將軍會館

營業中

休息中

大時大節上菜慢 可以理解但不接受 明白大時大節客多 但你地係一間餐廳 上菜嘅flow 係你地責任限時1個半小時內交枱 我地等到臨尾15分鐘先有齊所有菜 致命點係 叫左8道菜將近一半都係凍嘅 同你地反映左個問題 你地聲稱會再整過熱嘅捭我地 但最後我地得到嘅係一個熱嘅碟凍嘅菜。。。一間餐廳 提供熱嘅菜色 唔係本應嘅咩？作為客人唔通要要求道菜係熱嘅先有得食熱嘅菜色嗎？之前團年飯食過 都還可以 但對今次嘅體驗 我地一家都感到非常不滿 對你地餐廳好失望！

呢間餐廳大大話話都幫襯左1-2年，每年都食下團年飯，得閒飲下茶，食物一向都唔錯，所以都冇咩特別，最近幾次真係忍無可忍，入面門口接待處既姐姐，態度差到無可接受，打電話嚟問嘢，直程會cut你線，不停同你講話好忙，訂完枱嚟到又係要排隊，早知就早啲嚟排隊啦，成家人有老有嫩喺門口等，入去行過，明明見到人哋有前菜食，到你想點嘅時候就同你講冇係得呢張紙既野食，最後要問咗幾個唔同嘅人先至攞到正常嘅Menu睇一睇，總之就唔想服侍你，三隻套餐是但揀隻唔食你就走咁嘅態度，揀完個套餐又會同你講冇哂，其實入嚟食嘢根本就冇得揀啦，你哋自己安排俾我哋食咩咪食咩囉，冇生意嘅時候，唔好怪人，有客嘅時候係態度咁差，開口埋口都話冇唔得閒好忙，真係忍夠呢間嘢，以後唔會再幫襯。

對於喜歡飲茶的人來說，這家餐廳絕對是一個不容錯過的好去處。這裡提供多款抵食的點心，有傳統的港式點心或創新的創意點心。香滑叉燒腸，腸粉夠滑嫩，滿滿叉燒餡。香煎蘿蔔糕煎得唔錯，有蘿蔔絲口感。豉汁煎釀虎皮尖椒有著酥脆的虎皮尖椒和豉汁的香氣，不會油膩。龍蝦湯原隻鮑魚灌湯餃，有原隻鮑魚，湯汁鮮美豐富，餃子皮薄而有彈性，每一口都能感受到海鮮的鮮味。臘味煲仔飯也是這家餐廳的招牌菜之一。這道菜以香濃的臘味和米飯煲煮而成，每一口都帶來濃郁的香氣和豐富的口感。另外叫了白灼菜心苗。最後，濃雞湯煲花膠是一道滋補的湯品，花膠軟嫩，湯汁濃郁，好滋潤。

相約住在新都城中心上蓋屋苑友人晚飯，友人引路到這家新潮粤菜館，寬敞開揚又不失私人空間的堂座，亦有廂房供私人聚會👏菜單上粵菜外更有川式小菜，種類繁多，更有多款優惠孖寶套餐👏餸菜上枱全用上菜機械人，好趣緻😉選定應時冬日名菜:古法羊腩煲 (附唐生菜一碟 )虎杉斑孖寶: 鮮果咕嚕黑豚肉; 清蒸虎杉斑咕嚕肉先上枱，熱度保持到位， 甜酸味適中，肉塊瘦身爽口，伴米飯好😋清蒸虎杉班足斤多重， 鋪面大量薑蔥絲， 熱氣騰騰， 火候啱啱好😋羊腩煲份量亦足，用料無欺場，配菜有馬蹄，腐竹，羊肉質感重，調味恰當，性價比佳😋再飲多杯玄米茶，悠然回味粤菜佳餚👏

將軍會館食過幾次，同樣保持一貫水準，今次畀我有驚喜，凍天食臘，咪無就食番個羊腩煲，當然附送唐生菜一碟， 138元。跟住飲返杯啤酒，百威推廣活動，叫咗雞皮雞絲粉皮，沙薑豬粒。呢兩個係小食嚟嘅，加一支百威啤酒，108元。上湯開邊西澳龍蝦 真係一斤喇當然伊麵上，198元。加埋茶水兩個人，五百零蚊落樓， 最主要呢度係環境好地方好 同隔離嗰度嗰台分 開好遠，前後面都聽唔到講嘢，唔會畀佢嘈住曬 ，我哋兩個當然傾咗好多嘢啦、好話說返嚟呢個古法羊腩煲，台台都叫一煲。似乎幾受食客歡迎咁，價錢又唔貴，百零蚊有得嘆，所以深得街坊食家歡迎，味道入口冇得彈，不過係要等耐少少。蚊耐啲羊腩煲幾乎煲煲係咁，間間都要等耐啲先炆淋佢嘅。佢唔係一嚟到就即刻入得口，千祈唔好搞錯呀 !雞絲粉皮，又係我所喜愛嘅，可當飯食可當小食，兩個人食到津津有味，我就飲啤酒好啲，朋友唔飲。所以益咗我囉！但係佢就 好鍾意呢個沙薑豬提粒，佢話好爽好味，呢個套餐都真係好抵㗎， 好再嚟個主煮食，上湯開邊西澳龍蝦，真係唔是祗一斤，當然啦你淨係食舊肉就得，龍蝦真係好大隻，你睇相就睇到，伊麵就一般都係咁嘅水準，食落都係好味就得，環境真係非常滿意，無論你坐出

餐廳在商場1樓，離地鐵寶琳站出口只有兩分鐘步程，十分方便。餐廳地方不小，裝修雅緻整潔，座位非常寬敞，卡位更有屏風間隔，坐得特別舒適。這裏更使用機械人送餐，很特色。餐牌上都是一些性價比高的傳統中菜。“古法羊腩煲”（附唐生菜一碟），由石油氣爐滾住食，香氣四溢。羊腩份量豐富，肥瘦適中，配上枝竹、馬蹄、冬菇等，濃香的湯汁，非常滋味，是必食之選。“熟成脆皮燒雞（半隻）”，半隻大肥雞，份量不少。香脆外皮，雞肉嫩滑多汁，口感奇佳，廚工到家，值得一讚。“鮑魚滑雞煲仔飯”，鮑魚四隻，口感不錯，鮮甜彈牙，雞件鋪滿飯面，肉質嫩滑可口。煲仔飯的香脆飯焦塗羊腩汁，原來是個不錯的選擇。“櫻花蝦椰菜炒粉絲”，用瓦煲上菜，熱焫焫，香噴噴，櫻花蝦特別入味，配合椰菜粉絲，味道一流。這裏環境舒適，廚藝出色，讓客人吃出傳統粵菜的味道，晚餐時間坐無虛席。。

今晚和老公來了將軍會館吃羊腩煲，見朋友極力推薦，一於就來試吓啦😋一入門口，感到這裡非常寛敞，坐下後，當然要叫個古法羊腩煲，原來本身會附上唐生菜的。另外，我們還叫了杏汁燉花膠，及清蒸東星班，還叫了白飯，及朝日啤酒。～ 古法羊腩煲：本身已附上唐生菜，羊腩肉厚嫩滑，炆得火候十足，件數亦多，味道傳統，是很好的禦寒美食。～ 杏汁燉花膠：大大塊的花膠、螺頭，配上杏汁一起燉，味道清甜，滋潤養顏。～ 清蒸東星班：魚肉細滑雪白，味道鮮甜無比，加上蔥絲豉油，送飯一流。整體來說，將軍會館的中式小菜富有特色，真材實料，食材矝貴，令人一試難忘，下次一定再來。

位於將軍澳新都城中心三期的一間中式餐廳，裝修非常精緻，座位及枱都非常寬敞舒適。餐牌都很多選擇。虎杉斑孖寶，清蒸虎杉斑、鮮果咕嚕黑豚肉$288鮮果咕嚕黑豚肉很快就上擡，有頗多的酸酸甜甜的鮮菠蘿。咕嚕黑豚肉醬汁收得剛剛好，顏色金黃，被適中的豐盈醬汁包裹著，被汁包裹的外皮還帶著酥脆，一口咬落，黑豚肉肉汁豐盈爽嫩，味道酸甜爽口！是一道非常惹味及受歡迎的菜式！清蒸虎杉斑，一條約一斤，面上有很多蔥絲，豉油汁鹹甜度相當好，帶出魚肉嫩滑中的鮮味！瑤柱扒豆苗 $128，有非常多的瑤柱絲及濃傑度適中的湯汁掛着青脆爽口的豆苗，整道菜清新而且鮮甜！

今晚終於約到位好久冇見的朋友吃飯，就想酒樓可坐耐些同多食物款式選，找那間，想起之前經過，門口望入環境不錯，今晚入了去吃，坐了一個角落位，好清靜舒適，看了一陣餐牌叫了竹笙扒上素  用不同蔬菜同菇製成，每款片片翠綠，爽滑脆身，好鮮鮮菜鮮香味同菇香味，清淡之選鮑魚滑雞煲仔飯  放上枱聞到陣陣香味，吃了一口飯好軟滑，鮑魚細細粒，仍然有濃鮮鮑魚香味，煙滑彈牙，雞肉身特別嫩滑，好厚香鮮雞鮮味，特色一番搭配味道櫻花蝦椰菜炒粉絲  粉絲窩上，面舖上滿滿櫻花蝦同椰菜，粉絲幼嫩，炒得好乾身爽滑，細細隻乾身蝦，烘得好香蝦鮮味，椰菜爽脆，好鮮香鮮菜味黑蒜燉螺頭湯  好重黑蒜蒜香味，螺頭彈牙，螺味好鮮香味，特濃清新甜味羊肚花膠燉螺頭  少有，羊肚同花膠大片，濃厚羊鮮香味，花膠香味同螺頭香味，爽滑彈牙，冇羊羶味，怕羶朋友可以飲下，味道多了一份清新甜羊香味，冬天暖身補湯之選燕窩燉蛋白  蛋白面上舖上燕窩，燕窩絲同蛋白一起入口，濃香奶蛋鮮味，好滑身，有層次口感

👫💕今日同老公去拍拖食好近我地屋企嘅將軍薈館座位非常多而且好寬敞 staff都好nice好有禮貌👍🏻好多梳化卡位 裝修好柔和令人坐得好舒服😌花鵰醉雞評分：👍🏻👍🏻👍🏻👍🏻👍🏻肉質嫩滑而且有淡淡花雕酒味～每一味都好有層次口感，看似平平無奇的花雕醉雞，小食作為頭盤確實令人回味鮮果咕嚕黑豚肉評分：👍🏻👍🏻👍🏻👍🏻👍🏻選用新鮮嘅菠蘿，口感外脆內軟，黑豚肉肉質非常嫩滑瑤柱扒豆苗評分：👍🏻👍🏻👍🏻👍🏻👍🏻瑤柱嘅份量超級多，鋪滿豆苗真係啖啖都係瑤柱，口感好豐富，豆苗質地好軟腍，加埋瑤柱汁一齊食真係好match玉桂乳鴿評分：👍🏻👍🏻👍🏻👍🏻乳鴿味道好食，肉質都嫩滑，係唔夠外脆皮爭咁啲鮑魚滑雞煲仔飯評分：👍🏻👍🏻👍🏻👍🏻期待比較高嘅煲仔飯，有啲啲失望，冇飯焦但係滑雞同鮑魚都超級嫩滑軟腍，滑雞加返好多好多分

早一星期打去話要book房，酒樓話要去現場落訂先有房，跟住就即時去落訂點知今日去到無房，老人家坐輪椅都唔夠位放要轉返櫈坐，燥左原來落左訂都係無用，聽到有人話有個？太太幫手book，知客就即刻打去問？太太，真係做得非常好，如果我識？太太就好喇，最後有個話得下事嘅人話送甜品比我地，我相信無錯就唔需要出呢招，所以我都無要，因為無下次

去了將軍澳探朋友，他帶我到附近商場一間中菜館食晚飯，這裡坐位舒適寛闊。首先点了個燉湯，杏汁花膠濃雞湯，一件件的花膠，很滑，軟綿綿，再加上清甜杏汁雞湯，潤口味美。冰鎮南非鮑魚，肉質彈牙，有少許酒香味，帶出鮑魚的鮮甜味道。柚子蜜蝦球，炸得鬆脆的大蝦球，新鮮爽口，加上香甜的柚子汁，非常特別，好味。豉汁白鱔煲仔飯，飯面上新鮮的白鱔加豉汁，滲落下面一粒粒熱辣辣的白飯，非常冶味，煲仔飯底層的飯焦，卜脆煙韌，好好味。甜品燕窩燉蛋白，味道適中，不太甜，蛋白很滑，加上蛋白上鋪滿燕窩，好味道。

今日星期六本身諗住一家人嚟將軍會館飲個早茶，展開新嘅一天。我哋叫咗六個點心一個蒸飯，奈何食到最尾嘅鮮竹卷，先發現有一隻曱甴喺湯入邊浮游。我哋即刻叫樓面過嚟，佢只係講咗句唔好意思，話將呢一個點心cancel。我哋即刻叫佢請經理過嚟經理過到嚟之後都係講一句話將呢個點心cancel我哋話如果一開頭就發現呢一隻曱甴，我哋呢一餐都唔會再食。經理話佢可以自己本人幫我哋埋單，但係我同佢講，我哋本身就諗住食呢餐飯俾錢，我哋亦都唔需要你幫我去俾錢，因為責任唔係你度，而係餐廳本身。呢間餐廳嘅員工處理問題手法有問題，衛生差。

將軍會館 @admirals.hk 值得再訪中菜餐廳🥢不論食物還是環境氣氛好高質😁而且菜式款式選擇多🥢性價比高餐廳裝修摩登又型格🌟光猛又舒適🥢古法羊腩煲 $138原煲上😆足料又夠大份有大量冬菇、枝竹等配料加上炆至入味羊腩仲會跟埋生菜🥬同腐乳醬真係正🥢晚市孖寶 $148 跟兩款菜式超抵食又好味🦐清炒河蝦仁配上西芹、粟米粒～口感豐富🐓將軍澳熟成燒雞 ～雞皮超香脆配上嫩滑雞肉🥢豉椒排骨煲仔飯 $68有飯焦煲仔飯👍🏻即叫即整～需時大概30分鐘想食記得提早落單😃仲叫左碗燉湯同甜品～真材足料🥢花膠爵士燉螺頭湯 $48 跟有原片花膠🥢燕窩燉蛋白 $28 #foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #hkig #ighk #hkkol #hkfoodie #將軍會館 #將軍澳 #將軍澳美食 #中菜 #小炒 #煲仔飯 #小炒王 將軍會館 @admirals.hk 📍將軍澳貿業路8號新都城中心三期1樓137號舖

香很喜愛到這間酒樓，因為覺得他的裝修令人又舒服的感覺，而且座位距離確實比較寬。嘆茶當然要找個舒服的地方。近期天氣乾叫了花膠螺頭爵士燉湯滋潤。燉湯用料足又清甜，非常滋潤👍🏻家人最喜愛吃沙薑豬手，份量都頗多，夠清爽，沙薑味濃見有午市套餐便叫了黃金海鮮炒飯。這個炒飯的味道很特別，少少鹹炒得乾身, 味道頗佳🥰鯪魚球一向是我的至愛，這個鯪魚球打得夠彈牙，大大粒，而且味道適中，不會太鹹，是很美味的點心家人喜愛吃香口的東西，當然要叫春卷。春卷熱辣辣，炸得非常香脆，做得甚為出色。我覺得這間酒樓很認真，細緻到連器皿也別出心思。單是賣相已令人覺得吸引，上枱的器皿經過精挑細選。例如這個牛肉腸便用靚靚的碟上菜。味道也很好，腸粉皮夠薄，牛肉夠多炸乳鴿也很美味，炸得夠香口又熱辣辣水晶肴肉夠厚，一層一層，我朋友很喜歡鮮蝦菜苗餃我很欣賞菜的份量夠多，配以大大的鮮蝦，確是高質的點心叫了薑汁糕做甜品、薑味夠濃，糕點軟硬適中