小城知味 (德福廣場1期)

營業中

休息中

收工去咗呢一間餐廳，點咗口水雞套餐（連前菜、菜、原盅燉湯、甜品，加$10有台式肉燥鹵蛋飯）、沙薑雞套餐（連前菜、菜、原盅燉湯、甜品，加$3有菜飯），仲叫咗一份$19麻辣無骨鳳爪。講真，呢個價錢真係幾抵食！全套餐加飯同小食咁平，喺香港真係唔容易搵到，份量仲好足，食完真係好飽👍🏻餐廳環境有啲中式風格，燈光暖暖哋，坐位都幾寬敞，服務都唔錯，店員好快手，落單同上菜都無乜拖拉。燉湯好似幾用心，飲落有陣藥材味，甜品都ok，唔會太甜🙌🏻主菜口水雞同沙薑雞賣相唔錯，口水雞嘅醬汁有啲麻辣味，沙薑雞就多薑香。台式肉燥鹵蛋飯嘅鹵蛋幾入味，肉燥偏甜，菜飯就簡單清爽。麻辣無骨鳳爪咬落軟腍腍，辣度適中，算係一個小驚喜😌

今日收工想食港式菜，就去咗屋企附近餐廳，試咗幾款嘢食同大家分享下😋醬油流心蛋知味大廚醬撈烏冬配上海雲吞 $49超抵食又好味！🤤 烏冬夠曬彈牙，撈埋肉燥鹹甜適中，好惹味！個流心蛋係精髓，撈埋啲麵一齊食，好正！💯 上海雲吞都唔錯，皮薄餡靚，食落去好滿足！仲配有前菜勁豐富雜菌瓜粒滑雞湯飯推薦夏天必食！湯飯嘅湯底好清甜，啲雜菌同瓜粒都好新鮮，雞肉份量十足夠曬滑，高質！🍚🐔最後試埋2款小食😋😋 麻辣無骨鳳爪夠曬惹味，爽口彈牙，麻辣味又夠曬香，食落去好過癮！🌶️咖喱雞肉串燒（4串）好香濃，啲雞肉燒得啱啱好，外脆內嫩，好滿足🍢飲品方面揀咗凍檸茶同埋檸檬薏米水（熱），清新解渴，飲落去好舒服🍋

九龍灣搵食唔使頭痕！平台花園呢間街坊小店，師傅手勢紮實無花巧，份量足料夠誠意，簡單幾道菜已經食得出用心～ **🐔 薑蔥霸王雞 (半隻)** 雞肉嫩滑得嚟有咬口，冰鎮過嘅雞皮爽脆乾淨。薑蔥油份量啱啱好，辛香唔搶戲，吊出雞肉鮮味。最欣賞佢哋連雞胸位都唔嚡口！ **🍍 菠蘿咕嚕肉** 即叫即炸夠熱辣，外層脆漿薄身，咬落微脆帶輕盈感。酸甜汁調得平衡，唔會死甜嗆喉，仲食到新鮮菠蘿果香，伴碟燈籠椒都爽脆入味。 **🧊 懷舊飲品孖寶** ▪️ **紅豆冰**：紅豆煮得綿密起沙，椰奶香甜溫柔，碎冰比例剛好唔會沖淡味道～ ▪️ **黑牛**：童年回憶返晒嚟！雲呢拿雪糕慢慢融化嘅甜，溝埋可樂氣泡好過癮，記得趁冰凍時飲。 **📍 小城知味** 九龍灣偉業街33號德福廣場1期平台P8A號舖

估唔到德福有間咁好食嘅茶記，以前係附近返工都未食過🥢五香肉丁椰菜炒飯 $49好食有鑊氣好惹味，唔會太鹹，不過嗰底好多油，上面就乾身啲好食啲，配料五香肉丁同椰菜都多，不知不覺食咗好多👍🏻🥢鹽酥雞肉燥撈烏冬 $49簡單好食，夏天食唔會太熱，鹽酥雞炸得香脆，仲有迷你蛋撻做小食，都幾香酥，幾好食，夠飽🤤🧋熱奶茶🧋凍奶茶凍熱都好飲🚩小城知味 (九龍灣)📍九龍灣偉業街33號德福廣場1期平台P8A號舖

今日就同朋友去左小城知味食飯餐廳環境舒適闊落，食物選擇繁多醬油流心蛋知味大廚醬撈烏冬配上海雲吞上海雲吞餡料飽滿，烏冬面頭放左好多肉碎，流心蛋既蛋液搭配濃郁既大廚醬，香氣四溢，仲有芒果布甸做甜品另外仲有知味定食，每款定食附有前菜、時令蔬菜、燉湯同甜品，份量十足燉湯超級足料，味道鮮甜，沙薑雞雞肉嫩滑入味，配撘菜飯，有唔少既小棠菜炸香芋蕃薯丸口感外酥內糯，芋頭內餡香甜可口椒鹽雞中翼炸到金黃酥脆，雞肉香口juicy

喺住宅樓下就有一間坐得幾舒服嘅茶記，食物質素都正常，幾推介街坊或者大家收工可以嚟食！地鐵站行多幾步就到！🚶‍♀️叫咗兩個餐：🍚 蔥油雞+夢王蛋肉燥飯+冬瓜湯雞夠滑，無雪味！👍 隻蛋半熟，肉燥都好夠味，好惹味，連埋飯食最好！🤤 冬瓜湯係例湯，但係都幾多料，夠消暑🍜 咕嚕肉＋夢王蛋撈烏冬+燉湯咕嚕肉酸酸甜甜，炸粉唔厚，好好餸飯！👍 特別讚下佢哋個燉湯足料夠味，有啖湯水飲真係暖笠笠！🥰呢間整體都算抵食，有飯有湯有菜仲有個甜品，街坊價夠親民！👍 份量都幾足，CP 值高！😎啱晒街坊或者收工想食啲家常小菜的朋友！🍚📍 九龍灣偉業街33號德福廣場1期平台P8A號舖@chillchill_aloye

位於九龍灣德福廣場既-小城知味，主打粵式小菜同小菜定食🍱食物款式豐富，而且價錢合理~🍴蜜糖燒汁薯仔牛柳粒定食（$79）定食食含：前菜、湯、一份小菜、油菜、飯/烏冬同甜品💁🏻‍♀️蜜糖燒汁薯仔牛柳粒，燒汁味比蜜糖味突出，牛柳肉質軟腍，薯仔輕輕炸過🥔幾香口~前菜係醃蘿蔔，酸甜開胃，湯可以揀例湯或燉湯，兩個定食餐都揀左燉湯，是日燉湯係椰子雞，幾足料👍🏻菜飯（+$3），菜同鹹肉都幾多，食落唔會油膩。甜品有一粒香芋番薯丸，外皮炸到金黃色，餡料軟滑👅🍴菠蘿咕嚕肉定食（$75）咕嚕肉外皮香脆，肉質夠腍👄酸甜醬足夠包裹每粒肉，送飯一流🍚🍴椒鹽雞中翼 （$25）雞翼一共有四隻，一上枱夠哂熱辣辣🔥外皮香脆，肉質軟嫩有汁💦

成碟牛河完全冇味。好似清水白烚一樣。 知道中伏，嘗試落啲辣椒醬甜醬，但係毫無改善 ，向店員講完， 佢畀咗支美極嘗試加番D味。越搞越難食 。最後趕時間， 食唔落， 原封不動， 直接埋單走人。收埋加一盛為75元。

叫咗個最平嘅49蚊 鹽酥雞烏冬 同埋65蚊嘅唐揚雞飯， 點知呢唐揚雞同鹽酥雞同一樣嘢嚟， 一個係日本嘢食一個係台灣食物，但結論竟然係煮到變同一樣野， 變咗白飯就貴烏冬 16蚊， 真係做咗一個愚蠢嘅決定。 我唔知應該同老細講定廚師講， 飛出去外面食下咩叫唐揚雞同埋鹽酥雞， 如果佢係一件唐揚雞 但係就極細塊， 如果佢係一件鹽酥雞就缺乏華鹽，所以我結論係唔似唐揚雞亦都唔係鹽酥雞。雖然係好味，但不知所謂， lunch要加一服務費亦都唔合理， 不會再次光顧

需要服務費+1 ，今次跟朋友吃了滋味定食系列的餐點，實在太難吃了。我吃了一半就膩了，沒吃完。牛肉爽的，醬汁很稠很膩，沒有蜜糖的味道，薯仔應該烤焗過，不過吃不出烤焗的爽脆。這個系列有一些小食盤，一個蔬菜湯，都很一般…蔬菜湯很淡，還有一個咖啡花生麻糬小甜點….也很一般，麻糬皮是咖啡，不夠煙靭，花生餡料，沒有花生味，真的不會再吃了，又貴又不好吃。不過下午茶是不錯吃，便宜，味道比午餐好一點點，不過如果你是對食有要求，你應該會覺得很一般。

自從冇去九龍灣工作幾年就無去小城知味。掃墓後隨便坐巴士離開去到德福，於是乎返老地方（小城滋味）食。雖然下午茶有好多選擇，但係我好餓，想食正餐。天氣熱，揀咗咕嚕肉。依家越黎越難食到好食嘅咕嚕肉。好多時嗰汁太酸，總之balance唔好。今次食到比較傳統嘅咕嚕肉味道，開心！套餐有碗湯，裡面有好多菜，我鍾意小城之味，唔會偏咸，味精少，食完唔會口渴。我棟咗菜飯。佢嘅菜飯好好食，飯口感好，應該係靚米。裡面有少少好似係燒肉切細條，好好食。整體菜量夠，因為咕嚕肉量有青紅椒，加上菜飯，湯裡面有菜，小食係醃紅蘿蔔同蘿蔔，相當健康。另一個小食喺類似球形台灣腸，食完好想飛台灣再食。我叫咗杯檸檬薏米水，唔會好甜，剛好。依家86蚊有咁嘅質素真係要讚！！

開始凍☃️☃️☃️想食啲熱嘢🔥🔥🔥咁啱有下午茶時間喎👍正，個餐勁抵有單拼同雙拼，可以喺一堆食物裏邊任揀兩項，咁天氣凍凍地就食粥啦揀咗皮蛋瘦肉粥😋😋同埋皺皮布拉韭黃蝦腸粉😃佢仲有菜乾粥啊，炒麵啊，蘿蔔糕等等嘅選擇飲品方面冷熱用品同價錢，佢都好多選擇，有一般茶餐廳嘅飲品啦，凍檸茶，凍奶茶嗰啲，仲有檸檬薏米水丫，豆漿等等皺皮布拉腸粉比起一般嘅腸粉考手工，幾好食，同埋好足料，有好多蝦個粥呢就加咗少少榨菜，所以幾有味道

今日lunchtime去咗德福果邊食見呢間都幾多選擇 有蒸魚 滷肉飯 粉麵 等等 就入左去試下😆明明多選擇 最後都叫咗個乾炒牛河食🤣🤣🤣原來佢個乾炒牛河係用個鐵板裝住一上嚟果下 真係“渣渣”聲 好爽😄食落真係好唔同 好熱🤣🤣🤣平時個温度唔會keep到咁耐份量多 牛肉都唔少 連杯飲品都大杯見到隔離枱叫咗個鐵板炒意粉 個意粉真係成座山咁高🤣🤣🤣🤣外面都keep住多人排隊1點前埋單仲可以免加一，都抵佢可以做到兩輪🤣🤣

最近啲天氣忽冷忽熱搞到全家人都病病地大病初癒 都想食返啲冇咁熱氣嘅嘢搜尋下附近九龍灣有冇啲清清地但係有健康嘅餐廳發現呢間小城知味好似性價比都唔錯一於就入去試下兩個人叫咗兩個餐霸王雞套餐包一碟菜 一盅燉湯 少量甜品 飯可以加錢轉做菜飯個雞算係幾新鮮，幾有濃郁雞味最值得讚嘅係佢個燉湯嗰日係瞓覺燉豬肉湯好好飲另外叫咗佢個新菜式檸檬鱸魚頭一啖食嘅時候感覺都幾新鮮條魚同個汁都好配合算係合格， 不過下次未必會再叫平日嚟到呢度食飯都好多人估計都係貪佢呢度性價比較高

今日收工去咗九龍灣德福食午餐。呢間小城知味午市選擇非常多，有熱辣辣鐵板小炒套餐、各色大碗飯、湯粉麵餐、午市客飯精選係 是日蒸魚餐 配白飯仲有嘢飲添🫰🏻我鍾意食雞，揀咗知味定食C3小城沙薑雞餐 ，每款定食奉上前菜、甜品各一啖😌時蔬、白飯和飲品雞肉又淋又滑，仲配備少量的蓮藕，$79尚可接受，如果唔使收+1就仲正！餐飲叫咗凍檸茶🍹