將軍堡 (已結業)

周六仍然在辦工室忙碌的日子, 心情之差可想而知. 來去匆匆, 叫外賣還不如落街快手快腳利落. 將軍堡的人流量和上菜速度, 在荔枝角肯定無人能出其右. 再觀其午餐例牌選擇之多, 個人認為其效率尤勝澳州牛奶. 蒜蓉雞扒飯, 落單起碟不足一分鐘但樣樣熱辣辣. 儘管飯不香且軟, 雞扒雪味重如食用膠, 但雞皮尚算煎香, 搭上味精蒜蓉汁, 好過青山道一眾同儕多多聲了. 飲埋杯苦DEE DEE的凍奶荼, 好一餐唔好都一餐啦.

門口只係一對不起眼既木門,入到去先知係咁大地方 我地兩個人食左三個下午茶餐多士+煙肉奄列+沙爹牛肉麵餐多士脆卜卜,奄列煎得好靚,煙肉好香,有少少鹹,沙爹牛肉一D都唔韌,仲好滑添,真係有D意外豬扒飽餐 麵包有烘過,都係脆口,而豬扒係即煎,又唔韌,裡面仲有一種醬汁,少少甜,好配合呀~~~西多士餐LEE個係我至愛廚師煎得好好,底面都係好靚既金黃色,食既時候外邊仲係脆卜卜.這裡所有食物都好快好快上枱如果你好趕時間就最啱不過

此店分開兩邊,一邊是茶餐廳,一邊是賣麵包的o 我每朝早都會路經此店,偶然會買下麵包做早餐,今早想買麵包時,見到有個綠茶糕,決定買黎試下,個蛋糕都幾軟熟,食到綠茶味,又唔係太甜,都值得一試..

星期六放假冇咩好做 , 就出左去接表姐放工一齊去佢公司對面既LCK批發中心掃貨 , 但係我地要先醫飽個肚 , 隨便揀左呢間茶餐廳食個lunch~~~ 四寶飯 ~ 價錢不同小異 , 有燒腩仔﹑白切雞﹑燒鴨同叉燒 , 表姐話食落去雞肉又白而滑 , 而且蔥油醬味道調較得唔太咸幾香 , 用黎點雞同拌飯食好開胃 , 燒腩仔﹑燒鴨唔會有肥膏 , 而且層外皮都脆脆地 , 只係略嫌d叉燒唔係半肥瘦。 椰香珍珠 ~ 味道好有椰香 , 就算d冰溶左之後都唔會淡哂 , 珍珠細細粒好易吸上黎食 , 份量亦唔會太多食滯人 , 但係記得要少冰會比較好。 星洲架央多士 ~ 其實咁大個女真係第一次食呢個 , 所以唔知道算唔算好吃 , 不過麵包烘得唔會好”火農” , 入面搽左好多醬 , 味道有d似花生醬多士咁。 綠茶蛋糕 ~ 一夾出黎個陣已經聞到好大陣綠茶香味 , 雖然表姐個刻已經飽左 , 不過佢都忍唔住食左幾啖 , 因為實在好正 , 我地兩個都好鐘意呢.個蛋糕夠濕身 , 而且每一口都有濃濃既綠茶味道 , $4.5大大件又好食真係勁抵 , 下次可能會為左呢個綠茶蛋糕而專登去LCK囉。

因間餐廳O係公司附近，所以得閒都會叫外賣上黎..每次都好鐘意食佢地個下午茶餐，因為好抵都唔錯..(因為次次都係外賣，所以冇影相..外賣唔靚><)其實，個下午茶餐$19..--沙嗲牛肉湯米粉--牛油多士--煙肉奄列(呢個係最欣賞的食物，好正!!)--餐飲一杯我覺得有咁多野都唔駛20蚊，真係好抵食..而且我覺得佢D沙嗲牛肉好好食呀..平時茶餐廳係火腿奄列，佢地用煙肉..感覺好好..好好食..所以，去開荔枝角，呢間可以值得試下囉..=]*

樓下所有評價都是對的，食物係中上，尤其是早上的沙爹牛肉麵，十個人黎有七個都係叫佢。服務態度？可以講係典型茶餐廳文化，雖然侍應大大聲講野同埋送餐左穿右插，但作為旁觀者其實十分有趣，而且佢地既買力程度既一般餐廳既10倍，好似每落一張單同每抹一張有commission收咁，如果有外國或內地朋友到來，我會帶佢地黎呢度睇下，真係典型中既典型。

約了辣椒女到荔枝角買東西，因早了到，便決定找地方坐坐，順便食少少。見這裡都幾多人，應該唔會太差掛，看完餐牌、便叫了一個下午茶餐，食物有腸仔火腿煎蛋出前一丁和熱奶茶。腸仔火腿煎蛋出前一丁- 食物普普通通，這是當然的，你想會有幾好！但麵給我的感覺，實在唔似出前一丁，雖然唔會好淋，但完全唔爽口，像超力光麵或大光麵多一點。(但不知會否食錯)熱奶茶- 微微的茶味、奶味好在唔算太濃，茶杯不是見慣的奶茶杯，但都幾特別。

中午12:50(約左女朋友食lunch,所以早d到)到左已經勁多人,逼住坐一張可以一邊坐1.5個人的卡位坐住等,坐左5分鍾已有2個不同的侍應催促叫野食,到了13:00,一位金毛侍應走過又催促叫野食,唔叫就要我走讓比人坐(咩野服務態度)侍應同侍應之間粗口橫飛,拿住d野食橫沖直撞,失左杯飲完0既奶茶落地,飛左粒冰去我杯野飲到都唔理,叫佢過離同佢講就好唔耐煩咁叫第二個侍應同我換,一句對唔住都無講,好似入離乞食咁(不知所謂)食物其實問題不大,普通茶餐廳質素...價錢在長沙灣區的茶餐廳算好貴

其實食品質素都係一般。不過待應做野好快手。呢個係賣點。不過間野o既衛生就真係麻麻。老細, 要注意下。

今日早d出門第一次試食呢間既早餐，7點幾已經好多人，叫左個早餐F - 炸魚柳+炒旦腸仔+茄汁焗豆+牛角包+凍啡：炸魚柳- 熱辣辣好脆應該即炸，而且都幾大塊。炒旦腸仔- 一般炒旦腸仔，炒旦好似細左DD，茄汁焗豆- 一般茄汁焗豆，不過唔熱的。牛角包- 細細個(約拳頭SIZE)，幾脆。凍啡- 濃淡幾夠味，甜度適中。$21/SET(凍飲+$2)，食物整體而言中上，係D服務態度差D仲有少少似食左火藥咁，(同枱 唔識的女士仲有個包都未食就埋黎收野#_#)

14-AUG-07 6:15PM去完888見客後, 只係6:15pm, 距離瑜伽堂仲有成2個幾鐘. 見久未踏足過荔枝角, 好懷念惜日o係將軍堡食早餐既日子, 於是衝動入去了. 伙計仍舊多, 好有牛奶公司feel. 一個人坐著卡位面對兩部高掛的32”pasma電視, 還播著不同的有線/無線台, 真覺得老闆好識做生意呢.一問之下, 還有下午茶餐(至6:30pm), 便要了一客”沙律魚柳飽餐”, 反正什麼西多士,豬扒包都不是我杯茶. 因我愛的是魚.落單之後先想起自己還有喉嚨痛, 唔應該要魚柳包喎…算! 括出去!! 飲品就要熱杏霜, 明知是開粉, 但也開得太稀吧! 只好叫侍應加點花奶增加滑既口感, 都好d…正唸緊呢客飽有多大份, 會唔會似m 記般既時候, 侍應把它放在我面前. 嘩~~ 乜咁大個?? 原來佢用既係長長的熱狗包, 用焗爐烘得微脆, 塗了牛油, 魚柳係即炸的長形狀, 金金黃黃, 未食都流口水.~~ 而且仲夾左蕃茄同青瓜以及少少沙律醬添!對不起, 要食你喇!! Umm…差d辣親咀! 呢個包集齊了牛油香, 魚柳脆, 伴菜甜於一身, 實在覺得好美味!埋單只係$19 , 仲有

同事午膳差不多每天都嚷著去將軍堡上次食評只寫了焗豬扒飯,其實鰻魚炒烏冬,焗肉醬意粉,焗芝士雞絲意粉都不錯,且午餐日日新款,即使天天去也不怕悶只是試過一次不太滿意,焗海鮮飯中的魚好鞋好乾,食剩不少未試過燒味,但見到有不少人叫燒味飯,如海蜇薰蹄,四寶飯,好多餸午餐包凍飲及湯,西湯幾好味,有時菜茸有時甘旬茸,濃濃稠稠的

$30午餐包凍飲,選了焗豬扒飯豬扒份量足,面頭D醬汁亦夠多,只是豬扒不夠入味比連鎖店的一哥還是差些距離但在荔枝角能以$30食到焗飯連凍飲,真是幾抵

今日又係羽毛球日，之後去咗呢到叫咗一個套餐：1.沙爹肥牛粉絲金菇煲 (好入味，不過粉絲就少咗啲，肥牛多)2.叉燒拼切雞 (叉燒夠瘦，如果帶肥少少就好啲，切雞ok)3.粟米魚肚羹 (不過不失，但味精多咗少少)4.白飯兩碗 (一粒粒，唔夠軟)total：$64服務態度尚滿意，可能唔係好繁忙時間嘅關係。叫咗嘅食物超快送到，唔駛等好耐！

個老闆/話得事D個個係ok但D顆記好唔掂﹐送親外賣都倒瀉晒D汁。次次order, 次次靈~ 勁過王大仙!又試過幫我接收外買既reception妹妹比佢地串﹐"我話62呀﹐你又比70我...你聽唔聽到架~ 好好玩呀?" 當時阿妹仲囉緊散紙...但如果你係哩頭住/ 做野...你知道哩頭係無乜choice架喇... >.<" 仲有呀!! 外賣魚蛋河/ 3寶/ 4寶- (一有丸類既食物) - 佢實比少粒你架! 已經3次都係咁喇~ At first i thought it was an accident, then the second time I thought it could be an coincident, but on the 3rd time I thought fine...they think I'm stupid!!But honestly, their taste is very acceptable around this area or else you'd have to walk to Cheung Sha Wan / Sham shui po