小念頭 (億利工業中心)

工廠大廈藏住超邪惡黑炭炸雞同雙層芝士蛋糕！仲要每枱必叫😍唔講唔知荔枝角工廠區真係好多寶藏餐廳✨今次發現呢間主打日式定食同甜品嘅日西cafe 「小念頭」，店內其實唔細，但星期六去到下午真係好爆，星期六下晝1點都要排半個鐘，想食真係要早少少衝過去‼️必試推薦👇🔸唏！炸雞丼 （黑炭炸雞配 香橙沙律醬 ($77) (+$8麻醬凍豆腐 +$12涼拌蒜蓉麻醬油麥菜 +$12 日式牛肉薯餅)特色嘅黑炭炸雞，首先份量真係多到滿瀉，成座山咁高嘅炸雞超誇張，打卡一流！唔好以為佢係燒到燶晒，其實外皮脆到不得了，咬落去仲爆汁💦 配埋獨家香橙沙律醬 清新又解膩，勁開胃😍跟餐仲可以加配好多抵食小菜，麻醬凍豆腐、涼拌蒜蓉麻醬油麥菜都好好食架😝🔹香煎牛舌芯(極) 配手漬貢菜 ($92) 雖然比較薄切但超彈牙！蔥粒同醬汁撈埋一齊食真係無得輸，配埋手漬貢菜，口感層次即刻升Level👌🏻老闆話個餐對比之前增量有20%，多幾塊牛舌食😍😍🔸觀音芝士蛋糕 (+$36)呢個真係全場MVP🏆 基本每枱都叫起碼一份芝士蛋糕，真係比定食耽誤咗嘅甜品店🤣雙層芝士蛋糕+茶凍 打卡一流！茶味清新，芝士味濃郁、口感綿滑又唔會太膩，真係要試下😋😋…Read More

店名：小念頭地點：荔枝角長沙灣道883號億利工業中心9樓903號舖1.唏!炸雞丼（黑炭炸雞配香橙沙律醬）配熱茉莉花茶 $77炸雞丼好食，份量足有四大件🤗，炸雞沒有炸得太老，配上香橙味沙律醬好特別，套餐仲有飲品同埋味噌湯附送套餐加配（麻醬凍豆腐 $8/涼拌蒜蓉麻醬油麥菜 $12/鐵觀音芝士蛋糕 $36）除主食外，可以額外加錢叫小食，冷熱盤等，麻醬凍豆腐入口嫩滑👍，蒜蓉油麥菜好正🤤，鐵觀音芝士蛋糕好食😋，茶味濃，每一啖入口都品嚐到鐵觀音嘅味道，可以一試2. 香煎牛舌芯（極）配手潰貢菜 配熱阿薩姆紅茶 $92不愧為餐廳招牌菜，牛舌芯好食，重點係厚切，彈牙又嫩口，配上牛舌油脂嘅味道，真係好正，手潰貢菜小辣，但配上白飯好惹味，另外可以加錢將白飯升級為鹹蛋黃飯，鹹蛋黃炸碎鋪在白飯上，配上紫菜及爆炸糖，鹹鹹甜甜，口感好獨特🫣，現時每個飯加多2蚊，還會增量20% 👍套餐加配（涼拌赫蓉麻醬油麥菜 $12/原個凍蕃茄沙律 $22.0/開心果瀑布戚風$40.0）凍蕃茄微酸，配上麻醬，OK好食👍，開心果瀑布戚風，蛋糕鬆軟，忌廉香濃軟滑，入口好滿足，而家諗返起都流曬口水🤤總價 $299…Read More

未寫過食評，但太伏頂唔順- 環境好差1. 食食吓仲聞到煙味，唔知附近食客定門口傳入嚟2. keep住好多蚊飛嚟飛去3. 位置坐近唔知廚房定水吧位置，食到八點幾佢哋已經開始清潔，將成筒垃圾（雖然已經包好）放喺我哋側邊，同埋將收咗嘅碗碟同廚餘就咁放喺我哋隔離張枱- 照燒牛舌丼原來唔係牛舌，係牛舌底嗰嚿肉，口感完全同牛舌扯不上關係，同埋有啲乾，不過份量好多，只怪自己冇睇清楚原來佢仲有另一款牛舌芯，先係大眾所認知嘅牛舌😂如果咁啱喺附近想搵間價錢相宜嘅餐廳可以考慮😂 但唔好有太大期望，特登過嚟就唔洗啦同埋佢真係唔係cafe, 係一間工廈canteen, 高質真係談唔上，仲話限時90分鐘，坐唔夠一個鐘已經想走…Read More

咁啱經開荔枝角，要食一個快嘅晚餐，隨手search荔枝角Cafe，比小念頭呢個店名吸引咗，於是決定試吓。裝修簡約，離遠見到有龍貓擺設，好可愛。唔需要同人搭枱，一個人嚟食都唔怕尷尬。6:45左右入店內見坐咗大概四五枱客，叫咗個鮮淮山烏冬配茉莉花茶，烏冬嘅菠菜好好味，配上鮮淮山、香蔥、紫菜、溫泉蛋同埋蕃茄食呢一個鰹魚汁烏冬，份量剛剛好，仲有一碗味噌湯，配埋茉莉花茶就係一個圓滿嘅晚餐。✨侍應服務友善細心，下次會再嚟！…Read More

同朋友黎左荔枝角食飯，小念頭係工廠大廈入面，主打日式定食類同埋甜品，價錢貼地，蛋糕非常出色，一定要試下。1⃣️ 慢煮鴨胸蕎麥沾麵 配秘製阿薩姆紅茶湯（$84）擺盤好靚，鴨胸肉質緊實但係唔會太韌，配上清爽蕎麥麵，夏天食真係好正。2⃣️ 香煎牛舌芯（極）配手漬貢菜（$92）招牌牛舌芯食落爽嫩，牛脂香同調味都好好，加埋酸酸既檸檬汁更加耐吃，最近仲加量，每份加多兩件，cp值好高！3️⃣開心果瀑布戚風（+$40）蛋糕鬆軟😍面頭仲有滿滿開心果cream。4️⃣ 焙茶金莎醬烤芝士（+$36）呢款係我同朋友一致認為最好食既！本體焙茶味非常濃，下面仲有流心既金莎醬同埋脆餅底，層次感同味道都係豐富有驚喜！5️⃣ 鐵觀音芝士蛋糕（$46）茶味相對比較清新，雙層既顏色好靚，面頭仲有茶凍，芝士蛋糕質感綿滑。6️⃣茉莉花茶（凍）（+$3）解膩一流！…Read More