影片
以上資料只供參考, 請與餐廳確認詳情
今日去咗荔枝角嘅「小念頭」試下佢哋個炙燒三文魚丼 🐟🍚。一睇張單，呢個丼賣$81蚊，都算係正常價位啦。個丼一上枱，賣相都幾吸引嘅 😍。三文魚表面經過炙燒，帶點焦香，上面灑滿蔥花同埋橙紅色嘅蟹籽，顏色配搭幾靚仔 ✨。旁邊仲有個蓋住嘅碗，應該係麵豉湯或者其他配菜掛 🤔。成個丼飯望落去都幾足料，三文魚份量都唔少。講到味道，老實講，就真係普普通通，冇乜太大驚喜 🤷♀️。三文魚肉質尚可，炙燒嘅香味係有嘅，但整體嚟講就係預期之內嘅味道，唔會話特別出色，亦都唔會話難食。飯底都係正常發揮，唔會太濕或者太乾。如果想食個快靚正嘅午餐，又唔想煩，呢個都係一個選擇。不過如果追求好有特色或者令人一試難忘嘅三文魚丼，呢度可能就未必俾到你喇 😔。總括嚟講，「小念頭」嘅炙燒三文魚丼算係一個穩陣嘅選擇，味道正常，不過不失。如果咁啱喺附近，又想食日本嘢，都可以試下嘅。但如果專登山長水遠去試，可能就會有少少失望。整體體驗一般般啦，唔會特別推薦，但亦都唔會話唔好。下次可能會試下佢哋其他嘢食，睇下會唔會有驚喜啦～
繼續閱讀
嚟開呢頭，諗唔到食咩誤打誤撞入咗「小念頭」見到啲野食份量好大份😍好食🤗推！真係一個人都爭少少食唔哂..食落已經知間野好好心機去整每一份餐我去食個陣已經好晏，但都仲係爆哂場見到啲店員好忙不停做野 但佢地態度仲係咁好入面環境都好舒服 可以一試！
繼續閱讀
出到去荔枝角冇念頭食咩，所以簡左呢間 #小念頭 食。今次試左以下幾款👇🏻慢煮鴨胸喬麥麵沾麵$84本身成個擺盆已經好靚，完全唔似小店舖。鴨胸亦好有驚喜，平時食呢啲醃質品都會好鹹，但佢地嘅鹹味岩岩好，淡但唔會冇味，而且都好厚身。喬麥都都好爽身。（包味增湯同飲品）手打牛肉漢堡飯二食$88近期好興嘅漢堡飯排極隊都未食到，呢到食完全唔洗排，仲要有兩大舊同湯。漢堡扒外皮有少少焦但入面熟度岩岩好，肉汁都夠同唔會食到粒粒脂肪。成個定食份量都偏大，本身就咁一碗都好夠，仲要有沙律搭多舊漢堡扒。（一樣有湯同飲品）另外分別叫左炸雞同山藥泥。 炸雞+22，但炸得都唔錯，唔算好厚粉同即時炸，仲好熱辣辣。蛋糕叫左伯爵茶$36蛋糕整得唔錯。外賣返到大西北個蛋糕都有濕度同好鬆軟，個醬都好濃伯爵茶味。
繼續閱讀
今日要去荔枝角上堂，見到呢間餐廳好多好評，就決定試下！我去嘅時候係平日下午，所以唔使排隊，好開心！雖然冇奢華嘅裝修，但食物質素好高！！我叫左個日式照燒汁牛舌（下）, 配熱茉莉花茶。牛舌辣辣地，好惹味，而且份量多，食到一半已經飽飽地！仲跟左個麵豉湯！不過甜品係第二個胃，而且見到跟餐有優惠價，所以我叫咗個焙茶金莎醬芝士蛋糕。個名好似好漏，但係符合香港人對甜品最高嘅評價——唔太甜，焙茶味雖然唔係好突出，但係幾啱我胃口。臨近夜晚七點餐廳開始多人，聽到侍應問客人有冇book位，下次都係要book咗位先嚟好d！
繼續閱讀
朋友帶咗我去呢間小念頭嘅餐廳，有印象呢間餐廳之前喺旺角開過，不過就得甜品，而家過咗嚟荔枝角有埋煮食，我嗌咗牛舌心配飯，牛舌心都好好食，厚度都不錯，不過如果牛舌再厚啲會比較開心
繼續閱讀