影片
星期六早上一家三口去小布站嘆一個輕量All Day breakfast！一般的All Day breakfast 通常都好油，好炸！而且份量較多，今次呢間份量啱啱好，不太油！O檬茶夠大柸！店主好有禮貌，好好人！午餐有意粉，下次一定要來試環境清淨！狗狗可座戶外。
繼續閱讀
假期想靜靜地過，可以踩車或搭小巴嚟小布站。地方光猛又舒適，室內室外座都有。暫時客人唔太多，亦有好發車友入嚟嘆個小食飲品就繼續上路。叫個餐坐得耐都唔會俾人趕全日餐份量夠，菜多肉少，健康比例沙律菜一D都冇苦味，少少芝麻醬襯住，簡單又好味仲有炒蛋，香草腸2條，煙肉同蕃茄，大大粒茄汁豆，超厚蒜蓉多士，加埋都唔駛50蚊，非常抵。咖啡今次叫咗Mocha,老闆娘親自沖，咖啡豆係意大利調配，味道濃郁，偏苦帶甘
繼續閱讀
從友人口中得知小布站又有好野食，又有單車野睇。一直都很想黎。可惜我是路痴。。。方向感其差。終於約到友人去👏🏻位置確實有點偏遠，我踩著單車跟著友人。踩下踩下就到達。地方果然係不錯。有時偏遠嘅店，好處就係不會太嘈吵，又唔會太迫人😌而店感覺到店主頗有heart的。黎呢到嘅主要目的就係要食All day breakfast ☺️賣相雖然簡單，但有時簡單先係最難。蕃茄好juicy,沙律菜又好新鮮。食完呢個all day breakfast 後，all day都係happy date😊
繼續閱讀
1322 瀏覽
離開南山軒，假日繼續瘋狂。由元朗站坐的士，大約10分鐘便來到一家名為「小布站」的店。之前一直想看看這間以單車為主題的cafe到底是何模樣。站在門口，眼前望見樓高三層的獨立屋，門前有個小花園，園內泊了幾台屬於客人的單車。小店招牌掛在二樓，倫敦地鐵圖案透露些微英式風情，其實小布是英國單車品牌Brompton的叫法，有接近70年歷史。店前是馬路，來往的車不算多，沿路一直走，應該可以走到水上。我們坐在靠窗的吧檯位，發現半途入來吃點東西，等補充體力後再繼續旅程的單車友為數不少。我們點了一份下午茶餐，選的是不常提供的雪糕班戟。餐飲選了有機朱古力，其實杯中物是有機還是非有機的用舌頭嚐不出來，不過往往聽到「大機」就覺得安心，就算價錢貴一點也心安理得。熱朱古力以透明玻璃杯盛載，鮮奶泡與朱古力各佔一半，質感稀稀的，甜度剛好。另一杯飲品點了Lady grey，香料味較淡，個人覺得是溫柔版的Earl grey。雪糕班戟擁有非常可愛的賣相，兩片班戟比M記的要薄，上面放了一球粉紅色的士多啤梨雪糕，旁邊圍了一共六粒紅莓和黑莓。雖然拍照效果很美，但這種莓本身是聚合而成的果實，每顆小粒裡頭都有籽，雖然明知它的抗氧化性強，而且蘊含豐富的營養，但個人還是不太喜歡這種口感。小布站要賣的單車，是一種在英國流行用作上班的可摺疊式單車，像車身、車墊、其他配件裝備等都可以自選顏色，它不像日式的中間對摺，而是將後輪輕易推前，摺好後還有小滾輪幫助推動，不用自己搬搬抬抬。如果有興趣，可以上二樓找明哥，樓上有show room可以參觀，店前亦有一台demo可供客人試踩，不過要買一台可並不便宜，買之前要三思哦。
繼續閱讀
今日老闆無啦啦吹雞…叫我地幾個同事一齊lunch... 真係好突然…仲要係老闆揸車接我地去…唔知老闆想賣豬仔 去邊...呢間餐廳位處於村落入面...並唔係大街...雖有橫額拉著寫係<田園餐廳>...但實際上呢間餐廳個名係 <小布站>...咪攪錯 呢度座位唔多...環境清幽...乾淨企理...感覺好舒服...可能呢度都算係私房菜形式...只有指定5,6款lunch set...全屬西餐...廚師推介既我地當然都 order哂啦...lunch set只包一個飯/意粉+餐飲...沙律要另外+$18...細細碗載著大大塊菜...新鮮爽口 ...如果多少少沙律醬...多少少蕃茄...就更加好味同無咁齋...據同事形容既白汁雞絲意>>白汁並非一般既白汁...似乎係加左些少紅酒...係好特別既味道...至於牛腩飯>>西式牛腩都做得好唸好入味...配埋蕃茄整成個汁...唔酸而好有肉汁味...簡簡單單...我鍾意多汁撈飯...如果多d汁既話...我一定食哂全碟...至於餐飲方面...都係一般既奶茶檸水...唯獨coffee有普通同即磨之分...即磨咖啡要+$12...另外仲有個豬X都係廚師推介...奈何老闆請食飯...唔方便影咁多相咁失禮啦...下次有機會自己要去試下...
繼續閱讀