尋麻記

營業中

休息中

主打麻椒雞，用心製作的小店，專門做外賣麻辣菜式，環境乾淨企理，位於大埔墟的大街道，人流多，好受街坊歡迎，食物每日新鮮製造👍🏻 晚餐加餸一流！ 經店主介紹今次試咗幾款食物~ 招牌麻椒雞 ($138/隻)麻香氣撲鼻，見到都流口水！🤤 一隻雞份量好多，絕對夠一家人食，用大量香料醃製，味道濃郁 好入味，肉質結實 ，小辣的辣味都好夠，骨肉分離 食得好方便，值得一讚金牌肥腸 ($38 中份量)推薦，重口味之選😛！去油去脂好乾淨，好煙韌有咬口，秘製醬汁味道調味一流，好香濃惹味，食唔停口😍 底下配有白雲豆 口感軟腍手工傷心涼粉 ($20/100g)店主推介新產品，涼粉口感爽滑彈牙，配上秘製辣醬好惹味海帶絲 ($20/100g)不會令人失望的口感🥰 好味！配白飯食一流

[ 尋麻記 ]上次食過呢間四川麻辣小菜幾正，主打外賣，鐘意食辣嘅我，梗喺要再訪啦😋✿ 招牌麻椒雞🐔 半隻$78辣度有小、中、大辣🌶 麻椒雞好吃嘅秘訣就在於雞肉同靈魂香料&醬汁，醃料充足。起肉後嘅麻椒雞沾滿著麻椒香味，一口咬雞肉，嘴裡融合出鹹香&麻辣味🤤✿ 金牌肥腸 $48/大份上次食過呢款金牌肥腸，肥腸完全無臭腥味，可見豬腸洗得好乾淨👍🏻口感軟彈，非常入味，麻麻辣辣嘅感覺刺激著味蕾，食完一嚿接一嚿🤤✿ 香辣雞腎 🐥 $48/份雞腎爽口有嚼勁，開胃又美味！呢個要黎做前菜、派對/佐酒小食都非常吸引！總結🫦估唔到外賣店嘅四川麻辣小菜都做得出色，重點推介個肥腸，相信一試難忘😎✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿尋麻記地址：大埔寶鄉街35-39號寶康大廈地下C號舖電話：6905 9060✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

之前同朋友聚會食過尋麻記隻麻椒雞真係一試難忘😍今日經過即刻買反隻返屋企加餸🤭椒麻雞有大/中/小辣選擇同店員傾開計先知原來佢地三種唔同嘅辣度係用左唔同辣椒配方去烹調😮搞到我有啲心郁郁想試曬三種辣度睇下有咩分別😋不過自己食唔到太辣都係叫返小辣穩陣啲😂同場仲有好多香辣小菜全部都勁吸引🤤🤤最後買左一隻麻椒雞、一盒雞腎同一盒鳳爪隻雞巳經手撕好好似平時食白切雞、燒肉咁即開即食唔需要加熱唔洗等👍🏼一打開勁大陣麻辣味湧出嚟超香啊！一隻雞同分到兩大碟入面除左雞，仲有三款辣椒、花椒同花生配料雞肉肉質結實皮就爽彈雞味濃郁加埋又香又麻嘅調味刺激又過癮🤩酸辣鳳爪同香辣雞腎分量都好足辣度無麻椒雞咁重相對比較容易食鳳爪調味好清爽而且酸酸辣辣勁開胃！雞腎質感爽脆辣得嚟又有少少甜味一口一粒完全停唔到😂呢啲小食送酒送飯一流😋

喺大埔經過呢一間小店見到有人龍，我當然唔會錯過😝食物種類都算幾多，當中都以辣為主，每一款都極具吸引力，所以決定咗買幾款😆店員會帶起手套乾淨衛生地喺你面前手撕雞配埋獨特嘅香料，真係令人垂涎欲滴😋先來張大合照😂每一款食物都包裝得乾淨衛生企企理理👍🏻麻辣毛豆～毛豆最滋味嘅方法就係用口啜出嚟，毛豆非常爽脆，加上本身香香麻麻微辣嘅醬汁越啜越精彩🤩香椒黃金皮蛋～黃金皮蛋口感較為軟糯，配上香菜及醬汁更加特別，蛋黃呈流心狀態，齒頰留香😋麻辣香腸～ 自製既香腸，成份就係單純嘅豬肉同埋醃料，店員可以幫忙切片，白鑊微微香煎一下，已經有脆邊效果，非常惹味！金牌肥腸～豬腸清洗得好乾淨，完全冇異味，口感爽口彈牙，另外，會有健康嘅白雲豆墊底，白雲豆已經煮到非常淋，可以用入口即溶嚟形容，非常好食！十粒星推介！招牌麻椒雞～香料非常惹味，配埋香脆花生零舍有口感，雞絲份量頗多，重點係雞皮清爽，一啲油膩感都冇👍🏻

每日放工都吾知煮乜好，又唔想出街食，想在家hea下，近期搵到呢間川味外賣店。川味固之然以辣為主導，菜式方面有麻椒雞，麻香雞，乳鴿，肥腸，蝦尾，雞/鴨腳，雞腎，皮蛋，毛豆等。都係非常惹味的系列。麻椒雞有大、中、小辣，由於近日有少少熱氣所以我揀的是小辣，辣度比想像中低，正常情況揀中或大辣會更惹味更香口。值得一提的是雞肉都係現場斬開拆肉手撕然後打包好，保持一定水準。雖然係半隻雞，但份量真係吾少，足夠一家四口份量，雞肉其實好入味，辣辣的口感令人胃口大開，回家之後再烚碟碟青菜、配碗白飯，簡單而美味的一餐，樂也融融。同樣係辣辣地嘅蕂椒鳳爪，比麻椒雞少左麻味，多左酸味，酸酸辣辣非常開胃，作為餐前小食最是適合，或者作為飯後小食都會令人念念不忘的。香辣雞腎，顧其名係香加辣為主，沒有酸也沒有麻，回家直接凍食已經好好味，忍唔住要配上一杯小酒，更加完美，正是人生一樂事。燒椒黃金皮蛋，一份有3隻蛋，開邊後更6份，份量對於一家人或小倆口都適合，我對蛋敏感，沒有試，見到屋企人都食得津津有味。聽聞肥腸係店長推介系列，下次有機會買㴝孝敬下屋企人先。

去大埔探朋友，朋友住所樓下有一新店舖(尋麻記)店舖細細，但勝在食物款式很多非常吸引，所以順便買幾款美食上樓啤一啤🍺🍺，吹吹水🤣❣️招牌麻辣雞(大辣)~店員即時開工😁，熟練手勢同隻雞拆骨撕皮起肉，一瞬間快靚正👍。麻辣濃香和惹味不在話下，雞皮爽脆無油膩感，雞肉質一絲絲夾入辣椒一起食更爆出麻辣椒香味送啤酒"正”，店主温馨提示即食無需加熱味道更"棒‘’😋😋❣️麻椒麻香乳鴿~店主温馨提示回家放入微波爐，乳鴿入爐面層蓋一張濕濕地廚紙，叮一聲香氣四溢。將乳鴿一開為二，滿肚都充滿麻辣香料，而且乳鴿好大隻，啖啖肉連乳鴿胸骨都好入味🥰🥰❣️金牌肥腸~原合放入微波爐，記住要攞走個蓋😅,嘩…嘩卷卷曲曲肥腸，清洗得好乾淨，一丁點兒異味都‘’無‘’，肥腸煙煙韌韌，超爽脆入味無得頂👍👍👍，第一次食"白蕓荳"口感軟糯，非常入味

尋麻記😘😘😘尋找麻辣頂峯大埔墟美食多元化、路過寶鄉街、有間裝修光亮、廣告牌吸引我的視覺、原來是一間麻辣美食外賣專門店、以雞、乳鴿（星期六、日供應）、豬大腸、鳳爪、皮蛋、毛豆、白云豆等、仲🈶️自家製燒椒醬、脆椒….伴飯神器😍麻香乳鴿$68…看似好細隻、足夠二人享用、鴿肉封滿胡椒粒烹調、肉質鮮嫩好juicy、清香麻香味帶🈶️少許麻辣、帶出新味蕾口感！金牌肥腸（極力推介）$38、少麻辣滷水豬大腸、爽口彈牙、有口感👍🏻檸檬鳳爪$48⋯⋯夠特色、非一般麻辣或者麻油香味、呢款帶有清香鮮檸檬🍋無骨鳳爪、細嫩軟綿、新鮮感！燒椒黃金皮蛋$28⋯⋯正宗川味、適🈴️大辣的人享用、夠🈵️足😂店主細心推介食法、麻香乳鴿、可用廚房紙略濕食水、蓋上乳鴿面後、放入微波爐中火1分鐘、麻香味飄香四方、暖和享用更好味😋😘#大埔墟#川味#麻辣#外賣小食#尋麻記大埔寶鄉街35-39號寶康大廈C號舖港鐵站大埔墟A1出口步行8分鐘

#joyfood_大埔尋麻記📍大埔寶鄉街35-39號寶康大廈地下C號舖━━━━━━━━━━━━━━━━━━━━━━━━━━━━唔知幾時新開咗一間咁嘅川辣外賣店 路過發現生意都幾好 就買嚟試吓留意返嗰陣新開所以落單同包裝都有啲混亂 而且等咗幾耐 見老闆話可以提前電話or微信落單 去之前可以問問先 費事等咁耐🫣━━━━━━━━━━━━━━━━━━━━━━━━━━━━🐔 招牌麻椒雞 $138/1隻▶︎ 落完單之後要企埋一邊等包裝 得男老闆一人手撕所以效率唔高 雞嘅肚入面包住辣料 叫老闆幫手撕嘅話就會幫你撕加攪▶︎ 雖然叫小辣 但係辣度都有返咁上下 係嗰種辣舌尖嘅辣 仲有好重麻味 送飯一流▶︎ 雞嘅個頭唔算細 肉質都幾嫩滑 算係幾有驚喜🫶🏻好味指數:●●●⚫︎◐━━━━━━━━━━━━━━━━━━━━━━━━━━━━🥘 金牌肥腸 $48/大份▶︎ 大份嘅話會有成條肥腸 所以有粗嘅地方都會有幼啲嘅地方 下面有白芸豆墊底▶︎ 肥腸唔太辣 燉到好軟淋 入面都唔會好肥 處理的幾乾淨 食落係滷汁嘅香味▶︎ 好鐘意佢嘅白芸豆 吸曬啲汁嘅味之餘都有本身嘅豆香同軟糯嘅口感🤩好味指數:●●●●○━━━━━━━━━━━━━━━

呢日經過大埔街市附近，見到呢間新開的尋麻記，睇名都估到係一啲麻麻辣辣惹味嘅食物，一睇之下，有約大多款都係帶麻香的美食。麻椒獨有香味，簡直係讓人沉迷的味道。而多數要係餐廳先有得吃麻辣菜式，而家有這些外賣專門店就方便好多。麻香雞 半隻$78職員即場用手撕開雞肉同骨分離，手撕雞食落好方便，啖啖肉，肥瘦比例均稱，而胸部位都唔會好鞋，好嫩滑，選麻香原因係因為想食返原有雞味，真係無揀錯。咸度剛好惹味度高，值得推介。金牌肥腸（中份）$38一入舖已聞到麻辣香味，原來係一直用麻辣湯底煲緊大腸，令腸更加入味。這是招牌菜，麻麻地食大腸嘅好都會試多幾件。麻而辣度好配大腸味道。用麻辣做湯一定有些油，但食落都可以接受。麻椒乳鴿 $68見到原隻乳鴿入面放哂麻辣必有的花椒，乾辣椒再去煮，果然有心機，乳鴿肉非常嫩，油香豐富可口，估唔到麻辣度咁襯，這款有驚喜！無骨鴨掌$48用上檸檬汁再加辣汁，酸辣又帶甜，好開胃的小食，鴨掌都幾大隻，肉厚及爽脆，掌肉蘸到好入味，作餐前小食或者佐酒都係唔錯。整體食物質素種類唔錯，製作認真有專門用心炮製，價錢好合理，會再回來買返屋企加餸

係大埔打完波經過見到好多人排隊襯下熱鬧又叫返隻雞返去試下先——————————-外賣叫咗一隻麻椒雞同一隻麻香乳鴿麻辣雞🌟🌟🌟🌟店員將一隻雞用手撕開成隻雞連埋雞頭雞尾打包返屋企一打開好大浸麻辣嘅香味亦都感覺到用咗好多花椒八角色香味俱全麻香乳鴨🌟🌟🌟🌟而另一款叫左麻香試試麻椒同麻香嘅分別麻香雖然冇麻椒咁辣但一樣咁惹味好食————————————-見到呢度肥腸都好多人叫下次一於試一次先！

尋找麻辣中的香，在網路平台的帶領下，到訪了這家麻香雞外賣店他們燈火通明，一隻隻雞，雞內臟，蝦，鳳爪，皮蛋等跟麻辣相襯的名物都放在凍櫃內，看著就覺得吸引服務水平正常點了一隻麻香雞＄１３８沒有麻椒雞的辣椒，只有花椒的麻香，怕辣的人也可以嚐到口腔麻痺的樂趣，本身也有滷水醃過，有淡淡的咸香老闆親自用手把雞肉撕開，這樣比切開的肌肉纖維保持得更好，口感更有質素更有層次雞腎＄４８入口不硬實，入口有嚼勁但不太硬，少量麻香跟滷水味，下飯很不錯

今日入大埔Lunch, 既然一場來到， 又怎能不帶點吃的回去呢， 聽說附近有家賣麻椒雞的很有名， 很多人在這打卡， 嚐辣的我們就慕名而來了我們到達時差不多三時， 出奇地沒有想像中多人， 店內只有一、兩人在等。兩位在店的姐姐都很熱情很有禮貌。見我們在研究買什麼好時， 也耐心為我們介紹。最後我們決定買一隻麻椒雞少辣兩個人分。另外加一份藤椒鳳爪， 一份無骨鴨掌。門口在煮著肥腸， 店員就推介給我們， 我們正猶疑要不要買， 因為午餐吃太飽，想著晚餐要不要skip, 不過最後我們都買了， 也慶幸有買。麻椒雞店員會即場幫你手撕，把大的骨頭去掉，去肥，再把肉一小塊一小塊的撕下， 吃時就啖啖肉了， 拌飯和拌麵都很適合。我們點了少辣，因為怕太辣會食不到雞味， 但原來少辣都很辣，而且非常麻，雞本身應該是在肚內塞滿各款辣椒胡椒及醃料，再鹵煮過的， 但鹵水的香味鹹味都因太麻而吃不出來， 有點可惜。雞肉本身質地微乾但口感還可以。鳳爪及鴨掌都很好吃，酸爽辣，很開胃， 做前菜非常適合。反而最有驚喜是金牌肥腸， 很乾淨，多餘的肥膏都被去掉，煮的很入味，點了一份大的， 以白芸豆塾底， 白芸豆厚身， 煮得軟硬適中，非常好吃

[ 尋麻記 ]放假去大埔搵朋友食午飯，佢介紹咗間新開嘅四川麻辣小食外賣店，中意食辣嘅我決定今晚加餸😍✿ 招牌麻椒雞🐔 半隻$78辣度分小、中、大辣🌶 麻椒雞係落單後即場由店員手撕拆骨，食得方便👍🏻 打開雞肚見到大量花椒、麻椒、辣椒等香料，醃料足料。起肉後嘅麻椒雞外皮有滷水嘅滷香，皮下脂肪唔多，而花椒麻椒嘅麻香滲透到雞肉內，麻辣味好出👅 ✿ 金牌肥腸 $38/中份由多種辣椒香料熬煮，豬腸煮得入味，口感軟彈。而且豬腸去油去脂洗得好乾淨，食落無異味，但帶有辣椒香料嘅香味。另外有營養豐富嘅白雲豆做配料，口感唔錯似紅腰豆。✿ 藤椒雞腳 🐥 $48/份個人推薦呢個菜色！每份有約十隻無骨雞腳，雞腳啖啖肉唔會好瘦，已去骨但保留到軟骨。味道唔會好辣，非常開胃食唔停口😋✿ 燒椒黃金皮蛋 $28/份店家用嘅係「金牛鴨皮蛋」，係四川醃法，味道無一般皮蛋咁強烈。蛋白較鬆散&晶瑩通透，睇到內裡嘅蛋黃，配埋辣汁食夠哂惹味！總結🫦呢間外賣店嘅四川小食麻辣味辣得好過癮👅 而且店家標榜無落味精，食完又真係無平時咁口渴😲👍🏻👍🏻✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿尋麻記地址：大埔寶鄉街35-39號寶康大廈地

每次經過尋麻記總會聞到陣陣麻香撲鼻而來，但往往門外總是大排長龍，這次終於下定決心排隊一試。幾乎每位客人都會點招牌麻椒雞及金牌肥腸兩款名物，更有週末限定的麻椒或麻香乳鴿，而大部分食物均以麻辣為主，相信不少捧場客亦是嗜辣之徒。店內面積不大環境一目了然，但仍可見一排櫥窗內擺放了香辣蝦尾、檸檬雞爪等琳琅滿目的美食。招牌麻椒雞或麻香雞全部即場手撕，可見雞內原來釀滿花椒等香料，亦難怪店內總是傳出陣陣誘人香氣。麻香雞 ($138) 有別於招牌麻椒雞一樣加入多款辣椒，麻而不辣卻同樣惹味，雞肉肉質亦保持嫩滑。金牌肥腸 ($28) 標榜去油去脂的確名副其實，麻辣入味且絲毫不帶任何羶味或異味，口感軟彈並不油膩。無骨鴨掌 ($48) 加入檸檬調製，辣味比想像中溫和，酸酸甜甜更加清爽開胃。香辣雞腎 ($48) 質感爽脆並不韌實，充分吸收辣油充滿麻辣辛香。

秋天就係要去郊遊～係大埔墟見到間大排人龍既外賣店，打包左份再係隔離搭車入大尾督玩十分方便☺️麻香/麻椒乳鴿🌶️好可惜去到麻椒雞已經賣嗮！唯有要兩隻口味既乳鴿啦～兩隻原隻可帶手套mit開d肉，跟住發覺兩隻肚入面塞好多辣椒同花椒😳難怪食落感覺唔會好辣，但舌頭會漸漸feel到麻，調味唔會好鹹，唔錯👍🏻金牌肥腸（中份）感覺應該推薦人買大份，因為好好食😂我平時好少食腸的，感覺有陣味，但呢隻感覺處理得好乾淨唔會有好多油脂，非常入味，入面啲豆都俾我食嗮藤椒鳳爪🐔呢個我覺得係必食😂好細心地去嗮骨，但保留到軟骨！醬汁酸酸甜甜少少辣only食落十分開胃😛令人想一隻又一隻咁食！啲鳳爪又夠肉唔會好瘦，必試～總括而言呢間外賣高人氣都有佢原因😋希望下次黎可以買到佢招牌麻椒雞🐔