友就試心太軟配兩個雪糕，一上碟見到用朱古力醬畫既布甸狗，畫得好似，感覺呢間舖頭好有誠意心太軟真係好流心架，朱古力味夠晒濃，不過配既兩個雪糕就一般般喇

We decided to have dessert after the Thai dinner nearby. When we were sitting and looking the menu, waiter kept coming few times in one minute and said " If u r ready, let me know". Finally we ordered some other desserts and strawberry icecream. The icecream was normal quality, also with some fresh strawberry, which were sweet and good. Also with some biscuits and the outlook was beautiful.

為何深宵總是餓🍝,走咗咁遠來小方糖🍧🍨🍡🍦,都係為左椰皇湯圓燉蛋白🍳🍹！食左先算，我開動了😍❤💜💛💙💚又甜又軟又香既椰皇蛋白,食完心情很開朗😎

食完晚飯唔滿足，又難得去九龍城，當然食甜品。西式甜品好似間間都已經做到差不多，好似邊間都一樣。所以玩gimmick 嘅相對會多人食同受歡迎。好似小方糖甘，三大舊厚厚拿破倫，大大份，當然係gimmick嘢。一向心知gimmick 未必好，但都好想一試，再試多個皇牌甜品。1. 黃金拿破倫 ($38)- gimmick 嘢就係gimmick ，真係無乜特別，只係特別大。- 芒果汁好多，如果有埋吉士會開心點2. 紅豆牛浮芋圓 ($28)- 有對比下，這甜品比拿破倫好。但只係好少少。- 芋圓好大粒，又夠味- 有段故，話說隔離有女學生又想叫離個甜品，佢同店員說想少紅豆，多芋圓。點知店員說，唔得喎，如果係就就變左芋圓牛乳紅豆，成個名改哂嫁喇。- 但我想講，我果碗得幾粒紅豆，點計先？我真心想食紅豆

平時去開九龍城食晚飯都會幫襯小方糖食飯後甜品。平時堂食都會有既咖啡啫喱加兩球雪芭，今次的外賣只有兩球雪芭（面頭都冇啫喱粒），對於依個失敗的外賣非常失望，唔會再幫襯

認識咗小方糖呢間甜品舖都有三年喇，每次差唔多到飯市佢門口都一定大排長龍，相信唔少朋友都係衝住佢個拿破崙而嚟嘅，咁佢個拿破崙確實係幾特別嘅，餅底焗得酥脆，嗰陣酥脆暫時未喺第二度嘗試過，嗰個芒果汁嘅酸甜度亦都掌握得啱啱好，食完個汁之後啲芒果肉都仲係好鮮甜嘅。

《小方糖》係幾年前朋友帶過我去食之後一試難忘嘅一間甜品舖。幾乎每次去到九龍城，都例必幫襯。不過《小方糖》幾乎晚晚爆滿， 要食好西果然要排下隊。《小方糖》最出色嘅一定非「拿破崙」莫屬。呢度嘅【黃金拿破崙】實在一試難忘。酥皮焗得金香酥脆，一咬下脆卜卜。由於好鬆化，食曬都唔會覺得好膩，加上酸甜嘅芒果汁同埋大大粒嘅鮮芒果，簡直令芒果迷嘅我食到停唔到口。至於【朱古力蜜糖吐司】，就不及黃金拿破崙咁能夠維持水準。還記得第一次食嘅時候印象深刻，吐司被蜜糖包裹，每口都係甜蜜感覺。不過今次食就有少少失望，可能係人多嘅關係，吐司只能輕輕沾到蜜糖，完全冇那種甜蜜感覺，只係似烤麵包粒，一定要溝埋雪糕食，先至冇咁DRY。希望《小方糖》可以keep住佢嘅質素，等一班方糖Fans長食長有啦。

假期最後一日，一定要食餐好嘅舒緩下情緒！嚟到甜品天堂九龍城，點可以唔食埋糖水先走丫，而係芸芸眾多糖水舖當中，我地選中左評語唔錯嘅小方糖由於時間尚早，平時經過都會見到大排長龍嘅小方糖竟然唔使排隊可以直入，Yeah因為正餐食到好飽嘅關係，我同肥肥淨係叫左一個心太軟！小方糖冇最低消費限制，容許我哋兩個人叫一個甜品，抵讚抵讚心太軟係我嘅至愛，我去間間糖水舖都忍唔住嗌一個試吓，小方糖都做反正常糖水舖應有嘅水準，有流心效果，朱古力漿又唔算甜，Yummy Yummy!佢仲有兩款雪糕球口味可以選擇添喎，正丫喂！！！值得一題係佢哋嘅心太軟好有心思，不時出新嘅公仔或者字樣， 每次去都有新鮮感下次一定會再返嚟，試埋其他甜品架，等我丫~~~

甜品好食,但係好普通,沒有什麼特別😅宇治金時個雪糕好有綠茶味， 香芒个個甜品好有芒果味，但係D冰就好快溶, 紅豆牛乳芋園 出嚟嘅製成品，同个图好大分別。整體來說D甜品沒有什麼特別,但係就比其他甜品舖便宜

吃飽飯，加個甜品，最好！原來小方糖是以豆腐花成品。但點了我的至愛「芒果拿玻崙」。三大條，一大碟！影左一陣相，依然模樣不變，脹卜卜，入口鬆。脆。正正正正怎可如此了，加了點點練奶，提升了芒果及醬汁的香味，配心太軟也不俗，但珠玉在前，沒辦法，有點失色

每次響九龍城食完野，都一定要食小方糖埋尾今日烤完肉又走左去食留戀天使食過好多間甜品舖既榴槤甜品，都係得陣榴槤味而無榴槤肉小方糖真係堅持到有果肉又有濃郁既榴槤味，加埋D小丸子同水晶珠一齊食~好幸福香蕉船 - 雪糕口味(曲奇;抹茶;雲尼拿)好鍾意雪糕溝香蕉隊入口既感覺，所以叫左香蕉船同朋友share另外朋友仲叫左綠豆沙，不過評價就麻麻地，話無落臭草，同埋唔夠沙所以都唔特別影相不過話唔好食都食曬唔浪費~跟住埋單番屋企瞓覺

朱古力心太軟 ($40)小方糖應該係我同中同最愛既一間甜品店 每次同中同去開九龍城都一定要食佢😚心太軟甜度適中 但流心唔夠😭但佢個朱古力melody真係好可愛😍 不過下次都係食翻拿破侖算啦😋

食完飯當然要有飯後果，食甜品。芒果樂園係乜都芒果，芒果汁唔甜較欣賞但相普通d，平嘛，雪糕果凍同布丁都不過不失。糖不甩就有黑白芝麻同花生，湯圓好軟，有咬頭點會好食好多

食完飯有點早，行左下九龍城就返返嚟食甜品。芒果樂園以芒果做主題，芒果汁都幾好無太甜，芒果雪糕普通，仲有d果凍同布丁都還好，賣相麻麻。糖不甩就好多芝麻同花生，可惜因為係芝麻湯圓所以比較林，口感無外邊個d咁有咬頭。