小方糖甜品 (龍崗道)

營業中

休息中

飯後與女友路過這裡, 聞說有即撞豆腐花便入內一試。即撞豆腐花很快便到, 木桶上有一計時器, 店員著我們等倒數完5分鐘才吃。雖然不是自己親手撞石膏水, 但倒數期間的5分鐘確實覺得期待。當計時器響起, 女友滿心歡喜打開木蓋, 眼見豆腐花已成型便開始進食。她吃了一口, 見她的神情已覺不妥, 我自己試了一口, 只有一種強烈的味道------燶味!!立即叫了位店員來問, 他回答道"我們的豆漿用鑊煮, 所以有一種焦味"我百思不得其解, 真的會有人覺得"燶味"豆腐花好吃嗎??我們勉強試第二口, 發現"豆腐花"已變了"豆腐碎", 我個人來說豆腐花是吃其嫩滑和豆香味,但眼前這個"即撞"但不是自己撞, "焦香"和"結實"還索價$25的豆腐花有什麼賣處?我自己還點了一個黃金拿破侖, 大大份3件兩吋厚的酥皮加上cream同芒果,因為太大件, 吃時狼狽, 入口像風, 賣相的確一流, 但食物著重的是味道, 有點本末倒置的感覺。我想短時間內都不會再試...

對於甜品愛好者嘅我來說，係九龍城返工，絕對係充滿歡樂。朋友介紹這間小方糖。就去試下先。食左5款都係$109。特別喜歡士多啤梨蜜糖吐司。有我最喜愛的蜜糖星星係面頭。So nice芒果沙冰豆腐花很香豆味。朋友叫的杏仁糊，一放落枱已經聞到好香杏仁味。糖不甩和雷沙湯圓不太甜值得再去。特別一提：隔離枱的拿破倫份量十足，下次要試。

因皇室甜品未開爐，就同朋友試呢間新開業嘅小方糖。點左心太軟同炭燒咖啡雪巴。雪巴先上，食曬後連碟都收埋，等左大半個鐘，隔離檯遲來先上岸嘅人都已經食緊芒果拿破侖。有心理準備知心太軟係要等，但都無理由咁耐，叫伙記催，當我地耳邊風，無回應。無幾耐某某伙記更主動行埋黎叫我地埋單，原因係有其它客人等緊，請留意：心太軟當時仲未到！把火自己行出去cashier 埋單，仲想收我兩個甜品嘅錢，忍無可忍，開口投訴。直接打俾姓郭嘅老細投訴都似乎唔願意聽。話下次補番心太軟俾我地。但我相信勞氣並唔係補一個心太軟就算。Btw 裝修格局，甜品款式，員工態度同金滿堂90%似。呢間嘢，無下次！

二月份，氣氛甜蜜，增加了大家食甜品的意慾。剛在附近飽嘗泰國菜，附送甜品不夠美味，結賬後便到對面街的開張不久的小方糖作補「嘗」。心太軟：外表係有95分，尤其兩份都唔同設計，有心思，當然我最緊張係主角，唔....有啲失望，個漿杰，無乜流動，味道方面可以，唔太甜，我會俾「森泰遠」高分啲；芒果拿破崙：成碟飯咁高，以為會食唔晒，但切開就會見到，裡面好空洞，食落似陣風，芒果好甜；咖啡雪糕配啫喱：咖啡雪糕一般水準，啫喱無乜味，似龜苓膏；榴槤綿綿冰：朋友叫，我對呢個甜品係--聞可以，食唔得，無意見可以俾；牛乳紅豆芋圓：朋友意見欠奉。七人共六甜品，每人約$35，由於新開張，店內環境整潔，三五成群體驗甜蜜，是一個好地方。