影片
雖然開返晚市但小妹仍然忠誠幫襯「三餸飯」尤其係懶得煮或者唔知食乜好嘅時候😅今次就同大家介紹小妹經常食嘅小店～加加埋埋肯定食過至少十幾次啦哈哈哈🤭因為價錢合理而且食物質素較穩定！三餸飯 $36/盒🍗 炸雞髀呢個係小妹每次買必叫嘅餸菜！因為夠大塊，而且淡淡肉好滿足😍雞髀外脆內嫩，咬落去超多肉汁❤️另外個皮炸得夠香脆亦唔會話過厚真心極度推介，唔可以唔試！🐷 炸豬扒香口而不失肉汁，唔乾唔柴，味道OK🤤不過可能放比較耐，外皮唔脆但可接受🐠 粟米魚柳整體偏鹹但送飯一流！🍖 蓮藕炆排骨蓮藕清脆爽口，份量都算幾多😆排骨時多時少，有肥有瘦但味道唔錯🫔 羅漢齋豆腐健康素食人士之選🫣超級入味而且份量唔少～🍲 燉排骨炆得夠香腍而且充滿肉香🥹輕輕一撕已經可以骨肉分離，有驚喜！🥚 豆角炒蛋蛋味夠香，而且炒得唔油膩😋加埋豆角令到口感更爽脆，相當唔錯～🍳 涼瓜炒蛋小妹鍾意食苦啲所以覺得涼瓜偏甜一般般但個蛋都炒得幾香～ 有屋企嘅感覺😇🧄 炒洋蔥呢度係用細細粒個啲洋蔥嚟炒😉夠惹味得嚟幾爽口～ 好特別！🥦 西蘭花爽脆清甜，健康營養😛🥒 四季豆少鹹但撈飯好食！🥬 酸菜炒豆芽正常發揮，無咩特別😊小妹Top 5之選：炸雞髀 > 羅漢齋豆腐 > 蓮藕炆排骨 > 豆角炒蛋 > 炸豬扒⭐️ CP值：🐘🐘🐘🐘⭐️ 打卡able：🐘🐘.5⭐️ 舒適度：N/A⭐️ 再食指數：🐘🐘🐘🐘.5（5 星為滿分）
繼續閱讀