小巴黎越南餐廳 (已結業)

近排...真係食神遊左埠，出街食親都都冇樣好野。睇劉華墨公之前，去左小巴黎度吃。對上一次食檬都還可以，今次試下生牛肉米粉就出事啦。佢一上檯，一d煙都冇冒出黎，就知唔熱。見埋d色，d牛肉就係有d生生地；但係個樣就似熟左7成。夠薄，d牛肉入口完全唔滑，似柴皮，都叫做有少少牛肉味。聞落唔香。碗粉個面係有九屠塔、少少芽菜、洋蔥，於是菜有菜香，肉同配菜好似各有各食。一句講晒，唔好食。我叫左米粉，唔要河，去下肥膩。但份量確係少。連我呢個食少野0既人，都覺得唔多。食完，了晒d粉碎，d配菜食埋都唔多夠喉。飲多2啖湯，點解會係味精湯??飲左會口渴0個隻，仲要個肚咕嚕唔舒服。正宗0既生牛粉，係香港邊一間係正0既呢??真係要努力d係OP度搵下。

市中心的小巴黎在還未轉鋪位的時候,地方雖然細不過服務不錯,食物又好又合理。可是轉了地方之後，服務態度不太好,地方雖大了但搭台的時候非常不舒適，上菜又慢...現在還很掛念香矛雞翼乾朦的味道,可是想起上次的經驗就望門而過

我其實對越南野冇咩興趣，因為食來食去都係炸野，覺得好heavy呀！不過今日去到屯門，家姐又想食，咁就試下啦！我要左三絲湯檬、家姐要左咖喱涷檬。我地等左勁勁勁耐呀！超過１０分鐘以上，其他人遲過我地入來都快過我地食，真係唔知佢漏左單呀，定係唔想整比我地食！激氣！於是我地叫人追單，佢既service都還好，不過點知家姐果個來到果陣，比左個熱檬來！算啦，唔等啦，家姐照食，＆佢要左個珍多冰，原來同印度果ｄ唔同？印度既珍多冰好味好多！最後我果個都來埋，果個人話湯檬係會耐ｄ，但其他人都係湯檬je!!!三絲乜真係咁難整?算,講返野食,家姐個撈檬佢好中意,我果個都ok,份量中等,但重味,應該唔少味精!所謂既下午茶只係menu上既價錢+$3有野飲,,完全唔覺得係下午茶既優惠!食完即走,環境真係好差!(中立係因為佢碗檬既味道都ok)

兩個人食左一個豬扒凍檬, 粉卷, 沙爹雞串, 一個椰菁。前兩樣都OK嘅,但個沙爹真係完全唔掂,個沙爹汁唔好味,個雞串仲衰,乾爭爭, 咬開後, 唔講都唔知係雞肉, 求其搵檔街邊小販沙爹檔仲好食過佢, 哈,嗰餐最好味係個椰菁囉,啲野又唔係真好好食,又逼人,食完呢餐,對手好攰囉,因為成日都要就住,驚隻手撞到人又或者比人撞到,真係唔明點解長期都有大棚人喺度等位。

7月10日, 我和男友放假...一齊揀左去"小巴黎"食lunch.是日我地叫左1碗牛肉凍檬, 1碟午餐"鹵雞翼飯", 兩杯熱奶茶.輪size, 佢算ok 大. 不過, d牛肉係"碎"既!!, 並吾係牛肉片/粒...有點兒失望. 成25-30蚊碗架...!!雖然不設加一. 但總覺得吾係幾抵. 味道方面佢做得吾錯, 凍檬用既魚露,味道調得arm arm好. 吾太酸, 又吾大甜..小辣..幾好. 我男友一個吾該就倒晒佢樽"魚露"落個碗到...成碗"濕"既粉敢.個飯方面, d雞總算有味, 不過吾係好好味, ok la.服務呢度就無咩架la...地面是永遠的"立痴痴"方死slip你吾死敢. 台面及餐牌亦然!! 要改進呢!

有晚去食晚飯LA !初初以為入面應該幾大..點知好細..又逼//叫左個雞翼紅飯!好好好好味!可惜野飲另外買= ="叫左杯3色冰!好難飲!又貴LOR= ="不過個飯又真系好好味xD

d豬扒好鞋呀~食蝦餅=食油~個粉就ok啦~不過佢樣樣野食都好油~好似食油落肚咁~太度都ok~不過味道真係要改改

晏晝0既時候同同事去左小巴黎。係出面熱到融晒，唸住入到去會好d...點知...都係講左d野食先。去到小巴黎，就梗係食越南野。我地四個人去。其他3個同事都唔唸住食得0甘heavy, 清清地，就叫左烤牛肉凍濛、豬扒飯、雞絲牛肉湯濛。而我就梗係叫d light dish，同埋開胃0既雞絲凍濛啦。我朋友上檯0既豬扒飯，份量都幾多，大碟，難怪0甘多學生係度開餐\。不過，敗筆係佢\碟扒飯有好大pat蔥蓉，仲要係超油令...至於我同同事0既濛粉，份量都幾多。我個雞絲濛，凍凍地酸酸爽爽，配埋青瓜絲，真係一絕。青瓜0既青香加上花生碎0既濃香，好夾。如果，我唸，再加小小酸蘿蔔，或酸菜黎吊味，肯定更正!!扣分0既係個環境。太多人，太迫啦...食食下滴水，幾驚滴落自己碗野度。仲有係上手食完，亞姐一抹就招呼你坐，真係唔太衛生，唉...........不過，真係一分錢一分貨啦。

今天我的未婚妻阿黃說很想食雞翼,故跟阿黃去樓下的小巴黎食飯.我點了個香茅雞翼飯,覺得很好食,而且很抵食,只雖HK$20多元就可以食到飽飽的!至於我的愛人阿黃,她就比較貪心,要了個香茅雞翼+豬扒飯,也只不過是HK$20多元,相當抵食!所以真的值得一試!雞翼真的是好好食!

屯門人食越南菜選擇唔多，你問屯門人邊度有越南野食，我諗十個有九個都會答你小巴黎。開業十幾年，由一間舖仔變成總共六間分店，自然有其道理。今日得閑冇野做走去食個t，同我寫既主題一樣，仲係咁好食。今日叫左個春卷凍檬，春卷熱辣辣，十分好食。檬粉入面既生菜同青瓜十分爽口，配上香口既花生碎同炸蒜頭碎(唔肯定係咪...)，口感實在冇得彈。服務方面本來諗唔到，但係諗返起個亞姐聽到我叫檬粉之後，同我換左桌上樽魚露，所以加分。時關響星期六四點呢個咁忙既時間，佢仲主動同我換，兼且其實支魚露仲有半樽，咁醒目係應該加分既。環境方面普通啦，裝飾算係有特色，不過太迫啦，迫到差唔多背脊貼背脊。p.s.春卷得返四件(兩條)，我記得以前六件架...p.p.s.好似好多人叫蝦餅，唔知好唔好味呢？

我唔明佢o的扒點解愈來愈薄,o的食物又愈來愈縮水, 又保持唔到食物既水準,o的待應又叫極都唔應!

其實我住屯門，好多時都會經過果時我0係市中心返學，好多時都會去食。1) 如果講服務就真係冇得好講---係極差，您叫佢佢會扮見唔到2) 講食物都ok既，我之前個女朋友最鐘食佢個沙嗲牛河，我鐘意食佢個牛肉碎飯。3) 伙記既質素就麻麻喇，正如我頭先講，服務唔好既，同埋D伙記既外型都唔係幾好...個意思係佢地既"制服"(姐係條圍裙)，狗肉咁既色，有小小返胃...

今日同朋友去市廣場，剛剛中午食飯時間，間間食肆好多人，咁o岩行過呢間鋪，有個亞姐係度嗌：「入便有位呀！」諗住好耐冇嚟，以前Ｄ印像都幾好，於是行咗入去。因為趕時間，所以每人叫咗一碗河粉，朋友叫咗雞絲扎肉河，我就叫咗香茅豬扒河，两碗粉好快嚟到，我塊猪扒薄到飛得起，食得出用鬆肉粉醃到好諗，我朋友果Ｄ雞絲同扎肉有一陣雪味，雞絲仲霉霉地，份量又少，我地好快食完Ｄ粉就走人，因為唔好食兼越嚟越多人，費事背脊貼背脊。佢嘅價餞唔算平，咁嘅質素，走去食碗魚旦粉好過，仲唔駛咁貴，有Ｄ荼餐廳廿蛟已經包埋飲品添。所以我以後都唔會再去。0

今日同我BF去食黎...因為太耐無去過...諗住都唔會太難食卦...去到一人嗌左一個凍檬(豬排同雞翼)...仲有1杯野飲...野飲都冇咩問題既...黎左2碗凍檬...唔知係咪我太耐無食過呢...得2隻雞翼咁少既...仲要係"霉"肉果隻,無奈爆...睇下我BF果碗,得1塊細既豬排...食落口,又係霉的...O了咀子...雖然係下午茶JA...但都唔駛咁呀@@...碗凍檬都係收返正價架WO...我諗我地都唔會再去食囉=00000000000="...

好耐都未食過小巴黎啦，星期六約埋朋友一齊去食晏。我叫咗碗香茅豬扒河，塊香茅豬扒依然好味。我曾經係其他分店試過香茅豬扒，但都係覺得屯門總店係最好味。服務同衛生方面，都係咁啦！服務態度依然維持一貫麻麻哋作風，地面又有啲濕濕哋又立立哋，環境仍然擠迫，背脊貼背脊。