小城知味 (德福廣場1期)

營業中

休息中

天氣開始轉冷，筆者覺得火鍋、蛇羹及羊腩煲是冬天必吃三寶。入冬後已經食過N次，只欠蛇羹及羊腩煲。今晚老公接放工，在公司附近揾餐廳食飯，行到去德福平台發現換上新餐廳。其中 【小城知味】的名字好似似曾相識，在Openrice 找呀找才確定只此一家獨立經營的小餐廳。又係身體力行幫襯一下。不用等位直接入內，餐廳裝潢簡約，最搶眼就是頭上的特色吊燈。小菜抵食套餐，接近廿款小菜真豐富。價錢最平只是$48，加$15 可以有白飯、老火湯; 再豐富些，加$20可以有白飯、老火湯及餐飲。跟德福商場的食肆比較夠實惠。另外有冬天必吃蛇羹、臘味飯及羊腩煲，蛇羹及羊腩煲筆者兩樣都想食，不過深思後蛇羹都係到蛇舖食最正宗，最後揀左羊腩煲。首先呈上暖胃的老火湯【蓮藕眉豆豬骨湯】湯料足，味道濃郁，最重要飲完唔口渴。挑剔小公主對食物十分挑剔，意想不到她自己喝了一大碗，足以証明這個老火湯無得頂！【風沙單骨雞翼 $38】圖片有大量炸得香脆蒜頭，看起來惹味吸引。呈上的風沙單骨雞翼沒有圖片般多的炸蒜頭，唔知是否筆者下單時提問過雞翼是否適合小朋友，所以店方好心減去大量炸蒜頭。少了炸蒜頭口感失色了，不過雞翼炸得香口調味恰到好處，加上單骨非

最近見德福平台開左唔少新餐廳, 朋友話想試呢間中式餐廳好耐, 不過平日夜市都好多人排隊等位, 幾次都食唔成, 今次終於比我地食到lu haha~ 餐牌有幾款, 一個係晚市小菜套餐, 有十幾廿款常見既小菜套餐揀, 或者有冬日之選好似羊腩煲同生炒糯米飯等等, 主食有米線同泡飯既餐牌, 選擇都幾多, 小食又有唔少選擇, 想清清地有粥同豆漿, 我都揀唔到咩都想食! 對於成日出街食飯既我, 有住家湯係件好吸引既事, 套餐加$20 跟既湯飯飲品, 是日湯品係粉葛湯, 係我最中意飲的湯, 加哂分啦!!! 粉葛已經煲得軟稔入味, 仲有唔少豬骨同埋豆呢! 小菜我就當然揀我最愛既雞啦! 雞有3款選擇, 好少見有菜膽雞叫, 就叫左半隻試試佢! 半隻一百蚊有找都唔預佢好大隻, 點知原來一上枱係勁大盤, 我見隔離枱一家3口都係叫半隻。另外估唔到係有明火爐下面燒住, 所以成隻雞連埋啲湯熱辣辣更好食! 一夾發現超大舊!!! 見唔見到係啖啖肉!! 雞肉控見到都雙眼發光, 但最驚喜係雞既滑溜度! 本身雞肉鮮嫰唔嚡口, 加埋自身既雞油更滑, 可能因為有湯浸住, 滑身得黎又結實, 估唔到普通既雞肉都可以咁有質素!! 叫左

去德福睇戲 當然要揾地方醫肚商場入面既野都食得悶哂今次就去平台呢間試下都要等幾張枱先有得坐 幾旺場一坐低我地就揀小菜套餐食但又見有好多其他小食可以揀想食魚本身叫潮式涷烏頭不過賣哂店員就建議我地叫蒸鱸魚 感覺無咁特別 不過我地照叫啦不過原來同平時食ge好唔同!開左邊蒸真係好少見咁樣蒸法令魚肉一夾就起 骨都無魚肉大條且厚身 確係啖啖肉魚面滿佈既調味係面豉醬而唔係豆豉好開胃又唔會覺得好濃味!唯一係等條魚都幾耐 但即叫即蒸唯有等下…粉葛排骨湯煲得幾清甜又唔油有唔少湯渣 唔係hea既味精湯喎!飲品有豆漿同熱蜜糖呢D健康GE選擇幾推介薑蜜 因為真係幾夠辣冬天飲好舒服想食菜 就咁叫菜心果d就廿蚊而濃湯浸竹笙雜菇都係三十八蚊份量就多D 兩個人分都食到好多菇同埋竹笙不過個湯真係如其名咁濃 所以有D咸呢個拎黎餸飯都唔錯朋友叫左個粢飯食 因為好少餐廳有得叫店員話通常早餐同下午茶賣 因為晚餐時段好快賣哂我地果個就係最後一個啦!廿蚊左右但幾大個 比出面豆漿鋪果D更大切左一半方便SHARE(不過我朋友話勁好食 所以佢自己食左大半個)果然係幾韌同埋D肉鬆咸香好足油條相對細條少少 但完全唔油好健康甜品系列有五六款豆腐

晚餐不一定浮華就是好，只是簡單好吃的小菜，可閒聊一番，已經可以令我們心滿意足。在九龍灣工作的朋友覺得既然吃家常小菜，可不挑貴價酒樓以外的餐廳吃? 還是平價好吃的餐廳好。朋友說珍珠菜肉雲吞迷你得一口可吃，最為方便她這懶蟲。菜肉雲吞雖小小的，看得出它其實很飽滿，雲吞皮厚薄剛好，菜肉大概是七比三。雲吞多汁，菜肉剁得幼細，嚐得到菜的鮮甜，完全俘虜朋友的胃。香煎黃金肉餅如掌心般大小，不大也不小，香脆的外層已打動我們的胃口了，肉餅香味撲鼻而來。正當咬下一口，肉餅其外脆內嫩的口感，以及其肉汁與甜美的粟米所帶來的層次，完美地跟肉餅結合，實在好吃。山東蒜香蝦極為抵食，六十二元有十多尾大蝦，每一尾都肥美極致，蝦隻使用大量的蒜頭，紅椒，青椒，蔥花與鮮蝦一同熱炒，鑊氣十足之餘，亦很惹味，蝦肉肉質彈牙，我默默地吃過不停。XO醬翠肉瓜豬頸肉翠玉瓜爽甜，豬頸肉脆彈無比，XO醬愈嚼愈香的那種，搭配熱呼呼的白飯一起吃超級不錯，很下飯呢。最後當然不少得喝杯豆漿吧，哈哈。

服務態度好差,成班服務員矇查查，加錢叫杯薏米水由叫餐、漏單、補單，催單、等到埋單。埋單時讓佢地退返杯也錢，佢地叫轉成外帶，外帶我係門口等20分鐘都唔見杯薏米水， 我嗰陣時真係激到爆 唔要杯水走人 驚自己忍唔住爆粗呀

今晚同姐妹來九龍灣買嘢，shopping完見肚餓，見到德福平台右手邊新開間中菜好多人排隊，去試下先。我地首先叫左兩個小菜，分別係麻辣牛舌，店家完全唔古寒，厚切牛舌大大片，配上麻辣醬汁。唔太辣又好香口，牛舌勁霖，入口即化，好味!另外就係小雲吞啦，一口一粒，個餡一D都唔肥，連埋乾蒜蔥粒食，正!來到麵食，我叫左個沙嗲蝦球撈麵，個蝦球同沙嗲醬好夾，咖喱完全唔辣，但喺好香。就咁食幾正，但囉來撈麵就唔多OK，個面底係扁身既面，同個醬唔太夾，有小小難拌，太乾身。反而姐妹個手墨魚丸湯麵就幾好食啦，同一種面底，但喺配清湯就好食好多啦，湯底好鮮甜墨魚丸唔係彈口果D ,口感偏軟些少,但喺好甜喔!可以食到好新鮮。我地仲叫左個白烚芥蘭，用來配面食。最後嘢飲啦，我最愛飲豆漿，本身想飲椰汁豆漿，但喺太熱賣，無曬。唯有飲原味豆漿，甜度剛剛好，豆香夠濃。姐妹就未試過鹹豆漿，叫來試下。幾得意，好似餐湯，豆香一樣濃郁，入面仲有油炸鬼喔。唔錯唔錯~食飽飲足，拎住大包細包返家家啦~

今日去九龍灣上課, 下午於小城知味食下午茶, 我點了豉油皇炒面配腸仔和青瓜豆漿。豉油皇炒面配腸仔廚師用了各種的配料包括雞蛋絲,椰菜絲,火腿絲,紅蘿蔔芽菜及芝麻等粉飾整碟炒麵,所以賣相十分討好。炒麵食落味道剛剛好, 炒得好香而不油膩,腸仔也沒有好重的咸味，所以整個腸仔炒麵配答味道非常得當；青瓜豆漿很有特色,青綠色青瓜汁混合奶白色豆漿而成,有很香的青瓜味道,豆漿經過溫火慢烤,所以入口味道適中, 餐廳座位舒適, 食物美味, 價錢抵食, 食了一頓超值美味下午茶。

往九龍灣接朋友收工，在這區返工的朋友想幫襯這開業不久的食店，在門口看來，裝修也幾靚。不知是否因為已經是晚上8:00的關係，我們初時想叫的牛脷牛肋肉麵已售罄，到我們想豪一點，改叫那個$178的招牌美國牛肋骨湯麵，也都是已售罄。看來他們於控制食物存貨的管理有很大的進步空間！朋友點了生薑蜜糖茶，幾好，味濃，很夠薑味。我點了風沙單骨雞翼，就是炸雞翼加了點蒜頭和蔥，香口食物一定好味，唯略嫌蒜頭不夠多，朋友笑説「不夠風沙」！我們並點了黑松露醬巨魚旦，可能因為魚旦放離開油鑊後就縮了水，看來並不巨大，但味道還是好的，其實不連醬食也OK。因為朋友愛吃薑，結果點了這個夠薑豬扒麵，名字很有香港特色，豬扒的質地是軟綿綿的，麵也頗大碗，幾好食。但發生了小插曲，我們點的麵食原來漏了落單，等了很久我們才叫職員check單，結果等了一段時間才有得食，相信是因為店還新的關係吧，但因為與朋友傾計，等耐點也OK呢😊

話說周圍食野嘅我地，呢排成日去九龍灣德福開餐，事關前排大執位後食市有d改變，又錦麗又文華，翡翠又開返，茜廊位大執後開左幾間新野，今晚就去試！呢期小城知味行過幾次，睇食評不過不失，行入去試下！19:10 坐低，一心想試佢個蔥油撈面，商量完即刻落order!叫左*豬軟骨撈*同*招牌牛坑腩撈*，小食叫左*單骨雞翼**香煎魚餅*！就咁一心等食啦⋯⋯點知落左單唔夠一分鐘個侍應走埋黎話招牌*牛坑腩撈*賣曬好！我明白招牌野可能堅好賣，晚市剛開始就賣曬，咁唯有轉啦，轉左個*香煎牛脷牛肋肉撈*！點知又係唔夠一分鐘個侍應又走黎話賣曬，好！我忍你....再轉，轉左個*美國肥牛撈*啦佢又話賣曬我真心問有咩係有架！！！！！七點三未夠乜都冇，請問可以點咩呀？個亞姐回應我話問左廚房，所有有個牛字嘅都賣曬！咁無計啦⋯⋯唯有硬選個*沙嗲蝦球撈*（有得配撈面嘅選擇已經無啦）......等左大概兩個字竟然係個*沙嗲蝦球撈*到先！🤔🤔🤔最後點嘅到先，心諗「事有交叉」！等...等...等..................除左個*蝦球撈*乜都無黎過點呀⋯⋯係咪挑戰一個肚餓又EQ低嘅人19:48老公係咁二食左兩啖停左，一心等我一

今晚買左飛去mcl睇戲，見到德福平台位開左呢間新餐廳就去試下七點半左右黎到已見到唔少人等緊位，相信係附近居民夜晚黎呢間平民餐廳醫肚。入到去見到裝修比想象中有特色，白色為主，有中西合璧既感覺一打開menu即刻同男友講：價錢咁令人滾動既，好抵！套餐都係$100以內，以德福廣場地段算低仲有甜品唔好睇小呢度嘅豆漿，淨係豆漿已經有多種口味。分別有原味豆漿、鹹豆漿、椰汁豆漿、青瓜豆漿以及薑汁豆漿等，好多變化。小雲吞味道好似紅油抄手，面層有薄薄嘅辣油以及花生碎粒，食落好香口惹味，而且雲吞size比傳統嘅紅油抄手細粒，一口接一口咁，份量啱啱好。雜菌睇落好平凡，但味道不平凡，主要原因係湯底好正，非常清甜，而且菇味香濃。點菜嘅時候覺得好奇怪，點解叫做單骨雞翼，上菜見到一隻雞翼切開兩邊就明白晒啦。雞翼炸得好香脆，而且唔會太油膩，單骨咁炸令雞皮同雞肉嘅配合更恰當，有少少似不停食雞翼尖嘅感覺。有相為證，雞翼炸到金黃色，見到都覺得吸引。呢碗粥好大碗，如果唔係兩個人都好肚餓一定食唔晒。粥底好綿，而且好足料，有大量嘅菜乾同埋排骨，而且排骨肥瘦適中。唯一令人覺得稍為遜色嘅係粥底有點點酸味。埋單每人唔使＄100港紙，物超

又經過小城知味，想試菜乾粥。不過已過了早餐時間。不可以吃牛，今日不想吃雞，看到黑椒豬手，點了。飲品點了熱檸檬薏米水。先上薏米水，不會好甜，加上檸檬，很滋潤。外面冷，來杯滋潤熱飲很舒服!從點餐起等了10分鐘左右上豬手。煲仔很熱，所以黑椒味很香! 一直拍照片，差點忘了翻一翻食物。翻的時候覺得奇怪，豬手上有層紅色，又不像色素。問經理才知道原來豬手用南乳先煮後上煲仔。食的時候很入味，輕微咸了點，但與飯一起吃就很好餸飯! 所以煲仔還沒有吃完，飯已吃光了一般用青椒，這裡是紅黃青椒一起。看起來很吸引!菜沒有來時，隔離來了5位女士，我以為她們說笑叫4個豬手及另一個餐，3檸檬薏米及另外2杯飲料。原來她們真的是這樣點菜。我吃完也很認同!!

依排天氣開始轉涼，所以今晚就帶咗媽咪去新開既餐廳食小菜可能因為太多人，所有上菜速度比較慢，望到隔離枱啲飯餸都好靚，好期待餐廳乾淨闊落，食物種類都算多，而且價錢唔貴晚飯時間等一陣就有位古法暖暖羊腩煲 （細）$108 送生菜有大/細size可以選擇，啲羊腩夠林，而且好有羊味，又唔會‘so’不過味道偏咸小小，可能加水入去溝下，不過價錢唔貴，質素幾高，食完之後暖笠笠生炒臘味糯米飯配蛇羹 $78糯米飯唔會好油味道好香，2個人食份量啱啱好，用料亦好足蛇羹唔算太多料，味道唔錯，不過有小小偏咸檸檬薏米水 & 夠姜熱豆漿個豆漿超夠姜飲一啖好暖胃，又唔會好甜薏米水超足料，仲有粒紅棗係上面，味道唔錯

今晚唔想食得太heavy,經過德福商場見到有一間新開嘅餐廳，俾去門外的餐牌寫住‘夠薑熱豆漿’吸引，所以就入去試一試。雖然係星期六，但只等了15分鐘就可以入座，非常高興。豬軟骨粗面香煎魚餅，不過不失珍珠菜肉幼麵海鮮泡飯$98蒜蓉餃子🥟夠薑熱豆漿$18呢杯夠薑熱豆漿最適合天氣涼涼地飲,飲左喉嚨好舒服,而且有暖胃的感覺，又不會太甜，超正不過美中不足是，叫幾樣野都話沒有，當時只是七點半左右，已經說很多都沒有，我有點兒失望。

近來被感冒的同事圍著，不想生病的我想找健康的早餐。經過德福的小城知味， 沒想到早餐有粥食。之前聽過同事說小城知味的食物很好食，於是試試。早餐在這區來說很便宜。有粢飯等非傳統港式早餐，亦有粥，腸粉及港式通粉及煎蛋餐。為了健康，叫了熱豆漿，粟米扭紋腸及皮蛋瘦肉粥。豆腐香，濃，熱，微甜。飲到最後有層豆漿膜在頂，應該是自家豆漿。正!粟米腸比很多酒樓做得有咬口。現在為方便，很多酒樓加了其他粉令腸粉易做但黏牙。這粟米腸卻是傳統口感，加上豉油，很好味。不過豉油碟上的豉油餘下大半，有點浪費。皮蛋瘦肉粥應該無落味精，又少鹽，有肉味，皮蛋黃香滑，粥棉棉的，有米花，好像我媽媽煮的一樣!!! (媽媽不在家的日子令我食完在想她)近來很多餐廳水平下降，未知是因人手不足還是其他。這是我近來食得超我想的一餐

呢間餐廳 幾精美,  座位呢就唔算太大, 野食黎講有麵,有中式食物例如腸粉等,其實我比較中意食中式, 但係晚市原來會無晒..所以我就叫左碗麵黎食, 值得一提既係, 佢既牛肉真係好好食,所以一定要試下,麵身比較大碗基本上都夠飽,麵身比較爽口, 湯底都幾好飲, 整體黎講算做得唔錯.豆漿湯圓, 豆漿整就有d奇怪,但都試下啦, 基本上見新野都會試下豆漿係入面基本上無咩味, 不過會整到佢滑d咁解.飲既呢個豆漿就有味, 而且都幾好飲,豆味幾濃烈, 我同朋友都話唔錯.下次有機會會早小小來食中式野!晚上無得食真係可惜