小念頭 (億利工業中心)

營業中

休息中

⁂⁎◝#荔枝角🇭🇰 平民日式cafe 蛋糕有驚喜🍰 ⁎◜⁂.去D2 Place行下見到附近呢間日式cafe有主食都有好多款cake好似唔錯，就去試下😆.🔸日式照燒汁牛舌丼 $𝟕𝟎賣相好靚，份量好大方，比好多舊牛舌，有幾舊好似係牛腩，而且好多照燒汁，食到最尾仍然有好多汁撈飯，唔會乾柴柴食白飯.🔸日式明太子意粉 $𝟖𝟖明太子醬偏稀，但配埋溫泉蛋同蟹籽，每啖都有啲咬口，而且賣相好靚，大大碟幾抵食😆.🔸咖啡酒烤芝士蛋糕 （套餐加配 $𝟑𝟖）最好食就係個cake! 套餐可以優惠價加配蛋糕，芝士味都算濃厚，而且唔會太甜，咖啡同酒香都配合得好好，杏仁餅底都好好食😋有粒粒杏仁口感，亦都唔會鬆散～.🔸芝麻雞翼 （套餐加配 $𝟕）🔸日式牛肉薯餅 （套餐加配 $𝟏𝟐）🔸茉莉綠茶套餐都可以加配小食，我就覺得無咩特別，可以唔加小食，反而可以加多個cake～..*･゜ﾟ･*:.｡..｡.:..｡. .｡.:*･゜ﾟ･*𝘍𝘰𝘳 𝘮𝘰𝘳𝘦 𝘪𝘯𝘧𝘰𝘳𝘮𝘢𝘵𝘪𝘰𝘯:📍小念頭🗺️荔枝角長沙灣道883號億利工業中心9樓903號舖..#mytaste_荔枝角#mytaste_cafe#mytaste_甜品

昨日即興約朋友去左呢間位於荔枝角工廈一間文青風日式料理食下午茶🫖relax下🙂照燒鰻魚豆腐丼飯鰻魚肉質鮮嫩多汁，外皮則有一層微脆的口感✌🏾照燒醬的甜味與鰻魚的鮮美相得益彰😉丼飯的飯粒軟糯🫱🏼能夠吸收鰻魚和豆腐的風味😛配麵豉湯湯好濃郁和很有豆醬風味鐵觀音芝士蛋糕🍰必點蛋糕具有獨特的花香和香氣🤪它的質地柔軟滑順😋芝士的奶香味和絲滑口感熱茉莉綠茶茶味具有獨特的芳香氣息😜散發出淡淡的茉莉花香，為整個飲品帶來一種花香的氛圍🥰冷🥶玫瑰奶蓋青茶奶蓋是一種奶油和奶精混合而成的奶霜，它的質地濃稠且頂部多有泡沫狀😘茶底具有清新的茶香、花香和濃郁香氣☺️餐廳環境比較文青系🙂適合小型聚會😇食物cp值高😊價錢親民😁唔算太貴🤭必點它的新鮮製的蛋糕😛

晏晝同朋友食完鐵板燒夜晚想搵間可以食埋甜品既係社交平台搵到呢間見蛋糕好吸引就嚟試下我地叫左個日式柚子雞扒配日本米飯、麵豉湯$122~飲品加$10揀左凍既黑糖奶蓋鐵觀音少冰，加$38咖啡酒烤芝士蛋糕雞扒份量十足，雞扒好juicy，配柚子醬汁＆柚子肉，好清新。底下成碗沙律菜，今餐營養均衡。日本米飯粒粒分明，好有咬口，細食既女士一個餐兩份，加埋蛋糕好夠飽。黑糖奶蓋鐵觀音：奶蓋唔太甜鐵觀音茶味濃，呢個配搭唔錯。咖啡酒烤芝士蛋糕：芝士蛋糕係軟心芝士，我鍾意既口感，餅皮少少脆口，食得出有酒香，好有層次。朋友再加杯熱飲同蛋糕熱玫瑰杞子桂圓$30一倒出嚟已經聞到好香玫瑰花味，飲落甜甜地，成個人暖晒好養生。鐵觀音芝士蛋糕$46第一層鐵觀音cream十分濃郁，鐵觀音jelly都唔錯，芝士口感比較實，亦都係我朋友喜歡既口感，大家都叫中自己心頭好。環境座位都十分寬敞，好啱同朋友食完吹下水，店員們亦好nice，下次會想嚟試埋其他蛋糕。

小念頭 📍香港 荔枝角.5人 叫左5個餐 隔離飯香🤣見到人地既擺盤仲靚🤭 下次再試.✨大蝦香蒜檸檬炒意大利粉以為蒜會好重量 唔算太重口味 岩我個人口味每一啖都有檸檬汁 好清香 但係唔會酸 若然成個醬汁冇咁稀 會更加好主菜大蝦 少少乾 意粉比較出色.✨焦糖醬烤芝士蛋糕杏仁碎底 ✨咖啡酒烤芝士蛋糕杏仁碎底(跟餐加配 有優惠價)兩款都好出色 鍾意食芝士蛋糕嘅人 不能錯過！最後咖啡酒更勝一籌 因為有餘香係個口腔入邊可以先食焦糖味 再揀咖啡味～..味道：😋😋😋😋抵食：👍🏻👍🏻👍🏻👍🏻回訪指數：🤤🤤🤤🤤🤤/5.💫 #小念頭 #億利工業中心----------------.#📸 #😋#香港 #米吃 #香港探店 #打卡 #打卡餐廳#跟米吃出瘦身材 #kumikofindfun #健身人士飲食 #管理體重 #飽住瘦 #蛋白質

荔枝角除咗D2 place之外 其實仲有棟大廈叫億利工業中心都幾多嘢食🤭之前去過食台灣嘢今次就去咗食間價錢親民嘅日式西餐🤪聽聞佢哋嘅蛋糕幾出名仲有原個蛋糕訂😳咁史努比梗系有嗌件cake啦🤭👍🏿日式柚子雞扒 $74呢個set包茶飲 湯品同埋飯另外可以揀多飯 少飯或者系走飯~用咗珍珠米 口感正常唔會太硬 亦冇話太淋太多水👍🏿雞扒切咗做4大件史努比唔食雞皮媽媽👩🏻話雞皮好香脆好好食😂但可能因為咁所以邊邊位有少少燶 偏硬同乾🤏🏿雞扒幾厚身😳雞肉尚算嫩滑配搭柚子醬甜甜地幾開胃😆另外有啲柚子肉 甜得嚟唔酸唔苦 估唔到又唔錯喎😚仲有大量沙律菜😆但底部浸得太多柚子醬 搞到好甜😅湯系麵豉湯 入面有一小件豆腐同一片竹輪味道ok ge唔太鹹~Overall呢個set都叫抵食😆At least佢嘅質素對得住個價錢味道: 7/10性價比: 8/10👌🏿日式明太子意粉 $88呢個set同樣包茶飲同湯品份量好足 好大碟意粉😳不過呢個價錢又唔好期望太多啦~意粉嘅質感就好似平時茶記意粉咁😂比較軟淋 應該系本身意粉品質問題汁水好多 但明太子醬比較稀味道唔算太濃 反而主要系食到七味粉嘅味道🤔帶微微嘅辛辣抵讚嘅系落咗好多蟹籽

荔枝角億利出名多美食，尋日喺附近D2 Place行完就去咗小念頭食個午餐+下午茶先，重點係好想食佢哋自家製蛋糕🍰，遲咗去就冇架喇😋🍴蠔仔香蒜炒意粉🍝 $88意粉食落辣辣地每啖都充滿香蒜味🤤，而蠔仔🦪份量都唔少，而主食仲有一碗麵豉湯附送🥄鐵觀音芝士蛋糕 🍰+$36(跟餐)芝士蛋糕有兩層，係屬於軟身嗰種，食落充滿啖啖鐵觀音嘅味道，又唔會太膩，旁邊仲有鐵觀音味嘅啫喱粒👍🥄榛子朱古力烏龍茶芝士蛋糕🍰 $46呢個芝士蛋糕分兩層，既可以滿足試榛子朱古力味道又可以試埋烏龍茶嘅味道，兩種味道都好夾🤤☕️伯爵香橙鮮奶茶 $36呢杯手沖奶茶一上枱就聞到好香，好有香橙味🍊，估唔到個味同伯爵茶都咁夾🥤冷。鐵觀音(芝士奶蓋) +$8(跟餐)好鍾意佢哋自家製嘅芝士奶蓋🧀🍼，質地好幼滑，而層濃厚嘅鹹甜味同下面鐵觀音配合得剛剛好

.就算係好微小既念頭，如果因為鍾意或者見到件事會帶比人滿足感，而堅持去做，會唔會有大改變呢？🩷.之前聽過讀中大朋友講過中大有間【小念頭】，最近都有挖掘荔枝角區既小店，今次去既餐廳都幾有諗頭，開係工廈，咁難得就去睇睇係點樣。一去到，Sundae就feel到空間好闊落，色調偏暖色調，近門口位仲有smile笑面裝飾☺️有植物，係行小文青+溫馨家具風。見到有廁所，覺得幾驚喜，貫徹去餐廳/cafe都會睇廁所既習慣，順便去睇睇，乾乾淨淨規規矩矩，廁所外面係綠色既裝飾，都係溫馨文青風，都有驚喜。啱好係下午時間，坐係窗口位，真係幾寫意🛋️—————————————————————講返食物，Sundae鍾意食肉，又啱好肚餓，都想睇睇日式嘢整得好唔好食，所以叫左牛仔粒配牛汁金針菇飯，加埋雞軟骨小食，嘢飲係熱鐵觀音。再加埋鐵觀音芝士蛋糕，跟餐加配都只係+$36，性價比算唔錯。牛仔粒飯份量比想像中大，蔥粒蒜片比得好足，有種家常媽媽煮既感覺，蒜片唔係脆果type，Sundae對蒜片冇咩特別，夾左兩三片夾肉食，係幾正既。牛仔粒食到底果陣係多d汁既，吸收左牛汁係最香既，鍾意食肉既人會好開心，飯加左金針菇碎係面都會冇咁乾

假日如果想搵個舒服嘅地方，食個午餐或者下午茶！🌞呢間小念頭就好適合，好近地鐵站，環境坐得舒服，店員服務態度都好好👍🏻日式芝士咖喱吉列豬扒飯伴 流心蛋🍛呢個好似係比較多人會食既餐，吉列豬扒炸得好香口，都幾鬆化😜點埋咖喱汁食更加好食！呢個咖喱汁，雖然係日式咖喱，但係唔會太甜，仲有微微嘅辣味，幾出色🌶️ 🥘 入邊仲有啲煮得好淋既薯仔粒同埋紅蘿蔔。而個飯上面有塊燒香左芝士，再加隻流心蛋🍳篤開蛋黃撈埋芝士食，食到濃郁既炙燒芝士同埋蛋黃既香味🧀和風煎牛仔粒配 牛汁金菇 冷烏冬🥩牛柳粒都幾厚切，食落幾Juicy😗旁邊會配埋小小鹽可以點嚟食！而個牛汁金菇好入味，一啖接一啖好快食完。個冷烏冬湯底甜甜酸酸好開胃！烏冬質地係有咬口嗰種，天氣一熱咗，食呢個一流🤪榛子朱古力烏龍茶芝士蛋糕🍫🍰最後仲叫咗件甜品作結。如果叫咗主食套餐可以用優惠價加購蛋糕！蛋糕質地好香滑，朱古力味配榛子粒好夾。但係反而覺得冇乜茶味🤣感覺上似係朱古力芝士蛋糕！不過都好唔錯，食完唔會覺得好滯。冷玫瑰奶蓋青茶，冷芝士奶蓋鐵觀音而餐飲嗌咗兩杯奶蓋嘅茶。幾鍾意呢間嘅奶蓋，比較輕盈嘅奶蓋，飲落去唔會覺得漏。😗亦都好夾個茶底🌹

🥜近荔枝角地鐵站🥜環境闊落🥜性價比超高日式照燒汁牛舌丼$126⭐️⭐️⭐️⭐️⭐️🥜牛舌份量多🥜蛋黃超加分🥜微辣惹味伯爵香橙鮮奶茶（跟餐）⭐️⭐️⭐️⭐️⭐️🥜樣子平平無奇🥜橙味夠濃咖啡酒烤芝士蛋糕（跟餐）⭐️⭐️⭐️⭐️⭐️🌟🥜酒味足🥜杏仁餅底秘製他他醬南蠻炸雞$74⭐️⭐️🥜唔夠脆🥜他他醬似普通蛋黃醬🥜柚子醋沙律菜墊底榛子朱古力烏龍茶芝士$46⭐️⭐️🥜同咖啡酒烤比下去

2024年3月1日午餐。幾個月前吃過一遍，念念不忘，今次帶了整公司同事來嚐嚐。日本鹽麴五花肉🐖 韓式五花肉燒烤就常吃，日式做法真是第一次。整個攞盤呈現真是賞心悅目，顏色很美，且食物擺放得井井有條。薄切的豬肉片，表面上還有烤紋，令人垂涎三尺。肉的肥瘦均勻，咬落去還有肉汁，配辛辣粉更惹味。主食還配了新鮮的沙律菜，可解肉的膩，它的新鮮程度是不用點娺仼何調味料，已充分吃到菜的甜味。還有一個小小的薯蓉球，洋蔥味很突出，又是很refreshing，可以中和豬肉的油膩。套餐更配有味噌湯和一杯茶，茶壺也是很精美，配合餐廳的小清新風格。鐵觀音芝士蛋糕☕️茶味的芝士蛋糕都叫常見，很多都是伯爵茶、綠茶，鐵觀音就真的少見。吃起來，淡淡茶味，不會很俗氣。芝士蛋糕口感香滑配上脆脆的餅底，連上面裝飾的啫喱都帶着茶味，很喜歡。同事們個個讚口不絕每道菜都好味道，並約定了下星期再來。-不設有加一服務

億利工業中心多美食就大家都知，但原來有啲餐廳都有素食選擇喎，例如 9 樓嘅 「小念頭」。🤔🍱 唐揚豆腐 $68 豆腐用天婦羅形式炸過，咬開薄薄嘅脆皮就係好嫩滑嘅豆腐，超好食。面頭嘅蘿蔔茸加埋跟嚟嘅汁食，好鮮味。圖中好似油炸鬼嘅物體其實係炸腐皮嚟嘅，真係好少食天婦羅式炸腐皮，非常過癮，但有次食過就係炸冬菇嚟嘅，所以配菜未必次次一樣㗎。😀餐跟飲品同麵豉湯，湯有時有塊日本魚蛋，睇下你飲唔飲喇😅。飲品我試過凍鐵觀音同凍茉莉綠茶都唔錯，記得少冰更能試真茶味。😉本身跟飯，加 $16 轉沙律，好大碗，材料又新鮮。🥗加咗 $12 要個中華沙律，$8 要個山藥蓉（山藥即係淮山）。中華沙律冇咩特別，山藥蓉原來係秋葵，牛油果啲 friend 嚟，即係滑潺潺 😆。望落去白色一 pat 冇咩特別，但加埋醬油同蔥粒食好正，問店員拎埋 wasabi 加埋食就更完美。🥰🍳 鐵板太陽蛋炒野菜 $75上枱時唔係鐵板係個鍋，亦都唔係太熱。太陽蛋煎到燶邊，鍋入面有野菌，椰菜，燒到微微燶都幾香口。😋加 $16 轉咗冷烏龍，超好食喎，夠凍，食落好爽口同彈牙，紫菜，芝麻同蔥配埋啲汁食，好香好好味。非常推介。💯餐廳好受歡迎所以 wa

今日番工過開嚟荔枝角呢邊食Lunch，知道呢邊既工廈有好多餐廳，就求其搵咗間日式餐廳食，見到佢Lunch Hour都幾多人幫襯，同埋甜品櫃D蛋糕好吸晴🤩🍽️ 日式軟殼蟹炒飯 $84起見到個飯真係哇一聲！半隻軟殼蟹加上好大個飯，我食到一半已經好飽😂 軟殼蟹炸得幾好味，同埋都幾大隻，所以以呢個價錢有半隻都算CP值幾高👍🏻 個飯配有少少蛋黃醬，食落唔好太膩，而且炒得幾入味，以工廈質素嚟講真心唔錯😋可惜今次真係太飽試唔到佢既巴洛克蛋糕，望落好似好好食咁，下次一定再嚟試佢既蛋糕🍰

小念頭和風煎牛仔粒 配牛汁金菇飯　$82加配溫泉蛋 ($8) 牛仔粒略為遜色少少 過熟左 所以食落略嫌有啲靭 但係個牛汁金菇就唔錯 配飯食一流溫泉蛋就正常發揮 無咩特別嘅評價 日式柚子雞扒 $72加配蟹膏味噌 ($10) 雞肉嫩滑 配柚子汁甜甜地好開胃雞肉底亦都有大量沙律菜 食完肉再食翻啲菜 無咁大罪惡咁至於蟹膏味噌 我覺得本身啲汁已經夠餸飯所以後尾 仲有大半淨蠔仔香蒜炒意粉 $88加配帶子裙邊 ($14) 唔係唔好食嘅 但係就略為普通真係一個正常發揮嘅香蒜意粉所以如果再去 我會叫其他選擇🤭但係帶子裙邊好食 力推🤪全部都跟餐送飯、麵豉湯同飲品因為同行朋友生日 我地再用跟餐加配優惠 芝士蛋糕多人食啲 但係朋友唔鍾意cheesecake 所以叫左個奶蓋伯爵戚風蛋糕 ($36)雖然叫戚風 但係厚實得濟我覺得似普通海綿蛋糕

呢度d工廠大廈成日都會有好多好嘢食收埋咗喺呢度，呢間舖頭之前裝修左半年，終於呢幾個月開返，雖然好似個裝修風格都一樣係偏簡約，而佢哋係採用QR code落單，所以佢哋都係免收加一。因為我都幾鍾意食牛舌，所以我今次嚟到食返佢哋嘅牛舌，佢哋嘅牛舌唔係好似平時咁一片片，即係一大嚿一大嚿咁樣，咁佢哋嘅質地都幾彈牙，唔會好老好難咬，可能係因為佢哋唔會煮到全熟，有少少白裏透紅配合埋佢哋嘅前菜，辣辣地咁好送飯咁我個朋友就食咗一個軟殼蟹炒飯，咁佢就俾咗一大球蟹膏醬，同埋一隻軟殼蟹，配合埋一個用醬油炒嘅飯，食落去偏鹹，但係份量好大，如果男仔食嘅話一定夠🫢咁佢哋晏晝個set就會包埋一杯茶，如果係特飲嘅話就要另外加少少錢，大部分set加埋都係$100內，都算抵食嘅

餐廳環境正常，但全程都有烏蠅常伴左右。餐牌無寫最少每人要叫一樣食物，落單後侍應先會「溫馨提示」你要叫返杯野飲，仲要本身我哋已經有加左唔少小食。有另一枱客都同我哋遇到同樣情況，理論完一輪淨係話會同公司反映。最後嗰枱走左 waiter們一邊執枱一邊謾罵客人做死cheap 精😀食物賣相都靚嘅 但之後發現雞肉是粉紅色的，食落去係凍嘅。之後有位好好態度的侍應話會岀過一份比我地。等左15分鐘，食哂啲小食都無岀餐，然後有個侍應行過見到份餐無人送，個廚師大大聲話「個客話唔夠熱」然後仲要啤住我地，先有人送餐上枱。份雞上到枱同我本身嗰份一摸一樣，見返我咬過唔熟嗰舊雞，仲要燶哂同唔係好熱🥲 所有都餐具好污糟，好似無洗咁，仲要有食物殘渣喺上面😫 枝飲管係啲竹造嘅環保飲管，飲左兩啖就裂左😉人均消費100蚊 唔expect會係咁嘅態度同咁嘅衛生情況，希望有所改善