小廚美食

佢出面勁大個poster貼咗燒賣關注組第二名既字眼，吸引到我去試一試。魚肉燒賣$14蚊6粒，一食落口我就嗯佢嘅辣油明顯同其他舖頭唔同，好有麻辣嘅麻香，甚至係過咗好一陣嗰種麻嘅感覺都依然仲喺度，麻得黎唔會太辣，的確係幾特別。但係燒賣本身就一般，甚至有啲粉粉地，冇嗰種軟糯彈牙嘅感覺。對我嚟講試一次就好，未必會再試第二次，$14 6粒對我嚟講小貴。當時喺門口望緊餐牌嘅時候兩個店員都係counter，買完兩個店員都走咗入去廚房，好似避緊客咁，唔知係咪講緊人是非，覺得好搞笑😅…查看更多

垃圾態度 食物普通本來想隨便拮串燒賣，見到有舖頭門口寫燒賣關於組賣咩第二推介就行入去見到好多款燒賣，又孖寶，又三寶，隨口問左個阿姐淨魚肉燒賣幾錢？點知換黎態度極差嘅一句：「上面咪寫左囉？幾個字都睇唔掂啊？」唉，小店唔係大哂，你開得店對客，唔該你就注意下自己嘅情緒同態度啦，呢個世界無人要受你氣㗎大佬，更何況個嗰係俾錢買你野嘅客人而重點係你嘅燒賣都只係一般貨色，唔明你憑咩咁臭串？賣貴人幾成仲要受你氣…查看更多

噚日(22-11-2025 Sat)朝，同老公喺四喜（https://www.openrice.com/zh/hongkong/r-%E5%9B%9B%E5%96%9C%E9%BA%B5%E5%8C%85%E8%A5%BF%E9%A4%85-%E9%95%B7%E6%B2%99%E7%81%A3-%E6%B8%AF%E5%BC%8F-%E9%BA%B5%E5%8C%85%E5%BA%97-r506250）買完嘢後嚟到D2 Place買嘢，但有啲口喝，見地下有我想和你無所事事（https://www.openrice.com/zh/hongkong/r-%E6%88%91%E6%83%B3%E5%92%8C%E4%BD%A0%E7%84%A1%E6%89%80%E4%BA%8B%E4%BA%8B-%E8%8D%94%E6%9E%9D%E8%A7%92-%E5%8F%B0%E7%81%A3%E8%8F%9C-%E5%8F%B0%E5%BC%8F%E9%A3%B2%E5%93%81-r775352），於是嚟買，點知未開門，臨走昤就開咗，但我哋唔買喇，反正都要返荃灣買嘢，返到嚟，諗起呢間有嘢飲賣，雖然只係凍飲，但因被佢吸引，所以都照買。我要$14.00嘅芒果爆珠(?)，老公要 $18.00嘅洛神花茶，老公話唔係飲管，老闆娘話我嗰樽要用至吸到啲珠珠，重同我老公講，佢樽洛神花茶飲完可以自己加室溫水/蒸餾水，放半個鐘再飲，因為都好濃，可以沖多一甚至兩次。真係抵飲。買完都即飲喇，芒果爆珠味道唔太甜，微酸，裡面有爆珠外重有椰果。洛神花茶味道係好濃，亦飲得出有山楂味，但唔會嚡口。抵食係3.5分題外話:呢喥好多食評都話老闆娘態度惡劣，但連埋今次，我親身嚟兩次，佢都好好人好nice。上次食評係2025年6月4日提交嘅呢篇:https://www.openrice.com/zh/hongkong/review/y-%E5%8E%9F%E4%BE%86%E6%9C%89%E8%B3%A3%E7%B3%89-e6068548…查看更多

買咗一份印尼撈麵搭三粒燒賣1. 食個小食唔期望有咩服務，始終小本經營，不過可以有返基本禮貌，至少唔係欠咗你咁2. 三粒燒賣各自有一滴辣油，豉油都無滴，你想加辣油咩，請加錢3個大洋（$3）3. 撈麵同燒賣冇得分開放都預咗，都係嗰句，始終小本經營；但當知道加餸同就咁買一份嘅分別，只係在於可以唔使買六粒，而係三粒咁買，加餸其實冇平咗，確實係有啲錯愕揀咗堂食，所以都係企喺度食埋先走，不過成個過程真係滿滿背脊骨落嘅感覺總結係唔會再食，亦都唔會推薦俾人…查看更多

放工身心疲累好肚餓，食個燒賣就啱晒啦平時都會走落去路德圍食燒賣皇后但係食得多都想轉吓小店估唔到今次食燒賣，店員會送你一個壞心情一直住喺呢一區，近排見到開咗唔少小店見到開咗間聲稱係燒賣關注組有提及嘅燒賣店第一次嚟到，見到門面好簡單既然想食燒賣，梗係搵吓燒賣點賣我一眼就見到魚肉燒賣$14有6粒心諗，其實都好貴，但係又好想食喎之後仲見到有其他配搭，又有雙拼，又有三拼我就同店員姐姐落單啦我話：我想要魚肉燒賣，想問吓係唔係有得雙拼呢？店員姐姐：上面咪有囉我：。。。。。。我望咗一陣，見到姐姐夾咗六粒魚肉燒賣落個兜但係雙拼的話，魚肉燒賣同其他款係各樣3粒我又再問：咁我而家可以點拼？第一次唔係好知點計。。。😅店員姐姐唔出聲，咁我唯有自己再望吓佢嘅餐牌過左2-3秒，店員姐姐喝我：係咪雙拼㗎！咪寫左囉！我好無奈，我話：就咁啦，唔拼了其實都係想了解清楚，只係想食到一粒好食嘅燒賣姐🥲最後懷着一個壞心情，食咗$14，6粒，好貴又背脊骨落嘅燒賣營養同卡路里我都收到哂，壞心情就免了🤷🏽‍♂️雖然佢仲有其他款式嘅燒賣但係我應該唔會再去試唔係要店員好有禮貌，但係都唔希望俾人喝同鬧😪😪不過又係一個鍛鍊EQ 嘅機會😪😪講左咁耐，其實粒燒賣真係冇咩特別我連叫佢落辣椒油都唔想只能評論佢嘅豉油係ok 的完…查看更多

因為要去附近商場改裙咁啱路經隱約記得曾經bookmark呢間小店行入舖頭見到姨姨面色唔係好友善覺得可能純粹冇笑唔緊要啦希望將心比心面帶微笑落單原本叫咗四粒藥膳燒賣顎高頭見到有原來雙拼見佢搞緊其他嘢未開始落單嗱嗱臨耍曬冧問轉雙拼係唔係可以拼魚肉燒賣(因為牆上Menu只有蟲草花燒賣拼魚肉) 佢答我 ‘雙拼咪魚肉燒賣囉，你想點啊?’態度猙獰最後回佢一句‘其實我未嚟過, 唔知問一問啫!’買幾粒燒賣背脊骨落魚肉燒賣味道質感中規中矩藥膳燒賣輕微調味唔太特別同魚肉燒賣分別不大辣油有加花椒油呢間小店相信非常適合生活枯燥想俾人炳獲金嘅朋友…查看更多

28-5-2025（Wed）老公放工後，喺呢喥買糉，順便買多幾隻糉俾佢同事試，有各$50.00一隻嘅綠豆瑤柱鹹蛋黃鹹肉糉，紅豆瑤柱鹹蛋黃鹹肉糉，小米糉;各$30.00一隻嘅班蘭水晶豆沙糉，珍珠水晶奶黃糉，珍珠水晶紫薯糉。所有素甜糉係用西米做，而鹹糉就綠豆同紅豆用糯米做，老闆娘話，用小米做係俾唔食得糯米嘅人士食，真係好體貼。由於當晚食飯都食飽咗，我哋唔食住，翌日(29-5-2025 Thur)朝，老公whatsapp我，話同事試食咗讚好食，清清地，重話要買半打綠豆瑤柱鹹蛋黃鹹肉糉，攪到我好想即刻食，由於我哋冇綠豆瑤柱鹹蛋黃鹹肉糉，所以我都叫老公呢晚補埋，亦都買多隻綠豆瑤柱鹹蛋黃鹹肉糉同水晶奶黃糉俾我同事。我上佢哋社交平台，睇到話如果要5隻以上，可以用whatsapp訂，就叫老公訂，而佢哋經一輪交談後，就係水晶奶黃糉沽清。我問可否再做，1-6-2025（Sun）攞？最後係答啲糉賣晒，明年請早。但到收工，店方話：一係嚟睇有咩糉就買咗佢，一係佢哋呢晚收舖後再包，但甜糉只有珍珠水晶紫薯。我答兩樣都要，最後老公再去間舖，掃咗8隻雜錦糉返嚟，老闆娘話咁啱訂咗貨嘅客，呢晚嚟唔到攞，就讓俾我老公先。而因為有老公同事趕住31-5-2025（Sat）端午節俾佢爸爸，所以我將6隻雜錦糉（主要係鹹糉）俾晒佢哋先，剩返2隻珍珠水晶紫薯糉，但我要補多2隻綠豆瑤柱鹹蛋黃鹹肉糉，一隻我哋，一隻俾我同事。咁佢就whatsapp店舖，佢應承話30-5-2025（Fri）有得攞。咁我哋喺29-5-2025（Thur）晚，特登唔食飯只食餸，然後食糉，自己有紅豆瑤柱鹹蛋黃鹹肉糉，小米糉，班蘭水晶豆沙糉同珍珠水晶紫薯糉各一，每隻都用唔同顏色嘅繩綁扎住以茲識別，我哋就先蒸小米糉同珍珠水晶紫薯糉先。蒸好食得，先打開小米糉食，外表有少少核突，黃色，同因為佢唔似糯米咁平滑，切開睇，餡料嘅份量唔少，食吓先，小米嘅口感同糯米差唔多煙韌；鹹蛋黃色澤金黃唔乾；鹹肉雖然係全瘦，但唔柴皮；食食吓，原來有原粒粟子，可惜呢粒粟子唔靚，有啲苦；而成隻糉係唔會太鹹。4分然後食珍珠水晶紫薯糉，拆開睇，西米表層變咗青綠色，口感都煙韌，但有啲西米係熟咗但唔夠腍；紫薯餡唔太甜，幾好味嘅。4分30-5-2025（Fri），老公放咗二後就去買埋綠豆瑤柱鹹蛋黃鹹肉糉返嚟，不過呢晚我哋係食紅豆瑤柱鹹蛋黃鹹肉糉同班蘭水晶豆沙糉，先食紅豆瑤柱鹹蛋黃鹹肉糉，睇見紅豆係同糯米撈埋一齊，唔係只係餡，食落，糯米煙韌夠味，紅豆夠腍，鹹肉唔太鹹又唔柴，瑤柱同栗子各一粒，呢隻栗子正常冇問題喇，成個糉都幾好味。4分班蘭水晶豆沙糉呢，顏色同珍珠水晶紫薯糉差唔多，不過深色啲，食落，班蘭味唔多夠，豆沙正常冇問題，不過同珍珠水晶紫薯糉一樣，有同一問題，就係有啲西米未完全煮透，應該係因為西米包到厚度唔同關係，厚嗰邊難熟透而有少少硬，睇嚟佢哋要研究點樣解決呢個問題。2.6分到1-6-2025（Sun）朝，我同老豆蒸綠豆瑤柱鹹蛋黃鹹肉糉做早餐，切開睇，啲餡同紅豆瑤柱鹹蛋黃鹹肉糉一樣，當然紅豆變綠豆，呢個都係熟悉嘅味道，正常冇問題。3分服務：我同老公講，我睇返過往包括舊舖(https://www.openrice.com/zh/hongkong/r-%E5%B0%8F%E5%BB%9A%E7%BE%8E%E9%A3%9F-%E8%8D%83%E7%81%A3-%E6%B8%AF%E5%BC%8F-%E7%B2%89%E9%BA%B5-%E7%B1%B3%E7%B7%9A-r605407)嘅食評，好多都話老闆娘態度差，但我哋上次完全感受唔到，佢好好人，好好傾（食評係2025年3月29日提交嘅呢篇：https://www.openrice.com/zh/hongkong/review/y-%E7%94%A8%E5%BF%83%E8%A3%BD%E4%BD%9C-e5973550）。老公話佢一路同佢whatsaap傾，都feel到佢寸寸地，不過佢又會提客人，啲糉要放雪櫃上格，食之前放下格解凍後蒸。同埋預早訂每隻會平幾蚊。我諗佢本性係善良，只係講嘢太真太直啫。抵食係2.7分…查看更多

聲稱燒賣關注組排行no.2 。我本人就冇fact check la。但路過見到咁搶眼嘅banner就買來試吓。買左款最經典嘅，價錢都算合理 。經典魚肉燒賣 $14/6魚肉燒賣食到有魚肉味，口感煙韌但唔會好似落咗好多粉個種。落單前記得示意要加辣，辣椒油係麻辣，非常之香，而個種麻係舒服嘅，有少少麻庳係條舌頭到，絕對唔係好誇張個種科技麻辣。路過嘅可以買來試下，佢仲有好多其他唔同款式嘅燒賣，不過個日太飽就冇買來試lu.…查看更多

行過哩間之前未見過的舖頭，寫到自己系燒賣關注組第二位，咁咪試下啦！睇中個燒賣粥套餐因為可以試兩樣野。魚肉燒賣6粒(2分)-食落吾系平時食開味道，黐口。-鼓油系食燒賣重點，亦系平均水準以下。柴魚花生粥(2分)-非常夠熱，味道都算OK，-分量比荃灣粥鋪可能無一半。環境(2分)- 價錢同荃灣粥鋪差不多，但細間又無得坐- 服務(1分)-佢話系燒賣關注組第二，但問過關注組根本無排名(見附圖)，感覺做假。-只收現金。抵食(2分)-由於味道已經非常一般,加埋分量細，環境差，所以低分。…查看更多

今日行過嗌咗個雜錦燒賣，燒賣味道相對普通，但係辣油幾好味，不過唔辣。因為朋友唔食辣，所以叫佢將辣油放係旁邊。試咗一啖之後覺得辣味不算濃，所以同店員反映叫佢加多d辣，點知個店員西口西面好晦氣同我哋講加幾多都唔會辣，態度極差，雖然最後都有加俾我哋，但係咁嘅服務態度一定唔會再幫襯，何況又唔係真係咁好食！之前佢未搬舖頭係轉國位都食過，雖然唔可以話服務好好，但係都唔會西面令人難受！今次試完之後，俾錢買難受！永冇下次！…查看更多

今日（29-3-2025 Sat）晏晝同老公落荃灣買嘢，買完老公話要食嘢，但我唔餓，而且要留肚食晚飯，我記起原本想喺噚晚食嘅呢間，於是行嚟，我哋嚟到睇，老公要咗：1. $14.00有6粒嘅魚肉燒賣呢個係即刻有，食住等其他嘢，口感都可以，仍有彈性，味道正常冇問題。4分由有燒賣開始計起8分鐘，2. - 3. 同樣$28.00有3件嘅咖哩角同春卷即叫即炸，兩樣都脹卜卜，包得好靚，亦炸得好靚，我先食前者，外脆，餡料夠腍，咖哩香香哋唔辣，略嫌唔夠惹味。春卷呢？同樣外脆內軟，內裡嘅餡料都係齋嚟，味道清淡。老闆娘推薦加泰式酸辣醬，唔辣但可解膩。我話落側邊先，佢好好人落得唔多同照做，話唔夠再攞。我醮咗嚟食係好食，所以我之後都問佢再攞多啲。4分食完後要飲吓嘢，呢喥都有，我要$5.00嘅山楂蘋果茶，老公要$15.00自家製嘅回甘茶，老公話解到膩，飲咗真係回甘，似有甘草，我試吓，我就接受唔到。3分環境：細舖，冷氣唔係好夠。2.5分抵食：2.7分其他：老闆娘話下星期唔再賣咖哩角同春卷，因為賣唔去。點解呢？因為即叫即炸，客人唔等。…查看更多