寿司九州市場

營業中

休息中

媽媽生日一家人食好野😋😋呢間係性價比好高一食再食既日本菜❤️壽司非常新鮮，紫菜仲係keep到脆架！炸雞都好唔錯！無得預先book台唯有提前去禁app等位，等到tatami房👍🏻喺餐廳切埋蛋糕都唔洗特別切餅費! 最後切蛋糕果時後面台tatami客都同我地一齊唱生日歌勁好氣氛😆😆。。。🥳寿司九州市場 (沙田)沙田沙田正街2-8號新城市廣場3期2樓A236號舖#日本菜 #japanesefood #japanesefoodporn #sushi #bday #bdaycelebration #japanesefoodlover #family #familydinner #dinner #happydinner #九州市場 #壽司 #生日飯 #momsbday #happybday #手機食先 #delicious #shatin

開學了，浩浩蕩蕩咁五大五小朋友，約埋食lunch，衝左入e間店😅好在有房比我哋安置d小朋友，每個小朋友都叫左一個兒童餐(我個仔極速食晒🤣)，最開心個有玩具送，仲可以自己揀😍👏🏼👏🏼👏🏼(臨走前仲有叔叔派糖🙈)媽媽們就各自叫一個餐，我叫左個三文魚飯餐，三文魚好鮮味，都好大碗😘（本身想叫烏冬，可以比多啖烏冬比小朋友，但烏冬無餐，我覺得唔抵🤣）跟餐有湯(入餐個ipad可走葱😍)有沙律😚有炸軟骨..個軟骨應該炸定，我覺得有點走氣了。

之前行街無意中路過，見到幾吸引就入去試下，又無意中發現原來係峰壽司集團，質素一定有保證先。呢度好有日本居酒屋feel，除左有壽司之外，仲有浜燒。大愛呢個大漁軍艦 $88 有齊四款，好足料。蟹羔壽司$22海膽一件$28 好鮮甜😋火炙三文魚 $18 火炙鰻魚$38呢個炸蝦卷 $78 好抵食又正最後，點少得我最愛嘅蟹味噌甲羅燒。N年前喺日本食過一次就愛上，係近呢幾年香港先有，但好貴，呢度就經濟d $68 only, 可惜我忘記左影相🤣🤣提提大家，如果大家唔想自己燒的話，可以叫職員燒，以免整得唔好/燒燶😆埋單300幾兩個人，值！讚

想吃壽司，大型壽司店、外帶壽司又早已吃膩，男朋友提議吃新東西。沙田這間日本壽司店開業數月，作為沙田區居民的我，一定都想嚐嚐。裝橫看似日本當地壽司店，甚至有點像日本的魚市場，空間很大，在人多擠逼的香港，能有一間店鋪面積如此闊寬的日式料理，實在難得。.餐廳主打壽司、刺身、浜燒，亦有不同居酒屋供應得熟食、小食。.比較重要的是食物質素不俗，個人認為比大型連鎖迴轉壽司店更多選擇、款式更特別、味道亦較驚喜，乃中至中上之選。.價錢方面不算貴，這晚兩人盛惠300元左右，跟大型壽司店相若，但在食物質素、環境較高Level 的情況下，我覺得有時搞搞新意，過來吃頓日本菜，比起吃連鎖店的壽司，可能更有滿足感。

一個人諗唔到食乜好就食呢間，成日行過冇乜人，但壽司都幾有特式呀。大漁軍艦係有d澎湃，好好味啊！見到都開心。四款壽司都跟有刺身，嘩！抵！四款都係比較名貴嘅海膽，蟹肉，魚子同呑拿魚腩。一口剛好，放入口中行滿足。叫左比較少地方有嘅燒魚翅。香紅魚翅帶微辛，口感好Q。可惜冇飲酒，絕配！池魚大件抵食。2片唔夠候。但味道有d淡，如果配醬油為佳。佢嘅壽司豉油都好正，淡嘅九州風味。明太子沙律好野味，好多菜同明太子，仲有三文魚刺身。一個人呢餐真係勁錫自己

在小小的餐店裏吃壽司和浜燒，然而卻是一流的體驗。首先卡位坐非常舒服，等了很久也是值得的，而且上菜的方式也是用運輸帶自動送到，很特別呢。服務員非常友善，也跟我們解釋等很久的原因。汁三文魚腩壽司非常厚切，而且很新鮮的感覺。火炙墨魚鬚壽司一吃下去就覺得不錯。最吸引的就是竟然可以自己浜燒三種海鮮，包括帆立貝和青口和蜆。當然你也可以要求廚房幫你燒，味道十分清甜，湯底還有清酒呢北海丼有吞拿魚碎和蟹肉碎還有海膽，混在一起撈飯真的很好吃。明太子薯餅也是推介的，炸得酥脆點上明太子醬。

已不是第ㄧ次光顧, 今次有新menu. 如:北海卷,大盛魚生軍艦左(火炙鰻魚), 右(北海卷)--外層是火炙的三文魚包著帶子和飯,上面的是火炙了的沙律醬,以前在峰壽司吃過(其實她們是同ㄧ集團),現在可以再吃,會成為我的必點壽司另ㄧ新品(左三件)大盛魚生軍艦, $38三件,每件都有3款魚刺身粒,雖然不是什麼腩的部位,又似頭尾或邊位的魚肉,但以$38三件的價錢及可以ㄧ件吃到三款魚的味道來說,是超值的! 而且還專登在碟放了那三款魚粒(讓人有種豐富,滿瀉的感覺)葱粒吞拿魚腩蓉軍艦(右): 這個不是什麼新品,只是個人喜歡,吞拿魚蓉多,加上外皮紫菜脆口。南蠻炸雞: 分量不多,雞肉較厚及無雪味,外皮很脆,但不算香,不過沾上沙律醬後,味道尚可,還可以去油膩感。到我至愛的大漁軍艦($88),三文魚籽,海膽,吞拿魚腩蓉及蟹肉四款軍艦,滿瀉的食材! 三文魚籽不是太咸,海膽鮮甜,新鮮不腥! 四款都很好吃! 而旁邊的是新鮮粒粒即磨的wasabi,真的絶配!希望這店可以繼續保持水準啦!

來過兩次了，這次點了份軟殼蟹壽司🍣，唔錯，配合埋珍珠飯幾鮮甜爐端燒的食物、侍應會先詢問你要不要自己燒，如果決定自己燒的，佢地會給你一個爐和說明書，自己看著燒如果決定交給侍應燒的話、一端上桌就可以吃了😋爐燒的食物是不會夠飽的、我們還是需要吃飯🤪生蝦壽司上面有蟹子，很鮮甜帶子也夠肥美的，咬下去啖啖都是肉我們還有點了蟹蓋，裡頭有蟹膏蟹肉，倒了醬油在蟹蓋中、攪拌後就可以燒。不過燒的時候要注意⚠️...要一直留意有沒有燒乾水、一乾就要加醬油到蟹蓋熟透為止。還有食的時候也要注意⚠️，注意你的荷包呀，因為一不小心就會不停encore蟹蓋，食到荷包乾硬化哦

琴日夜晚同朋友去食，人五係好多，一去到就可以入座，佢既運作係好似迴轉壽司禁，用輸送帶傳食物到你面前。在速度方面，刺身同壽司都算快泥到，而烤類（姐貝殼海鮮類)就慢少少，但你一落左單職員已經可以即刻送個爐黎👍🏻所以整體速度都算快，加上佢係用平板自己洛單。食物方面，我覺得壽司味道還可，上面個刺身都算大，貝殼類就值得一贊大粒大隻而且都好鮮甜，加埋牛油真係好好食。價錢上48蚊兩隻虎蝦，平均$18兩件普通壽司，拍得上元氣價，真心抵食而且味道可以。值得一試！

收工同老公係沙田拍拖，行到攰想食壽司，但黎黎去去都係食平民壽司店，於是搜尋一下有咩好野。係新城市三期有一間壽司店瑟縮一角，但店面好特別，好多木製品，見無人排隊就入去試下。店鋪除左有普通座位仲有塌塌米位，望落都幾舒服，最啱成班人gathering。坐低望下個電子餐牌，即刻比個壽司大盛吸引住，裡面除左魚子同墨魚之外，全部都係賣飛佛。三文魚同油甘魚好肥美，左口魚背夠晒油，最難得海膽一d腥味都無，其他都唔錯，略嫌不足係舊飯比較實，但老公鍾意，因為無咁易散可以一啖放晒入口。清酒煮貝類係我老公最愛，酒味好香，煮得啱啱好唔會過老。蟹味噌甲羅燒我係大阪食過，呢到都有當然要試一試。店鋪可以代燒或顧客自己燒，只食唔做嘅我地梗係等人燒埋啦，味道同大阪有得揮，濃濃嘅蟹膏加埋䓤花，完全滿足味蕾。下次約埋成班frd一齊黎坐塌塌米再食過！

本來是我的至愛，大漁軍艦，首先品質差了，不新鮮，味道怪怪地，紫菜淋到唔想食，海膽又小，好似放了幾日，吞拿魚味好奇怪，不鮮刺身船盛八點，完全不新鮮，吞拿魚好似嚼香口膠，尤魚干巴巴三文魚魚頭味噲湯，之前光臨此店，真的好好飲，但今次完全是差，是暖湯，已經沒有以前的三文魚頭 味，完全唔好飲，唔好食，最激氣的是按了幾次呼叫店員，也沒有店員協助。想找店員拿一個碟和斟水也欠奉，我起初以為機件故障，但原來不是，因為我按結帳的時候，店員不用30秒，已經拿單給我結帳。原來要顧客俾錢就是那麼快，為什麼此店食品質素差了，店員也服務這樣差。

星期六既沙田食肆周圍都要等位，但一個人等以為會快Ｄ，原來唔係，我由8點半等了90分鐘多先可以入去食，當時已接近last order！好彩食物質素搭夠，都新鮮，上菜速度都算快！下次一定要提早好多取飛先會食！總結：懷念日本居酒居食物的話，呢度都係唔錯選擇，因為香港食店不可吸煙，環境比日本居酒屋更舒服！

有去開沙田嘅朋友都知道， 雖然沙田係屬於新界， 但係多人嘅程度不遜於旺角， 午飯嘅時間要喺沙田市中心搵間唔使排好耐嘅餐廳都有啲困難 想避開人群，又抵食，又好食， 今次有呢一間係沙田新城市廣場三期嘅餐廳推介。 可能而家三期裝修緊， 所以冇一期咁多人。 但係仲有一啲餐廳開門營業。 呢間壽司九州市場嘅服務都係自動化， 落單埋單都可以用喺枱側邊嘅螢幕指示， 連上菜都會係一條運輸帶上面送過嚟， 就好似迴轉壽司咁。 午市有套餐，大約都係七十幾蚊， 十分化算， 套餐除咗有主食可以係丼飯或者壽司或者其他之外， 仲有麵豉湯、炸魷魚、同沙律，而一個套餐嚟講都十分豐富今次套餐叫咗壽司， 壽司都好新鮮好味， 上一次，叫咗三文魚丼飯， 亦都好好食，仲有好多三文魚， 差啲多到食唔曬 沙律同炸魷魚都好食 推介推介

☆附上當日影片手機版(有可能)看不到, 如要睇片可坐定定在大電腦前收看☆由(一田 )翻新過後帶激了一、兩間開業食肆，這間位置於一田上層寿司九州市場便是以日本餐為主店舖、 店舖以一貫木糸作為主調，分區內有卡位 /吧檯/ 面積闊落。。。餐牌以ipad形式落單快捷方便， 當日入座是平日客人不多所以直入絕無難度、 套餐方面大致有六至十款可以揀， 點選餐後由輸送帶直接運上 、人手上除了帶位/沖茶以外侍應差不多完全不需兼顧樓面~午餐方面我就選擇套餐不用頭痛, 內裏食材分別有:三文魚/油甘魚/三文魚腩/千尋海老/三文魚卷/熟海老/醋鯖魚/飛魚子/鰻魚/ 另外前菜有沙律/墨魚軟骨/麵豉湯~問心套餐其實未必每一款都合乎自己要求, 今次亦唔例外 、偏偏自己最不喜歡的鯖魚就列入套餐之內， 不過自問冇理由遷就一棵樹而砍伐整個森林、 所以最終還是剔選~在自己的飲食文化中如果沒有特別要求、最好還是選上套餐, 吃畢全餐飯後感除咗自己最憎的醋鯖魚外， 三文魚腩應該算是最為可取~由於一田百貨週邊裝修還未成熟 ,故此多間食肆進駐還有一段日子、在寥寥可數下這間日式店都可為不過不失， 至少現在好過在超市內立食硬崩崩壽司。

此店為峰壽司的姊妹店, 裝潢帶有日本居酒屋的味道。平板電腦落單夠方便, 但操作上不夠流, 畫面常自動跳回主頁。種類分得有點細緻, 每類得幾款, 需要來回往返頁面, 有點煩之餘亦予人款式少之感。油甘魚壽司 + 帶子壽司 $52飛魚子軍艦 + 蟹羔醬軍艦 + 海胆軍艦 $68葱粒吞拿魚細卷 $28火炙鰻魚壽司 $38整體來說, 壽司質量算不錯, 海胆軍艦好creamy, 之後encore咗一次。蟹羔醬軍艦的蟹羔有點鹹, 葱粒吞拿魚細卷的吞拿魚份量不多, 有點遜。鰻魚味道濃郁, 口感不錯。