小娘惹 (已結業)

難得過港島區，當然唔可以hea食，於是搵左間特色小店。支持一下分別叫左海南雞，喇沙，巴東牛肉share食。可以一次試哂！每款都無令人失望，特別出色的是喇沙湯面，濃濃的椰香帶點微辣，我連湯都飲哂。巴東牛煮得好林，海南雞不過不失！

勁搞笑今日同同事skype message約另一個係附近做嘢嘅小學同學食lunch，點知我搞錯左時間以為係今日，本身想一齊去遠d太古城，最後淨返兩個人就係附近食。之前試過小娘惹嘅laksa都唔錯，今次就試下佢地嘅海南雞飯啦！落完order坐低一陣就好快有得食嚕，除左個飯，仲有一杯椰子湯同一杯羅漢果水。杯椰子湯真係不得了！你以為係平時椰子煲雞個d味精湯，咁就錯啦！濃濃嘅奶白色，相信加左少少椰奶，比平時嘅湯濃味，好味好味！到飯，係加左味嘅飯，唔係好記得係加左d咩，總之好味道哈哈！加埋少少蒜片好香口。至於海南雞，份量超級多！平時海南雞飯只會有一層雞，哩度竟然有兩層！醬汁唔太辣，增添少少甜味同惹味，雖然成個飯唔係好熱，但係味道補返數

 招牌娘惹海蝦喇沙 -I was having such a high expectation on this since I like Laksa very much.-It's not bad, the soup is fine. Just not as good as what I expect. 😂-The environment is soso , I sweated a lot after the meal which sucks. 👹 But the decorations are alright.-味道/Taste: 7.5/10抵食/Value of money: 7/10環境/Environment: 7/10服務/Service: 7/10

一開張已經大排長龍，等左半個鐘終於入得。嗌左海鮮喇沙，湯底重椰奶味，好有新加坡風味，香港黎講算係出色！海鮮方面中規中矩。壞處係等野食都好耐，如果趕時間嘅話唔建議黎

娘惹喇沙湯底好濃郁，重椰汁味，海南雞飯同椰子雞湯都好好味，擺盤都好靚。小店細細間喺巷仔入面，裝飾好有特色，幾次經過都見多人冇機會試，假期去到客人未坐滿，唔趕人走，坐得幾舒服。

母親是印尼華僑，本身亦在新加坡居住和工作過，一年總會去星馬印一次，我可以好肯定這家食物的水準比當地就算普通一個hawker centre 的都差一截，更往論「正宗」二字。我哋二人叫了一個海鮮喇沙、一個肉骨茶，加兩個甜品。喇沙啲蝦和魚片唔錯，但個獅hum連殻上我第一次見，個湯底亦唔夠熱。正宗嘅會有蔘巴chilly，我哋問嗰位靚姐佢俾個南記chilly俾我哋。成碗麵無海鮮的鮮味，唔得。個肉骨茶仲差，湯好少，兩塊肉，無garlic, 湯又係暖唔熱嘅。佢哋唔應該做福建式的肉骨茶，因為比清湯潮州人食的難做。個藥材味唔夠係好難做得好食。不過，食物水準不足可以改善，但服務態度差就唔可以原諒。由於個碗太少，我問可否加啲湯。個阿姐停一停木無表情咁答我：要加＄。好似我唔知掟咁都問。其實你成個menu都無話加湯要＄，我問下有問題咩？最搞笑個阿姐即刻走出來想幫我加湯，咁我咪望住佢lor. 佢話：要加湯嘛？我咪話要＄唔需要啦。呢位阿姐一定唔係做開服務行業。基本上，成個午餐都麻麻地。

聽聞附近有間鋪平日只做lunch時段， 而星期日亦只做三個鐘， 賣哂就無，咁巴閉一於試下先。招牌娘惹海蝦喇沙 $70麵底係有油麵及米粉，令你食落有雙重口感，而配料分別有獅蚶4粒、蝦3隻、魚片、豆卜及雞蛋等，用熟獅蚶做配料，比較特別，好少地方食到， 蝦大隻，爽但沒有蝦味。主角喇沙湯底， 用上十多款香料而成的， 椰奶味重，湯底細滑香濃而不辣，其實用黎撈飯食也不錯。正宗古早肉骨茶 $70等了又等， 由落單到上枱，足足等左25分鐘先有得食🙁。娘惹肉骨茶藥味好淡，易入口， 而肉就一嚿稔滑一嚿如煲湯肉一樣韌🙈。

好耐之前我寫過海堤街既迷湯，果陣已經好想試埋呢間小娘惹！不過呢間小娘惹都幾難試到，因為佢淨係做weekday既lunchtime，所以我都路過咗好多好多次，先夾岩時間食到！鋪頭入面其實好細，可應坐到十幾個人倒，所以唔係坐到好舒服，但我覺得係附近返工既人真係好幸福！因為呢到既喇沙真係好唔錯！【招牌娘惹海蝦喇沙】其實小娘惹同迷湯既湯底都幾唔一樣，可能因為咁，兩間鋪都好和平共存。湯式方面，小娘惹既湯底奶香味重d，甜d，而迷湯就濃香味重。兩間都好味，各有各捧場客啦！呢到既用料都好新鮮，蝦都幾大隻而且鮮甜爽口，我最中宜都係螄蚶，一d都唔腥！留意呢到麵底只有兩溝，無得簡淨米或者淨麵～會送羅漢果茶，不過我地轉咗做其他野飲～總結，小店真係有小店既好，雖然呢到開鋪時間係短d，不過從食物質素睇得出佢地好用心煮！所以，中宜喇沙既朋友一定唔可以錯過海堤街，轉名做喇沙街啦不如！

喜歡這間小店，隱藏在巷子中的小小店。 每天開放的時間很少，要吃就要把握時間。 地方真的狹小，裝修帶有馬來亞風味。 食物款式不多，確實貴精不貴多。 我們點了去骨海南雞配香茅油飯、招牌娘惹海蝦喇沙和桃膠椰香桂圓紅棗露。 海南雞清嫩不肥膩；海蝦喇沙湯底鮮味；桂圓紅棗露清潤滋味。 三款也很好味，真材實料，無味精，值得一吃再吃！只收現金，記住帶備！

上次食過 小娘惹 Little Nyonya 嘅喇沙麵...即收到朋友pm要約去一齊食...Wohoo...水準依然好好呢...朋友大讚👍🏻👍🏻搞到我都要偷2啖嚟食...🤤🤤正！而我就食肉骨茶...馬來西亞style嘅...送上枱已經覺得好香好香好吸引...本來比較擔心藥材味會好重...因為深色嘛(神邏輯😅)...但完全唔會喎...藥材味一定有嘅...但只係好輕微...而且啖湯好甜...飲落喉嚨好舒服😌排骨加蒜加辣椒🌶️真係無得輸...一啖湯一啖飯一啖肉...食完好暖笠笠呀！我真係好愛食肉骨茶...大家有推介記住inbox我 😆🙏🏻今次仲同老闆娘傾咗幾句...好好人呀佢又好傾...多謝你又開枱比我...💖💖

🇭🇰#香港捐窿捐罅記五星級酒店大廚開既新加坡，馬來西亞菜小店 同老婆夫婦👫兩人一齊經營既小店 而且每日只經營午市 賣六十碗就完😗 成日大排長龍🙋🏻‍♂️ 午市可能分分鐘要等成30分鐘先食到 好彩我早到 成為第一個客 其實我都唔明淨開午市點可以賺返d租金 😗 不過佢做到 幾叻叻🤓 ——————————————————🍜招牌娘惹海蝦喇沙（$69)傳統喇沙麵底係要用「摻摻麵」油麵加米粉混合一齊用 佢地都係用「摻摻」食起來感覺幾掛湯 👍 湯底方面幾濃味 又充滿椰香味 好creamy 成功令我將佢成個湯飲晒🤤 配料幾足 又有蝦又有獅蚶等等 全部都好新鮮 👍👍👍總結來說 係幾值得去食既 雖然人多果時可能會慢左d 但係係值得去等既😗 支持小店 打敗地產霸權😏-🎈鰂魚涌海堤街18號地下D9號舖-平均傷害：$69好味值：6.5/10

作為一個有星馬情意結的香港人，對在香港一直吃不到似樣的喇沙很介懷。後來聽聞鰂魚涌「小娘惹」的喇沙有點水準，日前經過終於一嚐。這店子只做午市，星期日那天光顧都幾爆場，而且店子面積不大，坐得有點擠，人滿時出出入入都幾麻煩。不過對我來說，只要食物好，其他還是次要。 搭枱時，看見對面位顧客叫了假日限定的黑醬油豬手乾撈粗麵，樣子十分吸引，但首次來還是叫了一碗招牌娘惹海蝦喇沙了。喇沙來了，感覺幾豐盛。黃黃的湯底濃稠度適中，椰奶味濃卻易入喉，感覺應有下椰糖去吊味。不過如果你是嚐勁辣之人，這應該不是你杯茶，因為這湯底雖用上咖哩，但辣度絕對是BB級。但因為夠椰味，配起油麵及米粉滲滲仍然幾好食，而且都幾掛湯吓。其實喇沙有好多派別，也不一定是辣，例如我在檳城吃過的阿參喇沙，便以偏酸出位，而此店的出品就偏向新加坡加東喇沙那一派。蝦有三隻，都算新鮮，幾彈牙，也有魚片、芽菜及豆卜等配料，但最重要的是有螄蚶，咁先似樣嘛。若喇沙冇螄蚶（加東喇沙派別的），還算加東喇沙嗎！儘管都係得三、四舊又不夠肥美，但肯下此物已見誠意。儘管我在新加坡吃過更好的喇沙，但以香港的水準來說，這碗喇沙已算相當不俗了。

我係一個幾鐘意食東南亞嘢嘅人，所以見到一啲小店有馬拉菜泰國菜等等嘅東南亞菜式，都忍唔住要試下，今次食嘅係巷仔入面嘅小娘惹。午市時間都有唔少人排隊。餐牌上有嘅菜式都幾多款，不過梗係要試下睇落好豐富既海鮮喇沙。呢一碗喇沙嚟到枱嘅時候， 我同朋友已經心心眼，因為同餐牌上既圖片一樣，圖文相乎，有非常多嘅海鮮配料，仲有我最鍾意食嘅獅蚶同大蝦。湯底飲落非常濃郁，充滿椰香味，質地有啲杰，完全唔似坊間嗰啲溝好多水嘅湯底。 下次可以再試過！

排左30分鐘，企係條巷都唔太好受嫁🙈但專程黎到，都要硬食!入面地方好窄，身形大份少少都同人身貼身雖然係咁，但如果唔係講求食環境既係值得一試既肉骨茶同 喇沙係必試，因為太餓已經唔記得影相但要一讚既係自家甜品，個椰皇鮮奶一流，唔太甜，好濃滑奶味但又不失椰汁味，食完好滋潤既感覺 另一款係焦糖班蘭燉蛋，之前未食過，但呢個配搭好正! 鍾意班蘭既朋友仔可一試! 係有驚喜既! 佢另外仲有自家野飲，但肚仔已full，下次吧!

午餐时间去的，门口等位时间不久就有座位，哪知坐下等了半个钟，就叫了一碗面。。餐厅座位很挤，所有的菜只有一个厨师完成，精雕细琢的样子真的很像看慢动作回放。。。放片生菜在碗里都要斟酌再三的样子……然后只有老板娘一个人服务。。完全忙不过来。。只会给你点单，永远不给你上菜。。午餐跟餐送饮品。。呵呵吃完都没有上。老板娘连句抱歉都没有。。繁忙时间完全不能去。。。看着有两个帮厨，但是一直完全没见她们做事儿。。连切海南鸡，摆盘都是厨师在做。。厨师动作又像慢动作回放。。面的分量很小。。。很不值